Goobne Chicken (The Hart)

Open Now

Now Closed

之前已經食過呢間，覺得好食所以再幫襯多一次！上次黎主要食d 鐵板烤雞，今次諗住試下d 唔同既野。先叫左個特制雞蛋卷，係好長既一板。佢用左個蛋包飯既概念，不過裡面唔係飯，全部都係餡。d 蛋本身唔同平時去日本鋪食果d 玉子咁樣，而係好似腐皮卷咁一層層，好鬆化。裡面係d 卷物常見既青瓜蟹柳，食落有d 甜味。今次我地睇中左兩款散件果d 韓式烤雞。首先呢款就咁叫”韓式烤雞” 既烤雞籃，好大籃，皮脆肉嫩，不過個辣度好高，佢唔只外面有辣粉，就算唔連皮食入面都好辣。我覺得ok 既~ 不過同檯有人話太辣…金黃烤雞既口味就大眾化好多，金黃源自各種芝士粉，好香芝士味，亦都好甜好易入口。呢個一定要連埋皮食，成口粉咁既衝擊先至正斗…！食左咁多熱氣野梗係要飲番啖湯潤一潤番下，我地叫左個砂鍋魚糕湯。唔算好大兜，不過好足料。個湯吸晒d 魚蛋、蘿蔔同菜既精華，所以好惹味… 同埋呢個又係有少少辣，因為都有d 辣椒去煲。

香港近年興韓風, 韓星, 韓劇非常流行, 韓國食物更加唔少得啦。我平時很愛吃雞, 韓國流行食品, 韓國烤雞又點能夠錯過呢, 今日就同朋友一齊黎試下。我地5點幾黎食, 比較早, 所以食客較小。呢到環境幾舒服, 好有韓國店feel, 而且部份職員仲係韓國人, 識小小中文。見menu介紹新出既韓式排骨味烤雞, 我本身都想試下既, 不過朋友就話想食韓式烤雞, 試下傳統味道先。原來匯豐咭做緊優惠去到3月尾, 惠顧任何烤雞可以半價追加飲品包括鯊魚之淚(酒精或非酒精), 都幾抵!店內既烤雞都係非油炸, 無咁油膩, 低脂較健康.呢款韓國烤雞, 味道不錯, 皮脆肉嫩, 仲鎖住到D肉汁, 而且份量都幾多, 十五, 六件左右, 成隻雞唔同部位都有。而且配有兩個醬, 沙拉味同燒烤味, 用黎點烤雞更惹味!呢個韓式炒年糕賣相好吸引, 鐵板上, 保持熱度, 有韓式年糕同炒麵, 伴有軟芝士, 撈均黎食, 型成蜘蛛網般, 食落好有口感, 味道帶甜帶辣, 味道適中, 食到唔同層次感。年糕煙煙韌韌, 炒麵入晒味, 正!朋友點左杯薄荷梳打飲料, 好清涼又可清熱氣, 佢話好重薄荷味!我就點左杯柚子沙冰, 夠冰凍同又唔會太甜,

今日試左近期好出名既 goobne chicken. 其實出名既烤雞真係幾好食，但其他就麻麻。 呢個芝士雞好難食， 雞好鞋同無味， 建議大家唔好試。呢個不過不失， 喜歡ribs 既朋友可試下。試左個 apple cider , 幾好飲， 但感覺偏貴。 服務員唔知係咪因為韓國人既關係同埋90分鐘用餐時間，佢地態度都唔係好好。 但好在店上有個鐘比你按，服務速度好快。

為左唔駛等位可以食到人氣炸雞, 我地六點就黎食dinner. Yeah~ 如願立刻入座(仲有唔少吉位), 限時90分鐘.dinner time 冇免費水提供. 我地哎左Shark blood. 飲品如其名, 感覺到有花心思係setting上. 鯊魚 (plastic toy) 海洋 (藍色沙冰) 鯊魚血 (紅色酒? Serum?!)樣樣齊. 不過除左甜, 飲唔出係咩味.基本上成個menu都係雞. 澱粉類有年糕, 同一款麺食. 點了芝士年糕. 熱板上的暖笠笠. 芝士拉得出絲, 煙煙un un. 食到最後, 底部芝士變成薄片, 微脆鹹香, 芝迷一定鍾意 (千萬別錯過呢層精髓!!!!!!!) 除左年糕, 仲有魚糕同公仔面. 加埋辣醬, 有少少似食緊杰版部隊鍋! Like! 係全晚最like既dish!烤雞選了韓式. 外皮香脆唔𠝹咀. 雞肉蠻嫩滑. 只是..雞肉是"原味"的. 要點醬來吃. 如果可以入味點就好~ 呢款一隻辣椒的韓式烤雞屬超級BB 辣,唔食得辣既應該都handle到.特制蛋卷. 味道同外型都普普通通啦~ 略貴 ($150 for 9 pieces)整體上portion適合三五知己

