四姐川菜

Open Now

Now Closed

放lunch突然好想食川菜，見到呢間嘅水煮魚係好出名，而且環境亦都好似唔錯咁，所以同朋友試試😍$360/pp重慶口水雞口水雞份量好足，啖啖都會食到麻辣，仲要越食越麻！而且啲雞好嫩，做到正宗重慶風味嘅口水雞！🤤五香鹵牛肉睇得出師傅嘅刀工好好，每片嘅厚度都係差唔多！牛肉完全唔老，同埋會喺口腔不斷散發牛肉味，好推薦食肉獸嗌呢款！招牌重慶水煮魚四姐川菜嘅水煮魚係出名到攞過獎㗎～一上菜陣陣香辣味已經攻上個鼻，原來真係名不虛傳，啲魚非常嫩口，而且係無骨㗎！啖啖魚肉食得好滿足，個底仲有好多薯粉，呢道水煮魚真係勁惹味酸菜魚我哋好貪心咁嗌咗兩款魚，而呢款亦都唔失色，酸酸哋好開胃，呢款個底係米粉，兩道菜嘅食材一定會滿足到你嘅喜好🥰

(*ˉ︶ˉ*)銅鑼灣 私房川菜 🌶️店舖不大 中式本地菜館的裝潢 比較簡單餸菜都很大份 點了小辣😛川式椒鹽蝦 🦐👍 炸得又香又爽口 鐘意香口野的，椒鹽蝦必點 青椒皮蛋 🥚👍 好香 蒜香椒味好入味 皮蛋Q彈的很新鮮 招牌四川涼面 🍜👍 幼麵配上炒過的辣椒油醬 吃下去感覺爽口 不辣。但吃到後面有點油糖醋里脊 🐽👍 炸到金黃色配上橙紅糖酸醬 有種畫龍點睛的感覺 甜酸恰到好處 豬里脊肉滑且很嫩口 酸菜魚 🐟 魚片超多 入口嫩滑無骨 酸菜再多點就好了 🥹 寬粉吸埋啲湯汁 酸酸辣辣 重慶辣子雞 🐣佈滿了辣椒花椒雞粒 有少少麻辣可接受蒜蓉炒油麥菜 🌱 翠綠且很香 很多了會感到略咸此外點了啤酒跟朋友分享 用作解辣解膩 價錢合理

菜單上辣與唔辣的菜式各半無論你食辣定怕辣一樣可以來食啊依人數建議叫幾多樣餸再根據人數定份量但放心碟頭係偏大 一定夠食我們一行9人就叫了5樣涼菜同8樣主菜超級推介招牌四川涼麵 💯好惹味的醬汁辣度係慢慢滲出來幼麵麵質爽彈掛汁一流 真係會食上癮的涼麵另一個前菜夫妻肺片 同樣出色辣油夠哂刺激味蕾薄片牛肉同牛肚爽得來有咬口重慶水煮魚 當然必叫魚超級嫩滑 辣味雖刺激但唔會過搶裡面的薯粉先係精髓好闊好厚身超煙韌有嚼口 沾滿個湯汁 好正唔食辣的朋友可以食酸菜魚大量酸菜鹹酸味平衡得剛好裡面的粉絲索哂汁 同樣美味土豆絲 都係我至愛之一勁爽脆再配青椒份外清爽

呢一日約咗大學同學食飯，朋友想食四川麻辣嘢，又咁啱突然醒起之前因爲無訂位而摸過門釘既四姐川菜，今次好醒目做一日就打黎book。就算book咗位都要等左三個字先有得入，但等待係絕對值得㗎。呢度既收費主要係接人頭，人愈多可以叫既野食都可以愈多款，人頭收費每位340，我地有三個人，所以可以帶兩個兩菜三至四個熱既主菜，店家仲會送一碟青菜俾我地，再加白飯任裝。涼菜我地要左蒜泥白肉，個汁好正，帶到出黎好香令人上癮，好開胃，腩肉肥瘦分明 呢度其中一樣名菜 — 四川涼麵係店員推薦必嚐麵質爽口彈牙，加埋個汁成件事好夾，對令人食唔停架！糖醋里脊，肉質爽口，炸得香脆，炸粉唔厚，食左咁多辣野係時候中和下。辣子肥腸，唔好睇咁多辣椒🌶️，食落唔算好辣，而且肥腸好香，搞到我地係咁話好味好味呀！終於到我哋嘅主角上場，期待已久嘅酸菜魚魚質好滑好入味，個底仲有好多粉絲同芽菜，再加埋個湯，真係好鬼死好味，飽到爆呀！份量又夠大份，絕對唔欺場架呢個送上得太遲，大家個胃同心❤️已經俾酸菜魚攻佔左，好隨便食左兩舊咋，但都好好味既。佢地仲好好，會送個青菜俾我地，雖然唔辣但都炒得好好味。其實有咁多野食，我地三個女仔又點會食得晒呢，為左唔浪

