莆田 (PopCorn 2)

Open Now

Now Closed

放假同屋企人去將軍澳Popcorn shopping, 經過莆田, 原來近期嘅限定menu有鰻魚同埋大閘蟹, 兩者都係我至愛, 吸引我同家人入去食返餐。入座送上前菜小食--醋泡木耳, 酸辣爽脆, 非常開胃。大閘蟹有多款套餐, 不過家人不太好大閘蟹, 所以只好單點一隻滿足自己。【大閘蟹】HK$118 揀咗大閘蟹乸, 即蒸熱辣辣, 雖然唔係好大隻, 只有手心般大, 不過蟹膏份量多, 橙色蛋黃質感蟹膏, 仲有creamy甘香蟹膏, 蟹肉鮮味; 食完大閘蟹還送上了熱辣辣薑茶驅寒。【莆田扁肉湯】HK$32紫菜湯鹹甜美味, 有8小粒薄皮包住嘅扁肉, 盡索湯汁, 一啖一粒, 帶點鮮肉香。【酥炒芋芯】HK$98芋芯粉嫩鬆化, 外層有層好透薄嘅炸皮兼沾上少少糖漿, 微脆甜甜地。  【蒜蓉豆豉蒸鰻魚】HK$188鰻魚皮爽, 肉嫩微彈, 以蒜蓉豆豉調味提升了鮮味, 每件鰻魚都有一件多層腐皮墊底, 盡索鰻魚精華, 整個菜式配搭一流! 推介!【福建紅菇海鮮鹵麵】HK$138香甜湯底易掛汁, 麵條索咗湯汁同時又掛汁, 口感又林又滑; 配上多款海鮮、配料, 包括有爽口鮮甜蝦、蟶子、蜆、肉片、小棠菜碎等… 鮮香美味有

因為疫情關係冇得堂食晚市🙈所以我地嘅家庭聚餐就改咗下午黎莆田食盆菜豐富到唔使食晚餐已經好滿足😝.🌟盤滿缽滿鮑魚大蝦盆菜 ($988/4人份)新年最好就係食盆菜 因為咩餸都有d 仲可以一次過食晒各種高級食材🍲呢個盆菜有12款食材 包括鮑魚、瑤柱、海參、花菇、蟶乾、雞翼、燒肉、髮菜、花膠、白靈菇、大蝦、蘿蔔認真非常豐富 而且真材實料 份量好夠四人食😛當中我最欣賞花膠煮得好滑又彈牙 而且鮑魚腍得黎又有𡁻口 海參亦都好出色餐廳仲有提供6人、8人同12人份量  可以外賣自取啱晒做節帶返屋企同家人分享👍🏻.🌟軟煎大黃花魚 ($188)我地屋企好少食黃花魚🐟 見到menu介紹佢地用左福建寧德嘅黃花魚就諗住試下呢道福建菜黃花魚先煎後炸 之後先加入醬汁燜煮所以煮到魚肉外酥內軟 果然唔錯.🌟福建特色海蠣煎 ($119)海蠣即係我地平日叫開嘅蠔仔 或者台灣嘅蚵仔🦪大大粒蠔仔加埋蔥加埋蛋漿一齊煎 再加埋甜辣醬非常惹味 將蠔仔嘅鮮味更加提鮮 餐廳做緊海蠣節 一次過點兩款有海蠣嘅菜式只係平均$100啱晒海鮮愛好者😚.🌟紅菇海鮮滷麵 ($108)滷麵分量十足 雞湯湯底濃郁🍜加上有好多材料 例如蝦、紅菇、香芹、椰菜、