啱啱去完泡菜國食炸雞，返到嚟又好掛住炸雞，所以就嚟左呢度喇!   友人率先攞飛等我收工過嚟，一開𨋢門見到超多女仔等緊位...心諗無男仔等位既？等位地方好逼，但都有幾張櫈可以坐住等。等左25分鐘左右就入得，不過係要坐出面露台，即係無冷氣...因為我地好餓唔想再等，所以諗左十秒就決定好啦!因為得兩個女仔嘅關係，只可以叫到韓式烤雞同海鮮鍋巴湯!Somersby Rita - 絕對係悶熱天氣嘅 life saver! 夠哂冰凍透心涼!! 亦係呃like之選!   韓式烤雞 - 一放上枱已經被佢嘅香味吸引! 本身我好怕油膩，但係呢個一d都唔覺得油，雞皮有少少辣...但好香口，肉質非常嫩滑又唔鞋，食完一舊好想繼續食落去...其實仲附上兩款醬，不過個人認為點左反而無咁好味! 雞既份量好多，如果唔係怕肥...我都會食哂佢，所以三個人食就啱啱好!海鮮鍋巴湯 - 朋友極力推介，佢之前喺泡菜國食過，香港就第一次見到有...而我就係第一次食。入面有勁多青口，兩隻大蝦，海鮮味道濃，加左湯嘅鍋巴稔稔地、脆脆地，幾特別，可以一試!今餐個烤雞完全係水準之作...想食完再食! 其實仲想食雞蛋卷...不過份量實在太多..

這間韓式餐廳標榜不賣炸雞, 而是一律烤雞. 是次點了韓式烤雞, 原味烤雞和香酥烤雞三款, 一碟已夠九個人分到至少兩舊, share食非常抵食 所有烤雞烤到皮脆肉嫩, 沒有炸粉無減雞的香脆可口, 反而少了份油膩感. 個人最喜歡原味烤雞, 不辣但鹹香很入味. 香酥烤雞則是烤得較乾身, 比其他口味更酥脆. 喜歡辣的點韓式烤雞很適合, 那種韓風甜辣辣得很過癮😊 烤雞還會附上韓式甜辣醬和hollandaise sauce, 讓烤雞多了一層次的風味. Somerby Apple Cider Rita很大杯, 兩人分也很足夠. 夠凍的apple cider加梨味沙冰座底, keep住夠凍之餘也不會溝淡cider味, 凍酒加上烤雞最爽熱食點了砂鍋魚糕湯, 大長今炒年糕和京蔥雞肉併盤. 除雞以外副食選擇不多, 但餐牌上的都比較特別, 不是每間韓食都有. 砂鍋魚糕湯有不同顏色的手打彈牙魚蛋, 雞蛋, peppers, 還有吸了湯汁的魚糕很入味. 大長今炒年糕是濕炒, 有許多牛肉和peppers佐料. 京蔥雞肉併盤無骨雞件本來已醃得很入味, 加上麻醬和京蔥絲很搭整體好好味又好抵食(特別係有咁多人share)

份量十足@goobne炸雞配上啤酒同食才是正道呀～看完來自星星的你韓劇之後我開始也愛上了這個食物，韓國人弄炸雞總是有他們的獨特心得，不同店，配方味道總有點不同，近來我很喜歡去goobne食炸雞。到goobne食飯你必要有排長龍的心理準備，又或者像我一樣５點半前己到餐廳，那就不用等，馬上可以入座啦～餐廳職員都是韓國人，個個都是美女型男，而且親切有禮先來飲品，我們點上了（左）喜力rita（右）apple cider rita$79 ，很大杯，而且把酒瓶倒轉放很有特式，喜力rita味道是青檸沙冰加上喜力啤酒，味道少少酸少少甜好清爽，而啤酒味偏重，我好喜歡。至於apple cider rita則是檸檬沙冰加上somersby啤酒，好香萍果味～味道較甜，女仔必然喜歡奉送的醃蘿白粒，味道有點酸酸甜甜，蘿白粒好爽口，可以消滯和清熱～我們點了一份韓式烤雞，份量驚人，二個人實在有點多，但實在太好味，最後也吃光了～炸雞標榜不用油炸，只是用其本身的酒烤脆雞的本身，而我眼見的是一點油也沒有，即使下手食，手上也沒有油淋淋的感覺。至於雞的本身已經醃得好入味，不用加醬料也非常好味。皮脆肉嫩，不過你也可以點特式醬同食

