金園茶餐廳

Open Now

Now Closed

某個週日，諗住行去看看有冇蛋撻啦，竟然今次好彩遇上新鮮出爐，見門口姐姐在忙着從鐵盤轉成紙盤，就吸引我入去坐低食嘢啦🤤 🥚🥧 酥皮蛋撻 (HK$10)． 厚厚的酥皮，可能被按押得太實，看不到層次，不過蛋漿好好味，甜美而不失蛋香🐟🍟 英式炸魚配茨條 (HK$39)． 外層有薄薄的脆皮，非常脆口，內層有真魚肉魚柳，肉質都幾嫩滑喎！． 經典曲茨條，炸得脆口，多薯肉，薯味十足👍🏼🍋☕️ 熱檸茶． 豐富口感嘅濃滑紅茶配搭3片檸檬，俾我篤下篤下，調味到我喜愛嘅酸味😋

呢間蛋撻一路都想試🥹，之前放工黎到已經賣晒，終於平日下晝得閒黎買到🤤～喺門口見到一盤已經賣淨一半，即刻掃左半打🤭，仲勁熱辣辣，不過我就拎左返屋企先食🥺🔅酥皮蛋撻 ($10)呢個傳聞中128層既酥皮蛋撻😳，食落酥皮層次未算好明顯，同屋企人都覺得唔係好酥脆，介乎酥皮同曲奇皮中間咁…可能因為無即食?!但蛋味幾香又滑，食落口感幾實(?)💬可能期望過高，試完又覺得同普通餅店既蛋撻差唔多🤣，屋企樓下仲好食啲…有機會經過會即食再試下～

金園的酥皮蛋撻早已馳名多年，幾年前更被蛋撻關注組捧上神枱，令不少人（包括我✋🏻）當年為了一個蛋撻而大排長龍。今天剛好經過，碰巧蛋撻新鮮出爐，見熱潮已過，未見人龍，便買了一個試試它的水準是否有保持。———————————————————————蛋撻因為新鮮出爐，非常熱辣辣🔥賣相依然非常吸引🤩size極大，酥皮一如既往的厚，層次分明，蛋漿亦脹卜卜，十分飽滿。咬下去酥皮鬆化有層次，有牛油香味，而且焗得夠火喉，撻型十分堅挺，連底部的撻皮都非常香脆🥹蛋漿蛋味濃，甜度適中，非常香滑，加上蛋漿份量充足，每一口都令人十分滿足😋———————————————————————金園的酥皮蛋撻多年來保持着高水準，即使賣$10一個我也覺得是物超所值👍👍👍

今日去試大家都讚不絕口嘅茶餐廳｛金園☕️｝，中午都有1x人排緊隊，不過流動得好快，所以等咗一陣就入得🫶🏻✴️酥皮蛋撻✴️熱辣辣新鮮出爐，外表好靚仔，蛋漿飽滿，令人好有食慾😍味道唔太甜，蛋軟乎乎，不過蛋味連淡～酥皮鬆而不油，食完隻手仲係乾身，無油淋淋嘅感覺👍🏻👍🏻✴️叉燒湯意✴️外表平平無奇，但湯底好夠味！意粉仲keep到彈牙，叉燒仲幾厚身，好食！❤️✴️沙嗲牛肉麵✴️牛肉無咩點用鬆肉粉嗱過，所以有嚼頭🤟🏻沙嗲濃厚，有花生香，食之前記得要撈一撈，成碗麵會更香✨✴️紅豆冰&奶茶✴️紅豆冰略甜，但豆量極多！可以少啲豆同無咁甜更襟飲🙈

長沙灣大名鼎鼎其二食蛋撻茶餐廳 貴另外一間$1拎到上手熱辣辣 第一啖咬落去酥皮嘅鬆化油香加滑溜嘅蛋漿 真係名不虛傳🥺酥皮唔會過厚 有層次 非常出色蛋漿夠厚 唔會太實 質地對我黎講啱啱好；味道方面甜度適中，但蛋味就真係稍遜 要dap幾下先食到陣淡淡嘅蛋味 比酥皮陣油香蓋過左味道：4/5口感：4.5/5CP值：4/5