因為呢間餐廳是米芝蓮，所以一直想試下，今日終於有機會啦！見餐牌介紹咁多蟶子，又得獎又銷售冠軍，一於試下。🔸蝦苗拌頭水紫菜好少係其他餐廳食到呢到菜！紫菜好正好爽好甜，本身我鍾意酸甜口味，呢碟紫菜酸酸甜甜，一個人可以食曬成碟啊！🔸冰爽酒糟蟶子用酒浸住蟶子，食落幾好食，蟶子唔算細隻，肉質幾飽滿。🔸鐵板鹽焗蟶子用鹽焗蟶子真係好特別，食落又唔會好鹽，不過就要快d食，因為加熱左既鐵板會令蟶子愈來愈乾。🔸百秒黃花魚呢條魚好甜美，魚肉夠滑夠甜，正！🔸興化米粉同平時食既米粉唔同，好特別下！因為米粉好似發菜咁幼，但又好彈牙，而且食落都不會好乾，我幾鍾意食！🔸酥炒芋芯其實炒芋頭粒，外面包糖，食落幾香口。原來福建菜都幾岩我食，哈哈哈！

小女子父母都是福建人，自幼吃著媽媽烹飪的福建菜長大，對福建菜多了一分情意，一分執著。這家餐廳光顧了數次，因為媽媽喜歡吃的中菜，附近的選擇實在不多呢！晚上7點到達，餐廳已經幾乎滿座，生意不錯呢！翻開餐牌，除了海蜇頭、炒芋頭、煎黃花魚等菜式，原來4月10至8月10有各式蟶子菜式供應呢！餐廳供應的茶是菊花茶，清熱解毒。還有一小碟黑木耳，酸酸的，很開胃。⭐️蝦苗拌頭水紫菜這碟紫菜是我最喜愛的菜式之一，送入口，紫菜很爽，很嫩，配搭蝦苗，蝦苗沒有搶走紫菜的味道，反而將紫菜的甜味引出來。⭐️鐵板鹽焗蟶子這盤鐵板鹽焗蟶子把蟶子放在預熱的鹽裏，把蟶子焗熟，所以放久了蟶子就會變乾，因此要儘快吃，所以過了一會兒店員便特意幫我們把蟶子挾出放在碟子上。店員還特意幫我們把蟶子挾出，免得放得太久。經過鹽焗的蟶子入口嫩滑鹹香，味道恰當，如果沙粒處理乾淨完美了！⭐️冰爽酒糟蟶子蟶子肥美，爽口彈牙，餘韻有酒香在口裡迴盪，不過吃下去有沙粒，影響口感。⭐️百秒黃花魚黃花魚小小一條，魚肉非常嫩滑，口感清新，連魚湯也十分清甜呢！⭐️興化米粉第二道喜歡的菜式就是炒米粉，配料有蛋絲、紫菜乾、肉末、花生和菜。米粉極幼而彈牙，加上餐廳特製的辣椒醬

莆田呢間新加坡福建菜已經左香港短短幾年，分店已經遍佈港、九、新界，我同老婆由荃灣搬去將軍澳之前，同外父外母食過莆田荃灣廣場一次，佢地都讚不絕口，不過因為將軍澳莆田由開店直到而家，每逢周末都大排長龍，所以我地一直都未有機會去食返餐。今日因為外父外母中午已經入左將軍澳，所以我地決定6點鐘就出發去攞位，睇下有冇機會可以趁未到繁忙時間到莆田食返餐。將軍澳莆田位於PopCorn商場2期，我地未到6 點半已經到餐廳，不過都已經開始要等位，好彩因為未到繁忙時間，人唔算太多，我地等左10分鐘左右就已經有位，另外餐廳係等位位置安排左薑茶俾客人免費享用，非常貼心。餐廳裝修以木、白色為主調，配上黑色吊扇，既時尚亦帶點懷舊風格。菜色選擇好多，大部份都不是普通中菜店常見嘅菜色，有部份新菜色我地對上一次去荃灣店食時亦未有，所以我地今日點的都係以新菜色為主，有九轉小腸、百味黃花魚、傳統扁肉湯 、興化炒米粉、蝦苗拌頭水紫菜同酥炒芋芯，4個人食應該都夠食。蝦苗拌頭水紫菜 ($52)頭水紫菜比一般紫菜更爽更嫩，配以微酸的調味，非常醒胃。九轉小腸 ($79)我非常喜歡呢個九轉小腸，口感彈牙，而且好入味，份量都唔少，加上有火

