蘇山雞飯

Open Now

Now Closed

之前午餐都有食過蘇山嘅海南雞飯已經覺得好好食，今次6點幾行過發現仲未有人龍排隊就決定入去再試雞飯。獅城芽菜走地雞飯 配油飯同雞雜冬瓜湯 - 走地雞皮香肉嫰，雞味濃郁，雞件下面鋪滿芽菜，我最喜歡點佢酸酸辣辣嘅醬汁食，呢到嘅油飯好香雞油味，而雞雜冬瓜湯完全冇腥味，清清地好好飲。鮮油咖央多士 - 套餐加配嘅小食所以半價就食到，好大塊嘅牛油同埋滿滿嘅咖央醬夾向烘到好脆口嘅多士入面，啖啖都係滿足感。馬拉盞椰菜苗 - 咸香味都好足，份量都多，兩個人都一定夠食。脆炸鳳尾蝦春卷 - 春卷夠哂香口，唔油膩，食完都冇負擔感。開心果椰子奶昔 - 完全係好驚喜，第一啖飲落去充滿椰子嘅味道，跟住後面就有開心果嘅味慢慢走出嚟，飲落唔會太甜，讚!!!!

一向知道風評不錯專登帶埋屋企人試三個人食飽四百蚊有找食物質素唔錯，可惜衛生麻麻地，多昆蟲明明裝修都算光鮮，但勁多飛蟲螞蟻，一路食一路圍住啲嘢食飛，螞蟻係白色牆組成絲綢之路，勁影響胃口，希望餐廳搞搞佢。油飯出色，海南雞未到驚艷但都幾好，半隻雞份量都比足，醬料齊全。跟餐加錢轉肉骨茶，濃味但胡椒味較搶，小心上火，湯渣豬肉排骨偏粗糙鞋口，唔能夠當餸食。通菜油水足，正常發揮。開心果椰子奶昔好清新，椰味濃，但開心果味唔算重。串燒有牛有雞，肉質可以，性價比高，沙嗲醬好食，加分。喇沙配料份量好足，質素可以

大隻仔今次覓食嘅店舖就係💥 蘇山雞飯 💥大隻仔今次介紹呢間星馬餐廳，海南雞飯同咖央多士都好好食，招牌海南雞飯必食推介，用咗二十幾款香料浸雞，雞肉嫩滑又入味，咖央多士烤到金黃酥脆，中間夾住香甜可口嘅咖央醬同厚厚半融牛油，不得了。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️⭐️加一服務費 ✅⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 鮮油咖吔多士 $30咖吔多士好好食，麵包烤到好香脆，加上充滿椰香嘅甜味咖吔醬，中間夾住大大塊牛油，極之邪惡，但非常好食。🔥 參巴辣蝦醬通菜 $42馬來西亞嘅參巴醬真係好好食，加埋蝦醬一齊抄通菜，帶少少辣，充滿咸香，會食唔停口。🔥 招牌海南雞飯配 雞雜冬瓜湯 $85 黎得蘇山雞飯，梗係要食馳名嘅海南雞飯啦，去骨海南雞超級滑，啖啖肉，非常滿足，雞皮下仲有一層透明啫喱，再配上傳統三款海南雞醬汁，薑蔥蓉、黑醬油及酸辣汁，各有滋味，不過大隻仔最鍾意就係點酸辣汁加薑蔥蓉一齊食，真係最好食。雞油飯亦同樣出色，油而不膩，油飯夠曬味道，隨餐附送嘅冬瓜青湯內有好多片雞雜，而且雞腎好爽口。🔥 夜市沙嗲6枝（

路過見到窗口客人枱面放住有火燒緊嘅煲好吸引！所以就排隊入去試下~我哋夜晚八點去到都好full,食緊嘅時候門口keep住有人等位~🍽️巴東牛肉配江魚仔椰漿飯 $85椰漿飯配上軟腍嘅巴東牛肉、江魚仔、花生、蛋及泰式蝦片。泰式蝦片好大片，而且好脆。巴東牛肉煮得好腍好入味，而且份量都好多！椰漿飯椰香味濃郁，配埋魚乾嘅鹹香同花生食用口感豐富。🍽️火焰醬香椰子雞窩 $168店員喺鍋蓋上加咗酒同點火，鍋蓋一瞬間包圍住火焰，賣相相當吸引！😻等待五分鐘就可以食用！火焰醬香椰子雞湯用咗椰青水同醬香型嘅茅台酒，湯底一滴水都冇加，配上椰青肉同枸杞香醇濃郁而且鮮甜美味。走地雞份量好多，肉質嫩滑鮮美，配埋沙薑及青檸調配嘅醬汁非常好味！同油飯食好夾好滿足！🤤🍹開心果椰子奶昔 $32奶昔好幼滑，開心果味濃郁，配上幽香嘅椰子味非常夾，兩者味道唔會互搶。🍹砂拉越菠蘿冰 $48由原隻時令菠蘿肉攪拌製成，酸酸甜甜開胃又解渴，非常適合夏天飲用。原汁原味，正！😍

