四姐川菜

Open Now

Now Closed

雖然私房菜四姐川菜無任何華麗裝修，但勝在口味正宗，加上性價比高，令四姐川菜係銅鑼灣可以屹立不倒。我上一次食四姐川菜已經係六年前，味道仍然驚豔。- 四川涼麵四川涼幼麵有咬口，每一條麵都沾滿袐製辣醬，香辣之餘帶強勁既椒香，非常惹味。- 重慶口水雞雞肉肉質唔差幾嫩滑，口水汁夠酸香，麻味幾有後勁，麻痺感隱隱滲出🤣。紅油好多，但食落唔覺油膩。- 沸騰水煮魚落單時職員無俾我地選擇辣度，好彩整體味道唔算太辣。魚片份量好多，而且好嫩滑，另外仲有唔同配料包括寛粉，- 泡椒嫩牛肉牛肉幾滑身，泡椒令牛肉加添酸辣味道，另外仲有鮮甜小蕃茄。整體而言，味道出色，上菜速度超快。旁邊幾枱都係講國語，證明餐廳食物夠正宗先可以吸引大陸同胞光顧👍🏻

放lunch突然好想食川菜，見到呢間嘅水煮魚係好出名，而且環境亦都好似唔錯咁，所以同朋友試試😍$360/pp重慶口水雞口水雞份量好足，啖啖都會食到麻辣，仲要越食越麻！而且啲雞好嫩，做到正宗重慶風味嘅口水雞！🤤五香鹵牛肉睇得出師傅嘅刀工好好，每片嘅厚度都係差唔多！牛肉完全唔老，同埋會喺口腔不斷散發牛肉味，好推薦食肉獸嗌呢款！招牌重慶水煮魚四姐川菜嘅水煮魚係出名到攞過獎㗎～一上菜陣陣香辣味已經攻上個鼻，原來真係名不虛傳，啲魚非常嫩口，而且係無骨㗎！啖啖魚肉食得好滿足，個底仲有好多薯粉，呢道水煮魚真係勁惹味酸菜魚我哋好貪心咁嗌咗兩款魚，而呢款亦都唔失色，酸酸哋好開胃，呢款個底係米粉，兩道菜嘅食材一定會滿足到你嘅喜好🥰

無食辣幾日﹐川菜癮起 今次就去左銅鑼灣試試這間四姐川菜一入門口就見到書法寫招牌﹐有一種古色古香荼座的感覺入座時間尚早﹐已見很多桌已被留座﹐環境清幽﹐座位間保留足夠距離﹐舒適非常基本上整頓飯都不會被旁邊食客的聲波影響﹐適合邊吃邊談天邊喝酒！用具也蔟新﹐為迎合裝潢設計﹐也使用中國風的茶具茶應該是鐵觀音﹐不是普通的茶水﹐味帶甘甜﹐食辣配甜荼解辣一流！餐牌都很具中國古色格調我點的是二人餐﹐每人費用$340﹐包含 2涼菜 3-4熱菜先來一個招牌四川涼麵﹐有職員會幫忙撈麵﹐這種服務在香港實屬鮮見麵條入口先湧出一鼓淅醋香﹐其後香蔥和香辣味慢慢滲出﹐充斥整個口腔 對味覺造成衝擊﹐使我們食慾大增！接著的涼菜是重慶口水雞外面的口水雞一般較多油﹐而四姐的口水雞油並不多也不會有油膩感覺雞件很滑溜﹐在雞肉肉絲間夾著口水汁﹐使味道散發得更均勻更值得一提就是四姐使用芹菜作伴菜﹐芹菜味較重﹐芹味和口水雞味沒想到是那麼配！清新﹐不油膩﹐也有點田園的感覺第一道熱菜是酸菜魚魚肉和酸菜比例和分佈平均﹐不會有一勺全魚肉﹐一勺全酸菜的情況發生魚肉很滑溜﹐酸菜酸中帶點蔬菜的甜﹐令整體變得有層次也有黃辣椒提供少許辣味﹐這個不算太辣﹐

