金色不如帰 (又一城)

Open Now

Now Closed

喺東京連續五年米芝蓮一星嘅拉麵店，香港都有好幾間分店，呢日終於第一次試🫡▪️貝汁醬油拉麵 （6/10）💲127面頭有堆黑松露醬、牛肝菌粉同牛肝菌油，香氣四溢，加上蜆湯、豬骨清湯、魚清湯三重湯底，不過黑松露同埋牛肝菌比較搶味，蓋過湯底應有既鮮甜，中段開始覺得鹹，食完都頗口渴😲三層肉軟薄，低溫叉燒尚算嫩滑，小麥麵條幼硬彈牙，可惜份量實在太少，我係女仔嗰日本身唔肚餓都覺得唔夠喉，男仔真係食空氣🤪▪️白豚骨拉麵 （6/10）💲115試左一啖仔，豚骨味唔算好重，但就相對無咁鹹😮‍💨▪️溏心蛋（1個） （7/10）💲15另外點既溏心蛋，原隻奉上，蛋白部份滑溜，咬開蛋黃半熟狀態，而且醬油味夠入味🥚🔎 整體評分（6/10）

喺又一城想食拉麵真係無咩選擇🥸金色不如歸就係其中一個選項啦，不過價位同又一城普遍餐廳一樣，一碗拉麵都$100🆙㗎，究竟值唔值得呢？一齊試吓佢啲拉麵如何先～一打開menu就見到貝汁醬油拉麵係鋪頭嘅主打+推介，唔洗問都知一定要試吓啦😛#貝汁醬油拉麵💰$128拉麵一上台係幾香海鮮鹹香味，湯底飲落係應該用貝類熬咗好耐，因為佢望落雖然好似好清咁，但其實飲落都好香，上面仲加咗黑松露同牛肝菌！（不過食到後面開始有啲鹹咗少少🤏🏻）2塊叉燒都係偏薄，不過明顯佢哋唔係主打啦，所以都無咩特別🤣麵都係軟硬適中，麵條上面有見到小麥嘅痕跡，滑溜程度正常，麵條唔算係好滑，不過口感都唔錯。整體嚟講，想試吓嗰貝汁醬油湯底可以試吓。Feel到係用心整同埋係精緻嘅，呢個價位都make sense，en唔encore就睇個人口味見仁見智啦～

呢一日又KO一間bookmark咗嘅餐廳😄 今次係食 #日本米芝蓮一星 過江龍拉麵店！早排見到佢地有個牡蠣白湯拉麵好吸引，呢日去咗試。店舖喺又一城，一出 #九龍塘港鐵站 就係，非常方便～#牡蠣白湯拉麵 $138個醬漬牡蠣好出色！超鮮甜，又嫩滑，勁肥美！咬落去有叮一聲感覺✨牡蠣醬+ 杜蠣油+牡蠣混合雞湯，蠔味十足，非常濃郁，拉麵煮得剛好，再加埋 #慢煮叉燒 、成碗餸、麵連湯都好食～特別個醬漬牡蠣好好食，如果份量多啲就好😆呢個拉麵可以+$38 自家製豚肉煎餃（三隻） & 白桃焙茶餃子皮薄、多餡，呢個都唔錯～桃茶清清地，可以解膩👍另外一碗麵叫咗 #貝汁醬油拉麵 $128對比牡蠣白湯拉麵呢個湯底清少少，但超香牛肝菌同黑松露醬味🤤 濃味人一聞就愛上～叉燒同三層肉都好嫩滑，唔鞋#貪心的me 仲加咗 $18 #三層肉 （3片） 😂另外仲加埋 #溏心蛋 + $15就咁睇個顏色都知入味，一咬落去流心剛剛好～

