Hans Bar and Restaurant

Open Now

Now Closed

今次嚟到尖沙咀哩間bar 位置好近地鐵站~ 行幾分鐘就到 都幾就腳😚😚 環境都幾乾淨同舒服 唔會太嘈 好啱同frd小斟傾下計☺️☺️另外真係要讚下哩度嘅staff都好nice👍避風塘薯條🍟 $58Fries with Spice and Chilli薯條份量都唔少~ 味道方面佢加入咗避風塘嘅調味料 不過佢又唔會太鹹 控制得啱啱好👍 同埋唔太食得辣嘅小編都覺得唔會太辣🤣👍面頭仲加上脆米粒粒一齊炒 好有風味👍👍單骨雞翼拼一口芝士🧀 $78Deep Fried Single-boned Wings withDeep Fried Cheese Bite雞翼表面燒得幾香 食落味道唔會太重 而炸芝士表面香脆 咬落內裏流心充滿芝味🧀 仲有d辣粉係面頭令到成個味冇咁單調😚燒厚切牛舌 $118Grilled Beef Tonque牛舌夠曬厚而且肉汁豐富~ 咬落有少少咬口但又唔算太過靭👍👍麻婆豆腐 Nachos $78Deen Fried Beancurd with Mapo Tofu Sauce(Served in Nachos Style)呢個配搭小編覺得非常新奇~ 佢係用咗炸到卜卜脆嘅腐皮脆片, 而個脆

🌩️ 單骨雞翼拼一口芝士 $78 🤍5/5一口芝士炸到熱辣辣，咬落去係好脆嘅炸皮入面係好流心嘅芝士🤤 好重芝士味單骨雞翼好有心思，食得好方便，整得好入味，咸甜咸甜嘅雞翼擠少少檸檬汁就更加清爽，雞翼加芝士呢個配搭冇得輸！ 🌩️ Wagashi 紅豆 $98 🤍4/5個人好鐘意日式甜品😋見到呢款咁特別嘅cocktail即刻叫咗🤣入口係紅豆嘅豆味好濃，同vodka酒味出奇地夾，後調陣陣焙茶隨之而出，整體好有層次感覺好似精緻和菓子🍡🌩️ Banana Head 香蕉 $108 🤍3.5/5唔好睇佢好似香蕉加 cream咁易入口🍌酒精濃度都唔低，但係香蕉味無想像中咁出，返而加埋 chocolate bitter小小苦韻，豐富味道同埋唔會覺得死甜🍸 🌩️ 避風塘薯條 $58 🤍4.5/5炸得好好嘅粗薯條加埋海量炸蒜同辣椒 薯條外脆內軟 超級香味惹味！😋 食唔停口！🌩️ 麻婆豆腐Nochos $78 🤍3.5/5極有創意嘅一道小食 腐皮整嘅Nochos 好薄好脆 加埋咸咸辣辣嘅麻婆豆腐醬好夾(雖然唔係好似麻婆豆腐味) 好有驚喜！🤣🌩️ 燒厚砌牛脷 $118 🤍4/5有三串厚砌牛脷 食落好彈牙同有口感啖啖肉好正

呢日買咗戲飛有排未夠鐘開場，但又飽飽地唔想食正餐路過見到呢間bar幾好feel就入咗去坐，打算食下d輕食日式前菜拼盤（2人份量）呢盤野幾精緻，有枝豆，燒雞泡魚乾，燒明太子同酒盜芝士全部都係d送酒一流既野，尤其餅＋芝士呢個配餅好正基本上我做唔到慢食慢喝，想一次成盤成掃曬入口Tommy's Margarita男友話味道幾清新，有淡淡果酒香，算係幾易入口順帶一提呢個位可以飲住酒咁望住出面人來人往，勁chillBanana Head品酒呢d野我真係唔太識，但蕉控表示興奮，飲落去好creamy，蕉味好濃，上面層泡極正，飲落又有酒香會為呢杯野而再黎幫襯！避風塘薯條真心以bar黎講，佢小食價算係好平仲要份量都幾多，d避風塘調味唔洗本咁倒落去俾你務求就做到條條都勁香口惹味薯條質地仲係我最愛嗰隻，減肥真係好難GIN TONIC雪糕大鄉里表示第一次食表示好有驚喜雪糕上枱後會係你面前淋上去甜甜既雪糕同時又有酒精味道刺激味蕾，好特別未試過既絕對要試下

