Milu Thai มิลู่ไทย (百樂中心)

Open Now

Now Closed

銅鑼灣人氣正宗泰菜!!所有人都為左火山排骨及火焰燒雞而來!!但個胃就裝唔晒，所以試左其一，非常有驚喜!!😋- 火焰燒雞 HK$208 🔥🐥人氣no.1燒雞!!整隻上桌後點火燒香，外皮酒香十足皮脆油潤!!肉質嫩滑多汁!!入口蜜香濃厚超惹味!!- 生蝦刺身 HK$108 🦐虎蝦新鮮有彈性，仲有冰陣可以慢慢食非常貼心!!辣汁味道清新辣度十足，泰好食!!- 青咖哩軟殼蟹 HK$168 🦀驚喜之作!!青咖哩充滿椰香，軟殼蟹炸得酥脆又吸汁，超惹味!!- 泰式串燒 HK$108 🍢- 椰青 HK$52 🌴- 珍多冰 HK$36 🍹

話說識我嘅人都知道我極度鍾意食泰國嘢，基本上好多餐廳我都試過晒，但係真係冇乜餐廳我係會做encore 😍等一間連我老公咁嘴刁，佢都話會咗返嚟，可想而知個好味程度係去到邊😍😍我冇諗過平日去到，即使8:00 ，都可以竟然坐爆場，我真係O咗嘴😯然後，我見到枱枱都有叫到火山排骨，雖然我得兩個人，但係我都挑戰一下🫨🫨🔸 火山排骨 🌋真係明白點解台台都會叫，真係大碟到嚇死你，基本上我同我老公係食唔晒嘅。但係佢味道十足，都好入味，值得叫😍😍🔸 大頭蝦冬陰功湯（細）🦐冬陰功湯唔會太辣，亦都唔會太酸，我自己就可以再食濃味啲，入邊都有好多姑姑同埋有兩隻半邊大頭蝦🔸 青咖喱軟殼蟹，配蒜蓉包 🥘個軟殼蟹真係好出色，好厚肉。而青咖喱個質感就較為杰身啲，我自己就鍾意稀身小小嘅咖喱。不過點蒜蓉包就真係冇乜所謂😏。同埋成個咖喱都有一個火爐熱住，我覺得好有誠意。🔸 泰式燒牛柳 🐮呢個簡直比多一個surprise俾我，我同我老公，望落去好似好乾身，但食落去竟然極度軟腍我腍，超好食，特別推薦👍🏻👍🏻👍🏻🔸 泰式生蝦🦐成日都覺得出街食生蝦，好似好唔抵，但係呢一間絕對唔會😍😍😍。呢一間啲生蝦，超級有誠意，極度厚肉，絕對冇敷衍客

銅鑼灣搵食真係唔好放眼係地鋪，樓上鋪當中仲有好多小店，就好似呢間泰菜館咁，雖然係樓上鋪，但出品都唔錯架😆泰式串燒 $108我哋叫咗3豬3雞，肉質都唔乾嘅，而且Sɪᴢᴇ都幾大，食串燒點會少得靈魂沙嗲醬，呢款偏辣少少🤏🏻泰式燒牛柳 $98燒到好香好惹味，份量都係多到爆棚，而且夠哂厚身，食落好滿足😊蟹肉煎蛋 $118蛋味好濃，仲有少少燶邊，餡料食到有一粒粒嘅蟹肉，同埋其他餡料，口感頗豐富🤪青咖哩軟殼蟹（配蒜蓉包） $168咖哩有少少辣，偏重口味啲啲，有兩隻軟殼蟹，都唔細隻嘅，炸到好香口，而呢度啲蒜蓉包嘅形狀好特別，切到一嚿嚿磚咁🤣 烤到好酥脆，點埋咖哩食，絕配😝泰式蛋包炒金邊粉 $118金邊粉被蛋網包裹住，味道酸酸甜甜嘅金邊粉再夾埋啲蛋香，食落好開胃，撈埋側邊啲辣粉、花生碎，就會變到又辣又惹味😚乳酸梳打 $34凍青檸茶 $34值得一讚嘅係呢到嘅食物份量都十分巨型，我哋都有啲食唔晒要打包🥴