放工後去又一城搵食，幫襯咗呢間日本過江龍拉麵店，佢哋東京店係連續5年拎咗米芝蓮一星🌟之前都聽朋友介紹過，呢日食完覺得真係幾好味，係屬於清爽類嘅拉麵，食材配搭都好用心👍🏻🥢貝汁鹽味拉麵 $128湯底係用蜆湯、豬骨清湯、魚清湯三種湯底調配而成，非常之清爽鮮味，又唔會膩！鹽味拉麵比醬油拉麵更清爽，我哋都比較鍾意呢個口味😋拉麵都有兩塊肉，係低溫叉燒同三層肉，口感軟腍不肥膩，幾好食～ 有大量京蔥配埋一齊食，仲有香草、白松露油、牛肝菌醬同煙肉碎，味道好夾又層次豐富！🥢貝汁醬油拉麵 $128呢款嘅湯底都係三重湯底，加咗醬油更加香濃～ 亦都有兩塊肉，而配料就變成係京蔥、青蔥、黑松露醬、牛肝菌粉及牛肝菌油，味道幾濃厚，配唔同配料食又會有唔同味道，幾有層次！又唔會太油膩～麵質亦唔會太腍～🔸一口芝士脆豚 $70用麵包糠包住炸，好香脆可口～ 豚肉捲住芝士，肉質唔會炸到乾柴，如果芝士再多啲就好！🔸紫蘇雙檸洛神花茶 $38幾清爽，紫蘇葉嘅香氣配上檸檬、青檸片，洛神花茶酸酸甜甜，可以解膩！

天氣開始涼涼地想食碗湯麵暖下，今晚同男友揀咗呢間日本過江龍拉麵店🍜 東京店仲已經連續5年獲得米芝蓮一星⭐️原來店名「金色不如帰」意思係黃金布穀鳥✨ 難怪餐廳嘅設計都以此為主題💛枱上有推薦品嘗拉麵嘅次序，做到五感體驗：包括視覺、觸覺、嗅覺、味覺、聽覺就當然係食拉麵食到𠽌𠽌聲既聲音😆🔸貝汁醬油拉麵🍜 熱辣辣嘅拉麵一上枱香氣撲鼻，香氣來自黑松露醬、牛肝菌油、牛肝菌粉，味道以蜆湯、豚骨湯、魚湯為主調，加埋醬油，鮮甜之餘帶有咸香😋 低温叉燒同三層肉各有特色，兩者肉質都好柔軟，較喜歡後者嘅三層肉，油脂入口溶化🤤 再配埋彈牙嘅小麥粉製麵條，真係一口接一口停唔到🤭🔸煙熏黑椒豚骨拉麵🍜 呢碗拉麵嘅香氣濃厚，來自黑椒嘅味道較為濃烈。拉麵掛滿濃厚豬骨湯好夾😋 店員好好，主動問我地需唔需要一開二份溏心蛋，生熟程度同味道都岩岩好☺️🔸鳥皮烏賊揚🦑 平時食拉麵多數配煎餃子，呢個咁有趣嘅小食確實另人喜出望外🤩 其實佢係用雞皮包住墨魚膠同木耳粒去炸，外層雞皮炸到好香脆，入面墨魚膠配木耳，彈牙又爽口。沾少少蜜糖芥末醬仲惹味😍 整體餐廳環境闊落，店員會安排適當距離俾每枱客人，盡量安排至少一枱相隔。食物上枱時間亦控制得好好，而

原來九龍塘又一城有金色不如帰， 餐廳是一間日本過江龍拉麵店，已在東京店連續5年獲得米芝蓮一星。 店內日式風格為主， 燈光柔和。主打自家製的金黃色貝汁湯底， 味道鮮甜，沒有添加任何味精。晚餐🥢 ～貝汁鹽味拉麵$128、貝汁醬油拉麵$128、涼拌黑松露紋甲墨魚$70、白桃焙茶$38。 📌貝汁鹽味拉麵🍜 ～ 以蜆湯、清魚湯和豚骨湯牛製而成的湯頭， 再配上日本進口海鹽，味道清甜， 拉麵和叉燒都是我喜歡的味道。 📌貝汁醬油拉麵🍜 ～ 湯底以大蜆熬製， 再加入自製黑松露醬、 牛肝菌粉和牛肝菌油， 湯底味道鮮甜濃厚， 油香味重。低溫叉燒入口軟腍，拉麵口感滑順，掛湯力高。 📌涼拌黑松露紋甲墨魚🥣 ～ 酸酸甜甜的味道，墨魚粒入口爽脆， 清涼又開胃的涼拌小食。 📌白桃焙茶🍵 ～ 焙茶解膩，白桃果味突出，清爽甜美。 喜歡拉麵的貝汁湯底， 獨特而鮮味突出。 🏷️溫馨提示～ 整個用餐體驗均屬個人分享意見， 只作參考😊。

