Explore Kitchen (Closed)

今日全日落住大雨,在所難免影響了當日的心情,直到晚上來到這裡食晚餐,心情竟然180度扭轉,真係估你唔到!! 餐廳位於油麻地,距離地鐵站只有幾分鐘的路程,即使好似今日落大雨都唔怕行到全身濕哂!內裡裝修簡約舒適,採用落地玻璃設計,白天採光度一定很好,晚上燈光調教得暗暗地,充滿著浪漫氣氛!最重要係無論早上或晚上,這裡都可以讓客人一邊食一邊飽覽油麻地市區街景! 令今晚的晚餐加分了不少!打開餐牌好多選擇,有二人餐亦可單點,不過我同朋友喜歡單點菜式,所以選擇了2個小食,1個沙律,1個漢堡包,1個意大利飯!<炸魚薯條> 魚柳外層無粘上好厚的粉,炸得外脆內軟,食到啖啖肉之外,又唔會好油膩,再加一點檸檬汁食起來更滋味!另外薯條炸到金黃色,切得粗身又大條,咬開薯條熱呼呼出哂煙,點唔點茄汁食都一樣咁好味!<水牛城單骨雞翼> 雞翼皮滑肉嫩,單骨方便易食,再塗上一層厚厚的醬汁,酸酸甜甜好惹味!!<卷心生菜鮮蝦蟹肉沙律> 原個切開的一大片卷心生菜,食起來十分爽脆,菜上放了3隻鮮蝦,全部都晶瑩通透,肉質鮮甜有彈性!蟹肉混在沙律內,每一口都食到啖啖蟹肉,真的好味到不能錯

放假當然要約很久沒有見面的朋友聚一聚，今日就約了她來到 explore the kitchen!餐廳環境舒適，暗淡柔和的光線下談心傾偈一流❤️ 今天就和我的閨蜜來談一談心。😆雞翼酸酸辣辣，十分醒胃，作為餐前小食非常好。外皮炸得很脆，肉質嫩滑，外層點滿醬汁，啖啖汁，啖啖肉有兩層厚厚的牛肉漢堡呀，很juicy和很有牛肉味，吃下來一點都不嚡口亦吃不到筋。中間夾有雙層芝士，脆口青瓜，外層的包烘得香脆，口感層次豐富。作為薯條控的我，對它有少少要求，這個外脆內軟，不錯。扁意粉硬度適中，亦炒得乾身，蒜香味重，很惹味。辣肉腸切成條狀，與蘆筍形狀相約，三種食材同時於口中咀嚼，提升味道層次。下次會再來吃其他款式

食西餐最重要係材料同氣氛，我覺得今日呢間餐廳都算做到。一出lift，一上到黎，以為再要行入去，但原來餐廳係我一出lift已經正式踏入左，有點新奇奇妙。餐廳算好新，裝修新淨整潔淡雅，感覺舒服，令人覺得可以好放鬆。點左幾款食物後，知道餐廳晚上會連餐湯及小餐包，轉頭就上了。今日餐湯係南瓜湯，飲落帶南瓜本身微甜，易入口。仲幾creamy。本身有點怕南瓜個種甜味，而外出用膳好多既南瓜湯仲係整到其甜味好誇張又假，令到整體更加「打冷震」。但呢到就無問題，吾錯。另一讚地方係，小餐包有兩款、包身脆、有點心思。仲有好多西餐應有的橄欖油和黑醋也不具備。但呢到眼見每檯都有具備客人食用，仲要用d好特別既容器裝住，美感一流。其中一款小餐包仲有瓜子仁咁，是另一健康之選，適合吾同人的需要。睇左餐廳好多客人都推薦食炸魚薯條，我自己本身都好中意食，所以必叫！黎到之後覺得擺盤好靚，好吸收。不過平時個人喜好d炸魚係好係吉列or天婦買咁用麵包糠炸既樣子多點，因為先好係係炸同有炸的感覺xD不過即使吾係都吾係最緊要既，最緊要食物味道有質素，好似呢客炸魚薯條咁，質素就不俗。先講配料，佢有兩款醬料，千島醬for炸魚，茄醬就for薯條。

今晚約咗幾個朋友喺市區食飯，所以揀一個方便大家嘅地方，喺網上見到呢間餐廳係新開嘅，而且喺油麻地好方便，近地鐵站，就一於去試吓因為我哋都算早到，所以餐廳唔算好多人，環境好闊落，而且有一個落地玻璃可以望到出邊嘅景物，感覺好舒服好乾淨餐廳佈置得幾有格調，而且環境好寧靜，好適合幾個朋友傾吓計原來晚餐會有南瓜湯送仲有細細個麵包仔送，麵包質地好鬆軟大家鍾意可以點一啲黑醋或者橄欖油一齊食我首先揀左一份雙層牛肉芝士漢堡，份量都算大，仲有一些薯條，雙層牛肉係啖啖肉，配上熱辣辣嘅芝士同蕃茄生菜，口感好豐富漢堡大特寫，見到牛肉好厚身，啱晒鍾意食牛嘅朋友朋友就點左個黃金芝士大蝦🍤意大利飯，係幾有趣嘅配搭，因為多數係中式料理先會用咸蛋去整蝦，但呢個飯就中西合璧，結合黃金蝦同意大利飯，飯比較creamy ，有淡淡咸蛋味睇得出廚師對食物嘅擺放都有講究，有點藝術感，餐具都幾有格調，可以增加食慾我地仲叫左個魚子醬蝦子扁意粉，呢種配搭都幾特別，亦係中西合璧嘅感覺，除左有好多魚子醬外，意粉仲加左好多蝦子同蝦米，令到口味提升左，有種咸香味道餐廳嘅職員招呼好周到，最緊要係餐廳環境坐得好舒服，暗暗嘅燈光都幾有情調，而且有個大玻璃

彌敦道這棟新建大樓，樓層不多而且比較窄，望住佢拆完再起，到現在終於有新店進駐，緊係要上去望望啦，這間位於4/F的Explore Kitchen，主要以西餐為主，晚市有小食、意大利飯、意粉、扒類及甜品供應。南瓜湯質感幼滑，但南瓜味不算突出，配麵包都不錯。三文魚籽墨魚汁扁意粉意粉軟硬度適中，每條都沾滿了墨魚汁，還有些三文子籽，每啖都咬到鮮甜的魚籽味道，十分creamy，最後食到成嘴黑蚊蚊。雙層牛肉芝士漢堡牛肉漢堡份量十足，有兩大塊成寸厚的漢堡扒，牛肉結實但不硬，裏面有肉汁，外層麵包烘過且鬆軟，粗薯炸得香脆。