老川皇

Open Now

Now Closed

最近氣温急降又落綿綿雨，身體受濕凍影響，非常需要祛濕。到附近買完咖啡豆，店員推仲可以一試老川皇。同朋友每人叫左一個午餐，佢點餐雞煲，我就食酸菜魚。雞煲香辣唔嗆喉，雞件唔會煮得過火喉，青椒配以雞煲醬變得惹味，讚！酸菜魚魚塊嫩滑而且足料，只收六十蚊一個餐但唔係得三四塊魚片。唯可再改善之處係魚塊有淡水魚泥味，稍為扣分。

一連落左兩星期的雨，呢日終於放晴，lunch time 當然要出黎行下吸收維他命D！見到呢間小店細細，但入面好多人，而且lunch menu都幾抵食（$4x-5x)，決定又試試新野（而且聽聞食辣可以去濕？xD）兩人叫左兩個餐（酸菜魚同水煮牛肉），但另外「再」叫左一個前菜（辣皮蛋）同青菜（炒萵筍絲），好似食番d非肉類可以減少罪疚感*酸菜魚：雖然魚有骨，但魚肉好滑，魚既份量好多，食極都食唔晒咁⋯酸菜都係我鐘意食既葉部分居多，酸度適中唔會太咸，配飯都可以食大半碗，唔錯～*水煮牛肉：牛肉既份量相對黎講無水煮魚咁多，可能係成本貴d吧，不過！牛肉超入味，雖然叫左小辣唔太辣，但佢既香味十足！令我想起番大陸食某連鎖紅油火鍋既果一小罐「香油」！除左油香，另一功臣應係花椒，除左平時見到既啡色粒粒，佢仲加埋綠色果種，味道的確豐富許多底下既芽菜多到可以另做配菜，不過吸左d辣，唔敢食太多*炒萵筍絲：如題，小店的大火喉體現之處—真係好爽脆，萵筍仲係好清新好甜！係小店食野仔細聽會聽到廚房d火水爐轟轟既聲音（唔知用咩形聲詞），好似人地大排擋果d火喉咁，勁！散叫既一碟萵筍$68（好似係），但份量都好多！*皮蛋：係譚x食

濕濕立立嘅春天潮濕日子，要搵返啲辣嘢食去一去濕！ 見呢間川菜小店有午市午餐$45~$55, 睇落都好抵， 就入去試下。睇食評好多人都推介食酸菜魚， 梗係要試下啦！ 原來呢度有得揀辣度，我食開譚仔小至中辣， 今日係呢度我就叫咗個中辣。 未食魚先試湯， 酸得黎味道帶有一分清甜。 魚嘅分量好多， 魚肉滑身， 魚骨亦唔係好多， 冇乜細骨，仲有鹹酸菜向底。 如果兩個女仔唔太大食，基本上一個餐都好夠飽， 因為個餐仲有粉、麵或飯， 任你揀。 呢個好味，真係冇推介錯！我哋另外仲叫咗個水煮田雞， 呢度既水煮汁底比較杰身。田雞肉好嫩滑，下面嘅大豆芽菜吸曬汁嘅味道， 辣到我 si si sir sir 呢度另一樣重點推介就係串燒， 可惜只係晚市供應， 今日食唔到！ 下次我一定要嚟食串燒！

牌面過於霸氣！係，我講嘅係佢高掛門上嘅招牌！就係呢個招牌，今晚就試佢！場內佈置簡單，座位唔多，晚市8點左右坐有8成滿人～但，落單個阿姐落單落到好急咁，態度一般⋯兩個人，叫左三個餸！差唔多喇！經驗所得⋯應該都食唔曬！因為川菜每碟嘅份量的確不會少！雖然好想叫多幾款試，但''大徙鬼''阻止左我！先嚟第一道「口水雞」例牌，雞肉算嫩滑，醬汁色濃，略嫌太油！川菜本身油我清楚，嫌太油只係想表達醬汁密度唔夠濃同稠，雞肉掛汁能力低，唔夠麻唔夠香，味道一般！但可以再試之選。第二道「炒四季豆」，好簡單嘅一道菜，幾乎去任何一間川菜管都可以食到！但⋯呢穫切底地輸了！味道超怪⋯愈想試出有乜怪⋯可惜味道只有怪⋯更怪！係豆本身太熟累事？油炸得唔夠火喉？豆已變壞？⋯太多因素，不能定奪⋯總之係難食非常！！只限今批吧？第三道「酸菜魚」，湯底只有酸，欠缺香！味覺層次感太低！魚肉可以，算新鮮！但!刀功問題？起魚起得唔夠靚，太多骨！而且骨太碎⋯唔係咁識食魚嘅朋友要注意喇！我係愛魚之人，但亦被難倒。可樂一罐15蚊⋯太貴了吧？食水有點深吧！雖然餐牌仲有好多款未試過，但回頭機會好低！沒有驚喜，普通之列，所以招牌的霸氣比實際是太過了。

老川皇的食物真係好好食！佢既價錢合理，而且賣相亦都好吸引！我上一次同班fd去食老川皇，叫左個“千鍋田雞“同埋“酸菜魚“。“千鍋田雞“有好多辣椒調味（但其實無想像中咁辣），而且有少少酸甜，好香囗同開胃。田雞肉亦都好嫩滑，好好食，真係推介大家去試下！！！另一“酸菜魚“都好好食。佢有勁多魚片，d魚片鮮甜嫩滑又唔腥，不過有少少骨, 食果時要小心。同時亦都有好多酸菜，真材實料，我一個人食左大半，而且佢係唔辣！怕辣既但又想去老川皇可以試下呢個