呢間米之蓮拉麵店最近推出咗期間限定嘅極旨螃蟹套餐🦀🥟，而且每日限定50食，梗係要約埋朋友一齊去食啦～極旨螃蟹套餐-螃蟹湯拉麺🍜🦀拉麵湯底香濃，每啖都充滿蟹嘅鮮味！湯底原來係由自製清雞湯及大量原隻三星蟹製成嘅蟹湯熬製而成🤤，仲有新鮮活紅蟹煉製蟹油🔥極旨螃蟹套餐-黃金蟹肉餃子🥟皮薄足料，內餡係由1:1鮮美嘅蟹肉同豚肉混合而成，口感豐富，醬汁味道較淡，更能夠帶出蟹肉嘅鮮美🤭貝汁醬油拉麵🐚🍜呢碗係米芝連推薦嘅拉麵，貝汁湯頭大有來頭由大蜆、豚骨、魚介等熬製而成，再加上自家製醬料黑松露醬及牛肝菌醬，令湯底更有層次😋比目魚柚庵燒🐟魚肉鮮嫩滑溜，但味道清爽鮮甜，原來其中一樣餣料係秘製嘅柚子醬油🍊🫙信州巨峰木村梳打汽水好似食緊巨峰提子🍇，清甜解渴好清爽，食拉麵必飲👍🏻蘋果焙茶蘋果汁遇上焙茶🍎，充滿日式風味🇯🇵～

夜晚突然想食拉麵，就去咗又一城依間拉麵舖試下，第一次食就試下米芝蓮拉麵先啦拉麵一攞上黎已經聞到好香牛肝菌+黑松露味，心諗會唔會係fusion菜咁，湯就非常之熱，成個碗好辣手拉麵本身無跟蛋，可以+$15加一隻蛋，不過蛋無乜味麵係幼拉麵，彈牙同吸到湯汁。低溫叉燒較瘦，少少嚡。三層肉食落唔肥膩，肉質鬆化。湯算鮮甜唔油膩，混合菇菌味又幾夾，但過鹹，其實唔係好食得出菇菌菇味，除非咬正個牛肝菌碎。湯比較清，若果唔係咁鹹，我諗我會飲哂去，無其他湯底咁有罪惡感。份量加完蛋都係唔夠飽，最後加多個燒豚肉叉燒小碗飯 $58兩個人一齊分先夠。我另一半話鍾意個飯多過碗麵好可惜無影到相，依個係意料之外飯有叉燒同三層肉各3塊，由於上枱前燒過一燒，充滿油焦香。三層肉好似拖羅咁有入口即溶既感覺，飯係高黏度日本珍珠米加上炆豬肉既甜豉油+豬油，成碗飯都好香。加上鹹度適中，我都投飯一票

👩🏻‍❤️‍👨🏻：⭐️⭐️⭐️⭐️最近🤵🏻‍♂️個個星期六要返學進修，👰🏻‍♀️就趁呢啲時間去做自己嘢同扮靚靚。今日出咗去又一城整頭髮，去嘅時候比較趕，中午時段間間餐廳都排長龍，唯有餓住咁整頭髮啦。整完之後四點幾，餓到不得了，見隔離金色不如帰係米芝蓮餐廳，難得等候人潮散咗，就馬上去試吓。其實👰🏻‍♀️超怕一個人食飯，本來見到門口有吧檯單丁位，好似比較容易接受，就鼓起勇氣一試。點知俾侍應安排去坐卡位😂，不過實在太肚餓，同埋其實坐得幾舒服，隱蔽度又夠高，所以都成功克服到。👰🏻‍♀️貝汁醬油拉麵 $128 +溏心蛋 (+$15)👰🏻‍♀️好欣賞佢個湯底超級夠熱，成個肚暖哂，有種幸福嘅感覺。聞到黑松露醬同牛肝菌油香味相當突出，食落口，三重湯底（蜆湯，豬骨清湯同魚清湯）當中嘅蜆味同豬骨味都幾出，三層肉同叉燒都好香口。溏心蛋係另上嘅，味道不過不失。拉麵份量唔大，呢個價錢係比較貴嘅，不過喺肚餓嘅時候，一碗好食嘅拉麵實在有令人難以抗拒嘅魔力。IG@eateat.couple

