CIAK - All Day Italian (太古城中心) (Closed)

都有好一段時間無去CIAK，CIAK有兩間店舖，分別係太古城All Day Italian & 中環 In the Kitchen, All Day Italian 2017-2021曾經係米芝蓮必比登推介，質素一值都不容置疑，今次就揀左太古城店舖用餐餐前麵包見到麵包入面既氣孔就知發酵得好靚，食落外脆內軟，蘸黑醋同橄欖油真係無得輸Grilled Bone-in Pork Chop炭燒加拿大穀飼豬扒perfectly grilled, 肉質好嫩呈微微粉紅色，個炭燒味真係好香，puree 味道清甜，配呢個炭香味一流豬扒就岩晒M5 Wagyu Sirloin Steak 炭燒澳洲M5和牛西冷扒，叫了medium以厚切呈上，medium 既熟度拿捏得好好，不過我就覺得個厚度太厚了，如果再切一半上碟就更加好了，視角上感覺會無咁飽😆EstivaCIAK pizza 一向都相當出色，使用以36小時天然新鮮酵母發酵，天然新鮮麵團先能做出脆邊又鬆軟既pizza 餅底，加上意式風乾火腿、火箭菜、車厘茄 & 芝士，更顯意式風味環境幽暗得黎又可以清楚睇到枱面既食物，梳化位更加坐得好舒服，整餐既氣氛同食物質素都

•上網訂位好方便openrice有得上網訂位，慳水慳力。•好味意大利菜👍由餐前麵包，沙律，再到主菜/pizza， cocktails都好味。•餐廳位置對區外客來說，比較為難揾。要揾客戶服務處詢問才找到。•服務態度親切有禮👍**晚餐有訂位，入坐時沒有太多顧客（成晚都唔係坐滿客人），眼見大多數係吉枱，但仍安排坐在走廊邊的細小二人枱，枱面太細根本放唔晒所有食物和飲品，迫到要pizza和主菜分開上菜，安排令人感覺不太舒服。應該要多啲朋友一齊食飯，先可以安排靠牆大枱了。

原來意大利雲吞也可以超juicy看得到的肉汁，牛肝菌忌廉汁意大利雲吞超juicy，入口非常香，而且每隻都好大隻。餐前麵包暖暖的，亦非常美味，我一個人食晒啦。沙律係八爪魚薯仔，也不錯。只是略嫌整個餐太多碳水，很胖啊～今次係第一次嚟呢間，平日食lunch，full晒，餐廳問我會否選擇轉坐自助取餐嘅area。我比較喜歡有人serve，所以等到近2pm人潮過一些才入座。整體服務也很好。

限聚令放寬咗, 第一時間約同事食返餐好嘅.我地叫咗3 個courses嘅set lunch. Set Lunch - 3 Courses (HK$228)餐前麵包依個餐前麵包真係要推介一下.佢真係好好食.係我食過最好食嘅餐前麵包.上枱嘅時候仲係暖暖哋嘅, 外脆內軟.口感有D似pizza邊, 不過好食過pizza邊好多.一份嘅份量雖然唔多, 但可以refill嘅.椰菜花湯好濃椰菜花味.質感都好creamy.好幼滑, 唔會有一粒粒.但我覺得味道唔算好特別.廣島蠔意大利飯配雞油菌及軟芝士主菜有六款選擇.我見呢個意大利飯好似比較吸引所以就揀咗.上菜嘅時候就已經聞到好大陣蠔味.隻蠔都幾大隻.佢係煎過嘅.食落蠔味都幾重, 口感軟軟的, 仲係有好多汁.至於個risotto, 味道都唔錯.食落好creamy, 飯嘅口感軟硬適中.雖然芝士味同雞油菌味唔算濃, 但整體來講我覺得成個飯嘅味道都啱啱好, 好好食.牛奶芝士蛋糕配焦糖蘋果及柚子雪葩呢個甜品等咗勁耐先上.不過等咁耐都值得嘅.佢個賣相好靚.個芝士蛋糕口感好滑, 好濃牛奶味.配埋柚子雪葩一齊食, 味道好fresh, 唔會膩.碟上面嗰粒橙色嘅係焦糖蘋果,

