麻辣派對 (金百利廣場) (Closed)

今個午餐選擇了在「麻辣派對」吃四川酸辣水晶粉，店鋪名字蠻有趣，我走進餐廳才暸解，原來全場佈置得很有派對氣氛，無論吊飾、燈飾、掛畫、地上投影都很能吸引眼球。打開餐牌細看，菜式主分水煑、香辣與酸辣，並可自選配料作配搭，正宗川菜豈能不辣！我不能嗜辣，幸好港人頭腦靈活，將辣度分級，總有多項選擇，讓我般不能嗜辣也享美食。我的川味午餐：戀味毛肚套餐（BB辣）配酸辣水晶粉和冰雪鮮檸C飲。戀味毛肚~牛百葉是也，是牛胃的瓣胃部分，瓣胃的胃壁內層褶皺形成上百片葉片，且排列類似百葉窗，故瓣胃又稱百葉肚，我們習慣稱牛百葉，戀味毛肚是冷盤，牛百葉爽滑、伴青瓜絲麻油與川味麻辣醬汁吃，十分冶味，我楝熱騰騰的酸辣水晶粉，因為水晶粉口感Q彈中帶軟滑，而且又低卡路理。加$10的特飲~冰雪鮮檸C飲有一整個青檸和鮮檸檬片，不過甜，甜度很合意。很窩心，吃飽後還有免費紅豆糖水奉送。

依家星期六日仲出街係勇氣。今日去金百利的麻辣派對食Lunch，刺激一下味蕾。原來週末仲有Set Lunch，但需要同職員查詢攞餐牌。嗌左麻辣毛肚，本身跟飯的，Lunch 可免費轉水晶粉，值得一讚。但碗碟賣相一般。辣味可以有4種選擇，BB辣同大中小辣。毛肚幾好食，係四川原味。可免費嗌燉湯，好滋補。完左仲送一碗綠豆沙。值得一讚係綠豆沙有桂花味同埋有落麥米，免費贈送的嘢用料一d都唔馬虎。好令人中和返d辣味。呢一餐真豐富。

位置銅鑼灣sogo對面 金百利 4樓金百利出名多野食 經朋友介紹4樓有間食辣野 相當唔錯既鋪頭決定午餐去試一試佢一入去 風格較特別 四周環境較黑暗每枱有一枝大射燈 光線都足夠食物款式都幾多 水煮、粉麵、干鍋、小食、午餐仲有套餐 較抵食有餐飲 仲有甜品送今次叫既系：口水雞、回鍋肉炒椰菜、酸辣水晶粉 中辣辣度比出面餐廳較辣兩味餸 味道都好唔錯 好重口味個人都幾喜歡意外地 原來仲有甜品送是日甜品 紅豆沙 少甜 自家煲員工禮貌都幾好 值得一讚

今晚既Happy Friday約左兩位舊同事，其中一位相當喜愛食辣野，而佢亦推薦黎呢度食個麻辣dinner, 咁就一於黎試下啦雖然無影到裝潢，但都想講下餐廳裡面燈光係偏昏暗既，而音樂相當澎湃，開始明白點解呢度叫「麻辣派對」了食物選擇相當多，有啲目不暇給ge feel 🙈最後我地叫左個麻辣雞鍋，再加肥牛肉、蒙古羊肉、香乾豆腐同包菜。由於叫左中辣既關係，辣椒既份量相當多，上菜果下見到咁多辣椒真係有啲驚架先試一小塊辣椒🌶️嘩，係麻多過辣既四川風味！條脷已經痺哂，仲想起舞添🕺🏿但嗜辣既果位朋友竟然覺得岩岩好喎；配菜方面，半隻雞既份量其實加三個菜已經夠三四個人食，而由於辣味已經滲哂入啲肉度，連羊肉本身既羶味都蓋過埋haha 由於實在太辣喇，叫左個小辣既水晶粉中和下。粉既份量足夠，口感不俗，係幾爽口既另外，店員推介左呢杯可以解辣既飲品，裡面有青檸、橙、西瓜同好多細細粒既蘭香子，飲完的確係好啲，但如果再大杯啲就好喇今次既麻辣挑戰好似唔多成功喎🙈下次黎食惟有唔好叫咁辣啦