無食辣幾日﹐川菜癮起 今次就去左銅鑼灣試試這間四姐川菜一入門口就見到書法寫招牌﹐有一種古色古香荼座的感覺入座時間尚早﹐已見很多桌已被留座﹐環境清幽﹐座位間保留足夠距離﹐舒適非常基本上整頓飯都不會被旁邊食客的聲波影響﹐適合邊吃邊談天邊喝酒！用具也蔟新﹐為迎合裝潢設計﹐也使用中國風的茶具茶應該是鐵觀音﹐不是普通的茶水﹐味帶甘甜﹐食辣配甜荼解辣一流！餐牌都很具中國古色格調我點的是二人餐﹐每人費用$340﹐包含 2涼菜 3-4熱菜先來一個招牌四川涼麵﹐有職員會幫忙撈麵﹐這種服務在香港實屬鮮見麵條入口先湧出一鼓淅醋香﹐其後香蔥和香辣味慢慢滲出﹐充斥整個口腔 對味覺造成衝擊﹐使我們食慾大增！接著的涼菜是重慶口水雞外面的口水雞一般較多油﹐而四姐的口水雞油並不多也不會有油膩感覺雞件很滑溜﹐在雞肉肉絲間夾著口水汁﹐使味道散發得更均勻更值得一提就是四姐使用芹菜作伴菜﹐芹菜味較重﹐芹味和口水雞味沒想到是那麼配！清新﹐不油膩﹐也有點田園的感覺第一道熱菜是酸菜魚魚肉和酸菜比例和分佈平均﹐不會有一勺全魚肉﹐一勺全酸菜的情況發生魚肉很滑溜﹐酸菜酸中帶點蔬菜的甜﹐令整體變得有層次也有黃辣椒提供少許辣味﹐這個不算太辣﹐

經過幾個月前在上海對吃辣的磨鍊後，我對川菜或其他辣的菜式也開始抱有興趣今次便選擇了一間在香港出名的川菜餐廳🍴四姐川菜雖然這間餐廳是點小菜的形式，但收費是以人頭計算。比如二人枱建議點兩個涼菜和三個熱菜值得一讚的是他們精美具富有中國瓷器特色的餐具，川菜比其他菜式油，但他們的餐具清潔得非常乾淨，沒有油油的感覺，可見十分衛生率先上菜的是口水雞肉質鮮美，充分吸收了辣油和醬汁，不會過辣，十分開胃然後蒜泥白肉上菜份量比想像中的多，大概有十片左右，肉質十分嫩滑，肥瘦分佈得宜每一片肉都切得非常薄，充分吸收了醬汁，十分惹味第一個熱菜上菜了份量也是十分大，酸菜非常多，帶點微辣。魚質十分鮮嫩，入口即化。有少量的粉絲在底下，吸收了全鍋的精華然後到毛血旺有很多配料如豬紅、土豆、午餐肉、黑木耳等等。所有材料都十分入味川式五花肉炒菜花也是一個出色之作花菜十分爽口鮮甜另外餐廳還附送了一碟油麥菜總括而言，四姐川菜是一間水準十分高的川菜餐廳在香港能找到一間以高水準川菜為主的餐廳是十分難得

我同朋友都鍾意食辣，約咗去銅鑼灣行街食飯，首先就梗係睇吓有冇好嘅川菜食啦 今次又係試新野，就睇吓四姐掂唔掂 我哋六點半去到係第一台客，不過之後已經好多人泥，走既時候full house 餐廳兩面都係窗，可以睇夜景，我哋都俾人安排左坐窗口位 佢哋嘅叫法有啲特別，係按人頭睇吓嗌幾多個餸，位位$340。等嘅時候就飲下啲熱茶先 蒜泥白肉：微辣，肥瘦適中，脂肪爽口 酸辣青瓜：微辣，味道濃郁，拍碎咗嘅青瓜沾滿左醬汁，好惹味 糖醋里脊：炸粉唔會太厚，糖醋汁亦都唔漏，開胃 水煮牛肉：係我好鍾意食嘅一味川菜！呢碟水煮唔算辣，牛肉份量多、肉質嫩滑、肉味濃厚，仲有啲芽菜都好正 酸菜魚：好多酸菜，好多魚！啲魚好滑，不過唔易散開，配埋酸菜同啲汁一齊食冇得輸 蒜蓉炒油麥菜：呢碟係餐廳送嘅，啲菜好新鮮，抄得啱啱好 我哋兩個女仔食咗六碟餸，好誇張，不過我地竟然差唔多食晒！總括嚟講，雖然四姐嘅價錢唔算平，但係睇返食物嘅份量同質素，係絕對值！特別一讚係餐廳經理既服務態度，睇得出對啲客好細心，會認真推薦食物，good！

