麥文記麵家

Open Now

Now Closed

一直都知道佐敦有間老字號雲吞麵店即係上咗去試但每次都去咗隔離間茶餐廳食炒蛋多士，今日終於的起心肝走去試食雲吞撈麵雲吞撈麵-麵送上前先送上一搵大地魚湯，超鮮甜，超濃郁，麵身爽滑彈牙，唔算太乾所以就咁食結果當然想在濕潤啲可以自己再加湯，麵上時加咗少許豉油，而枱上亦有大大樽，自己喜歡的自己可以升加，另外想再提升一點層次可以加一蚊加蠔油撈嚟食，而雲吞有六粒，大大粒，蝦勁新鮮，勁彈牙，好味記住只此一家並無分店

一入到餐廳，就覺得好光猛。全店以白色調為主，設計簡潔，環境企理乾淨。基本上已經客滿，如果有卡位坐會舒服d。雲吞撈麵($44)+蠔油($1)雲吞撈麵有6粒雲吞(湯麵只有4粒)。平時食既雲吞都會夾雜肥肉，蝦味少，肉味重。麥文記既雲吞係全蝦(2隻蝦，無肥豬肉)，食落好有蝦既口感，好食。唔算係好大粒，我一啖都可以食得哂。麵條非常幼身，同平時食既有d唔同，算高質。麵質煙韌，就咁食有d乾，一定要配湯或蠔油一齊食。精髓係碗湯，撈麵既湯有好濃郁既蝦味，喜歡。(個人口味: 3.6/5)京都炸醬撈麵($44)+豆漿($8)平時食既炸醬多數都係肉碎，而麥文記既炸醬係一條條既肉條(豬肉?)，帶有少少微辣。炸醬撈麵同雲吞撈麵都係$44，感覺雲吞撈麵抵食d。”友人”就麻麻炸醬撈麵。(個人口味: 3.1/5)整體而言，麥文記係速食之選。全蝦雲吞確實高質。雲吞撈麵比雲吞湯麵貴$10，除左多2粒雲吞，好奇湯麵既湯同撈麵既湯係咪一樣？麵既份量係咪都差唔多？感覺雲吞湯麵($34)比雲吞撈麵($44)抵食，下次唔會再試撈麵。見好多食客都有叫南乳豬手麵(好大件豬手)，有機會都想試下。如果要排隊就不列入考慮。

假期同朋友出咗去high tea,由於個high tea實在太豐富,所以晚餐根本食唔到飯,路過佐敦發現呢間雲吞舖有好多人排隊,所以我哋又排埋一份試下,十分鐘終於輪到我哋入去,但環境實在太過擠迫,開頭以為有得坐卡位幾好,點知原來要同人哋share坐,仲要個位置非常之細,我見對面兩個男人都坐得比較辛苦menu好簡單一係湯麵一係撈麵,我揀咗雲吞湯麵,朋友揀咗雲吞撈麵,我哋再加多碟油菜,不過原來蠔油係要另外收一蚊,我嘅雲吞湯麵首先嚟到,估唔到原來係一個飯碗咁大,而朋友既撈麵對比之下比較大（其實都唔算好大）的確雲吞幾好味,咬落去蝦都幾新鮮,始終都係可惜份量比較細,同埋價錢都算貴,如果真係肚餓嘅話,我諗我都要食多一碗先夠,朋友話佢嘅雲吞撈麵幾好食,個湯r得唔錯, 但油菜就不似預期,份量唔係好多而且都比較油,整體上如果呢餐當下午茶的話都可以入去一試

佐敦「白加士街」一帶附近，有不同種類的食店，食店也不乏名氣，例如「麥文記麵家」也算是出名的中式麵家。只是「麥文記麵家」附近有裝修工程在進行，以致「麥文記麵家」招牌「不能見光」，只能以橫額代替。我幫襯試食完「麥文記麵家」的招牌雲吞撈麵之後，發現現在的「麥文記麵家」受制於現實很多不利條件，尤其是外牆的裝修工程棚架，還有「麥文記麵家」隨着時間發展，而被迫作出的遷就和轉變。不過很肯定的是，「麥文記麵家」侍應的服務態度，也屬於我可以接受的水平，儘管「麥文記麵家」現在的服務環境，跟旁邊的「澳X牛奶公司」都是差不多，以「澳牛」的評價，我的食評應該不難找到「讀者」跟「回應」。儘管「麥文記麵家」的外表被裝修棚架覆蓋，但是麵家內裡部份的設備用品，都仍然保留了昔日麵家的風格，例如釘在牆壁上，卻不能拿下去觀看的餐牌，就是「麥文記麵家」最有趣的地方之一。雖然「麥文記麵家」只有比較懷舊的餐牌跟樓面，賣的粉麵亦只是一般的「雲吞麵」、「魚蛋粉」、「炸醬麵」等一般中式麵食，但是我最後還是發現了，「麥文記麵家」招牌菜「雲吞麵」還有它的吸引人之處。於是我立刻呼喚「麥文記麵家」的侍應過來，立刻點了一碟「麥文記麵家」的招牌「雲

本身約咗朋友，但佢要遲少少，即刻行入白加士街食啲嘢，其實得15分鐘時間應該食澳牛，不排長龍、但佐敦麥奀又唔好食，所以入咗麥文記，點了雲吞撈麵($42)，呢度撈麵是沒有跟蠔油的，如要一碟$1，我是窮鬼，所以沒錢加蠔油，唯有自己加免費嘅醋同辣椒油，麵質算爽身彈牙，但仍有少少鹼水味，不過已經比起坊間多間雲吞麵專門店好好多，雲呑是傳統細粒的，雲呑皮薄薄的，餡料是鮮蝦加些少大地魚末，一口一粒，不錯！

本來想在尖沙咀吃個中午飯, 但老爸說要不到佐敦逛逛看~走著走著, 竟然走到麥文記~! 想試很久了, 真好!心裡預計這類老店通常態度一般, 可能是受到旁邊的澳洲牛奶公司影響吧~但沒想到他們比所謂高級餐廳的更親切!排隊的時候, 我們四個應該是下一張了, 但剛來了兩位, 侍應先讓他們進去. 這很正常呀, 四人要等大枱, 兩人應該比較快呀. 帶位侍應笑容滿面: "唔好意思呀, 兩位啱啱有位, 我俾佢地入咗佢先, 你等一陣呀, 好快有卡位俾你地四位坐"  坐進去, 碗筷正齊擺放著, 東西都很乾淨! 牛腩麵 <--極度推薦!!看上去很小碗, 但牛腩和牛根份量也不少.一上菜, 香氣撲鼻, 先喝一口湯...真的超香濃! 感覺就像日本拉麵的湯底般濃郁! 還掛麵耶!!麵, 一點鹼水味都沒有, 非常爽口彈牙!牛腩牛根燘得剛好, 不會太過軟, 尤其牛根還是煙韌的口感! 超讚!! 雲吞撈麵雲吞很好吃, 蝦非常彈牙, 也很香!那撈麵的湯也特別好喝, 有蝦籽的香味~麵本身是有香油撈過的, 說不出是那種味道, 但就算沒有蠔油, 不加湯, 就這樣吃都很香~! 南乳豬手麵南乳味很濃, 但不會太鹹, 讚! 豬手也