鮨文 (Closed)

幾經辛苦，終於去完西藏，仲要無高山症，當然要熱烈地彈琴熱烈地唱，嚟鮨文又食omakase！茶碗蒸一打開個蓋，入面充滿自家製三文魚籽，每粒都晶瑩剔透非常飽滿，同外面嗰啲完全冇得比，係清甜帶柚子香㗎！至於個蛋真係好滑溜，帶少少鹹香嘅茶碗蒸真係無得頂！刺身5款1. 平靜魚切咗絲嘅平靜魚，加入芝麻、蔥花及薑蓉，入口先食到芝麻味，但千祈唔好放棄，要繼續咬，啲魚味先會出㗎，記住唔好咬幾吓即刻吞呀！2. 天婦羅帆立貝帆立貝炸到半熟，上幾次食都係開邊後釀入海膽，但今次轉做微辣嘅明太子，再加上一片紫蘇葉，外面再包紫菜，外層好薄，一咬開入面一絲絲嘅帆立貝肉顯現易見，口感好之餘呢個配搭又好新鮮3. 櫻煮八爪魚之前幾次喺元朗店都未試過，原來係黃埔店限定！要花上3日去烹調，第一日同八爪魚做massage後用低温煮；第二日先用明火慢煮，期間每10分鐘檢查一次check吓個煙韌度；第三日先加入自家製醬油浸一晚，慢煮出嚟嘅八爪魚肉身依然係粉紅色，就好以櫻花咁，所以佢就叫櫻花喇。不嬲怕咬唔開而唔鍾意食八爪魚嘅我，完全係被震懾住！軟綿程度非筆墨可形容，簡直一咬即開，仲非常入味，又帶少少八爪魚鮮味！係非常花心機嘅一款菜色！

為慶祝能克服高山症，成功到達相信會係我一生能到達嘅最高地 – 珠峰大本營，去咗試鮨文嘅黃埔店，去鮨文當然係omakase，今之試了不起1850嘅，有好多嘢食，分別有茶碗蒸、刺生5款、壽司8款、雲丹盛、手卷、湯同果物食日本嘢，當然唔少得漬物，比平時嘅大碟，有子薑、黃瓜、淮山、牛蒡同紅酒橋頭茶碗蒸一上碟只見到三文魚籽，真係好多，先試一口三文魚籽甜甜哋，一問之下，原來係自家制，用醬油浸過，仲有酒香，再試下蛋，好滑，入面仲有帶子同菇刺生5款平靜魚切咗絲，加入由芝麻、蔥花同薑蓉，入口先感受到芝麻味，再咬多幾口，魚味出晒，一絲絲慢慢食，送酒一流天婦羅帆立貝帆立貝炸至半生熟，開邊，釀入明太子，配上一片紫蘇葉，再包上紫菜，入口外脆內軟，帆立貝仲係一絲絲的櫻煮八爪魚呢個係黃埔店限定的，烹調時間要三日，第一日要先同爪魚按摩，再用低温熟成，第二日就開始用明火進行慢煮，仲要每10 分鐘檢查一次，到咗第三日就加入自家製醬油浸一晚，之所以叫櫻煮係因為煮完之後爪魚係粉紅色的，好以櫻花咁，同平時食嘅八爪魚好唔同，淋到難以形容，仲要好入味，喜歡辣嘅朋友，可以試吓點柚子胡椒醬酒蒸鮑魚係來自九州嘅鮑魚，用清酒慢火煮7小時，

