早安越南 (Closed)

今日來到黃埔，check下openrice有咩好味嘅店舖。search到呢間越南嘢，入來試試。結果令人失望。首先，點了一個特色咖喱牛腩飯。有咖喱，牛腩，紅蘿蔔，同埋飯。應有嘅嘢都有，但就係一個茶餐廳嘅質素咁囉，無乜特別。但價錢就貴過茶餐廳🤷🏻‍♀️跟住點了越式炒金邊粉。真係唔明點解有人推薦做熱門茶式？先講啲金邊粉，係超級sticky，好痴架喎！一大堆金邊粉，痴住一pat pat，啱啱烚熟咁款，呢隻橙色係想扮越式風味，但隻色係令人覺得非常多色素，唔敢食。味道亦唔夠，唔鹹唔酸，想點？蛋絲，札肉，雞肉，芽菜，同蝦，全部有幾條。我真係唔推薦囉，無下次呀真係，有無人話我聽點解會有咁多好評？唔通我無食中啲好味嘅嘢？

今朝係附近玩完之後，想食越南野，所以就黎左呢間餐廳到食野。咁岩呢個時間係lunch time，所以有lunch menu，點都會抵食過單嗌既。我就叫左一個越式炒金邊粉加龍眼冰，總共係77蚊。呢個金邊粉唔知係咪因爲係越式，所以同我想像中既有d唔同。個粉既顏色好紅，不過就一d都唔辣，有少少酸。口感唔錯，佢唔會炒到好濕。不過料就少左d，得d札肉、蛋同兩隻蝦，感覺上寡左d，但味道都唔錯既。個龍眼冰就正常發揮啦，唔係太甜，龍眼肉都幾多。不過係個粉咁少料，同埋碟粉唔係太大碟既情況下，要77蚊我就覺得貴左d囉。

自從有咗地鐵之後確實真係多咗去黃埔食飯，黃埔紅磡一帶真係好多美食，今日就選擇咗依間餐廳坐位都舒服，唔會有壓迫感晚餐有set選擇，我地就一人㨂一個睇落已經俾佢色澤吸引，好多金邊粉得個顏色，食落可以冇味嘅，但依個又唔錯喎，酸酸甜甜咁，炒得亦好香，好食湯底夠濃味，但唔會死鹹，而豬扒都醃得入味，肉質都唔會好鞋，整體係不錯嘅我地套餐外仲叫多左個雞翼，真係幾香蒜蓉味喎，雞肉都仲可以保持嫩滑，外脆內軟👍🏼👍🏼👍🏼最後飲返個鹹檸梳打，爽～今餐都好滿足了

同女友在黃埔睇完戲，找個地方吃晚飯，在旁的商場已有很多選擇，我們選了這間越式食店一人一dinner set再加一個小食我的dinner set: 鵝肝醬帶子炒飯-炒飯粒粒分明，帶子頗大粒，而且爽口彈牙她的dinner set: 越式炒金邊粉-酸酸甜甜，有點像茄汁炒，好開胃，好易入口，令人不知不覺間愈食愈多小食：越式特選細拼盤-有蒸粉包兩件，外皮軟滑，配合內裡爽口清新的餡料，形成兩種對比很大的口感；香茅雞翼兩隻，雞翼都辣辣地，但香茅味幾重；春卷四件，脆得黎唔乾身，正椰汁珍多冰 - 椰汁椰香味濃配合爽滑嘅珍多，令整體味道同口感提升到另一層次薄荷青檸冰 - 濃濃青檸味藉著梳打二氧化硫的蒸發，香氣撲鼻

之前嚟親都係食lunch or tea，今次終於食dinner 😂😂同朋友兩個人嗌咗炒金邊粉、鵝肝醬帶子炒飯同埋一份越式細拼盤兩個主食送嘢飲，我地嗌咗珍多冰同三色冰金邊粉先拔頭籌，落單五分鐘內就上咗！ 好夠味、料亦好多，係必食之選！細拼盤有春卷、香茅雞翼同蒸粉包！每樣兩件 我最鍾意個春卷！同港式春卷好唔同，無試過嘅朋友一定要試下！蒸粉包其實係類似腸粉但裡面包咗啲越式餡料，我喺越南都有專登嗌過嚟食😚有成粒大蝦喺入面！最後炒飯雖然無乜鵝肝味，但係帶子真係好多😱加埋西芹啲爽脆口感，一流🤪飲品唔使加錢，抵讚！