一入口門就俾呢幅巨型書法吸引住，好有氣派！好快就有店員過黎安排我地入座。我地啱啱好坐左最後一張枱，之後上黎嘅都要等位嚕，真係好好彩！環觀四周，竟然係外國人幫襯多！睇黎四姐都幾出名下。2人可選兩款涼菜，三款熱菜。我地揀左口水雞、蒜泥白肉、椒鹽蝦、回鍋肉同埋酸菜魚。第一道黎嘅菜係重慶口水雞，雞肉嫩滑，就算係雞胸都唔會鞋！雖然好多紅油，但只係帶微辣，仲有淡淡嘅麻油香，作為開胃小食非常唔錯！第二道菜係蒜泥白肉，豬腩切得夠薄，煮到僅熟，配蒜泥葱花一齊食，十分惹味！推介！第三道係川式椒鹽蝦，中蝦炸到脆卜卜，可以連埋殻一齊食，送酒一流！第四道係酸菜魚，估唔到兩個人佢都上咁大盆俾我地！魚肉大大塊兼無骨，仲要超級滑嫩，完全唔腥。湯有濃郁嘅鮮味，同埋酸菜超級夾，飲左好多碗都唔會厭，正！底下仲有好多粉絲，索晒湯底嘅精華，真係一流！第五道係川式回鍋肉，辣辣地幾惹味。唯一美中不足嘅係部份腩片炒過火，有啲硬。奉送的蒜蓉炒油麥菜，菜葉嫩綠新鮮，營養均衡。四姐川菜整體的水準認真唔錯！全晚座無虛席，下次黎會記得先訂位！

朋友鐘意食川菜，呢晚就俾佢拉到銅鑼灣嘅《四姐川菜》，話一定唔會令我失望～這裡根據人數而點菜，二人餐可以揀2款涼菜同3-4款熱菜。起初覺得每人要 $340 有啲貴，但一路食落就令我改觀了，無論係食物質素同食物份量都超出我嘅 expectation肉片非常薄身，半肥瘦，浸喺成碗紅油入面，雖然比較油但豬肉就索哂麻辣味。呢個味道獨特，用粒粒蔥花、花椒加醋等等，混入幼身又柔軟嘅麵線，份量確實唔少。呢個認真抵食！勁大碗有好多魚塊，酸酸辣辣咁，飲第一啖湯冇咩感覺，但飲多啲味道就越嚟越強烈。呢個冇咁辣，味道鹹鹹香香咁又有啲花椒同八角香味，成隻蝦肥美又炸得好脆，連殼都可以食埋～呢個成碟紅色超多辣椒，鱔片唔多但肉質鮮厚，細嚼之下會慢慢散發出麻辣味。最後仲送咗碟油麥菜～對一個唔係成日食川菜嘅人嚟講，呢餐初頭的確幾有挑戰性，但食食吓竟然開始鍾意呢種味道。估唔到只係呢幾樣小菜已經食得好飽，而且食物絕對係高水準，冇介紹錯～

今次係第二次LUNCH 嚟食四姐川菜，想試重慶涼麵同酸菜魚，再嗌多個蒜泥白肉同木耳。重慶涼麵一直係食評推介之選，好可惜我覺得只係一般般。先講麵質，屬幼滑但軟身個隻，唔係彈牙煙UN個隻。辣醬味道不錯，但唔夠辣，唔夠惹味，所以有D失望。蒜泥白肉個味道基本上同涼麵既冇咩分別，肉質可以，份量亦不少，比口水雞抵食，但口水雞味道好D (其實都好似係同一隻味)。木耳OKAY, 涼菜來說可以，岩晒唔食辣的人士。酸菜魚味道不錯，魚夠滑，可惜唔夠濃味，還是水煮魚好味D。總括來講四姐川菜都係適合初嘗四川菜，又唔係好食得辣既人士食。如果要食再勁D既，我覺得三希樓會係不錯的選擇。

