奈良上釜 (Closed)

鯛魚櫻花祭薄切真鯛刺身，漬物，茶碗蒸。 今日在銅鑼灣那邊放工， 個friend介紹登龍街又有好嘢食。 今次試新嘢: 日式釜飯。 門面推介比店乃香港首間釜飯專門店。店子小小，座位不多，一定要book位。 牆上貼滿大大張poster介紹各種新釜飯。 其中最吸睛， 一定要試吓。 先來是松葉蟹腳和天婦羅。 蟹腳唔算粗壯不過食落鮮甜， 即使做了天婦羅也掩蓋不住鮮味。再來一個茶碗蒸， 上面放有蟹鉗， 蟹子，冬菇和滑滑的蒸蛋。 蟹肉和滑蛋簡直絕配， 蟹的精華完全融入蒸蛋中， 有如一個迷你版蛋白蒸花蟹， 堅正! 輪到釜飯出場， 就像廣東版嘅煲仔飯， 熱辣辣香噴噴， 唯一不同的沒有煲仔飯豉油。 而飯煲用上的金屬是銻， 輕身而耐熱。 松葉蟹蓋下， 充滿著蟹膏，蟹子和蟹肉， 啖啖蟹鮮味， 伴勻著粒粒軟熟甘香的米飯， 完全突顯蟹嘅鮮味。 令人驚喜的是蟹膏蟹肉分量頗足料一點也不吝嗇 。釜飯setting一路保持著熱度， 令人感受到溫暖又美味的蟹肉飯， 吃到底部還有飯焦。 飯焦也保持香脆，唔係硬實實咬壞了牙齒咁樣。 另外，此飯一點油膩感也沒有，乾爽軟熟， 蒸飯最高境界。還有一個小甜點， 糯米包著的餡料是cr

星期五晚個個放工都HAPPY FRIDAY，走到食肆林立月月有新野既銅鑼灣食生日飯。位於銅鑼灣登龍街，晚上八點鐘這家吃日式煲仔飯既食店排晒隊，好彩友人比我早到已經排緊隊，排隊途中即刻上OPENRICE睇下D相同食評。前面既人唔想坐最近門口的二人檯，益咗我地，照殺 !店內環境檯與檯之間其實都好密，明白依家香港地乜都貴，當中舖租就更甚，真係寸金尺土，所以都諒解。不過，椅下沒有籃放隨身物品，唯有全程攬住.... MENU內有好多不同款式既釜飯，仲有一個新既MENU內無架就係叫蟹盛既套餐。 蟹盛用上松葉蟹，內有蟹盛釜飯、蟹鉗茶碗蒸、蟹腳冷物、蟹腳天婦羅、味噌湯、漬物及生果，價錢係HK$298， 應該係咁多個釜飯中價錢最高；MENU內其中一款奈良七盛釜飯 HK$288，內有蟹肉、海蝦、鮑魚、三文魚籽、冬菇、白本菇及三葉；我地就決定叫依兩款SHARE食。蟹盛：松葉蟹腳凍食 蟹盛：松葉蟹腳天婦羅，熱辣辣啊 !蟹盛：松葉蟹鉗茶碗蒸 ，夠滑但可以再濃味DD蟹盛：松葉蟹殼揭開 蟹盛：滿滿蟹籽蟹膏蟹肉 蟹盛釜飯既飯焦而另一個奈良七盛釜飯 ：刺身麻醬凍豆腐腐皮丸子熱食到了茶碗蒸三文魚籽哈哈，個飯一揭蓋就撈..

香港終於有釜飯食喇！！銅鑼灣真係一個美食天堂，哩度最近就新開左一間食日本釜飯同蕎麥既食店，岩岩去完日本既我都有d掛住日本既味道，哩日一於試下先！😆好彩係平日六點鬆d去食所以冇乜人，到我地坐底十五分鐘左右就幾乎full house😚 我地太好運喇！餐廳枱櫈都係用木製為主，係傳統簡樸日本風~釜飯都幾多選擇，有海鮮、肉類又有素食既飯。極上釜飯…我覺得叫哩個最正，因為有齊我想食既野！鰻魚、蟹肉，三文魚子仲有赤雞，仲有菇、扁豆，係好均衡既感覺😋 鰻魚雖然一開二，不過都好食，起碼冇食都有骨，連幼骨都冇嫁！肉質都幾嫩。蟹已經拆左肉，份量都唔少，不過要快d食，如果唔係碗邊既熱力就會整乾哂，變左蟹肉乾嫁喇😂 所謂既赤雞，其實係雞肉粒，去哂皮好健康😂 而每個釜飯餐都有配一set前菜，當中既足料茶碗蒸同凍豆腐都好好食😍松葉蟹腳天婦羅配抹茶蕎麥… 蕎麥麵可以揀冷或熱，哩個係冷食，又可以揀原味蕎麥或者抹茶蕎麥，我緊係揀哩個抹茶蕎麥啦！要認真㗳先食到少少抹茶味。旁邊有冷既蕎麥豉油汁，整體好清爽！蟹腳天婦羅炸粉夠哂脆口，雖然唔夠薄身，不過好彩夠鬆有好多空心氣泡，加上可以點埋旁邊既酸醋汁，所以食起上黎都唔太油膩😜 蟹

