泰海鮮 (Closed)

Other Info. : 長髮姐姐接待專登安排露天位，天氣酷氣專登叫職員推風扇給我們，嬸嬸們亦很樂意為我們安排，都認得我地每個月都會帶狗仔黎幫襯五百一千，誰知黑臉短髮阿姐出口阻撓！還故意大大聲責罵嬸嬸們比說話我聽：要嘆就坐入面有冷氣，只係兩個人搞咩咁多野呀！我唔想嬸嬸難做，無風扇無緊要啦，坐出面較熱都預左，算啦。 美女從洗手間回來後問，風扇不開嗎？我就一五一十講返個故事。女女立即扯火：兩個就唔係人呀！姐姐嬸嬸們一向都會過來跟我地及狗仔打招呼，摸摸狗仔。黑面短髪阿姐再次走來喝止，再次故意責罵職員們：跟我做野唔準玩呀，好得閒無野做咩，唔準玩狗呀！隔離其他食店都好忙，係咪想轉工呀！仲要每隔段時間再重複比我聽，第三次時我真係火都黎，想爆鑊佢講夠未呀！但女友叮囑我冷靜一點。 眼見食客唔多根本唔算忙，姐姐嬸嬸們禮貌地親自過來跟我們打招呼就係度妒忌，葡萄職員們跟食客們混熟！你就好自己檢討下態度，黑口黑臉無朋友，一把年紀咁大個人招呼都無一聲。搞到職員們遠離我張檯範圍，好似有傳染病一樣！我要添茶、落單、叫啤酒都要叫到老遠，或要等嬸嬸們路過，您依家玩我地嗎！長髮姐姐接待路過問：您地唔開風扇嗎？ 美女氣難下，詳述經過。長髮姐姐稱黑面短髮阿姐都經常被投訴態度惡劣，真係唔好意思，不要嬲啊。其實我係替嬸嬸們不值之麻，為何要為難她們。跟食客們打招呼，做服務業係正常不過的事，莫非好似黑面短髮阿姐趕客的態度咩！初來幫襯時，黑面短髮阿姐做門口接待，見到有狗仔已百般不滿，就算入袋坐室內都多多說話。從此以後我地決定坐室外，狗狗不用辛苦不用入袋呢。唔講仲以為係老闆，經查詢後只不過類似主任一名！某日我地坐室外露天，真正老闆見我地帶住狗仔亦沒有任何不悅之色，只是吩附職員加塊布墊係凳上給狗狗坐。