銅鑼灣一向都是港島搵食之地，出名多排隊餐廳，今晚就同朋友來了位於耀華街的「Milu Thai」食泰國菜，近期泰國超人氣的巨型火山排骨呢度都有得食，而且同泰國水準一樣。去到的時間全部爆滿，好彩早兩日訂了位，果然人氣十足，而且價錢實惠🔸火山排骨｜$228火山排骨上枱時十分震撼，份量十足，之前去泰國有食過，完全是回憶的味道，火山排骨除了湯是精華之外，排骨和肉的筋都煮到很淋，其中筋更有入口即溶的感覺-🔸火焰燒雞｜$208火焰燒雞是招牌菜之一，店員會先送上燒雞，再在你面前點火，打卡一流，當燒完，店員會幫忙把雞切件，十分貼心，雞皮燒得香脆，雞肉也很嫩滑-🔸青咖哩軟殼蟹｜$168軟殼蟹有兩大隻，炸得非常香脆，內裡嫩滑多汁，蟹味香濃，配上惹味的青咖哩，真的很美味。-🔸軟殼蟹蒜蓉包｜$0青咖哩配上即叫即焗的蒜蓉厚切多士，十分惹美-🔸馬拉盞通菜｜$88通菜吸收了馬拉盞的味道，整碟馬拉盞炒通菜份量充足-🔸泰式串焼(半打)｜$108分別有3款肉： 2雞、2牛、2猪，全部都燒得好香口，內裹柔軟，配上味道香濃的沙爹醬，是絕配

成日都見到有人黎呢到食嗰個火山排骨🤩睇相好吸引，已經想食好耐，今日終於約咗朋友黎試🇹🇭💚火山排骨🌋 $208一黎到緊係打個卡先📸📸好壯觀！叫佢火山真係形容得好好，三件大排骨砌成一坐山咁勁吸睛🤩排骨用香料醃到酸酸辣辣，肉質嫩滑又入味。舖頭仲好細心俾埋手套我地撕黎食💓同朋友share食最啱💛青咖哩軟殼蟹（配蒜蓉包）🦀 $158大愛💖100%推薦必點‼️咖哩放係蠟燭上面燒住，keep住咁熱，青咖哩勁惹味，香料同青檸味都好。軟殼蟹冇腥味，炸得好脆，大約有5-6件。蒜蓉包烘烤得好脆，蘸埋咖哩醬食直頭停唔到，4件覺得唔夠喉🤪食完仲想打包啲咖哩番屋企💚柚子鮮蝦沙律🥗 $88都算大份，酸酸甜甜作為開胃前菜十分適合，入面仲加左腰果更加有口感；鮮蝦肉質厚實💛芒果糯米飯🥭$78 椰汁好多，偏甜。糯米飯好夠熱，而且好軟糯，唔會硬。芒果都好啱季節，鮮甜多汁💚珍多冰🥥 $34兩杯飲品都好啱打卡😆外型好夏日feel，珍多冰椰奶味好濃，比較甜，入面啲粉條就唔算好多💛乳酸梳打🍶 $32乳酸味好清新，唔似平時出面嗰啲咁好似糖水嘅味，乳酸比例比較高，亦都唔會太甜，不錯

最近實在見到太多人去呢度食飯 啲菜式隔住個mon都勁吸引😍 所以就帶咗屋企人一齊去擦餐勁嘅😋青咖哩軟殼蟹🦀(配蒜蓉包🥖) ($158)青咖喱汁唔太辣又入味 如同神來之筆 將所以嘢都變得加倍好味💕食到冇停口除咗軟殼蟹 入面仲有三椒同西蘭花等蔬菜 蒜蓉包都好香脆 點埋咖喱汁食又係正到爆啊😍火山排骨🌋 ($198)一場嚟到 點可以唔試下喺曼谷火車夜市爆紅嘅火山排骨呢😋 一上碟就諗 好彩有3個人一齊食咋 面頭嗰2塊排骨大過塊面 食完到飽咗一半🤣因為聽聞醬汁好辣 所以就叫佢另上 果然傳聞係真嘅😆 醬汁有青辣椒、芫荽同蒜頭 雖然好惹味但真係好辣 我哋自己逐啲淋上去就啱啱好😌泰式青咖哩燒羊架🍗(3件) ($118)頭先講過呢度嘅青咖哩汁真係好好食 香口多汁嘅羊架同青咖哩汁亦非常夾 點汁食好味咗好多😍芒果糯米飯🍋 ($78)每次去泰國餐廳我都一定要食芒果糯米飯🤪 今次亦唔例外 芒果超級鮮甜 好味😍柚子鮮蝦沙律🍤 ($88)食咗咁多肉 係時候叫返個清新嘅沙津解解膩💕 呢個柚子鮮蝦沙律絕對係不二之選最後就嗌咗2杯嘢飲解下喝 分別係泰式奶茶 ($32) 同 乳酸梳打 ($28) 夠晒大杯 奶茶茶味濃郁 乳酸