行街行到攰攰地,搵個地方坐低飲杯嘢醫下肚🍸~呢條街都有好幾間bar,嚟咗呢間比較有情調而且裝修好簡約工業風嘅~佢嘅飲品menu真係好多選擇😍,由紅白酒到tequila~仲有各式cocktail,mocktail,實有一款啱飲🍷~我就揀咗紅豆,因為我喜歡比較甜嘅嘢,又鍾意有茶味🍵~呢杯cocktail面頭嘅白色粉係蛋白粉🥚~據調酒師講,係想做返和菓子外層嘅白色粉末嘅效果~超愛和菓子嘅我完全係秒懂🙌!就係有茶味又有紅豆餡嘅草餅嘅感覺,但係又唔會俾甜味搶走晒啲Vodka酒味🍶~我個人非常喜歡,女仔都應該覺得好易入口~另一半喜歡清爽啲嘅就揀咗East Side~用咗Gin酒加上薄荷同青瓜🥒~其實感覺就似mojito,清清爽爽嘅🌱~淨係飲酒會醉,所以呢度都有啲嘢食,不過選擇就唔多~比較多人叫呢個日式前菜拼盤🍱,貪佢乜都有啲,而且好啱送酒添!我喜歡佢嘅雞泡魚乾🐡,夠咬口又夠香~不過最特別係酒盜芝士,因為佢嘅酒盜又鹹又鮮,初時以為係魷魚🦑,但原來係吞拿魚肝🐟!不過食落口完全唔腥,煙煙韌韌~不過就係會比較鹹,所以先叫酒盜,因為等你飲多幾杯🥃🥃🥃餓底可以試下呢個意大利雲吞🥟,一上檯好香松露味🍄~而佢哋嘅

Happy Friday同男友尖沙咀漫步搵野食 經過見到呢間有Gin Tonic雪糕咁特別就唔肯走了🤣 未食晚飯嘅我地叫左2杯酒、3樣小食、1份雪糕 份量唔錯 食得飽飽的💗.重點係店員超friendly 好親切咁問我地喜歡嘅口味 之後再同我地推薦喜歡甜酒嘅話推薦了Clover Club同Perfect Lady（選擇了後者）喜歡酒味重啲又易入喉嘅則推薦了Paper Plan.呢兩款酒都好好飲 下次再問下佢有啲咩推薦先😋.🐈🎀 ᴛᴀsᴛᴇ: ★★★★★ ᴠᴀʟᴜᴇ ᴡᴏʀᴛʜ: ★★★★★ .▪️Perfect Lady $98甜蜜桃味 蛋白泡沫豐厚🤤酒味唔算重 酒精濃度較低適合平時比較少飲酒嘅人士.▫️Paper Plane $118酒精濃度約20% 威士忌味重 聽聞係3種意大利餐前酒加檸檬汁調製而成的 味道帶少少橙味 少少酸酸辣辣但唔嗆喉👍🏻.▪️避風塘薯條 $58端上黎就聞到好香香蒜味 重重炸蒜同辣椒粉味 超正🫶🏻 .▫️單骨雞翼拼一口芝士 $78雞翼味道正正常常 唔算好特別 單骨就比較方便食😂.▪️燒厚切牛舌 $118Total約12舊 份量想像中多好多 每舊都好大舊 口感煙韌 送酒一流～

今日難得雅興，到尖沙咀酒吧區飲下酒傾下計。發現一間店面清新又有特色既店舖就吸引左入去入到去空間大，又有唔同種類既座位。吧枱，矮櫈定普通餐桌都有得選擇。想朋友聚會暢談定傾密計都可以。始終係一間吧，酒類選擇多固然唔洗講。食物種類亦都好豐富，岩哂中意又食又飲既你地。我地叫左兩杯野飲，蛋撻同埋紅豆。首先蛋撻我選擇既原因係比個名吸引，究竟係咪真係有蛋撻味呢。一飲落去，原來野飲都做到蛋撻既味道，好香好好入口。而另一杯紅豆，主要既有紅豆既味，抹茶既香味同埋酒既味道。層次分明，三者夾埋入口都好好飲。麻婆豆腐比佢驚喜到，同炸腐竹加麻婆醬，係瑋道好好既下酒菜避風頭薯條簡單幾隻字足以形容佢幾正。色香味俱全。單骨雞翼拼一口芝士岩哂唔中意食普通雞翼要lur骨既人而設。簡單入口加一啖酒，昇華到叻一層次。意大利雲吞，醬汁香濃，雲吞好有咬口。配白酒或者cocktail一流。