冷泡烏龍茶為左尊重佢米芝蓮個牌頭，特登飲個較清淡既飲品，咁先可以較準確地品嚐佢其它美食既滋味。呢杯就係正常既凍烏龍茶，當然係日式清淡感而唔係中式濃厚感啦，冇乜特別。唐揚博多華味鳥即叫即炸，食得出佢既新鮮，口感嫩滑，帶有少少筋位，相信使用既係大脾肉（有d店會用雞胸肉）裹粉較少，唔會有好重既粉感，niccce!雞肉應該只經過非常簡單既醃製，食落只有好淡既鹹味，食唔出其它醃料，但雞味未去到特別突出，配合佢個蜜糖黃芥辣籽醬汁，都尚算可以。貝汁醬汁拉麵湯底使用蜆湯，豬骨湯，魚湯三合一既清湯底，加上醬油味，白松露油，係清湯裡面都屬於較為濃厚既一種，飲落有蜆既鮮味，醬油香味，豬骨湯加魚湯既濃厚，蜆味較出，所以比起一般既清湯類湯底就偏鹹，但在可接受範圍內。麵就用左幼麵，有少少掛麵feel，姐係重麵味低皂水味既麵。佢一起我就食左一啖先，當時麵芯較硬，湯味未可以融入去麵身，所以需要擺多一陣，建議大家可以食小食同叉燒先，之後再品嚐個麵。叉燒使用一塊腩肉同一塊低溫叉燒，冇焗過亦都冇炎燒處理，香氣較低。腩肉就係普通腩肉，唔講。低溫叉燒薄身，色澤並唔係常見低溫叉燒既淡粉紅色，而係熟透既灰色，食落略柴，口感差，味道

由開鋪到依家都有keep著幫襯，味道水準都無咩點變！試哂所有款嘅拉麵，最欣賞嘅都係貝汁醬油拉麵。湯底食得出有貝類海鮮味，味道好豐富，再加上有牛肝菌油，令成個湯底再昇華，係喺香港少數會食咁多次都再會幫襯嘅拉麵店。不過服務態度可以改善吓，假日店面人手好似唔太夠，想搵人落單都有啲難度。有次平日去食，要求松露油另上，畀個店員大大聲講左成分鐘話我加重佢地工作，話有小朋友先幫另上，聽到我O哂嘴，係咪欺負我一個女仔唔敢出聲。我畀咁嘅價錢，唔係40$街邊車仔麵，估唔到要咁畀佢話，做唔到我要求咪講，做客畀佢咁樣大大聲講，真係有啲嬲…所以服務方面有待改善。

可能因為冇得去日本啦同埋食拉麵可以簡簡單單，一人一碗麵再加份餃子已經好夠。平時響屋企食飯成枱都係餸都未必係我想食，有陣時簡簡單單反而仲好。今日朋友揀咗地方食飯，咁我就喺呢個地方揀咗呢一間拉麵試吓，橫掂佢又鍾意食拉麵。又一城好多嘢食㗎，所以如果唔收窄範圍，我諗有排我諗。呢間聽過個名不過一直冇機會試，講真金色不如婦我都唔知點解。不過唔理咁多，見佢企企理理又唔使點等就入左去。好快就揀咗我嘅貝汁醬油拉麵，朋友叫咗白湯拉麵再加一份餃子🥟share。當然梗係要加一人半隻温泉蛋啦。麵條粗幼冇得揀，雖然唔係我最prefer 既「一蘭」粗幼度，不過都可以接受（未至於變咗粗面）我係想講吓佢個湯底，好大片油響面，又有啲似食黑蒜出前一丁那個包醬浮左響面頭，似乎油膩咗啲喎😵‍💫雖然佢咁樣可以保持面嘅熱度，不過⋯⋯⋯其中有一片肉（三層肉）好有肥膩感，但係我又唔好意思夾比我朋友食咗佢，（換轉以前同男朋友食一定夾咗比佢啦）所以唯有瞇埋眼123吞咗落肚，當然我相信如果鍾意食肥嘅朋友會覺得佢入口即溶嘅⋯～～😅餃子佢話係自家製嘅我都覺得係嘅。唔覺唔覺仲食得多過我朋友（男友人）