一入口門就俾呢幅巨型書法吸引住，好有氣派！好快就有店員過黎安排我地入座。我地啱啱好坐左最後一張枱，之後上黎嘅都要等位嚕，真係好好彩！環觀四周，竟然係外國人幫襯多！睇黎四姐都幾出名下。2人可選兩款涼菜，三款熱菜。我地揀左口水雞、蒜泥白肉、椒鹽蝦、回鍋肉同埋酸菜魚。第一道黎嘅菜係重慶口水雞，雞肉嫩滑，就算係雞胸都唔會鞋！雖然好多紅油，但只係帶微辣，仲有淡淡嘅麻油香，作為開胃小食非常唔錯！第二道菜係蒜泥白肉，豬腩切得夠薄，煮到僅熟，配蒜泥葱花一齊食，十分惹味！推介！第三道係川式椒鹽蝦，中蝦炸到脆卜卜，可以連埋殻一齊食，送酒一流！第四道係酸菜魚，估唔到兩個人佢都上咁大盆俾我地！魚肉大大塊兼無骨，仲要超級滑嫩，完全唔腥。湯有濃郁嘅鮮味，同埋酸菜超級夾，飲左好多碗都唔會厭，正！底下仲有好多粉絲，索晒湯底嘅精華，真係一流！第五道係川式回鍋肉，辣辣地幾惹味。唯一美中不足嘅係部份腩片炒過火，有啲硬。奉送的蒜蓉炒油麥菜，菜葉嫩綠新鮮，營養均衡。四姐川菜整體的水準認真唔錯！全晚座無虛席，下次黎會記得先訂位！

美食無國界，四海之內皆兄弟也！香港近年多了不少川菜館，不能否認是國內新移民及遊客帶來的市場，有競爭自然有進步，本作私房菜的四姐，早年已經成功商業化，亦已有分店，有了量，直接從四川運到食材就符合經濟條件，食客就更有福。 銅鑼灣的店，位於時代廣場背後橫街的食廈內，短短的耀華街，食肆可不少。 不注重裝潢，保留私房菜風格，用膳的大廳，如住宅的廳房，我們坐在有大窗的房間。 每位$300，無加一，須付現金，二人局，可選2款涼菜及3款熱菜。 既然來吃川菜，自當無辣不歡，預先邀請了一位來自湖南的朋友作伴，我們兩位辣妹當然辣得起，特選最辣的。招牌四川涼麵 銀絲幼麵，柔軟有彈性，是四川的擔擔麵款式，精髓在於伴麵之特製辣醬，四姐自家調，送上已經嗅到辣椒香，見已知豐富香惹。 吃前必須把醬及麵完全攪混，直至每條麵皆掛上辣醬，涼麵亦非常合作，吸汁力強，入口香辣並全，有香酥的炸蒜口感，辣椒及蒜剁碎之幼粒未完全穈爛成蓉增口感，加油炸至酥脆惹味，每一吮麵皆刺激豐富，口甘悠長，不愧為招牌菜！重慶口水雞 重慶口味，就是多了一點點的麻，口水汁集麻辣鮮香於一身，酒丶油丶醋丶薑丶蒜、花椒丶八角丶麻油丶鼓油丶鹽及糖的複雜味