金園的蛋撻，由$8食到她漲價至$10，由以前熟識的呀姨到現較年輕的店員。味道雖然沒有太大改變，但總覺得和以前相比，是退步了點。今日再試，是因為剛好金園新鮮出爐了一批酥皮蛋撻，而其勁敵也新出爐了一批酥皮蛋撻，正好可以即時試相比較。酥皮蛋撻$10可見其酥皮有點燶，應該是焗過火了？？但並沒有太影響其味道。酥皮依舊夠厚有層次。酥皮鬆化帶點脆口，有油香。 蛋漿也夠厚度。金黃蛋漿，吃得出點蛋味。 不會太甜。蛋漿不會太水汪汪但也夠滑。 不過與以前吃的時候相比，蛋味是少了，層次也少了，鬆化的程度也退步了。但仍然是不錯的茶餐廳蛋撻。 

唔check OpenRice都冇發現兩間金園，我都係睇番d相先知係呢間，先寫食評。金園係我喺蛋撻關注組識既，個人鐘意酥皮蛋撻唔鐘意曲奇皮蛋撻。咁啱去長沙灣睇屋，所以就去埋金園買蛋撻食（上次去到1800賣哂）以為一大盤係新鮮出爐，點知係錯，係凍既，但酥皮仲好多層好鬆化，蛋味都好香，以前疫情😷唔敢隨街除罩食，而家疫情😷後就喺條街食

係ins見到好多人推薦這家蛋撻，作為蛋撻愛好者，肯定要走去試試。週日14點半左右去到，依然堂食要等位，外賣也有人排隊，都為了新鮮出爐的蛋撻。堂食每人最低消費20蚊，一個蛋撻9蚊，記得加杯飲品呀！蛋撻，蛋液部分比較結實，似燉蛋，我好中意😘❗️但希望可以稍微再甜多dd，甜度稍嫌不足加點一個「黑椒牛肉炒意粉」，果然係茶餐廳嘅出品，夠曬鑊氣。不過凍咗就覺得好膩，所以都係要盡快食。之後去開深水埗附近，都會選擇去買蛋撻嘅👍

金園茶餐廳蛋撻嘅討論度不嬲都好高，經過深水埗總於有機會兜去長沙灣拜會一下。食完lunch仲有d飽又唔係好想排隊堂食所以就決定外賣6個返屋企慢慢嘆~排隊排到我啱啱遇到蛋撻新鮮出爐，交通又暢順所以半個鐘多少少就返到屋企，d蛋撻仲係熱辣辣嘅超好彩~ 酥皮蛋撻嘅酥皮既有牛油香味又鬆脆，蛋漿幼滑有蛋香味而且甜度適中，口感一流！用電烤爐翻熱更正~ 金園酥皮蛋撻係高質嘅，食完總於明白點解金園門外人龍不斷，絕對值得~ 

呢間既蛋撻咁出名，今日行開黎長沙灣就去買幾個食。岩岩3pm去到，蛋撻新鮮出爐，唔洗排隊😂。.酥皮蛋撻HKD9 一個.味道 ★ ★ ★ ★ ☆雖然拎到返屋企後d蛋撻有少少凍，但仍然好好食，好香蛋香味。撻皮夠厚，但鬆化，唔會一食就碎哂，食落有層次既。蛋漿滿滿夠滑溜，唔會太甜，食哂都唔覺油膩感重。.環境 ★ ★ ★ ☆ ☆.服務 ★ ★ ★ ☆ ☆.價錢 ★ ★ ★ ★ ☆整體蛋撻既質素都幾好，好耐冇食過有蛋香味又唔會好油膩既蛋撻，$9一個性價比高既

蛋撻關注組岀動！終於黎朝聖鼎鼎大名嘅金園茶餐廳，佢嘅酥皮蛋撻layers真心靚到不得了！📍酥皮蛋撻 $9千層酥皮超靚呀！厚厚嘅撻皮夠晒鬆化，一咬完全感受到佢嘅layers！蛋漿滑溜，甜度低。食晒成個都毫不油膩，略嫌蛋香同油香偏淡，無想像中咁驚艷。

