女人街食飯公司

Open Now

Now Closed

女人街食飯公司係一間走懷舊風嘅中菜館，無論門面定店內每個角落都佈置到好似七八十年代咁，摺枱上面冇鋪枱布，好似去左大排檔咁，不過室內其實有冷氣，唔怕食到大汗耷細汗。門口哩對龍鳳都唔知有幾多年冇見過喇，好有親切感。一入門口左邊個收銀位上面個鐵絲網仲夾左啲懷舊雜誌，亮點一定係包時興隆。金沙脆鮮魷($108) - 鮮魷炸漿好薄好脆，上枱時仲熬辣辣，食落去仲係辣口嘅，鹹蛋黃味都好重，非常邪惡好啱餸酒。彩椒黑醋脆豬柳($108) - 豬柳切成條狀一口一件，食落甜甜地脆脆地，中間仲加左彩椒同腰果落去炒，香口又開胃。金銀蛋浸時蔬($88) - 時蔬我地揀左莧菜，菜量都算多，莧菜唔會太老亦冇沙，食完菜仲可以飲兩啖湯。老虎大蝦龍蝦湯脆米泡飯($128) - 龍蝦湯入面除左泡飯，仲有老虎蝦同冬菇片，龍蝦湯好惹味，但又唔會太鹹，食之前再加埋啲脆米上去，脆卜卜咁幾好食。總結，每樣野食都熱辣辣又好食，地方雖然扮街邊大排檔，但環境非常乾淨又有冷氣，好多打卡位，最啱同一班朋友黎，不過真係好多人食，未夠7點已經坐滿人仲有好多人等位，最好早啲黎攞位或者預早book定枱。

🔥女人街上樓大排檔🔥推介指數 ❤️❤️❤️❣️🤍朋友相約食大排擋，除咗諗起麻甩、天氣炎熱真係有啲難搞喎😨(出汗、出油、餵蚊… )到達目的地係上樓室內食肆，有冷氣㗎！而且唔少打卡位，坐近窗邊仲可以俯瞰排檔，香港不可或缺名勝呀🇭🇰🥡餐前小食：地道咖喱水魷魚 HKD58/胡麻鮮准山 HKD68✨咖喱水魷魚惹味又彈牙、鮮准山新鮮爽脆。👨🏻‍🍳廚師推介：🐚花膠燉螺頭湯 HKD208✨熱焫焫原盅上枱，打開蓋時出哂煙。湯料份量十足，有花膠、螺頭、豬肉、雞腳、杞子等。望落清澈、飲落味濃，一大盅𢳂到8小碗。🌶麻辣柏葉 HKD58麻辣味容易入口，柏葉彈牙～🔥撚手小菜：🦀黃金軟殼蟹 HKD98✨外層滿滿鹹蛋黃、炸得酥脆唔太油膩。🌶虎皮尖椒豉蒜醬爆鮮鵝腸 HKD128✨豉蒜醬爆尖椒同鵝腸同樣味道濃烈。🦴香蒜椒鹽骨 HKD108✨炸得酥脆且味道剛好。🥬金銀蛋浸時蔬 HKD88✨鹹蛋、皮蛋、肉碎配上白菜，家常菜之一，好味！🍬小甜甜：古法脆麻花 HKD28/蛋白杏仁茶 HKD28✨一碟4件脆麻花，脆卜卜配糖醬好滋味～香滑潤肺杏仁茶，仲有蛋白花增加口感，一秒養生❣️總結：-食物 ❤️❤️❤️❣️🤍環境 ❤️❤️❤️❤️🤍服務 ❤️❤️❤️❣️🤍.··

打卡嘅餐廳多數係cafe或西餐，估唔到中菜都可以好打卡，終於等到我啲中菜飯友得閒，一於又食又影！環境走港式懷舊風，超多好打卡位，真係隨手影都靚。花膠燉螺頭湯 $208最鍾意飲湯嘅本人率先揀好呢款，原盅上檯夠哂熱，花膠、螺頭、雞腳、豬肉等，入口清甜，真材實料，呷一口感受到滿滿滋潤。黃金軟殼蟹 $98外層鋪滿黃金鹹蛋黃，炸軟殼蟹好香脆，炸物控必食。香蒜椒鹽骨 $108味道香口，椒鹽好惹味，如果有白飯真係超好送飯。虎皮尖椒豉蒜醬爆鮮鵝腸 $128尖椒帶辣，醬爆大腸好濃味，佐飯一流。金銀蛋浸時蔬 $88食飯當然要有菜，白菜唔會煮得太老，再配搭鹹蛋、皮蛋、肉碎等等，好豐富。胡麻鮮准山 $68、地道咖喱水魷魚 $58、麻辣柏葉 $58准山清新爽口，加上胡麻醬，味道有增持；惹味嘅咖喱汁配水魷魚，經典港式風味；柏葉口感爽彈，麻辣味不會一味死辣。蛋白杏仁茶 $28質感順滑帶杏仁香，加入蛋白增加口感，令整體不會太甜膩，又有潤肺健脾嘅功效。古法脆麻花 $28一份有4件，香脆帶甜蜜滋味。