每次約屋企人食飯都係一大挑戰，由於父母都偏愛食中餐，屋企附近的中餐館都試勻晒無乜新主義，表弟前日試過popcorn的莆田，讚食物有特式，於是就約父母去試試喇。未到7點莆田已經坐滿人要等位，餐廳門口擺放左一張枱示範整傳統扁肉湯，雖然無師父表演，但媽咪睇擺設都已經話想試😂餐廳好貼心係門口有熱薑茶免費供應，客人可以一邊等位一邊享用熱辣辣嘅薑茶😊等左一陣就到我地入座喇。店內裝修以木色為主，光潔明亮，配以吊扇更添異地特式。我地選的食物都圍繞父母口味為主，當然不少得媽咪最想試的傳統扁肉湯。炸紫菜餐前小食炸得香脆又唔油膩，食多左都唔怕肥。蝦苗拌頭水紫菜酸酸凍凍的紫菜拌上蝦苗，好醒胃，媽咪好喜歡。九轉小腸九轉小腸以火酒膏加熱保溫上桌，入口依然溫暖。小腸中間的肥膏已被除去，入口爽彈無油膩感，而且滷水炆得好入味，我地好快就清晒。傳統扁肉湯媽咪最期待嘅食物，湯底已加醋，入口酸中帶有鹹香味，連平日唔飲醋嘅老公都飲晒。扁肉每粒都好彈呀，肉中釋放鹹香味道，真正皮薄饀靚。百秒黃花魚媽咪話街市好難買到正宗黃花魚，叫我地好好品嚐。黃花魚好滑，魚肉一梳梳，燜到一點腥味都無，連汁都無腥味，不錯!興化炒米粉炒米粉配料豐富:冬

潮州菜、日本菜、客家菜就食得多，福建菜都係第一次試！$8 一位，D茶都算幾香，碗碟都幾乾淨呢2碟芥，$18飯前送水果免費福建式紫菜呢個功夫菜，小腸塞塞塞，塞好多條豬手好好味外邊皮好脆，中間有層骨膠原，好膠完全唔肥，超正普通炒菜，味道正常用銀聯信用卡優惠送的，但係個魚肉都幾鮮嫩同埋個魚湯都好清甜，就算送都係有質素嘅呢個芋頭有D似潮州嘅反沙芋泥，但係佢又有D鹹鹹地、甜甜地，有啲香蔥味，層次多好好整體來講呢間餐廳味道都算係中上，但係某些夥計嘅禮貌呢就係中下本身可以攞好評變咗OK俾D夥計拉低晒啲分，慘慘🐷

第一次去莆田，Popcorn 果一間食晚飯，因為米芝連的排頭，有點期望，結果係名不虛傳👍，沒有失望。一坐下來，即送上龍眼肉，每人一少碗，小朋友最喜歡❤️上菜速度屬世界級，好似即叫即上咁，同步齊驅。第一碟最快出現係上湯時疏，菜有啲疏少，皮蛋就多多，味道👌接著招牌菜興化米粉，米粉很幼，料又多，炒得很香口。有米粉也有飯，來個馳名的包菜飯，一定要熱食，菜連飯一同食，很爽口。不能凍食，否則很濕。另一亮點，九轉小腸，唔鍾意的都話好食，因為沒一般腸既內臓味。同時用🔥㷫著，食落冇咁油。再來傳統海蠟煎，非常大碟，都要即上即食，點辣醬更香囗。酥炒芋芯都不俗，皮很甜，已經很飽，原來不能跟上一碟一齊點。肚子難同時消化。莆田荔枝肉，一大塊荔枝肉伴著，跟其他菜比較，有點平凡了。最後來一碗豆腐湯，清甜，很足料，豆腐沉晒底。價錢唔算便宜，但可接受，食咁多嘢，一千留下。