拉麵天王

Open Now

Now Closed

拉麵天王睇個名就知勁嘢店舖裝飾好有人情味好多勵志嘅句子黑天王即係叉燒豬骨濃湯拉麵配蒜油～有：椰菜、木耳絲、蔥花、半隻味蛋～叉燒薄片比較肥～蒜油好香令成個叉燒豬骨拉麵味道昇華赤天王湯底一樣～麵上面有一層厚厚嘅辣椒油～食落唔辣～但係真係比較肥膩口感麻麻～下次都係食返原味豬骨濃湯豚角煮係烤醬汁豬肉粒～細細碟5-6粒～有肥有瘦一啖一粒～好香口好有炭燒味烤餃子同煎餃嘅分別係烤出嚟皮乾～配以日本醋～裏面D餡半生熟麻麻哋拉麵真係值得一試

🌱赤天王 $85 有紫菜，木耳，椰菜，半隻流心蛋，蔥辣湯底黎講唔算辣，湯底係豬骨濃湯，除咗濃厚嘅豬骨仲多咗份黏度感，幾特別，麵條可能因為我揀普通所以冇乜特別，叉燒有3塊，比較薄身，可能個豚角煮好好食所以比較之下麻麻地，其他配料就正正常常唔會出錯，總括而言都唔錯🥰🌱白天王 $75個人認為原味好食過辣湯，其他都差唔多👍🏻👍🏻👍🏻👍🏻🌱沾麵大盛 $105熱湯冷麵係沾麵嘅傳統同埋精髓，佢都做得到嘅，因為叫咗大盛所以流心溫泉蛋都俾足一隻，不過叉燒嘅份量都係得三塊，而麵嘅份量算多😸🌱豚角煮 $25一口豚肉，有二十小粒左右，每一粒都半肥瘦適中啱啱好，入口唔油膩但係好香，叫豚角煮但其實係燒，磯燒炭燒嘅風味，推介仲有甜甜地應該有蜜糖，燒完變焦糖😻🌱烤餃子 $30（5隻）有白菜同豬肉做餡料，皮香脆唔太厚，餡料十足。平時配餃子點嘅汁或醬油有酸或者咸，呢個係咸鮮✋🏻3個人$327 價錢合理👍🏻環境服務都算唔錯

有一日小編出到紅磡番工，lunch就搵左附近一間黃店試下🤩 真心好好食，真係有驚喜🤪好得意個拉麵師傅會係出面煮比你食，你坐bar 枱位就可以完整睇晒佢煮麵既過程😎赤天王 $85叫左一款辣拉麵😋 湯底超香濃同埋食得出好濃既豬骨湯味！我叫左硬麵😋 超有口感呀！本身碗拉麵已經包左叉燒，比較薄但肥瘦適中😙 溏心蛋不在話下😚我最中意佢連埋塊大大紫菜，上到枱塊紫菜仲係好脆🤪邊打食評邊流緊口水😭 雖然lunch價格黎講真心有少少貴，但絕對值回票價😚

身處幾隱蔽既窄巷竟然係間黃色拉麵店，點可以唔入去一試雖然今日放假，但好好彩地唔使等位就有得食😍枱面有晒自助凍檸檬水同調味料落單係以自己填紙仔方式既，揀返想食既拉麵、口味、蔥同麵既軟硬度等。有個限定天王係根據唔同月份唔同季節而搜羅最合適既食材，而今期既限定天王 ($95) 胡椒大王好似幾吸引，咁就一於叫呢個，另外叫左個赤天王 ($85)。 由於驚濃口味既赤天王好辣，所以只係叫左普通口味，反而就唔係好辣，真係唔濃郁。揀左硬麵既我覺得好好食叉燒半肥瘦啱啱好仲有半隻溏心蛋好正，不過拉麵加啲椰菜好似怪怪地咁 另外就係胡椒大王！胡椒味唔算濃郁。不過鐘意佢有芝士喺面，比熱湯慢慢溶到可以拉絲，雖然芝士味就唔係好重，但係味道特別，仲加左個味付竹筍 ($7) 夾埋一齊食添。

