MâmAmis

Open Now

Now Closed

上次經過上環已經望到呢間餐廳個外型好吸引，以木系同植物裝修為主，感覺好休閒，入到嚟都有唔少外國人用餐，餐廳幾受歡迎，全場滿座▪️越式咖哩雞$188咖哩質感濃稠，以小爐盛載，keep住溫度，唔辣，帶椰香味▪️越南火車頭$148一嚟到就聞到隔離嘅外國人食Pho勁香，所以忍唔住揀左🤣好香濃嘅牛肉味湯底，加上九層塔洋蔥等等嘅配料，味道豐富，火車頭有齊牛丸、牛腩、和牛片同扎肉，推薦必食😋▪️越南春卷$128春卷炸到金黃酥脆，入面有粉絲、雲耳等等配以生菜同醃蘿蔔一齊食，感覺冇咁膩▪️蒜蓉包$48一份四件，麵包底鬆軟，唔會切得太厚，蘸上咖哩一齊食，Perfect!▪️甜蔗蝦$36/隻係我近期食過最好食蔗蝦～！蝦膠彈牙爽口，食落啖啖肉，蔗亦都好甜，配上自家製醬料，酸酸甜甜。溫提：最少要點三隻▪️鹹檸檬梳打$48味道酸爽，夏日必備～▪️新鮮青檸檬茶$48青檸茶解膩清新，亦唔會太甜🫶🏻▪️Seasonal Panna Cotta $68當日去到有泰式奶茶同埋斑蘭兩款，個人幾喜歡泰式奶茶，滑得黎茶味都幾香，斑蘭味偏甜呢度服務真係一流，店員好細心，會主動提供濕紙巾等等，而且食物質素好好，亦可以坐耐啲傾偈🩷🩷超推薦

好耐無食越南野，早排碌ig見到又心癢癢，捉左朋友黎試呢間靚靚越南菜😚。喺香港食越南菜先入主都覺得係食pho，環境通常一般😂。但呢間餐廳裝修好靚好有feel🥺，好似去左越南咁😳 🔅炭燒越式豬頸肉 ($188)越南野必食之一，但同時又好易中伏🤫，不過呢間我同朋友大讚好出色😚。豬頸肉🐷燒到微燶邊，夠爽口又夠嫩👍🏻🔅串燒拼盤 ($158)見人comment串燒唔錯所以叫黎試下。有牛同雞，或者mix各3串。🐥肉質嫩滑，好香口，點埋醬一流😍🔅越南蕃茄蟹湯檬 ($168)呢碗見好多人都有叫所以跟機😎。蕃茄湯🍅幾鮮，蟹味好濃🦀，無味精👍🏻。大大隻軟殼蟹炸到好脆，加埋扎肉、豆腐同肉丸等配料好豐富😋🔅越式咖哩雞 ($168)咖哩有淡淡椰香🥥，無骨雞件好滑🤤，薯仔🥔勁腍勁入味。值得一讚直接用小火爐上菜，keep到熱，天氣凍都唔怕😌～🔅蒜蓉包(4pcs) ($30)🧄包好香好脆，唔怕口臭既真係必叫🤣🔅新鮮椰青 ($68)🔅自家製雪糕店家免費送，有越南咖啡同椰子味。雖然係自家製，但仲高質過出街食到既😂💬Overall同朋友都好滿意💮～雖然餐廳喺馬路邊，但環境唔會好嘈雜，店員又超級nice，野食都相當唔錯😋，值得

🇭🇰MâmAmis·呢間我哋之前係附近飲嘢見到已經想試㗎喇 不過嗰陣時我哋太夜 佢已經last order左 今次就終於有機會再嚟😎·炭燒越式豬頸肉$188 l 越式咖哩雞$168 l 蒜蓉包$30我自己就最鍾意佢個豬頸肉 佢個豬頸肉肥瘦比例好好 配埋佢個甜甜辣辣嘅汁幾開胃🐷之後佢個咖喱都係熱辣辣 入邊嘅雞都好嫩 好滑 不過我自己覺得呢間餐廳整體調味都偏濃味嘅 個咖喱都係偏辣少少同鹹少少🍛🤣🤣之後我地仲另外嗌左個蒜蓉包 佢呢個好脆 牛油味同蒜蓉味都好濃 唔錯🧄·越南蕃茄蟹湯檬$168 l 炒時菜$108 l 椰子雪糕$48另外我地仲嗌左個蕃茄湯檬 佢呢個入邊都幾多料 有個蟹肉丸 扎肉同埋軟殼蟹 不過我自己就覺得佢呢個湯底真係有啲太鹹 佢好濃蟹肉味既 呢點幾有驚喜 但係我自己覺得真係太重口味 可能嗌返普通嘅牛肉湯或者雞肉湯會好味啲🤣🤣之後佢個椰子雪糕都幾好食 佢係真係勁重椰子味 好似食緊椰子肉咁🥥·#rbyeat#rby東南亞菜#rby上環·📍上環禧利街27號富輝商業中心地下A&B號舖

呢間充滿復古氣氣嘅越南菜由外到內嘅裝修都充滿特色,整個環境好舒服.服務細心而且好親切,店員仲好有心咁推薦佢地嘅菜式.蝦沙律卷大大份越式米紙卷外層米紙卷充滿米香質感薄得黎又煙煙韌韌內裏充滿大量米粉。蔬菜絲。蝦肉。札肉口感豐富而且充滿層次感連米紙卷附上帶住花生香嘅醬越南春卷炸越南春卷唔會好油膩春卷外層好香脆內裏帶住肉碎及木耳餡充滿肉香加上特調酸甜汁降低油膩感越南牛腩煲牛腩煲好入味!牛腩肉質軟腍得黎又帶有肉嚼勁牛腩帶住濃郁牛香但入口又唔會覺得太肥膩牛腩煲加入大量紅蘿蔔令味道好甜用牛腩煲醬汁配蒜蓉包同樣match越式咖哩雞黃咖哩好香濃而且又唔全好油膩咖哩味道帶點椰香又香甜雞肉煮得好腍又嫩滑再配搭充滿薯香嘅薯仔送白飯或者配蒜蓉包都好夾越南特色辣牛湯檬特色辣牛湯檬配料好豐富整份湯檬份量都好滿足湯底帶住牛骨香,同時亦帶微微辣勁入口好惹味而且湯檬索晒湯底精華配埋大量洋蔥絲及香葉令味道更豐富斑蘭九層塔雪糕好驚喜！味道好特別平時見九層塔大多都用黎煮熟食但用係甜品上真係好少見將九層塔配上斑蘭再加入椰奶雪糕整個味道好fresh!又唔會好甜膩食完咁多重口味菜式後食返啖斑蘭九層塔雪糕即刻清新一下口腔越南特色滴漏咖