今天和姐姐去完髮型屋，她帶著我的姨甥女一齊來。之後我們決定去黃埔逛逛，因為從尖沙咀到黃埔距離不是太遠，坐港鐵也很方便。 我們去了冒險樂園， 這裏的比家附近的大很多，超好玩，大人都喜歡🤩玩完之後，我們相約姐夫一齊到黃埔美食坊晚飯，這天下雨， 室內餐廳到處都是滿滿的人，所以隨便選了一間不用等位的餐廳。看了看餐牌，食物合適，我們就坐下來了。一行5人，我們點了：《越式特選大拼盤》每次吃越南菜都一定會點這類的拼盤，什麼都有，這拼盤有扎肉/ 炸蝦餅/ 蒸粉包/ 香茅雞翼/ 春卷，我最愛吃蝦餅和雞翼。《越式軟殼蟹米紙卷》這個米紙卷包住很多蔬菜，清新又爽口，吃多點肉也不怕。《蒜蓉炒貴妃苗》再來一點青菜， 這個是豆苗的bb，用蒜蓉炒必定好吃。《菠蘿海鮮炒飯》這個菠蘿炒飯跟平時看到的有點不同， 不是用原個菠蘿 盛載。《原隻燒魷魚筒焗飯》這個菜式特別， 但略嫌飯較濕導致有點過軟。《越式炒金邊粉》金邊粉炒得乾身， 裏面有少量海鮮。《香茅蘆薈》點了這杯香茅蘆薈，淡淡的香茅味感覺清新舒服。

今日落街同屋企人食晏，去左食越南菜 - 早安越南，個名好得意😛 一直覺得越南菜同泰國菜有d菜式方面好似，雖然食完都唔太識分，但都係好好味啦👅 冷盤我地嗌左越式酸辣鳳爪同涼拌秋葵🐔🥗，嫲嫲兩個都鍾意食👵🏼 鳳爪酸酸甜甜咁好開胃，唔算太辣，啱唒!🤤 秋葵有碟好特別嘅汁料，俾我地點住食，可以辟一辟d青味，我平時都唔食秋葵因爲覺得有陣好青嘅怪味，但呢度嘅汁有d蒜香加越式香料嘅味，點落去食好夾👍🏼👍🏼 主菜我地嗌左馬拉盞海鮮炒飯、香茅牛肉炒河，同埋越式炒金邊粉😆 大碟又好食，口味幾正宗，好惹味☺ 每一碟仲有生菜伴碟，令視覺同味覺上感覺無咁油膩。d料都好多，海鮮同牛肉都好新鮮，唔似急凍嘅味道，值得一讚👩🏻‍🍳 食到差唔多時，我地叫多個馬拉盞炒通菜，味道不過不失，食落好香又唔揩，偽健康一下哈哈🥗 環境方面都值得一提，neon light board睇落好有feel📸，燈光亦令到氣氛好舒服，有放鬆嘅效果，好適合一家大細或者同三五知己一齊嚟食😚

今晚條越南癮又發作, 要搵D 越式野食止下癮。Search 附近地方, 最近就係呢間早安越南, 就即管試下。入座時未夠7 點, 唔需要等位。好鍾意呢到既裝修, 比一般越南餐廳modern, 燈光比較暗, 幾有情調, 坐得舒服, 服務態度好。menu 都有好多選擇, 但食越南野我鍾情蔗蝦, 金邊粉, 今晚都唔例外呀, 另外叫多個菜健康下。呢到既庶蝦比我平時食開既大, $82 有4大舊, 炸得金黃, 唔會太油, 蝦肉爽口彈牙, 舊蔗仍然充滿蔗汁, 配埋最夾既甜酸醬, 仲有最緊要上枱仲係熱la la 的,好味道。我既最愛-越式炒金邊粉($80), 炒得乾身, 唔會炒到好油,唔會炒到一pat pat , 甜甜酸酸的, 味道岩岩好,  有蝦, 有扎肉, 芽菜, 蛋絲同炒, 面頭仲有D 炸乾蔥, 撈埋一齊食, 更加好味。 馬拉盞炒通菜($67), 咁多種炒菜, 最鍾意都係食馬拉盞, 夠惹味, 呢到炒得唔油, 唔會炒到好老, D 菜仲好脆綠。總括: 唔錯, 最鍾意D 食物夠熱, 會再來的。

今天晚上跟男朋友到了住在黃埔的姨姨那邊探望她。。 之後晚上跟她一同到黃埔美食坊吃晚餐 由於黃埔站也快通車。。所以這個黃埔美食坊好像多了很多餐廳經過大家商討後，決定吃一點口味濃一點及惹味一點的食物。。。所以我們便決定到了這間“早安越南”吃越南菜。。。 姨姨雖然身住黃埔，但她也沒有到過這間吃飯 ，因為她比較多在家吃晚餐的。。所以今次我們能一同出外吃食一餐第1次進食晚餐，也感到十分開心和期待由於是平日的晚上，餐廳人流不算太多，我們也不用等候便可入座。。看到門面以藍色為主題的。。而且感覺裝修也別具風格，很多外牆，門面和餐具也有這粒紅星作為logo餐廳內座位也十分多，而且可以看到出食物的地方。。。我最欣賞的是餐廳內的裝修很多牆壁也有一些代表越南的圖案，而且餐桌和餐椅也十分有特色除此之外，照明的燈也經過特別設計所以坐下來的時候就是令人很放鬆，像置身於越南的地方吃越南嘅食品不論餐牌，餐紙也有這粒紅星感覺餐廳的主題十分突出，十分一致想特別介紹一下，每張桌上也有這三支調味料。。。相信大家也不會覺得陌生。。。因為當我們吃越南餐的時候都是必備的左起這支是越南辣椒醬，味道微辣，帶有略略的甜味。。我覺得也十分開