自己是拉麵迷，對拉麵有要求，第一次遠程來食拉麵天王，叫了赤天王，麵做得不錯，彈牙幼身，湯底唐辛子味道十足，不太辣但香濃，麵感和湯底感覺與一蘭拉麵相似，但叉燒比較肥厚和彈牙，唯一椰菜感覺有點不夾，但夠健康，另外可惜冇替玉（加麵底）！員工熱情有禮，見我很多野幫我拎張櫈放好，整體不論環境，食物也高質，價錢高cp值冇加一服務，中肯評論是好食的黃店！

喺黃埔附近接男友放工，佢又話想食拉麵😂😂我發現佢10次出街食有8次話要食拉麵架🤣🤣🤣之前幾次都食左其他野，好啦，今次就如佢所願啦！細細個鍾意聽四大天王，鍾意聽歌嘅人總係對天王天后有情意結嘅😌😌 見到哩間拉麵天王，諗都唔洗諗都要試下先得😂😂😂四大天王分白天王，赤天王，黑天王同限定天王！我叫左黑天王，男友食赤天王，黑蒜油一向係我至愛，連男友至愛嘅辣湯都有👏🏾👏🏾👏🏾拉麵一到緊係要飲啖湯試一試豬骨湯底嘅濃郁情度，香濃美味👍🏾👍🏾👍🏾麵條彈牙有咬口，雖然係幼麵但都成功掛湯😋😋😋仲有半隻糖心蛋香滑美味😍😍😍炸餃子🥟香脆有肉汁，$30有交易👍🏾👍🏾👍🏾豚角煮🍖肥瘦有層次，煮到入哂味😋😋😋$25係好抵食😍😍😍值得一提係佢地嘅汽水係玻璃樽裝，特別有風味😌😌😌總括黎講就係：「會有下次」🥳🥳🥳

Day off 男友返工前陪我食個lunch至返工，近近地去黃埔食，天氣開始轉涼想食返d熱野，就決定食拉麵，一路都未試過呢間。發現現時好多拉麵店都係以呢個形式做菜單，基本都係3款選擇再加一個限定款。佢今期限定就係胡椒天王。男友一貫都係選擇左赤天王，而我就很貪新鮮地試下個限定天王先。我選擇左*淡*香油、*普通*濃度、走蔥、*硬*麵。一落枱第一時間當然嘗下個湯底先，咁先係食拉麵架嘛😂胡椒味唔算太出，比期望中唔夠辛，不過佢加左d芝士味道幾夾既，令味道無咁寡，但其實整體味道係偏咸既。🤔而麵底方面，做到*硬*麵，但都屬一般。叉燒算係做得比較好，鍾意佢係肥叉，淋身得黎有口感，又油香。男友呢個辛辣味都出到，但都係偏咸。試左木耳絲煮得唔夠淋。相對黎講，小食做出比較出色。呢個豚角煮燒得香噴噴，肉質彈牙肉味濃。另外，餃子皮薄脆口，內餡肉鮮多汁，也是不錯。味蛋都幾欣賞，做到溏心剛剛好，味道正好點點咸香，唔會無味或太over。芝士年糕本人就比較少見燒既，比炸的好食，感覺更軟綿綿，口感good。今日剛好有六折，係抵食既～

自從黃埔開通左地鐵之後，去個邊搵野食實在方便！今次專程黎到食一間拉麵小店，黎到門口已經覺得好有日本拉麵店既風味店內空間雖然唔大，但係吧枱位置面對住師傅排排坐，真係好似日本拉麵鋪咁拉麵有4款，口味濃淡、麵底軟硬都可以揀岩自己口味先送上飲品，原來coke zero都有樽裝 真係第一次飲叫左個黑蒜味既黑天王，先飲啖湯 湯底好香好濃黑蒜味，拉麵彈牙，加埋隻半熟流心蛋 好好味！男朋友嗌左赤天王，試左一啖 辣辣地好過癮！另外再嗌多兩個小食，烤餃子🥟同芝士年糕。烤餃子做到個皮脆卜卜，外脆內軟 正呀！另外個年糕煙煙靭靭都唔錯。

