666泰船麵 (德輔道西) (Closed)

由西環行到去創業廣場，沿途都唔知食咩好，無一間睇得入眼，最後我哋揀咗呢間666，係因為喺門口聞到好香，門面亦都幾骨子，所以就入去試吓。加上之前喺灣仔好想試嗰間船面，但係排咗兩次隊到最後等唔到，所以見到呢一間主打船面就即刻入去試吓船麵係乜嘢。到去見到裝修都幾骨紙，唔係求求其嗰種，同係門口一樣聞到好香嘅香味，就開始點嘢食。梗係揀招牌船面啦，餐牌就推介豬肉船面，裏面有豬肚，豬肉丸，豬肉，同埋魚皮。湯底似係沙茶醬，金邊粉煮得好琳 ，份量唔多可以留肚食其他嘢所以覺得唔錯

偶爾喺網上見到西環開左間新嘅小店有泰式船麵食，向來鍾意瓹窿瓹罅搵平靚正好嘢食嘅foodstealer緊係唔會放過啦！見星期5唔洗OT就即管去試試佢～小店位於香港大學站b1出口附近，大約7點半去到已經排長龍。店面裝修都幾有70-80年代懷舊FEEL。等到悶悶地，冇野做都可以透過窗仔睇下師傅煮麵。等咗20分鐘左右終於有得入座喇！環境算乾浄，有5張大枱，不過坐得有小小迫。食物款式唔算多。嚟到緊係要食佢嘅招牌船麵啦，新開業優惠每碗$20！揀咗MENU推介嘅遊泰國遊(豬肉船麵) 配金邊粉(另可選米粉/河粉/粉絲/黃麵)。同泰國一樣，呢度嘅船麵都係細細碗，啱晒細食嘅女仔!豬肉船麵湯頭食得出係用咗中草藥熬製，香得嚟又唔會太鹹。配料亦都唔少，有豬潤、豬肉片、通菜等等，成個配搭都好啱Nuts胃口。食船麵唔夠飽仲有海南雞飯($25)，雞肉嫩滑，可惜上枱時已經係皮肉分離有少少扣分。飯係油飯，整體不過不失，對得住個價錢。另外都叫多咗兩個小食 – 酸辣鳳爪($25)同炸蝦餅($30)。鳳爪冇咩特別唔多講，炸蝦餅反而有驚喜! 蝦餅炸到表層脆卜卜，咬落去好彈牙，但又唔會成口油，正! 點埋泰式酸辣醬更加惹味，即時想e

家樓下新開張了一間泰國餐廳，被告知是泰國麵，當時以為是專賣冬蔭功湯河的店。去到才發現是船麵，由於對泰國船麵的認識是0，看到有船麵店開張就不想錯過了。店內環境屬於懷舊風，燈光較昏暗，裝橫見心思，與外面形成了兩種氛圍。由於是新開張，店內人流不多，店員推薦招牌船麵。新開張期間食品一律20元，大概是鼓勵顧客多試不同食品。豬肉船麵 ：湯底帶點稠身而且深色，未至於日本豬骨拉麵湯底般的濃厚感覺，但比起平日食的港式粉麵，味道濃郁得多。感覺有多種香料兼大量肉類製作而成，和一般車仔麵腩汁湯底完全不同。配料有豬肉、豬肉丸... 印象深刻的是有豬油渣，湯頭也因此變得香口，中和了本身的濃厚味道。而麵則選黃麵，但入口有點像生麵，是有嚼口的。泰式海南雞飯：雞肉滑身，份量足夠。飯是普通白飯，沒有雞油香味，口感過於濕軟，整體不過不失。泰式碗仔翅 ：味道和平日食的碗仔翅湯底不同，更濃更惹味，可能是混合了一些船麵湯底。配料方面十分足料，也和平日吃的差不多，除了木耳和肉絲之外，還多了竹笙，有新鮮感。整體感覺不俗，不知道正式開業後的份量是否會隨著價錢倍增，會再來光顧的。