Espuma (M88)

Open Now

Now Closed

朕都好耐無黎過中環Tea，今次隨從提議黎中環既Espuma，之前朕都去過灣仔同理尖咀既Espuma食Lunch同晚飯，不過Tea就係第一次，今次隨從就醒喇，之前打黎Book位Mark左要Window Seats，呢度係三間個View最開陽同最舒服既！今次同隨從黎Afternoon Tea，係聽講呢度有個Tea Set好似幾好咁，所以專登過黎試下！食物上枱，擺係大大個e字透明架度，所有食物放喺個架上面，未食齌睇都開心，當然最開心既就緊係部相機啦！朕先品嚐既係雞尾酒蝦沙律，朕唔唔係咪時運高，朕真係見唔到啲沙律，不過隻蝦就其爽口，加上香草同埋蕃茄汁仲有少少淡淡既酒香，唔講沙律，隻雞尾酒蝦係幾好食既！跟住食野菌酥盒，呢個千層酥皮盒咬落好鬆化，而啲野菌都幾厚身又夠香，唔會奀豬豬，幾好咬口！煙三文魚脆多士，用左一大片煙三文魚，淡淡既煙熏味，塊脆多士咬落竟然仲係脆！鮮果蛋沙律緑茶布丁，緑茶味夠香濃，食落香滑！果仁金寶咖啡蛋糕，在蛋糕面上加上滿滿的果仁，咬落爽口，而咖啡蛋糕有濃濃既咖啡味，呢個最有印象！紫薯泡芙，新奇又刺激既紫薯泡芙，食落有新鮮感！歌劇院蛋糕，非常濃厚既朱古力味，厚厚既口感，甜度適中！

OP榜上有名, 特意約好友去下午茶一聚, 位置中環威靈頓廣場, 旺中帶靜. 除了就腳之外, 地點也很易找, 電梯直上, 一開門就可以進入餐廳.餐廳佔了一大半層, 所以盡收開揚的景觀. 由於食下午茶, 餐廳貼心地為我地準備近窗口的位置, 所以一排窗口位的客人都是在嘆下午茶.另一邊是舒服寫意既大梳化座位, 牆上幾個掛畫裝飾簡潔帶歐陸CAFE感覺, 加上柔和燈光, 感覺很warm.呢度既下午茶價格也很吸引, 二人afternoon tea set $228. 而且還要在中環區, 再加上落地大玻璃透到既觀景. 可以同朋友輕鬆傾足一個下午.afternoon tea set for 2: (2:00pm-5:30pm) $228 (+10%)包括4款咸點及6款甜點, 鬆餅配奶油忌廉及果醬, 2杯飲品 (+$15可升級特飲)豐富既小食及甜點, 食完好滿足.用espuma第一個英文字來作三層下午茶架, 透明的大形字架可以清楚看到咸點及甜點, 串透著背後的景觀, 未食眼睛已享受到美食既吸引力. 食物精緻可愛, 擺盤也美觀整齊.先食4款咸點savouries :雞尾酒蝦沙律, 凍蝦肉厚夠大隻, 好彈牙爽

感謝地鐵之發明另一個懶透廚娘在假日都可以四圍去且方便, 端午公假沒兒沒女兩袖清風撥個what apps竟然得多年老友捨得棄下老豆跟我歎茶,「朋友。我檔你一世朋友」。。。中環給我感覺假日是「姐姐天下」,不過今個假日卻見港人數數、和平日繁忙下午也別無多樣,換上的只可能是輕鬆便服,沿地鐵「畢打街」出口、原為貼近目的地,好一個5分鐘的腳骨力,一個少少斜路仔便到對餐廳其餘分店早已拜訪,中環這一舖還是第一次、裝潢跟分店同一風格撞色配搭,大玩創味,被分派到大窗旁感覺頓然加多二錢開心、食物選擇早已為交友網內洗腦之afternoon tea。。。兩時入席等候大約十五分鐘精緻「e層架」直入廣告架終於上場,afternoon歷史源遠流長不作拋書包,到了這一代真係大大變化、當然萬變也離不開食物先來是兩件高高厚厚傳統英式鬆餅,體積雖厚但個子不大、「的的色色」沒有撐飽你個胃本事,內裏餡有葡萄乾,牛油香入口滿注、個人就喜歡塗上果醬貪多一份甜美置頂之君度忌廉朱古力餅完完全全俘虜了我的眼晴、吃在口中紅桑子鮮甜味美,不過朱古力餅可能放涼了、濕度除着生果及小忌廉而上升,稔了猶如薄底Brownie般,這點廚師可要留意哦!引入