繼續拉麵之旅，今晚收工和男朋友來到紅磡，為了試食拉麵天王。位置在google map有點不準確，是對面街的位置再轉入橫巷。店內都有20個座位。今期的限定天王是櫻海老和胡椒。胡椒天王鋪了一層日式芝士，湯底胡椒粉咪勁重，芝士溶了味道就不見了，黏在麵條上和粟米一起吃又不錯，整體味道有點像西式的黑椒芝士。招牌赤天王非常出色，湯底雖辣但不嗆，刺激味蕾，而且仍嚐到豬骨湯味！半熟蛋，甜而香滑。建議選偏遠麵條，非常夾赤湯底。豚角煮厚脂重，微焦更令肥肉香味四溢，必點小吃！另外這裡的芽菜亦好開胃，比赤湯底更辣，但令人愈食愈上癮！下次要回來試白天王和黑天王。

市面上有好多日式拉麵，亦有好多可以自選湯濃度及麵軟硬度等等…最重要係你揀咗，係咪跟足你意思做到先……白天王拉麵(豬骨湯)赤天王拉麵(辣湯)，辣度大眾化黑天王拉麵(黑蒜油)今日限定有兩款：味噌同胡椒芝士我揀咗限定胡椒芝士，大量芝士碎，見到已經興奮咗，食埋仲開心。四款嘅共通點：1，都係有紫菜，黑木耳，半熟蛋，蔥，椰菜，幼麵2，如果揀濃湯，麵就好味，但湯就因為偏鹹而飲唔哂3，麵嘅軟硬度都跟足要求，讚4，兩片义燒係半肥瘦薄切，合格限定嘅胡椒芝士有粟米，湯底胡椒味好正，芝士溶咗可以拉長，食得好開心。總結：值得去食，但記住想飲哂啲湯就唔好叫濃味啦

身為一個拉麵迷，知道黃埔有拉麵天王當然要試下啦 ！話時話個門口都幾有日本feel～呢度有好多湯底可以揀，我鍾意食濃而朋友就鍾意辣，於是就分別點左黑天王同埋赤天王好多人對拉麵既口感都有唔同要求，我自己就鍾意食硬d既拉麵，所有點餐個陣就填左要硬既麵。個點餐紙簡直可以滿足曬我所有既要求等左一陣野食好快就黎，個人認為黑天王既湯底真係唔錯，鐘意濃湯既朋友一定滿意拉麵既分量亦都好多，硬度都好啱我心水，最後食得好飽而豚肉味道都好濃，肥膏都唔太多同朋友亦叫左d小食，分別係芝士年糕同豚角煮，上左正餐無耐小食都好快就到了。個人認為芝士年糕不過不失，唔會太漏，而豚角煮都幾厚身，味道都夠香濃整體黎講呢間拉麵店真係唔錯，拉麵迷可以黎試下而且黃埔唔太多拉麵店，有機會一定會再黎

今日心血來潮，專登遲一個站落車去食我最愛的拉麵，係黃埔A出口前行第二個巷仔就見到，門口掛有紅色燈籠，唔難搵。一敞開門就聞到陣陣肉香味，雖然係平日晚上六點半左右，但已經半滿，可想而知呢間拉麵人氣旺盛。因為是日自己一個人所以安排坐了巴台位，雖然係咁，但因為呢間抽氣系統攪得好，食完都唔會成身味。點餐紙好簡單，我當然係點番最愛的赤天王配餃子啦。佢每一段時間都會有2款限定天王，今次係胡椒天王同海膽冷面，因為距離個牌有d遠所以冇影到俾大家睇👅大愛赤天王，辣而不嗆，而且仲嘗到豬骨湯底味。麵底係我想要的硬度，啱啱好又彈牙最正係個蛋，佔上湯底的辣油係面，食落好香口，口感更有層次即叫即烤，熱辣辣，內有椰菜，30蚊有5隻，價錢合理。汽水係玻璃瓶的，出面買小見小，所以好抵飲簡簡單單又一餐，心滿意足