話說又係每月一度嘅紀念飯，每次我都會睇下有啲乜野好食而又未食過嘅野同男友去試，今次真係好多後生仔女去食嘅Goobne Chicken，聽講佢地嘅炸雞係全韓國最好食架~ (所以話係香港乜都有得食，就嚟邊度都唔使去~)不過呢間餐廳係尖沙咀一個算係易去又唔易搵嘅野方，就係赫德道，好彩大廈出面都叫有個牌，等人知道無嚟錯~ 其實呢度整棟大廈都係好新淨，好多digital panel show 下呢棟大廈有乜野食~其實我地都成8點幾先去到，但門口竟然好多人等位!!!! so crazy!!! 真係無諗過啊~ 平日九點都全場爆滿，真係好恐怖啊~ 所以真係要建議大家，一係早啲book枱，一係早啲嚟等位~好不容易入到去~ 其實佢呢度嘅餐具都係用叉同埋鉗~ 不過我覺得用手食可能會更好~ 哈哈黑色嗰個係service alarm，有啲似沙嗲王~ 不過呢度嘅service 可以用高速嚟形容~ 而且比起沙嗲王更有笑容。雖然幾乎個個都係韓國人，只能用英文溝通，難怪呢度多數都係打年青人嘅巿場。今次我影哂所有餐牌，因為佢嘅餐牌都唔係好多野揀，本來我以為好似其他韓國餐廳咁有個水冷麵或者辛拉麵食下，呢度都係無嘅~ 根據我

星期一晚準時收工就即刻沖去尖沙咀Goobne Chicken，6:30到都要等大約30分鐘先有位，雖然眼見裡面有不少空位，但都俾人book左，所以下次都係預早book位好啲。呢度每碟食物都要百幾蚊，皆因分量十足，我地兩個女仔叫左一份韓式烤雞同豬手，黎到嘅時候不禁『嘩！』左一聲，冇諗過係咁大碟！皮脆肉嫩，有十幾件雞，但辣味唔夠特出韓式辣醬豬手，咬落唔肥膩，充滿骨膠原嘅感覺，好野味，正！食啲咁刺激嘅野，一定要order呢個飲品舒緩一下，唔記得叫咩名，但基本上每枱都會叫的，到時指一指隔離枱杯飲品就得。用餐時間得９０分鐘，我地兩個食咁多野，９０分鐘真係唔夠，夠鐘時侍應會要我地先埋單，但冇趕我地走，最後我地要多２０分鐘先KO曬啲食物。推積如山嘅骨頭侍應多是韓國人，個個英文流利，亦有香港人侍應，所以一定溝通得到。

餐廳的裝修頗簡約，座位間隔非常大，坐著給人一種舒服、清爽的感覺，果然簡單就是美。作爲韓式餐廳，店内一直都播放著Korean POP，使我們好像置身在韓國Café 之中~Somersby Apple Cider Rita ($79)來之前OPENRICE了一下，對這個RITA非常期待!!!!!Mega size 的杯子裏面放滿了碎冰底，而且原來是有餐廳自家製的Special Cocktail，所以喝的時候除了Apple Cider 的原味之外，還有一種檸檬微酸的味道，非常開胃!!烤雞的選擇非常多，一共有八種哦！韓式烤雞($160)Goobne的烤雞原來是完全不用油炸，只是純粹用乾烤的方式製作，怪不得吃的時候不會覺得很油膩，手也不會吃得非常「油淋淋」。最重要對於女孩來説會感覺light 很多，吃多一兩塊炸雞也沒有這麽大的罪咎感lol韓式烤雞以韓國特有的青楊辣椒調味，再在雞身表面噴上韓國大米磨成的米粉，所以我們吃起來的時候會覺得有一層酥酥脆脆的東西。而且米粉能夠把雞的肉汁鎖住，因此即使是雞胸位置的肉還是很嫩滑，非常impressive!!韓式烤雞的分量也相當足料，是全只雞哦!!!!!!我和妹