夠惹味@ 四姐川菜想當年在大陸工作時,愛食辣的我經常和國內的同事一起食川菜,可能國內廚師技術了得,食材新鮮又或者加入了''一滴香''(講笑MODE),隨意一間都食到正宗又具風味的川菜,香港的餐廳為了遷就港人口味而作出調整,在香港總是食不到國內那種味道朋友介紹下,早陣子就和妹妹到鑼灣百樂中心10樓的四姐川菜,食了一餐美味的川菜,口味就是國內食過的那種,而且不貴,愛辣的朋友有福了四姐川菜四處都放滿中式字畫和山水畫,充滿中國風情,未到8點餐廳已經全滿,來食飯強烈建議你先訂桌充滿中國風的MENU,中英對照,餐廳也有不少老外客人來食飯呢收費的方式是人頭計， 每位300蚊免加一， 像我們一行二人 ，就可以自行選擇兩份涼菜三款熱菜， MENU很清楚寫明辣和不辣的菜色,方便不同口味的容人涼菜我點了重慶口水雞,遠遠已聞到那種川辣,未食口水已經在直流　雖然份量不是很多,但每一件雞都是啖啖肉的,骨不多,而且沒有碎骨,十分入味,我是食得辣之人,感到不夠辣,如果再辣一點就更美味了另一個涼菜點了虎皮青椒,同樣都只有小小辣,相信不食辣的人也可以接受煎香了的尖椒加了點杏蒜泥和醬汁,反而食到當中的甜味,而且是很輕型的一

之前睇IG個friend post 左好味水煮魚出來！心心眼的我當然要去一試啦！呢間四姐川菜都唔容易book,上到來都爆場。 看到店名就知這裡主打吃辣，而且是很辣的那種！ 喜歡挑戰自己又自問食得辣的可以上來一試！ 放眼望去有很多是講國語的，那有點像方言口音的相信是喜歡吃辣的北方人，特意上來會一會辣四姐吧！至於我吃辣的程度簡直就是bb班， 如果照正常一般辣的話恐怕會辣到噴火！ 所以記得同店家講只食小小辣，他們都會幫我就住。餐具都十分簇新而古色古香 ，予人有一種典雅的感覺。收費的方式是人頭收費， 每位300蚊免加一， 像我們這樣二人行 ，可以選擇兩分涼菜三款熱菜， 另外白飯任潻！ 更會額外送一碟蒜蓉炒菜，共有六個餸，抵食！涼菜的款式有很多 其中有重慶口水雞、蒜泥白肉、招牌四川涼麵、 虎皮青椒、五香鹵牛肉 、夫妻肺片等等……熱菜的款式更多例如水煮類， 招牌重慶水煮魚、水煮牛肉、水煮肉片、水煮田雞 、毛血旺、 酸菜魚…… 紅燒牛肉、川式宮保雞丁、板栗炆雞、 泡椒肥腸、泡椒鱔片等多款選擇。 完全不食辣的也有不辣類， 例如糖醋里脊 、清炒萵筍絲 、黃燜雞、三鮮鍋巴 、酸菜嫩牛肉、西芹炒鱔絲……有

最近喜歡了食四川菜。以前總覺油淋淋、得個辣字、咩味都食唔出、但最近嚐過两三間四川菜館、己另我對四川菜改觀了。其實食四川菜都幾好呀～可袪寒去濕！四姐川菜是一間平實又親民的店、劃一收費、每位三佰元免收加一、只收現金、案人數定餸菜數量。由於我兩、所以可選擇兩個涼菜和三個熱菜、相當抵食。涼菜招牌四川涼麵大量葱花、椒杍、辣油、將所有撈起、麵條少許麻辣爽口、濃香醒胃。重慶口水雞啖啖肉、醃製入味、辣度不經不覺浸出、口腔開始有點痺感、越食越出味。熱菜招牌重慶水煮魚好期待的一道菜、賣相另人卻步、好似一個辣椒温泉、滿佈粒粒紅椒、還浸滿辣油。其實入口並不嚇人、有辣而香、油而不膩的感覺。魚塊好嫩滑、細嚼下、那辣香另人滿足。薯粉入味非常、煙靱彈牙。值得推介之選。川式椒鹽蝦蝦肉爽脆彈牙、食出滋味。糖醋里脊這個不錯、甜而不膩極開胃。里脊肉質軟腍、伴白飯一流。**　白飯是無限添奉送一碟蒜茸炒油麥菜、時令蔬菜、鮮甜爽脆、好味！整体食物水準中上、價＄＄合理、服務態度又好、可再次幫襯。。。！