海南雞飯喺香港嘅受歡迎程度真係唔講得笑，無論係海南雞飯嘅專門店定係茶餐廳都會見到佢嘅身影。今次嚟到呢間人氣餐廳，主打星馬菜，仲長期都好多人排隊，一於試下佢嘅招牌菜。 火焰醬香椰子雞窩以瓦煲一路煲住椰子雞，開蓋之前侍應將酒淋落煲邊，造成火焰效果。椰子湯入面有椰子、杞子等材料，好清甜，即刻飲咗兩碗先！雞肉好嫩滑，有微微嘅酒香，亦有椰子嘅香甜。配埋油飯好夠飽。 獅城芽菜走地雞飯雞肉一樣嫩滑唔肥，淋上炒過嘅蒜汁好香口，配三色醬汁各有風味；芽菜厚身清爽多汁；雞雜冬瓜湯暖胃。 鮮油咖央多士厚厚嘅牛油同咖央勁邪惡！烘底多士熱熱哋，令牛油有少少溶化，咬落有鹹甜鹹甜嘅味道。 砂拉越菠蘿冰砂拉越係馬來西亞嘅行政區域，盛產菠蘿。飲得出係鮮菠蘿打出嚟，爽口解渴。 開心果椰子奶昔好creamy，椰奶味重得嚟開心果味都好出，兩者味道幾夾。

平時去開長沙灣分店，今次黎到太子見到「火焰醬香椰子雞窩」好吸引，就入左去。裝修與長沙灣分店相約，都以藍色為主。鄰近太子地鐵站，十分方便！    ⦁火焰醬香椰子雞窩 $168上菜方式有驚喜‼️店員在砂煲蓋上淋上醬香茅台🥃，再點火🔥，等待沙漏漏完⌛，店員再前來打開。打開後滿滿的雞件，以及香濃椰子味🥥。另外仲配有一碗油飯，每粒都油香十足。😋😋   ⦁鮮油咖央多士 $15尼款是我必定加配，熱辣辣的烘底多士🥪，入面夾了一半凍冰冰的牛油🧈及甜絲絲的咖央，口感十足之餘，仲好邪惡‼️😏😏  ⦁超冰凍椰青 $35大大個椰青，椰青水清甜解渴！每次必點😋😋   ⦁砂拉越菠蘿冰 $48⦁開心果椰子奶昔 $42尼兩款可以稱甜品，亦可稱飲品！原個菠蘿呈上🍍，非常吸睛，岩晒打卡，味道清新。而奶昔飲落順滑，椰奶味香濃，開心果味則淡淡的，但可以飲到少量椰絲，口感十足。   

惹味星馬菜🧡💛大推經典海南雞飯🌴朋友介紹太子有間食星馬菜餐廳～呢一晚就去左試蘇山雞飯📍-招牌海南雞一定係必選之食🥢雞肉去骨，肉嫩彈牙，再配合油飯🍚隨餐仲有碗雞雜冬瓜湯，清甜又風味。-怡保扎肉手撕雞湯老鼠粉🥄配料相當豐富，手撕雞肉吸收咗湯底，份外惹味﹗老鼠粉唔係間間餐廳有得食，我鍾意😆-開心果椰子奶昔，椰子🥥控一定要叫，奶昔入口順滑，仲有淡淡的果仁香味🥜-砂拉越菠蘿冰的賣相好吸引，岩打卡😆 不過我唔算鍾意菠蘿🍍😂餐廳地點方便，可惜位置唔多，要預多少少時間先可以入座。

上個月去完個馬來西亞旅行🇲🇾今個月就開始掛住佢地啲美食要食就要食好啲 緊係要揾返啲食過覺得好食嘅先得而係香港覺得好食嘅馬來西亞菜唔算多咁當然唔少得食過幾次嘅蘇山雞飯比起之前我去食多左啲夏日甜品🍨飲品🥤❣️巴東牛肉配江魚仔椰漿飯 $85食過咁多次蘇山雞飯 呢個就真係第一次食😂巴東牛肉好嫩口🥩叄巴醬濃郁香口係有nasi lemak嘅味道出現❣️招牌海南雞飯 $85雞依舊一樣咁滑身🐔一樣咁處理得好乾淨雞皮可以放心食！而油飯食落唔油膩 仲配左冬瓜湯❣️鮮油咖央多士 跟餐+$15係我去親蘇山雞飯都會必食 就連我身邊嘅朋友都係😚大大舊牛油🧈完全係邪惡 但我鐘意 多士夠脆身 咖央唔會太甜❣️開心果椰子奶昔 $32近期大熱開心果💚就連蘇山雞飯都有開心果產品咁嘅配搭真係初體驗椰子味會相對上重少少🥥❣️砂拉越菠蘿冰 $48大大個菠蘿裝滿菠蘿冰菠蘿冰應該有成3人分量多🫣即叫即整夠曬冰涼🧊簡直消夏解口渴仲可以邊飲 邊飯菠蘿肉🍍