成日見某社交平台有人打卡，終於約到朋友去試。閒日夜晚，差唔多full晒，大家記住book位。餐廳裝修係懷舊香港大排檔feel，地方企理乾淨，唔會迫。係高級版大排檔 👯‍♀️ 兩個女仔一共嗌咗四樣嘢，份量都幾大，完全食唔晒 😛🦑 金沙脆鮮魷 - 魷魚夠厚身，爽口彈牙。炸漿唔會太厚，炸得酥脆唔油膩，外酥內嫩。可惜金沙唔夠，多啲鹹蛋就完美🍤 黑松露鮮蝦多士 - 多士唔係普通麵包，係酥皮底，超級鬆脆。蝦好大隻，爽口彈牙。上面仲有黑松露，另外配上黑松露沙律醬，夠晒香 🐷 青芥沙拉骨 - 排骨好大舊，絕對足料。Wasabi味濃郁，溝咗沙律醬，唔會太過辣，清新唔膩🥬 金銀蛋浸時蔬 - 我哋揀咗莧菜，超大碗！清清地，食咗咁多肉要食返個健康嘅

雖然呢間”大排檔”唔係喺街邊，但風味十足，設計充滿懷舊風格，店內更有唔少搞鬼打卡位📷本身book左8點半，我地早左到，侍應超nice未夠鐘都比我地入～餓鬼上身既我地叫左好多野😂招牌杏汁豬肺湯 ($148)聽講有時會賣晒，所以第一時間叫左先！黎到見到咁奶白色就知有超濃既杏汁，飲落去係有淡淡既杏味，而且好足料，豬肺亦好入味。屋村三鮮 (豬生腸、鴨腎、墨魚) ($78)呢3款都係我至愛既街頭小食之一，爽口彈牙滷水味啱啱好，點芥末醬同甜醬一流。黑松露厚蝦多士 ($28/件，3件起) 次次黎都必食！新鮮炸出黎要趁熱食，蝦多士超鬆脆，有好香既松露味😍加埋黑松露醬無得輸。生炸脆皮頂鴿 x 2 ($196)炸得超靚，個皮好香脆，肉質嫩滑，咬落去啖啖肉之餘仲保留到肉汁，要用手食先夠滋味古法豉油皇鮮鵝腸 ($128) 鵝腸好爽口，好香好夠味！瑤柱招牌走地雞 (半隻) ($138)走地雞果然好嫩，而且半隻份量真係唔少！另外配有兩款汁 - 一款似泰式酸辣汁，另一款蔥油，個人比較喜歡點泰式酸辣汁。金銀蛋浸時蔬 ($88)鹹蛋同皮蛋唔會令到個湯好鹹，莧菜好嫩好好食。黑椒蜜餞茨仔牛柳粒 ($168)牛柳粒完全唔會韌

不知道年輕的Foodies有沒有去過「大牌檔」？「大牌檔」此名源於1912年港英政府發給攤牌檔經營者的牌照，由於該牌照的面積、形狀均比一般小販牌照大，所以人們統稱這些攤檔為「大牌檔」。筆者在小時候、讀大學期間都會跟家人、朋友到「大牌檔」吃飯；「大牌檔」價廉物美，小菜以「夠鑊氣」為賣點，一班人浩浩蕩蕩的吃飯喝酒，好不熱鬧快樂！但缺點是可能沒有冷氣，也可能沒有上蓋，衞生環境較差。這一天筆者二人來到旺角的「有冷氣版大牌檔」，感覺超良好！明明是樓上餐廳，但主打「大牌檔」菜式，店舖更被劃分成不同主題區，有酒樓、理髮店💈、燒臘店等等，這些香港舊有的傳統景觀全都是港人集體回憶的一部分，非常有誠意！我們點了金銀蛋浸時蔬 ($88) 及士多啤梨🍓三度腩排 ($108) ，另加人頭白飯。筆者自小已喜愛食金銀蛋浸時蔬此菜式，新鮮的時令蔬菜🥬，配上金蛋 (鹹蛋) 、Q彈的銀蛋 (皮蛋) 及上湯，既簡單既好味。而士多啤梨🍓三度腩排十分對筆者口味！果粒醬汁帶著水果的天然甜香，甜酸度適中，非常開胃，吃起來口感有脆度。順帶介紹一下腩排，腩排是位於豬腹腔靠近肚腩部分、連骨帶肉的肋骨，由於肉厚、脂肪多，超適合煎炸之用。總