香港的日式料理店真的五花百門, 但數到日本傳統的鍋飯, 反而才是近來新興的一門。專門食釜飯的“奈良上釜” , 選擇了銅鑼灣登龍街這殺戮戰場開業。旋即成為人氣長龍店,若不是訂了座, walkin 的話恐怕要等到天荒地老, 不過仍有食客勇於挑戰, 足足等了一個多小時才能入座呢! 不過訂了座亦未必能夠即時入座, 要齊人才放行。店門以紅色巨型鳥居裝飾, 甚為誇張搶眼, 而店前放了個活動裝置, 不時自動打開鍋蓋, 噴出煙霧來, 單是這樣已於熙來攘往的登龍街成功引人注意。 內裡陳設裝修較為簡潔, 猶如飯堂, 靠入面的一道玻璃屏風更可以窺探廚房的運作。空間不算寬敞, 加上翻檯的次數, 坐得未算很舒服, 而且進餐設有限時, 所以安坐後還是快快選擇。 餐牌內當然是主打提供釜飯, 前後有十二款, 選擇未算多, 勝在食材吸引, 除此之外, 還有天婦羅、蕎麥麵等的提供, 不過在場的食客通通都是選嘗釜飯。 上菜流程亦不怠慢, 一道緊接一道。 釜飯製作需要10-15分鐘, 落單後先來前菜、 煮物、 蒸蛋、醃蘿蔔和刺身開開胃。用木架盛載而上的前菜, 加上精緻的器皿, 吸引度都頗高。 前菜 - 伴有麻醬和木魚

門面仿日本鳥居設計嘅奈良上釜,晌登龍街之中都幾顯眼,由網上得知原來佢仲係香港第一間日本釜飯專門店,而且啱啱開冇耐咋.門外放咗個電動嘅巨型釜飯裝置,又幾得意.呢日嚟到嗰陣仲未到營業時間,不過等咗陣就可以入去.入面嘅裝修偏向簡潔,坐位亦比較密集.佢哋用嘅茶杯印咗中式圖案,同埋係有連貫性可以連成一幅畫嘅.佢啱啱開業冇耐,暫時就只有釜飯,啲侍應講遲啲會有蕎麥麵等.我哋就試兩份釜飯,兩份都跟漬物,沙律,茶碗蒸同味噌湯,我嗰份奈良七盛釜飯仲額外跟埋煮物,刺身同水果,單睇都覺得豐富.當日刺身有油甘魚,吞拿魚,甜蝦各一件,前兩者都係厚切嘅,不過油甘魚就有少少魚筋,好彩吞拿魚幾鮮味有魚香,甜蝦就甜美.煮物有切粒嘅胡蘿蔔,蘿蔔,牛肉同露筍,煮得軟腍入味,尤其係胡蘿蔔同蘿蔔幾乎入口即化,牛肉肉味香,甜中帶鹹,係類似壽喜燒嘅味道.茶碗蒸入面有原隻蝦肉,海膽,三文魚籽,鳴門卷,冬菇等,上層係凝結成啫喱咁嘅高湯,下層嘅蛋蒸得夠滑溜,海膽仲令佢更鮮甜,三文魚籽就可以增加咬口.沙律方面原來係冷豆腐,用咗芝麻醬調味,同埋灑咗啲木魚碎,豆腐質感扎實,但口感唔硬,亦冇出水情況.漬物有白蘿蔔等,都幾爽脆開胃.所有釜飯都係用原

假期嘅最後一日，一定要食啲有趣嘅嘢去歡送呢個頗悠長嘅假期。搵咗成朝，碌哂成個list，都諗唔到食乜。搵搵吓，睇到呢間新開餐廳嘅Facebook話，直至到1月5號都有全單半價(適用於午市及晚市)，OK既然係咁，唔洗諗，就呢間！明明係來自日本嘅餐廳，點解咁得意播韓文歌嘅？釜飯即係日本傳統鍋飯，先放米，加入高湯，再舖滿各種食材，以大火煮幾分鐘之後再轉慢火煮，等水蒸發晒字後，就蓋上木蓋，以密閉嘅狀態再煮大概15分鐘，咁樣所有食材嘅鮮甜都會滲晒去白飯入面，理論上一鍋靚嘅釜飯係應該一開蓋就香味撲鼻，就睇吓佢哋做唔做得到先茶碗蒸 沙律 漬物以為係普通貨色，但一開蓋之後哇咗一聲！有三文魚子、海膽、蝦肉、蟹肉、一大片魚蛋、大量冬菇黑松露醬，香氣四溢！蒸蛋就唔算好滑，但由於足料，所以過關！未咬開三文魚子前先食到蛋嘅香味，咬開後啲鹹香滲晒落啲蛋入面，層次勁好！沙律喺邊呢？變咗係麻醬豆腐，都幾好食；漬物就真係麻麻了煮物 冷物因為我叫咗極上釜，所以多咗呢兩樣野。煮物係有啲蒟蒻、蘿蔔及一塊肥豬肉..... 冷物就係一隻蝦、兩片魚生，都幾新鮮，唔錯極上釜 (原價$268，半價$134)等咗大概20分鐘，終於上菜了！