講左咁耐 今日終於有時間同媽媽去百樂中心試下傳說中嘅火山排骨！餐廳環境比想像中大 好多都係4-6人檯 兩個人嚟食的話會坐得舒適 上菜速度亦非常快～·生蝦刺身（6件）$98好耐冇食生蝦！食落肉質緊實有彈性而且鮮甜爽口 連埋生蒜片同辣椒粒+點少少海鮮酸辣醬一齊進食就更惹味同開胃👍🏻·火山排骨 $198終於可以食到招牌菜 份量極多 絕對夠3-4個人食啊👍🏻最誇張係佢真係超級多肉 肥Glor用手撕到手軟 最後撕到一大盤好似手撕雞咁嘅豬肉🤣熱辣辣 之餘啲肉仲好鮮嫩多汁 「火山腳」仲有好多泰式酸辣醬 滲出嚟嗰種酸辣真係好爽！·青咖哩軟殼蟹（配蒜蓉包）$158用火滾住個煲咁食 熱辣辣嘅青咖喱香味濃郁 加上椰奶粉量充足 令到青咖喱汁口感溫順 冇咁辣🙌🏻個軟殼蟹食落香酥可口 一啖咬落去肉汁爆滿 剩翻嘅咖喱汁仲可以點埋外脆內軟嘅蒜蓉包食埋佢添！·芒果糯米飯 $78食左咁多辣嘢 係時候要食翻啲甜嘢～估唔到甜品份量都咁多 一整個鮮甜多汁嘅芒果切件 配合滿滿椰漿同埋勁有嚼口嘅糯米飯真係完美組合 大滿足👍🏻·龍眼冰 $32好適合解辣 唔會過甜 好多龍眼肉 一邊嚼龍眼肉一邊飲龍眼冰 口感好清涼啊～·青檸茶 $30酸

超喜歡呢間泰菜🤩 佢地cp值好高 抵食大份又好味 啱哂同一班朋友share😍😍真係樣樣都好高質 店員仲要好nice👍🏻———❤️火山排骨 $178一上枱就會 嘩 既排骨 超大份 店家仲會俾埋手套你 手撕排骨🤣 真係超爽 好香 啲肉仲好稔 呢個價錢真係好抵食😍❤️青咖哩軟殻蟹（配蒜蓉包）$158呢個青咖哩唔會太辣又好惹味 真係好啱我 點蒜蓉包食一流 好食到想要多啲蒜蓉包黎點個青咖哩😆❤️炭燒豬頸肉 $88厚薄適中 有咬口 點埋個泰式酸辣醬 真係好正😍❤️泰式蛋包炒金邊粉 $108有蛋既地方就有我 呢個金邊粉賣相靚之餘又好食 個粉唔會炒得太油 非常好❤️凍青檸茶 $28有少少驚喜既青檸茶 酸甜度調得剛剛好 非常開胃 配泰菜啱哂😍❤️泰式奶茶 $28朋友點的 值得一讚唔算太甜 飲落香醇幼滑💗

去開銅鑼灣，本身想試嗰間 Siam 28，不過可惜去到門口原來已經full曬，個侍應仲要好串，話冇book位就唔使諗，真係好大嘅官威呀！不過冇辦法啦，但係又想食泰國嘢，唯有喺Openrice 搵食啦，一搵就見到呢間，原來評分仲高，咁一於即刻行去一試下！地點：位於銅鑼灣百樂大廈，一個美食嘅集中營，相信大家都知道呢度最出名嘅並唔係任何一間餐廳，而係佢嘅等𨋢時間... 我哋去到七點零，等𨋢嘅人龍竟然已經排到去街尾，我都唔知用咩字去形容，不過再喺Openrice睇清楚餐廳原來只係喺二樓，所以幸運地我哋可以行樓梯上去，仲要有人Book 左位飛左機，我哋即刻有位入得！環境：呢度環境比較一般，冇乜特色，但係都叫做坐得舒服，抬與枱之間距離充足。食物：未去到睇相已經知道，呢度嘅火山排骨係必叫，去到睇真啲個餐牌，再叫多咗個青咖哩軟殼蟹配蒜蓉包。其實本身仲打算食完叫個芒果糯米飯，不過上完菜之後我哋已經打消左呢個念頭，因為火山排骨嘅份量真係好好好大呀～ 仲有一樣嘢要提，就係佢嘅上菜速度可以以神速形容，叫咗唔夠五分鐘菜同飲品已經上齊，而且仲係熱辣辣，真心贊！火山排骨： $178 睇相都知個份量真係好大，我哋兩個