嚟得酒吧當然唔少得影吓佢杯嘢飲，邊個話落Bar一定要飲酒！我同朋友都唔飲酒，所以點咗兩杯Moacktail🍸佢呢度嘅Mocktails係做得超級有心🥹🥹🥹 賣相打到卡之餘，連味道都將佢做到有Cocktail嘅感覺同質素！！真係大大改變咗我對Mocktail嘅印象🙈（出面通常都係溝下果汁、梳打、汽水⋯冇咩期望）朋友叫咗一杯Virgin Lady，而我嗰杯就叫做Aloha! 點解話佢做得有心呢？睇吓 Ingredients，用咗一隻Lyre’s White Cane 原來係無酒精白蘭姆酒，令到杯嘢飲落有少少烈酒嘅餘韻，真係唔飲酒嘅朋友福音😍呢到係Bar and Restaurant，所以我哋今次係直接早啲嚟食埋晚餐，可以靜靜地坐下傾下計🥰 前菜先點咗個松菜蟹肉柚子沙律🦀 擺盤好精緻好有日式菜館嘅感覺，不過同想像中嘅沙律有少少唔同，佢係蟹肉加上海蜇，應該係加咗柚子醋而唔係一嚿嚿柚子😄 因為我本身唔係好鍾意食柚子嘅，呢種做法對我來講反而啱啱好！！至於主食選擇就比較少啦，但係兩款都超吸引🥹🥹 原來想Why not both😂 不過泡菜鴨肝多士賣晒，所以我哋就淨係點咗意大利餛飩配白松露油雜菇醬😋

Hans Bar and Restaurant 🪵@hansbarhk收工落Bar飲杯Cocktail，絕對係忙碌工作過後好好放鬆減壓嘅方法🧘🏻唔想過海去中環，又想搵個靜靜地嘅地方傾下計💬 冇去尖沙咀諾士佛臺同海旁酒吧一帶，反而揀左赫德道呢間行工業風嘅bar🪜 全開放式門口，而室內位置闊落，燈光暗淡柔和🕯Bar就當然主打飲品啦，店員同我哋介紹唔同嘅signature drinks，問下我地嘅口感喜好，鍾意煙燻smoky💨、重果香fruity🍒定甜啲嘅🍹Signature Cocktail - Wagashi 紅豆 🫘原本想係蜜瓜同紅豆中二選一🍈 但店員好誠實咁講話蜜瓜喺冬天未必係最當造，我地就毫不猶豫咁揀咗後者🤣抹茶同紅豆呢個配搭就試得多喇，估唔到同焙茶都咁夾🍂 第一啖飲落口係滿滿嘅紅豆嘅甜味，緊隨其後就係烘焙嘅茶香氣同淡淡嘅酒精味，口感溫和，非常有日本特色🎋Americano 🍊揸左車出街唔想飲酒精飲品，又想感受熱鬧嘅派對氣氛，有咩選擇呢🚗店員介紹先知Lyre’s係一個專做無酒精雞尾酒嘅牌子🧃 用天然精華、萃取物同蒸餾成份調配而成，所以風味同色澤都可以媲美酒吧嘅Cocktail，唯一