星期六晚上7:00pm, 到達見已經好full, 當然可以book位.當日同友人walk in,幸好時間尚早, 不用等就直接入座. 而且有室內 或者outdoor 揀. 如果夜晚黎飲酒, 坐室外都幾正.落order /同店員溝通可以用英文, 因為佢地自己講返韓文. 而且見好多韓國人黎買外賣.- 韓式烤雞 ($160) :一隻雞分量, 有齊2雞脾, 2雞全翼, 雞胸及背切成6件左右, 連雞頸都俾埋你.起初見用青陽辣椒有d怕激辣, 但食落唔會咀紅紅脷腫腫, 係有少少辣, 放心食啦.反而有陣陣好香辣椒味, 係韓國辣椒粉係雞外皮調味.烤雞外脆, 雞肉超嫩啖啖肉, 仲好多肉汁, 因為我食到滴汁. 唔油膩仲有芥醬點黎食.如果真係太辣, 食d 醃蘿蔔解下辣啦. 呢款都幾驚喜, 我好中意.- 迷你豬蹄 ($180) :超多骨膠原, 係迷你版豬皮連骨, 方便食用, 豬皮好軟淋好彈彈, 分量好多, 食左好耐.仲有少少年糕, 同樣煙韌好味. 個甜辣特製調味醬, 味道同年糕個d差唔多.好味, 不過超辣, 係岩岩入口好甜好正既醬, 食食下就激辣. 越用力啜d骨, 就越辣. 好易上癮.- Somersby app

店名：Goobne地址：尖沙咀赫德道4號The Hart 2樓好味指數：8／10價錢：$50/ cupLeft:Crapefruit SmoothieRight:Blue Orangeade兩杯飲品顏色都很美，視覺效果絕對加分。Crapefruit Smoothie 味道較酸，橘橙味道很突出。Blue Orangeade同樣都是酸酸的，清香的檸檬味道酸中帶甜，清新可口。兩杯飲品都是製成沙冰，非常解渴。店名：Goobne地址：尖沙咀赫德道4號The Hart 2樓好味指數：8／10價錢：$190海鮮鍋巴湯熱窩熱辣辣，份量很大，窩內有大量海鮮和其他配料，有青口，蝦，魷魚等，湯底非常鮮甜。鍋巴有四片，已被熱鍋浸腍了，如能另上會更好。店名：Goobne地址：尖沙咀赫德道4號The Hart 2樓好味指數：8.5／10價錢：$160韓式烤雞以韓國特有之青陽辣椒烹調，烤雞份量挺多，而且整齊排列。烤雞配以兩種醬料，一款是芝士醬，另一款是芥辣沙律醬。烤雞味道有一點點辣，雖說是烤雞，但味道能媲炸雞一樣皮脆肉嫩。烤雞還配上一碟生醃白蘿蔔，爽口的感覺酸酸的味道，很開胃。桌上提供一個小鐵桶，可把吃完的骨頭丢進

與韓國友人在街上走，她興奮的指著這家店的招牌說，韓國也有這一定，很好吃。默默的把這家店放在TO EAT LIST中，終於有機會去試一下！這家店標榜用烤的方式烹調，所以較為健康。侍應生都英文很流利，服務速度蠻快的！讚！蛋卷 - 有點小微妙的感覺，蛋皮包著蟹柳腸仔等等，有點小學壽司的FEEL...沙律 - 紅腰豆粟米車厘茄蔬菜....感覺就是....沙律韓式烤雞 - 很！好！吃！看菜牌時看到這用青陽辣椒醃制，有點小擔心會不會太辣。誰知那個辣度根本就是剛！剛！好！很惹味很好吃！烤的手法讓皮不會沾上炸漿，但又烤得可以爽脆。雞肉肉汁被鎖住，雞腿那個滑嫰啊!!!!甜酸烤雞 - 追加的一碟。這個也好吃，但比起韓式烤雞有點小遜色。這個甜辣味道跟其他店的稍有不同，但還是蠻惹味，有FINGER LICKING的效果。