同同事到附近食飯，周圍行又見到間似幾正宗既拉麵店，馬上入去試試。店內裝修幾有日本風，有拉麵檔可以睇師傅表演。Menu幾簡單，正宗既拉麵店其實都唔會好多選擇。拉麵有四款：白天王-豚骨湯、赤天王-辛辣湯、黑天王-黑蒜油湯、限定天王-天王師傅會根據季節選用當造食材製作時令拉麵。一場黎到，當然試食限定王啦。朋友就揀左赤天王。今日既限定天王係胡椒天王。佢地既下單紙都係傳統日式拉麵店style，可自選湯底、麵質、肉、蔥等等。《限定天王-胡椒天王》一上枱就不得了，十分邪惡。濃濃既胡椒香味傳入，濃厚湯底上仲有滿滿既芝士，邪惡到極點。芝士慢慢溶化，融入湯底。一入口，芝士軟滑，麵條煙韌，口感十足。味道方面：濃香既黑胡椒，配上芝士，非常重口味。配菜方面：豚肉有兩大舊十分闊綽，肥瘦均勻，肉質嫩滑。《溏心蛋》除左拉麵，我仲點左一個溏心蛋。溏心蛋表面光滑，切開裡面半生熟少少流心。入口軟綿綿但未變液體狀，少少甜，好滿足。《赤天王》朋友好鍾意食辣，呢個辛辣湯底岩哂佢。麵底配菜大致上同我個胡椒天王一樣，只係湯底變左辛辣豚骨湯，而且無配芝士。我只係試左一啖湯底，湯底香濃，有少少微辣，非常惹味。朋友都覺得幾岩佢口味。埋單一

紅磡舊區中既餐廳有朋友推介一試拉麵全餐廳都好日本感覺，點菜選擇都係傳統日式拉麵店的差不多，叫左碗赤天王，簡單係紙上圈圈就ok 食拉麵個湯底係好緊要，味道選了香濃，個豬骨湯就比較油膩的，不過入口香甜清新，辣味我接受到。拉麵係幼麵，夾起連住不斷的，咬落爽口彈牙，仲有一點煙靱，唔錯。义燒有點肥，肉質都好淋，入口d肥已經溶左，所以唔覺膩糖心蛋好滑流，一入口就滾左入喉嚨，好香蛋味，蛋汁好juicy, 正

朋友喺poly放7點佢建議試下拉麵天王由於我地2個都好少入黃埔，所以喺紅磡盲中中咁搵路入黃埔拉麵天王門面好有日本既感覺😍俾人感覺好專業店內唔係好大，同日本拉麵店真係幾相似 呢間餐廳有5款拉麵:白天王、赤天王、黑天王同限定天王，其中限定天王有蕃茄天王同胡椒天王坐底之後，店員遞左紙俾我地揀食邊款食物我地2個梗係揀左唔同款，可以分享嚟食呀嘛小豬揀左胡椒天王見到湯底就知冇揀錯！視覺上同嗅覺上都feel到充滿濃郁既胡椒😍餐廳既胡椒湯唔係好辣(利申:小豬本身食得辣既😬)，個胡椒好惹味估唔到拉麵上面會放左芝士，溶溶地有拉絲真係好正🤗麵質我揀左普通，拉麵都算彈牙，唔算稔身叉燒有兩塊，都幾大塊架！仲帶少少肥如果厚身少少就正d啦 朋友揀左赤天王呢個係真係幾辣麵質係硬，口感好似啱我d我下次都會揀返硬身烤餃子都係第一次聽，豬肉餡好足，有肉汁 見到呢碟豚角煮，問左個店員姐姐兩款肉有咩分別上面既豬肉係煮完再燒下面既叉燒肉切粒 雖然燒到黑黑地，但完全冇燶味味道甜甜地，脂肪雖然幾厚但冇肥膩感👍🏻朋友唔鍾意食肥肉，所以我食晒成舊，哈哈！唔知下次限定天王會岀咩味呢😋😋