良久未曾在尖沙咀晚上流連，微微冷風下，久違的人潮，都在尖沙咀重現。寶勒巷人頭湧湧，一幫人離開小店，另一幫人又緊接走進小店，小店的生意可謂源源不絕，正是春天的腳步近了。緊接寶勒巷的赫德道，亦不遑多讓，行到漆咸道南路盡處，正不知在那店落腳，忽然見到「HansBar and Restaurant」，一股酒意湧上心頭，信步走入小店，向酒家打了個招呼，隱沒在小店中，融入到尖沙咀熱鬧的氣氛中。行下酒令，自然要小食相伴，一客「避風塘薯條」，避風塘風味，送酒一流，吃著香脆薯條，摸著杯底談天說地，天地之間任人而行。佐酒當然少不了「單骨雞翼拼一口芝士」,「一口芝士」除了是酒的良伴，重點是芝士咬下仍然是流心，也是流連忘返的心再一拼下了兩小碟小食，「蒜蓉花椒凍蝦仁」，「意大利餛飩配白松露油雜菇醬」，蝦仁添些許辣，配搭餛飩的軟熟，不知不覺已經聊得很晚了。數杯下肚，已經飄飄然，有兩杯一定要推薦一下，「MOCKTAIL– VIRGIN LADY」，清純飲料，自然不會醉，適合女士淺斟，「SECRETMENU COCKTAIL」，酒醇自香微苦澀，一朝苦惱自消除。

酒吧街赫德道街頭 門面簡潔好易認室內環境的式即使坐滿人都唔會太逼樓底高加上門口全開放式感覺好舒暢背景音量岩岩好 即使每枱都講緊野都不會嘈食物價格唔貴份量適中 味道都好配搭飲各款調酒蒜蓉花椒凍蝦仁 $68較濃花椒味加上蒜蓉既配搭整體偏向微辣及略咸 好適合酒精較多既飲品蝦仁每粒都飽滿爽口彈牙又不會太硬熟每一口配埋唐辛子絲 比起花生炸物等更過隱意大利餛飩配白松露油雜菇醬 $108一口大小既意大利雲吞沾上濃郁既松露醬每一啖都充滿松靈及香菇既精華熱哄哄又濃稠既主菜 最岩配上甜酒或紅白葡萄酒燒厚切牛舌 $118厚度豐滿既一口牛舌灑上少量海鹽燒出嚟面層爽脆而肉蕊嫩而多汁加上點點檸檬汁真係食完會上癮單骨雞翼拼一口芝士 $78同樣都係火爐燒出嚟既雞翼一樣燒得咁靚雞皮脆身而雞肉剛熟 肉類果然用爐端燒最好一口芝士都比平時食開既更重芝士味配搭任何酒類都咁岩 算係必叫小食避風塘薯條 $58粗身既炸薯條撈上香粉及避風塘炸蒜粒微微咸香再加上小小辣味 過癮之餘仲胃口大開最岩飲啤酒或有氣Cocktail 分分鐘飲多幾杯Wagashi 紅豆特飲 $98軟綿且偏甜既紅豆蓉渾上酒味中性既伏特加特別適合唔太飲烈酒而又中意嚐鮮既

尖沙咀咁多酒bar，究竟邊間夠吸引邊間夠晒特色呢？今次呢間位於尖沙咀酒吧街都幾新既酒吧食店，唔單止有啤酒，仲有埋bartender特別調製既signature cocktail 同埋 highball。食物款式上亦都有唔少選擇，而且味道配搭埋特色既酒款，確實令到cocktail同highball唔再係單調既烈酒酒體味道。松葉蟹肉柚子沙律 $68松葉蟹肉量夠多，味道上夠鮮甜，配上類似中華沙牛律既條絲再加上少量沙律醋汁夠晒開胃避風塘薯條 $58最深刻居然係呢款薯條！因為係避風塘口味，椒鹽再加上大量炸蒜同埋麻辣椒，脆得黎香到爆！飲酒唔食呢款薯條會對唔住自己！單骨雞翼拼一口芝士 $78單骨雞翼同一口芝士都係炸物，但油份唔重。芝士炸皮夠薄身，原粒芝士入口即溶而且好有飽滿感。燒厚切牛舌 $78牛舌爽脆夠新鮮，經過料理酒煮過後，散發住甜甜既肉甜味同酒香，而且有咬口，口感上夠實。BananaHead香蕉 - signature cocktail $108呢杯BananaHead又叫“香蕉”，入口順滑酒體唔簡單，棉滑同泡沫感同時做到出黎以為飲緊香蕉奶，香又唔膩，同時又帶上酒精既刺激同絲絲醉意。Peppe