金園係蛋撻關注組嘅No.1🌟 個個都講到咁好食，我都特登走咗去試吓🤣 去到嗰時，離遠已經見到有條隊排緊，不過佢keep住有蛋撻出爐，所以我諗大約等咗20分鐘到。.🥚🥧 酥皮蛋撻 $8買嘅時候係熱辣辣嘅，芬香撲鼻😍雖然我本身鍾意食曲奇皮多啲，但係佢出名係酥皮，我點都要試吓🤣 酥皮好多層而且好鬆脆，冇咩油膩感👍🏻不過我覺得佢個蛋漿都好出色！蛋漿好厚又好滑，蛋味幾香濃又唔太甜！😋 如果肚餓嘅話，一口氣可以食到兩個都唔會太膩🤣

金園依個名對於住係長沙灣嘅人嚟講係一個耳孰能詳，成日都會幫襯嘅一間茶餐廳嚟。近日因為FB嘅香港蛋撻關注組嘅熱捧，唔止長沙灣居民，全港喜愛食蛋撻嘅人都擁埋嚟依間地區小店，作為一個係當區返工，幫襯咗佢超過10年嘅食客，講真，食過佢同同區嘅另一間金華嘅蛋撻真係食唔返轉頭，遲啲會再講下金華，今日主要就係講下依間係香港蛋撻關注組排名第一嘅金園佢哋出品嘅蛋撻有幾咁好食。先講講佢嘅賣相，其實齋睇樣你就知佢無得輸，酥皮 - 底厚多層，原因店家係用兩種唔同嘅皮底，外層焗得較硬身及做得酥脆，內層脆口，咬落有層次，加上皮底係加豬油，食落好香口得嚟又完會唔會搶走蛋香，重食得到酥皮香味添。之於佢嘅蛋味唔係太甜果隻，主要食其蛋香，焗得脹卜卜剛剛好，同佢嘅酥好皮底好夾，兩者平衡做得非常好，食落完全唔油膩，食完好滿足。作為一個作成咗名嘅店，佢哋嘅服務無變差到不特止，重KEEP得到果種街坊鋪嘅親切感，無加價，就算你堂食淨係食件蛋撻佢都係咁歡迎你。抵老闆娘您發嘅。

早排經過長沙灣，知道有間茶記蛋撻好好食😋128層酥皮蛋撻 脹卜卜出爐 ，日賣700個，長沙灣茶記名物🥧今日中午時間過去，離遠已見到有4-5人排緊隊等出爐⋯好快就見到一盤熱辣辣，入面d蛋黃騰騰嘅嘅蛋撻爐🤩好快一盤清曬⋯我地堂食都叫左半打外賣🤣拎左返屋企食，就算凍左少少都仲好脆皮👍🏻果然有啲料到⋯👏🏻👏🏻⬇️秘制黑椒豬扒意粉 &豬扒好大塊，唔會好乾好「鞋」⋯啲黑椒意粉好味😋係特別啲，慢慢愈食愈多先會有黑椒嘅後勁辣⬇️秘制黑椒牛意粉 牛肉薄左啲，但都好食😋佢地仲有流心月餅🥮🌙可以到時食完飯買蛋撻再買埋月餅🤣

平時好少嚟長沙灣食嘢，見到蛋撻關注組好多人推呢間酥皮蛋撻，所以突登嚟試下。聽講呢度嘅黑椒干炒意粉都唔錯，所以點咗黑椒干炒叉燒意粉同黑椒干炒牛肉意粉。炒意粉黑椒味濃越食越辣，而且有鑊氣，估唔到炒意粉都唔油膩。但牛肉就比較鞋又無乜肉味，調味亦都太淡無乜醃過嘅味道。叉燒好瘦唔夠腍，但味道還好同黑椒意粉幾夾。牛肉同叉燒都屬普通貨色，下次可能試下炸豬扒同炸雞翼干炒意粉。主角酥皮蛋撻終於上枱，酥皮望落有好多層，焗到乾身唔油膩。食落酥皮好酥脆，食得出有豬油香蛋漿焗得剛剛好，唔會過熟，食落夠滑之餘唔會太削。味道唔算濃蛋味但都有蛋香，而且唔會過甜。呢個酥皮蛋撻的確好好味，難怪經常都排長龍。我哋堂食完兩個唔夠喉要再外賣兩個帶返屋企食