見到太子地鐵站附近蘇山雞飯有人排隊都要食佢，佢地主打新加坡馬來西亞菜，好彩等左大約20分鐘左右就有得入座。入到去店內發現大部份都係香港人，遊客唔算多，可能附近無乜景點嘅關係。店內座位都算幾闊落，上網睇返佢哋太子分店開咗一年幾，但係啲嘢仲保持得好新淨，店員做嘢都好爽手。食咗乜東東：見最近天氣回暖返啲，試吓佢哋個新推出嘅夏天special menu❗️「咖吔油條配薄荷朱古力雪糕🍫🍦」好新鮮嘅組合，油條熱熱地加埋凍冰冰嘅薄荷雪糕，真係幾特別，當做餐前小食叫多幾個人一齊分享就最啱啦。「 開心果椰子奶昔🥥🥤」開心果味都幾濃郁下，絕對唔係啲合成糖漿，因為會食到少少開心果肉。我諗大概係七成開心果味，三成椰子味。鍾意開心果味嘅人必須試吓！👍🏻「火焰醬香椰子雞窩」（半隻雞）🥥🐓$168我諗算佢地嘅招牌菜，（見到都多人點）食飯前先睇一睇表演先👏🏻，店員先幫個砂煲點火，再比埋個砂漏倒計時比你，個砂漏上面仲有字教埋你先飲湯後食雞。試咗啖椰子雞湯堅係好鬼好飲，椰子同杞子味香濃又甜。雞肉唔使落其他調味，椰青水嘅甜味入晒雞度，真係唔夠咪落少少豉油（佢哋上菜時供應埋）然後油飯粒粒分明又夠透👍🏻「星洲叻沙海南雞摻摻」$8

/蘇山雞飯🇭🇰/➖➖➖<太子/長沙灣人氣新加坡菜餐廳> ➖➖➖新加坡菜來講 最鍾意就係喇沙同海南雞飯呢間店之前都有聽過 原先係長沙灣近期都開左去太子 鄰近地鐵站🫶🏻就算平日晚上到訪 都排左一陣環境方面都算幾舒適 唔會太嘈雜 新加坡菜以外 都有啲人氣嘅菜式例如: 椰子雞鍋 另有特飲 如:開心果奶昔、菠蘿沙冰～ ➖➖➖ 1️⃣龍蝦叻沙摻摻 $110 都係第一次食呢個組合嘅配搭龍蝦份量算幾多 有半隻 肉質結實 幾多肉！ 蝦膏份量頗多 摻摻麵底即係油麵+米粉 掛湯幾入味 亦唔會煮得太腍 湯底都幾濃 又唔會過咸 亦會嚐到椰香✨配料方面都幾豐富 仲有豆卜、魚片、通菜同芽菜～ 整體不錯 湯底食完都唔會好口渴 ➖➖➖2️⃣招牌海南雞飯 $85 見招牌菜係海南雞點都想一試🤓呢款普通版另外見有款叫做豐盛海南雞飯 標榜用半隻雞 不過普通版都算多用 整體肉質都幾滑但比我想像中薄身 感覺會油啲啲 呢個set 都會跟番碗冬瓜湯 幾鮮甜唔算太油 湯嘅配料以雞雜為主本身會係跟一碗油飯 可以轉白飯 但個人覺得油飯邪惡得黎食落更滋味 ➖➖➖3️⃣開心果椰子奶昔 $32 見有開心果當然想試飲落口感幾順滑椰子味會較濃應該

今日同朋友試咗太子一間叫「蘇山雞飯」嘅馬來西亞餐廳，呢間餐廳嘅總店喺長沙灣，而太子呢間分店喺新裝修，座位幾闊落，平日嘅晚市都好多人幫襯，我哋去個日仲要排左幾張枱先有位。我哋嗌咗龍蝦叻沙摻摻、夜市沙嗲串燒、馬拉盞椰菜苗、開心果椰子奶昔同砂拉越菠蘿冰。龍蝦叻沙摻摻揀咗配米粉，大大隻開邊龍蝦賣相非常吸引，開咗邊食起上嚟好方便，只需要夾出嚟就食到啖啖爽口鮮甜嘅龍蝦肉，龍蝦鉗挑啲肉出嚟亦都好容易，另外仲有爽口彈牙嘅魚蛋同吸哂湯底嘅豆卜，叻沙湯底都唔算太濃味。夜市沙嗲串燒有雞肉同牛肉各兩串，串燒肉燒得唔會太韌，配埋個沙嗲汁都幾好食。馬拉盞椰菜苗食落去偏油，但馬拉盞嘅味道幾出，建議師傅炒菜嘅時候落油可以輕手啲。菠蘿冰嘅賣相造型100分，用原個菠蘿做杯載住充滿菠蘿果肉打成嘅菠蘿冰，飲落去甜得來又有菠蘿蓉可以食，仲有菠蘿片同傘仔做裝飾，超級打卡able。開心果椰子奶昔嘅味道幾特別，飲落去有淡淡嘅開心果香，用椰子打成嘅奶昔好香滑，成杯嘢飲嘅配搭都好夾。總括嚟講，呢間算係地理位置方便而性價比幾高嘅馬拉餐廳。📍太子彌敦道759-761號藍馬之城地下2-3號舖位置就腳：🍊🍊🍊🍊🍊餐廳環境：🍊🍊🍊🍊食物味道：🍊🍊