自從中環好幾間由四川人打理，以正宗四川風味為主既家庭式川菜館一一摺埋之後，我已經有好一段日子冇正正經經咁食過一餐「blue blood」川菜喇！難得有為食知己介紹，是晚即管試下呢間「四姐川菜」到底係何方神聖！去到餐廳樓下，都重未去到lift lobby，我就已經俾佢長長既人龍嚇窒。可能因為係假期前夕既關係啦，等電梯既人居然有成差唔多三十人咁多，喺站站停既情況之下足足等左十分鐘先上到去餐廳！同市面大部份既餐廳唔同，呢度採用「人頭式收費」，盛惠三百大洋一位，絕無茶錢加一等雜費，非常均真。以兩個人為例，我地可以叫兩個涼菜加三個熱菜，份量亦尚算合理。重慶口水雞︰可能因為用左冰鮮雞既關係，入口時口感較「鞋」，但好彩個汁非常惹味能搭夠有突。辣得黎之餘又有少少「麻」既感覺，呢D絕對係正宗到痺既四川風味，同街邊果D淋喺紅油抄手上面既所謂「四川正品」完全兩回事！蒜泥白肉︰豬肉半肥瘦既比例剛剛好，唔會太瘦之餘又有少少肥膏，啱晒好似我呢D鍾意食「唔健康」肥豬肉既人，不過怕肥既OL記得要就住就住呀！醤汁方面同口水雞既味道有少少唔同，感覺係相對較甜同埋回甘味重D，應該落左冰糖同埋其他藥材，非常特別！重慶辣子雞︰

可一不可再嘅一次川菜餐，全部食材都係冰鮮嘅，煮得好食無所謂，但煮得吾好食! 好很失望!聽朋友話好食，訂左幾次都話無位，終於訂到位，一行5人，一睇餐牌盛惠每位$300，包加一，白飯應該任裝，不包飲品，只收現金。心諗食Buffet咩?? 固定收費，固定份量，固定收入! 份量又孤寒，老闆返本政策，忽略質素!!講返食物:5人份量3涼菜 + 5熱菜 送1油麥菜

好耐冇食辣，突然想刺激下味雷，3條友仔最後清晒7碟餸，勁！$280一位，我地3人個，可以選擇涼菜2款，熱菜4樣 + 蒜香炒油麥菜(碟菜係送㗎)「酸辣青瓜」 不會太辣，而且青瓜清脆爽甜，非常開胃，如果再麻辣番小小就更好味。「重慶口水雞」 買相雖然冇其他店舖擺得咁靚，但有時有Ｄ野，真係唔可以睇表面，佢雞肉肉質非常嫩滑，佢層雞油加辣油非常香，食落都唔覺得油，食完唔會太麻辣，仲可以食其他餸菜。「川式椒鹽蝦」　自稱懶人蝦，愛蝦人士必食Item，蝦size唔會太大，成隻可以放入口，炸得非常香脆，椒鹽唔會過重蓋過蝦鮮味，而蝦肉好彈牙絕對係新鮮蝦。「泡椒鱔片」　西芹炒得好腍，鱔片爽滑又冇骨，不過就咸左d，餸飯就岩岩好。「肉末土豆絲」　不過不失，味道不錯，但土豆可以再爽口ｄ就更加好。「水煮魚」　又一必食Item，切得大大件又厚身既魚肉嫩滑無骨，魚肉新鮮無比，撈一撈鍋底，通透煙韌既紅薯粉及大量芽菜都是必食配菜。「蒜香炒油麥菜」　食到差唔多時，四姐拎左碟菜送比我地，雖然已經好飽，但最後都清晒。泡椒鱔片