去開又一城 food court 食物又唔多吸引 諗起呢度有間一直都想試嘅過江龍 一於試試佢係咪同傳聞中咁正叫左佢嘅兩個招牌（1）貝汁醬油拉麵（2）貝汁鹽味拉麵一上菜鹽味拉麵嘅湯底味撲鼻而來白松露油同牛肝菌非常突出湯唔算好熱 但冷氣都幾大 所以都好驚佢會好快凍 啦啦林食左先 冇用咁多時間打卡呢個拉麵嗅覺刺激絕對滿足到拉麵愛好者 不過食落去反而係比另一個拉麵淡好多 重口味人士真心唔建議叫 如果本身唔好咸呢個拉麵係唔錯個選擇😋到醬油拉麵 聞落去冇咁香濃 不過食落湯底相對突出 貝汁味濃好多 都好鮮甜 不過就油左小小 我覺得唔加牛肝菌油會好味d 質感會light翻小小 不過黑松露醬都算唔小 係湯底到飲得出湯底雖然係值得一嚐 不過個麵底就強差人意🤨 好淋 個麵擺多幾分鐘就跟加一pat嘢咁 呢個價錢本身會期望有得揀麵嘅硬度 份量方面當tea係ok另外加左$15叫溏心蛋 好夠味酒味夠重 係蛋黃熟左小小 叉燒就切好薄 三層肉油脂分布唔錯煮得好軟熟 另一塊瘦少少嘅亦唔柴 不過整體算ok 😌不過服務質素爭少少 鋪面當日唔算多人我亦坐係中間卡位位置 舉左手勁來耐都冇人行埋嚟幫手落單 呢方面可以改善

Came here on a weekday afternoon, around 3pm? And thus there was no queue. Very happy to discover a new ramen place at Festival walk. Also the cold winds were so strong on the day we had it. Ramen was such a good option to warm the bodies and stomach.The outside of the restaurant. I find that the shop front is not very obvious - a bit easy to miss. The inside was still comfortable to sit though. Cause we had the booth seats.Liked that they provide detailed information on the ramen. At least you

呢家係新宿嘅本店超具名氣,仲連續兩年入選了一星米芝連,打住呢個旗號係香港先後開左兩家分店,今次就去左位於又一城嘅分店,試試究竟對唔對得住呢個稱號！.🌟($128)招牌之作,三重湯底,以大量大蜆熬煮,配以豬骨清湯,魚清湯,令湯頭富層次,面頭再加上白松露油,乃神來之筆,賦予湯頭成個靈魂,白松露之香令蜆湯味更鮮更香,相輔相成.先喝一啖金黃清澈嘅湯頭,然後可以配以佐料,包括牛肝菌醬,煙肉碎,香草🌿等再飲一啖👍🏻口感更豐富🥰配料方面分別有低溫叉燒同三層豬腩肉,個人覺得切得太薄,兩者食落唔算好大驚喜...至於麵身方面用上北海道小麥粉,算唔錯但個人覺得偏腍,唔算爽滑彈牙..($128)基本上配料跟鹽味一樣,但較為重口味,並用上黑松露醬,個人認為醬油味偏重,蓋過了本身貝汁嘅鮮味,另加($15)溏心蛋,半熟半流心,純粹為左吃拉麵必定要配上溏心蛋呢個定律所以加🤣.總括黎講,湯底的確出色,建議如果想試佢貝汁嘅鮮味一定要叫鹽味,松露喜愛者都一定會愛上呢個湯頭,呢間亦都係我係香港第二間會飲哂湯底嘅拉麵,但整體黎講份量偏少,價錢略貴,如果以差唔多嘅價錢黎講 我會更喜歡 鯛白湯😋但any肥,作為東京米芝連一星,暫時