火山排骨（$178）［好味度：7.5/10］⁣⁣⁣⁣早一排喺泰國網絡上到出現咗款好興嘅打卡食品，就係呢個火山排骨。🌋 叫做「火山」唔係話佢好辣，而係因為佢嘅形狀成個火山咁。😯 而呢個正正係佢嘅賣點，一上台果時真係有啲畀佢嚇親。😆 佢排得仲大個成個頭，真係有好多條排骨，所以要兩三個人先食得曬呀。😂 而且佢唔係淨係得個樣㗎。👍🏻 佢嘅排骨炆咗好耐，超入味，酸酸辣辣咁樣。😚 戴上手套，兩隻手並用拎起成條排骨嚟食，再沾上佢嘅泰式酸辣湯汁，真係一流。😍 而且排骨嘅肉有肥有瘦之外，更加有好多骨膠原，好有層次。⁣⁣😗⁣⁣泰式青咖哩燒羊架⁣（$118）［好味度：8/10］⁣⁣⁣⁣呢個燒羊架燒得啱啱好，入面仍然保持住軟嫩多汁。🐑 而且羊嘅膻味唔重。😉 一咬入去，羊架嘅肉汁方喺口腔中爆發。💦 再配上正宗嘅青咖哩汁，真係好好味。😆 而且都可以試吓舊唔沾咖喱汁嘅，食過羊架嘅原汁原味，又係另一種風味。⁣⁣😚⁣⁣青咖哩軟殼蟹⁣（$158）［好味度：7.5/10］⁣⁣⁣。⁣呢個係跟埋蒜蓉包嘅。🍞 而軟殼蟹有足足三大隻。🦀 軟殼喺有火爐keep住熱嘅青咖哩汁，雖然外層沾滿醬汁，但係仍然保持著外層酥脆，呢個口感簡直一試

😋早前介紹過嘅銅鑼灣泰菜 -- Milu Thai 今次有新搞作推出泰國近期人氣大熱嘅火山排骨，咁為食嘅我地梗係去試下啦😋😋火山排骨一黎到真係幾大份, 雖然同泰國比較已經細左 (因為人地果d係十幾人份量🤣) 不過呢到都唔野少, 兩個人食真係有d吃力，大概都有5-6條骨, 條條都手掌咁大淡淡肉架🤩🤩食落其實都幾辣(唔食得辣嘅朋友要留意，小心爆菊😂😂)，不過酸酸辣辣真係幾惹味，食得辣嘅朋友值得一試，味道唔錯架👍🏻👍🏻 難得黎到就順手試埋上次食唔到嘅菜式，青咖哩軟殼蟹同黃咖哩炒蜆😋青咖哩軟殼蟹，會有蒜蓉包跟埋，青咖哩椰香比較突出，會有少少辣，用蒜蓉包點黎食都幾夾，軟殼蟹都有4-5舊，夠哂足料架😊😊而黃咖哩炒蜆，蜆都有十幾廿隻份量十足🤩，黃咖哩薑黃味會重少少同略帶甜味，唔會覺得辣仲非常開胃。黃咖哩汁仲要多到好似湯咁，真係差d 忍唔住叫個飯黎撈😂😂😂 (其實用黎點蒜蓉包都好好食😉😉)食咁多辣野梗係叫個椰青飲下啦，大大個兩個人都夠飲，抵食架👍🏻👍🏻P.S: 抗疫期間做緊外賣自取7折參考餐牌：

搵食貼士:星期日中午，唔使訂枱，但係記得帶夠錢或者帶支票，再唔係就要用支*寶俾錢。剛過去的星期日，係同學仔聚舊的日子，大家諗吓好似無一齊食過泰國嘢，不如就搵泰國嘢食。於是訂咗呢間。我地叫咗:1。生蝦:唔錯，有乾冰一齊上，夠凍。蝦的質地好爽，好新鮮。2。冬陰功: 個人覺得一般，個辣比較死，無乜層次，但係只係個人喜好，唔係個廚的問題。用料足而且質量好。3。火焰雞:其實係燒雞，但係上枱時即時點火，所以大家一齊舉機影相，呢個係味覺同視覺享受，一定要叫。4。蝦餅: 炸得好好，口感唔太肥膩，而且好有蝦味。5。青咖哩:唔錯呀！香料同咖哩的味道好平均，唔係好似其他地方咁只係一碗綠色的水。6。柚子沙律: 好醒胃，柚子都唔苦其實服務員態度好好的，我地成班人坐咗幾個鐘都無點面，只係去到最後付款方法唔太方便。