物以類聚，人以群分，愛吃的我身邊朋友都多是吃貨。但同是愛吃，有些朋友會較保守，有些則勇於嘗試，就好像最近有朋友跟我說，她只對「好吃的，或即使味道普通，但賣相吸引的」的食店有興趣，好不好吃只有親身試過才知，這個我可不能保証，但最近卻發現Espuma推出了一個二人Tea Set，吸睛度高外，價錢也划算，吃個飽每人才百多元，用來呃Like都抵。＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊Espuma有多間分店，今次我們選擇了中環店，從中環港鐵站一出沿雲咸街向半山方向行四分鐘就到，非常好找。餐廳空間感十足，座位舒適而不覺擠擁，帶工廈粗獷風的天花和帶家庭感覺的仿磚地版形成強烈的對比，落地玻璃把午後陽光照進整間餐廳，感覺悠閒慵懶。 凍朱古力咖啡(+$15)二人Tea set只包即磨咖啡或精選紅茶，但如果加$15就可把咖啡茶升級至特色飲品。這朱古力咖啡層次分明，先拌勻再喝，底層的朱古力醬味道頗濃郁，咖啡香而不苦，最適合怕咖啡苦味的我。 伯爵茶瑪奇朵(+$15)瑪奇朵這名字就聽得多，但我跟朋友還是第一次試，所以就問問侍者到底是甚麼來的，原來瑪奇朵是指飲料表層的奶泡，所以這伯爵

難得放假, 最好就是相約好友嘆番一個High Tea, 輕輕鬆鬆渡過一個愉快下午. 較早前得悉Espuma推出了下午茶, 我地便去試下.這個下午茶價錢是$228兩位, 另收加一服務. 下午茶包每人一杯飲品, 額外加$15, 可以改為特色飲品.Tea Set上枱拉~賣相都幾靚.雞尾酒蝦沙律.蝦幾爽口, 而個醬汁帶點酸酸, 幾醒胃.野菌酥盒.酥皮幾鬆化, 同野菌好夾.鮮果蛋沙律.這個無甚麼特別, 味道正常可以.綠茶布丁.入口有淡淡的綠茶味, 而質感夠幼滑.紫薯泡芙.近排紫薯真係大熱, 不少甜品也推出紫薯款式. 幾特別, 但我自己較鍾意忌廉泡芙.君度忌廉紅莓朱古力脆餅.紅莓帶點酸酸地, 幾醒胃, 好適合依加天氣食.歌劇院蛋糕.提子鬆餅配奶油忌廉和果醬.鬆餅尚算夠鬆.我自己鍾意配奶油一齊食.最後飲品點了熱檸檬水, 清一清喉嚨, 可以起中和作用.

某位朋友的推介下老婆仔被espuma最近推出的下午茶套餐吸引著星期日的下午難得能一起放假當然要過得悠閒一點就預約了在這裡下午茶之後再去參觀婚展228元的二人下午茶套餐價錢尚算合理根據菜單上的描述分別有鹹點和甜點我們再加15元選了水果茶及蜜桃茉莉綠茶準備迎接高尚的下午茶餐在附近見到不同特色的建築物的情況下居高臨下的品嚐下午茶已經感覺很高尚再加上這些小食用上這個特別的透明架送上老婆仔忍不住花了不少時間拍照先吃鹹點這個煙三文魚多士三文魚非常厚煙燻之下鹹味很出所以單配麵包多士也很夠味雞尾酒蝦沙律可算是唯一的肉類首先蝦製作得很香就算不點下面的醬汁已經很不錯不過下面的醬汁感覺有點像普通的茄汁還好蝦味很突出所以還可以野菌酥盒就是酥皮包著雜菌應該是焗製過所以裡面的雜菌很香不過外層的酥皮略硬不夠鬆化老婆仔差點弄傷咀了所以吃起來要小心點鮮果蛋沙律非常新鮮果味很突出因為用上了芒果和奇異果都是味道突出的生果蛋沙律也很豐富不過這個器皿底部中空了感覺不太夠沙律之後就是甜點紫薯泡芙的紫薯份量很多輕輕一壓就會全部擠出來所以紫薯味十分濃很幸福的味道甜度也控制得很好是我非常欣賞的一個甜點君度忌廉紅莓朱古力脆餅吃起來主要是

望穿秋水，又到周六，煙雨霧霧，正好懶牀，好一陣子沒有 High Tea 了，今日找得着藉口。Espuma 的中環店位於商廈高層，知道她的下午茶由二時開始，馬上準時到達，可惜依然來遲一步，窗口位置已滿，這日未能倚窗遠望，只好更專注食物。中環區二人下午茶只收$228，包括兩杯飲科，價錢實惠，識貨的客人不少。鹹點四款，甜點六款，兩個鬆餅，份量足夠我們作為 late lunch。High Tea 一向是女生闊太的至愛，所以最重要是造型，必須精緻大體，擺設高雅，味道反而不強求，此外就是飲品，是重要的考慮元素。Espuma 是西班牙的著名咖啡連鎖店，espresso 必然有水準，可惜我已受不咖啡因的刺激，只好移情 Signature Fresh Fruit Tea.Signature Fresh Fruit Tea (+$15)淺橙的夏日顏色，青紅蘋果及熱情果的混合為主，以燭台保暖，香甜可口，有冷熱的選擇，我喜歡傳統。食伴的一杯 Fontana Nera Macciato (+$15)凍咖啡的味道，可可味不強，我們覺得是否弄錯了，上了一杯 Espuma Macciato，但味道好，那就算了。三文魚