今日，我相約重慶來的朋友外出晚膳。為了迎合重慶朋友的口味，當然要吃麻辣! 由於我們下班都較晚，所以要到交通方便的地區晚膳。在港島“搵食”，一定要到銅鑼灣吧!正當我們在煩惱選什麼餐廳時，從銅鑼灣D3出口面向金百利商場抬頭一看，就看到了麻辣派對的招牌了，決定一試!餐廳裝潢雅麗，配上麻辣風味的食物，很創新。每枱也放了一瓶魔鬼辣椒粉，我和朋友讀到瓶上的忠告，沒膽量試，但感覺玩味十足。口水雞: 這一道菜是我每次吃麻辣必點的。秘製醬汁酸辣麻味都有，再加上濃濃的麻油味，很香。雞件啖啖肉，沒有多餘的皮下脂肪，肉質非常嫩滑。雞肉都吸收了醬汁，每一口都感嚐到酸辣麻，很醒胃。酸辣土豆絲: 這一道菜是眾多道菜中辣味最重的。土豆絲每條厚薄長短一致，師傅刀功可見一斑。口感爽脆。酸辣水晶粉: 這一道酸辣粉酸味較麻辣味重，是我很喜歡的酸中帶微甜陳醋味。水晶粉的烹調時間恰到好處， 質感沒有太硬，仍有水晶分應有的煙韌。大大碗的，足夠兩人使用。酸菜味型江團: 這一道酸菜魚是整晚的主角。酸度十足， 略帶微辣。盆中除了啖啖魚的鯰魚，還有大量芽菜、鹹酸菜、 蒟蒻 和水晶粉。很滋味。冰雪檸檬C飲: 這道飲品以檸檬、青檸和紅茶調製，

而家在香港越來越易搵到好食的中國菜了，但係唔係每道名菜都咁易搵。有位內地朋友介紹返我轉頭, 話呢間麻辣派對好正宗好好食，於是我就BOOK左同老公去食了~~睇呢幾張相, 有人估到我地係去左食中國菜嗎? 哈哈~~呢度個裝修好潮好西式，坐位好闊落, 坐得好舒服架一D都唔似平時食開的中菜咁迫，凈係呢點都已經做得好好!之後睇MENU, 大件事, 樣樣都想食, 呢度真係你諗得出的深圳名(辣)菜都有得你食~~成個深圳搬左過黎咁, 點算, 我地得兩個人, 如果唔係一定樣樣都叫D.嘩~~仲有小龍蝦食, 勁呀!!!好不容易揀左幾樣野~~睇下張枱, 有支勁野WOR!我地一陣就睇下你有幾把炮!!!先來的, 就是主菜, 黃燜雞~~~!!好耐都冇食過啦, 呢個唔係度度都有得食, 想試試~~好大盤呀!!! 入面有D秀珍菇同芹菜，炒到好香!勁入味, 當然, 不要期望在香港可以食到深圳質素的新鮮雞, 但他的煮功和鑊氣絕對令你滿足!之後來的是兩個素菜~~手撕包菜同酸辣土豆絲~~幾咁地道!!!好夠鑊氣呀!!但油左D, 不過川菜就係咁, 落好多香油土豆絲好惹味, 而且爽口 , 火喉適中仲有當然唔少得點酸辣粉啦~~佢MENU話