朋友發哥最喜歡四川菜。常道香港地沒有好的川菜館，每每都要跑到深圳才吃到有比較滿意的川菜。近日他說發掘了間不錯的在銅鑼灣區，今天中午就帶了我和男友一行三人到來吃個午飯。店館在百樂中心樓上，面積不太大。發哥說這裡晚上只做私房菜，而中午則看菜譜散叫。好，每人選一款。看看菜譜，我要了夫妻肺片和涼伴木耳，男友選椒鹽蝦，發哥則推介說酸菜魚不錯，我們只有三人，要個小的，另外再加個酸辣土豆絲。因我不大吃辣，所以全部都要少辣。夫妻肺片 ($60)先上前菜夫妻肺片，裏頭有牛肉，牛展，好像說還有牛心，但我分辨不出。吃進口只覺得很有鮮味，醬汁微辣帶麻辣香，絕對可以接受，亦很惹味。涼伴木耳 ($60)而涼拌木耳有加上蒜泥和薑絲，雲耳爽口，醬汁酸酸辣辣，是一道很醒胃的前菜。椒鹽蝦 ($130)椒鹽蝦約有7-8隻，蝦殼炸得脆卜卜，我把整隻蝦連殼吞下肚。蝦肉爽甜彈牙，加上椒鹽鹹香，又炸得脆口，我一隻吃過接一隻，共吃了四隻，連男友也問我，你平常不大喜歡吃蝦，今天為何吃這麼多？沒辦法啦，好味嘛！真的是令人忍不住口。酸菜魚 ($220)我們點了小鍋，上桌是滿滿的一鍋。撈起見魚肉雪白雪白，魚塊完全没有骨頭，吃進口啖啖肉，好過

以前喺深圳食過正宗川菜, 感覺係好油同好多紅辣椒好辣. 相比之下, 今次四姐川菜改良咗迎合香港人口味, 唔會好油好辣.餐廳免茶免加一, 但杯茶絕對唔欺場, 唔苦唔澀有茶味, 入口溫馴, 比起好多要收茶錢啲茶好好多.四川凉麵份量頗大, 幼麵爽滑冇咩味道, 最適合配上既咸又香辣醬料.蒜泥白肉豬肉肥瘦適中, 加上香蔥蒜頭辣椒醬, 食落爽口唔係好辣.酸辣土豆絲火喉炒得好好, 做出嚟爽口唔會變粉.酸菜魚魚肉用咗龍利柳, 冇骨厚肉, 嫩滑可口, 酸菜中夾雜青辣椒碎, 唔覺意食中都會好辣.四姐炒飯配料有類似欖菜雞蛋火腿香蔥, 炒得非常乾身, 食完碟底冇油, 好耐未食過炒得咁好嘅炒飯.四姐川菜絕對可以再encore.

一聽到「四川」這個地方便會自自然然聯想到香辣、麻辣、惹味、火辣等等, 通通與辣有關, 愛辣者必喜歡到訪的地方, 而我有位同事就是無辣不歡, 其實我自己都幾喜歡吃辣, 可惜小胃子差了, 現在少了吃辣, 但有時總會心癢癢想刺激一下, 巧合同事回鄉過節, 傳來一張由她來自四川的嫂嫂所炮製的酸菜魚相片給我, 立刻燃起我心中那團辣火, 哈! 那一於捉她陪我嚐一頓四川菜。店子為上樓舖, 一出升降機門便看到一個大書法字的招牌, 帶有傳統的色彩。推門而入, 地方不算大, 設有數張大圓枱, 還有幾張方便移動的二至四人摺枱配高背椅子, 枱與枱之間的距離不多, 是晚還差不多全場爆滿, 環境相當熱鬧, 還看見不少外國人, 估不到他們也愛吃四川菜。枱上預先擺放了一本圖文並茂的菜簿, 還有一張點菜紙, 分涼菜和熱菜兩大項目, 而熱菜亦有細分項目, 包括水煮類、泡椒類、辣子類、干煸類、家常類、不辣類和湯類, 選擇眾多。至於收費是按人頭計, 最少2人, 每位300元, 如2-3人便可選兩款涼菜及三至四款熱菜, 如此類推。******************************在考慮菜式之際, 店員亦隨即送上一壺熱

朋友介紹四姐川菜。於是lunch就自己一人去左食。環境不錯,服務員好有禮貌,招呼周到,好有家既感覺。我一個人就點左一個酸菜魚同夫妻肺片...由於唔太食得辣,所以叫左少辣。酸菜魚真係好正,好滑好入味👍👍👍個酸菜魚好味道食完先記得影相😋😋整體黎講,價錢唔算貴,但野食就好好味。真係值得一試。