好耐冇食泰國嘢，喺openrice搵倒哩間。原本想試下火焰燒雞，居然7點未夠就話賣晒，惟有食其他吧。青咖哩軟殼蟹 - 熱住上當然香噴噴，咖哩微辣好惹味。個底仲有啲青豆呀西蘭花等幾款蔬菜。主角軟殼蟹就稍嫌厚粉咗啲。蒜蓉包 - 跟青咖哩上。蒜蓉味非常惹味，咬完面嗰層蒜蓉先淋青咖哩，又另一番風味。小食拼盤 - 有春卷，魚餅，蝦餅，香葉雞。全部都唔差上枱非常熱，香葉雞頗滑, 啲蝦片又脆又有蝦味~鹽燒鰂魚 - 全晚之最。好大條，燒得透夠熟之餘仲可以保持每個部位都咁juicy啲魚肉都咁滑, 火候控制得恰到好處；個汁亦酸辣得宜。讚！後記 - 清水都有青檸味，頗有誠意。員工都幾有禮貌，食物質素幾好，惟菜單冇甜品有啲奇怪。如果唔係只收現金就仲好啲。為咗再食鹽燒鰂魚同試下個火焰燒雞會再嚟。

通常好食嘅餐廳都係樓上鋪， 果然真係! 我同一班人係夜晚，經過銅鑼灣發現呢間隱世餐廳，就膽粗粗去試試!環境方面，都算闊落，唔會太迫，而且服務員好有禮貌，服務周到。上菜時間都比較快， 所以要訓練食嘢嘅速度， 否則就會打斷你進食嘅次序。我比較喜歡食青咖哩軟殼蟹， 佢唔似一般嘅黃咖哩，除咗係青色之外，都唔算太辣，係偏甜嗰款。 你會越食越覺得上癮，而且加埋蒜蓉包嘅話，令你一試難忘。 軟殼蟹算半林半脆， 不過要將主角放返喺咖哩， 否則就會有些少失望。另外比較驚喜嘅就係火焰燒雞， 隻雞會著火， 整晚最期待就係呢個moment。 比較出奇係呢隻燒雞冇因為燒嘅過程，而令到啲肉質乾曬，反而仲可以保持juicy。 推介大家試一試。另外佢嘅椰青焗海鮮亦都係唔錯嘅選擇， 佢嘅海鮮係炸咗先㗎， 加埋椰肉一齊食嘅話，口腔裏面好似有兩種味道互相融合，味道做到好match嘅感覺。若果大家掛住泰國菜嘅話，呢間泰國餐廳都係一個唔錯嘅選擇值得大家一試!

終於忙完企booth的日子，又可以約朋友食飯啦，呢間係之前Bookmark左o既其中一間餐廳，就趁住朋友生日，一齊去試試。餐廳應該係新開張的，暫時只收現金，大家要注意呀～揀左其中一個Signature Dish 青咖哩軟殼蟹$158 ，熱住黎食幾過癮，炸軟殼蟹份量都幾多，青咖哩泛著椰香更惹味，仲有姐喜歡的泰國BB茄子呢。不過要注意，軟殼蟹浸得太耐就會淋的，所以想食脆身的，就一定要盡快食啦～微辣咖哩與蒜蓉包一直都是絕配，店家的蒜蓉包是厚身磚狀的，難得是放了一段時間都依然保持到脆身，好食～串燒（半打），揀左豬雞各半，肉係比較大塊的，口感不錯且有保留到適當的肉汁。串燒的沙爹醬花生味重，伴食係幾香口的！我個人覺得不是亮點的海南雞做得幾唔錯，平實中見功架，油份唔會太高，只是薄薄一層雞油，雞肉亦比想像中嫩滑，配油飯係可以食晒成隻雞～最後叫左個馬拉盞炒通菜平衡一下食得太多肉的晚餐，炒菜這些都是平平無奇，但馬拉盞份量足夠，整體又會加分不少！當晚隔離幾台都係生日客，有d後悔無拎到蛋糕上黎切。。。。