右邊的是當晚為我們準備 Omakase 的信師傅，曾在日本學藝，他的豐富知識和細心講解，對食材配搭的心思，廚藝的一絲不苟與追求，讓我輕鬆地享受了一頓很優質的美食，真是一位年青又專業的壽司師傅👨🏼‍🍳用餐前，先來我挑選的清酒，精米步合/35%🍶餐廳備有專業又外型漂亮的盛酒器，清酒溫度很快便冷卻下來黑松露金箔茶碗蒸🥚是鮨文的招牌，望著一片片的金箔從黑松露汁透出迷人光芒，淡淡松露飄香撲鼻，每一口的松露香更為濃郁，溫暖的蒸蛋做得非常滑溜，色香味官感俱備😋👅伊佐木🐟綴喜馬拉雅山岩鹽山葵漬，以岩鹽代替醬油，是另一種風味✨櫻煮八爪魚🐙慢煮3天而成，煮得夠淋也不失口感，這份心機嚐過就知道，伴柚子胡椒吃風味更佳炭火網燒深海池魚🔥魚皮剛熟，油香四溢✨清酒煮北海道黑鮑配鮑魚肝醬🍶炆煮多時，鮑邊超滑柔軟，鮑心夠淋卻很彈牙😋肝醬令本已鮑味濃郁的黑鮑香味再度提升。信師傅說肝醬經甜品篩過濾，絕不會吃到粒粒，難怪口感如此幼滑，又一巧手之作👍再看黑鮑片的鋸齒狀條紋，是師傅的專用刀切成，據說這刀經歷百年還未開鋒，直至遇上他這位有緣人，才讓他倆有人刀合一的機會吧石垣貝🐚帶象拔蚌的鮮甜，享用前拍打令其收縮，肉質更有口感。血鯛

認識鮨文，已經是年半以前的事，當日遠赴元朗，為的就是親身見證傳說中的雲丹盛，當時在朋友圈中的  Instagram 上，真的被 like 爆！而當晚盡興地過了一夜，一伙人美酒佳餚，至今依然回味無窮！記得除了雲丹盛外，還首次認識鱈魚白子及黑鮑魚，這對一黑一白的當年新秀，現在已經成為時尚食力，尤其前者，在過往一年不同廚師發辦的餐桌上遇過數次，有理由相信鮨文是引入白子及黑鮑的先駒。上月看到朋友的 blog，得知鮨文在黃埔花園開了分店，對於居住港島的我確實是一大喜訊，於是思想言行合一，馬上致電留座。黃埔花園雖然聞名，但少到訪的我最後還是迷了路，尤其鮨文的大門疑似深鎖，外面又剛好在修路，結果兩過其門而不入，來來回回方才找到入口，找路本來就不是我的強項！但為了美食，尋幽探袐我亦從來沒有怨言。甫入店內，面積比元朗大了一倍，先遇上兩旁敞了門的私人房間，其中一間更內藏小型壽司桌。走到盡頭就是大型壽司桌，時間尚早，師傅們正在準備。晚市餐單就是這樣簡單，每位$1000/$1500/$2000 由你選擇，取中庸之價，我們試$1500的。建議大家看看菜單上的英文解說，得知用手吃壽司更能嚐到真味，這個我也聼過但少

鮨文首間分店開業於元朗，雖然只有短短兩三年的歷史，憑藉高質的食品與服務，成功成為人氣鮨店之一，一位難求。最近，鮨文在黃埔開了新店，彼鄰港鐵站，交通更為方便。對筆者而言，絕對是一樁美事。 近日有兩位食友生日，正好提供一個上佳機會尋訪慶生。黃埔店與元朗店一樣，以沉實和式風格作裝潢，感覺光鮮簡潔。兩店相比，黃埔店的面積比較大，更設有獨立房間提供更私密的用餐空間。 來到高級鮨店，廚師發辦 (Omakase) 是最好的選擇。所謂不時不食，只有廚師最清楚何是每晚最新鮮的時令食材。是晩為我們服務的主廚是子健師傅，文師傅同場坐鎭，兩雙巧手為我們準備佳餚，令人期待！ 美酒佳餚往往成雙成對，缺一不可。在美食奉上前，指定動作點選美酒。雖然筆者不特別喜愛杯中物，但或許大家實在太高興，前後開了三枝清酒兩枝干邑威士忌。越淡麗由名米「山田錦」及「五百萬石」雜交而成，味道芳香清爽。 獺祭氣酒屬精米步合二割三分的大吟釀級別，酒意更順更濃，打氣後口感雖然更豐富，但未知是否心理作用，氣酒的味道偏甜，個人還是喜愛普通版本！Hennessy VSOP Cognac 與 The Macallan Whisky 皆是口味相對重的