今日自製假期偏偏偶上傾盤大雨, 下午到銅鑼灣逛逛, tea一tea再去睇書之後就接朋友收工食返餐, 全日都冇離開過銅鑼灣。🙈 係Sogo join左朋友之後大家都未諗到食咩, 就過對面金百利睇睇, 派傳單姐姐介紹我地食麻辣派對, 仲話可以全走辣, 好奇心驅使下, 我地就上左去睇下食麻辣野可以點全走辣。😀上到金百利4/F見到餐廳嘅門口同我地預期好唔同, 超級新潮, 完全唔似中式菜館。😂入到餐廳入面更加誇張, 如果唔係枱面張餐牌寫住麻辣派對, 我地會以為入錯左間高級西餐廳。🍴餐牌上大部份都係香辣嘅菜式, 但係都可以揀少辣或走辣。因為朋友唔太食得辣, 我地原本想揀餐牌寫住走辣首選嘅黃燜雞鍋走辣, 不過店員推介我地試BB辣, 話會比較惹味, 咁我地就聽從專業建議, 點左BB辣黃燜雞鍋。我地另外點左店員推介嘅酸辣水晶粉同兩杯特飲。每一款鍋都有輔菜可加配, 我地加左肥牛, 茄子同有機花菜。水煮魚其實都好吸引, 唯有下次同嗜辣朋友來再點啦。😄避風塘橋底辣蟹$198咁抵, 我地原本打算叫埋, 好彩店員提一提我地呢間餐廳嘅份量都幾多, 再點我地未必食得哂。😂每張枱都有提供魔鬼辣椒粉, 我地當然冇虐待自己

我絕對係一個川菜愛好者,我最鍾意食辣同麻嘅嘢,因為夠重囗味。依到就啱晒我心水,裝修夠晒時尚環境好有氣氛。而且食物嘅選擇都幾多,仲可以自選辣度。足料得黎又夠晒大杯,裏面仲有火龍果,西瓜,橙同粒粒蘭香子,味道酸酸甜甜,用黎解辣一流。炒得啱啱好,土豆絲夠爽脆,酸辣味道比例配合得吾錯,越食越開胃。 雖然口水雞嘅份量有D小,但係個麻辣汁調教得好相當吾錯,又麻又香,仲有D花生同芝麻為口水雞添加多一份香氣,而且D雞肉亦好滑。水晶粉份量都夠多,配菜仲有吾少肉碎,花生同榨菜,水晶粉亦煮得啱啱好,吾會太淋。回鍋肉係我每次食川菜必要嘅菜式之一,依度嘅回鍋肉醬汁夠惹味.椰菜同豬腩肉薄片份量都吾少,又夠入味,係必食之選。

男友愛吃辣，所有三不五時也會找一些麻辣菜吃一下這次來到麻辣派對環境很有派對感酸辣水晶粉 HK$38這要了原辣，也就是中辣的，水晶粉口感適中帶點麻麻的酸辣其實很開胃，也不會真的很辣麻辣自選組合 - 肥牛HK$58、茄子HK$23、五花肉HK$48、肥腸HK$48、金針菇HK$28這自選麻辣鍋要了小辣的，香口但不覺得辣，如果要中辣應該會比較好而且份量原來也不少，吃得很撐XDD古法咕嚕肉 HK$78酸酸甜甜的咕嚕肉嫻一直愛吃，咕嚕肉外脆內軟，入口酸酸甜甜的可以解辣XDD桂花凍?!這是送的，很清甜的桂花香每人HK$180左右，價格算是可以接受份量也多(因為我們吃不完打包回家了XDD)而且所以菜式的辣度也可以因應客人需求而調節，這點很不錯

呢排不停食辣野、熱氣野，務求唔爆瘡唔心息。今次就去左想去好耐既麻辣派對，川菜呢味野，你估個個肯陪你食到面容扭曲咩先黎黑木耳，同某米粉店差唔多味道，黑木耳都幾爽脆，味道唔會太辣，凍凍地好易入口。酸辣水晶粉雖然索價不高但交足功課，水晶粉份量十足，湯底味道唔會太淡，仲有唔少肉碎同炸榨菜作配菜。麻辣雞煲（半隻）店家將雞件切得較細，方便進食，都有20件左右，有雞翼有翼尖。雖然係中辣，但一般食辣人士絕對無問題，辣中帶麻而且好入味。山城回銅肉中，椰菜份量不少，用豬腩肉薄片炒成，但這個菜的中辣俾其他幾碟既辣道較高，可以落得多辣椒。要注意點回鍋肉可能要減辣。朋友講返話呢個回鍋肉幾正宗，味道唔錯。每人一杯水果茶，水果茶入面有原粒菠蘿、火龍果及西瓜，絕不希場。另外，送上甜品桂花果凍，味道唔太濃，但桂花味清新可口，要來減一減食完辣野既口氣幾好。埋單$400，試下新野都幾好，下次再試水煮魚。