係母親節前一個星期，媽咪已經話要去一間坐得舒服又開揚既餐廳食Afternoon Tea。終於比我搵到呢間性、價、比極高的Espuma春日悠閒格調下午茶，所以決定book呢間比媽咪扮下貴婦影下相。我book左枱3:30，中環呢間分店就係蘭桂坊附近，好容易就搵到。好喜歡中環分店，不只是裝潢華麗而且景色也很優美。閒日時段無乜人，店員幫我簡左個全餐廳最好景既位置。之前食既Afternoon Tea Set都係以三層架放物，Espuma呢個透明e形層架盛真係第一次見，型格得嚟又不失貴氣。HKD228+10% (二人份)呢個價錢真係好抵，係Afternoon Tea既市價嚟講算係幾平。媽咪唔中意飲咖啡奶茶，所以另加HK$15，轉左特飲。Espuma既水果茶一向有水準，所以介紹媽咪飲呢個。我就叫左泡沫咖啡（凍），行上嚟已經好熱所以唔想飲熱飲。凍飲既咖啡味道不過不失吧！同媽咪都有個習慣係先食咸點再食甜點～我係一個酥皮控，呢個野菌酥盒好合我心意，酥皮散發著牛油香，而蘑菇味道濃。煙三文魚大大舊，鮮味十足！雞尾酒蝦沙律，個蝦好彈口好新鮮。食完咸點就到食甜點既時候啦～提子鬆餅 配 果醬及忌廉個提子鬆餅焗得好鬆

自從上次經姑奶推介後試過這餐廳，一直都想再找機會過來再ENJOY美食撞啱這日老公下晝得閒，而佢夜晚又要過海去飲，我便提議來這餐廳食個下午茶, 悠閒地享受一個下晝~~~最初打算食窩夫，怎料一上到餐廳，竟然見到有afternoon tea set!!!實在太驚喜了款式又多，賣相又靚而且有英式鬆餅配cream & 果醬!!!!但由於我地其實係未食lunch，時值3點，一去餐廳到已經好肚餓，於是便先點一個炸魚薯條打一打底而且心想應該有不少客人是為了食個靚靚tea set，所以預算應該冇咁快有tea set 架available由於我地坐得比較近bar枱，見到已經有不少人已點了這afternoon tea set看到店員正在準備很多tea set時，我已經滿心期待中。在我期待tea set的時候，即叫即製的炸魚薯條已經ready 了!Fish n’ Bites ($98)一件魚柳已經成隻碟咁長了~~~魚柳夠厚身，而且炸漿夠薄，入口外脆內軟炸漿已有少許調味，只需加少許檸檬汁提升一下鮮味即可當然，配埋酸瓜沙律醬也是不錯的選擇!!薯條是老公最愛的粗切!!!入口薯味十足!!而且即叫即炸即上枱，小鐵桶內又

每次來到M88的Espuma，都會被美麗的景色吸引住，落地的玻璃飽覽中環的景色，而且環境清幽舒適。留意到新出的Afternoon tea set價格優惠，所以是日與一眾姊妹們前來享用。Tea Set $228 可供兩位享用，另加一服務費，已包了兩杯普通飲品，特地前來吃Tea，當然要加$15升級特飲。特飲的種類亦不少，因為天氣熱，姊妹選擇了凍飲，而我就選擇熱飲慢慢嘆。玫瑰烏龍茶玫瑰花味香，入口帶點香甜，暖胃之選。貴妃荔枝茉莉茶荔枝味不算很出，淡淡的茉莉花香，很解渴。Tea set用一個透明的"E字"層架盛載，"E"應該就是Espuma的意思吧，食物亦擺放得很漂亮。上面共有四款鹹點及六款甜點。雞尾酒蝦沙律拿起竹籤便可進食，蝦肉新鮮彈牙，不覺有雞尾酒味，像茄汁味多一點，不過味道頗清新。野菌酥盒酥皮焗得香脆，再加上芝士及雜菇，一點也不單調。三文魚脆多士三文魚被卷成玫瑰花的形狀，好漂亮。鮮果蛋沙律沙律醬中有粒粒碎蛋，再配搭清甜的生果，很健康。綠茶布丁布丁的質感很滑，牛奶味比綠茶味更重。紫薯泡芙紫薯幼滑，不會太甜，泡芙質感軟軟。忌廉紅莓朱古力脆餅紅莓酸酸的，配搭甜甜的朱古力脆餅。果仁金寶咖啡蛋糕咖