好耐冇去太古城 朋友住個頭一於放工去搵佢食餐好先☺️一早打電話book好8點兩位不過原來平日唔使book都okay 唔算full👏🏻兩個女仔食量唔算太大落完單已立即為我地送上餐前麵包麵包實在好好好味呀😍 外脆內軟 非常出色食完一份 侍應問使唔使refill 都忍唔住加多一份💕然後唔使等好耐主菜就出場啦☺️望落好似好細碟 不過其實兩個女仔share食食下都可以接受豬肉好入味 扁意粉亦好有口感 🤩我話夠飽 因為兩個女仔仲叫左個7吋pizza!相片都見到好多芝士🧀 拉得出絲架都👍🏻味道配搭好味 而且個餅底都好好味🤤兩個女仔食已經好豐富啦嘻嘻下次黎仲好想試佢地個甜品一定會再返黎 等我💋

陪媽咪去完吉之島掃貨，一齊黎太古城中心食米芝蓮星級大廚既意大利菜;我地每人叫左個SET DINNER，三百蚊有找就可以食到米芝蓮級數既意大利菜，認真超值前菜：特級水牛芝士伴意大利車厘茄配黑醋欖油汁水牛芝士質感十分煙韌口感比較滑溜。 車厘茄酸酸甜甜令水牛芝士的脂香昇華。黑醋橄欖油樽超級靚，依到既麵包又香又鬆軟；我地都有添食包包~哈意大利風乾火腿澳洲和牛配牛肝菌汁風乾左既火腿同和牛二合為一， 為和牛加上一份咸香顯得更別緻朱古力奶凍伴朱古力脆脆配牛奶雪糕雪糕十分滑， 奶凍朱古力味都極之濃厚，再加上旁邊既脆脆多了份口感

今次嚟到Ciak搵食！ 本身以為太古廣場係有錢人集中地，餐廳菜色一定好貴，原來都有例外。呢間意大利餐廳雖然被評為米芝蓮推介，但係食物的性價比意外地相當高，值得向各位食家開心share餐廳裝潢設計時尚中帶點藝術風格，有酒吧枱，牆上有掛畫，最特別是投放著意大利黑白電影，見客或放工happy hour氣氛都唔錯。菜色選擇非常豐富，最有名的是麵包、薄餅和麵條都是用意大利麵粉自家製，有心思自然好味道。餐前麵包上枱仲係暖笠笠，小麥味香，外脆內軟，黑醋和橄欖油瓶子設計獨特，平凡的麵包感覺即刻升值十倍。是日餐湯$100今天的餐湯是南瓜濃湯，雖然沒有其他配料，只有一些香草蒜頭和橄欖油調味，但味道還是很好，全因食材選料新鮮品質高。店員亦非常細心，主動幫我們將一客湯分成兩碗享用。傳統意色燴牛柏葉伴意大利白腰豆及蒜蓉包 $ 150沒想到意大利菜有牛栢葉食，當中亦有些牛肚，用燴的煮法又腍又入味，意式醬汁好香牛油味和豆味，蒜蓉包脆到好似薯片咁，點醬汁一起吃一流。自選雙拼組合薄餅(7吋) $180薄餅可以自選尺寸及雙拼材料，十分欣賞這個以食客為先的服務，份量和口味都容易控制，滿足所有客人。我們點了個7吋的，餅底薄餅

M佬：A姐，你再食真係變米芝蓮喇！A姐：（超勁爆嬲樣）M佬：其實做米芝蓮都幾好呀，好cute呀！我都係咁愛你㗎！…（去到呢刻，講咩都已經無用）…真係衰多口，為表賠罪就帶A姐去食獲得米芝蓮一星，位於太古城嘅CIAK – All Day Italian！餐廳以木製風格為主，簡約又有feel。不過，唔好以為係米芝蓮推介就會好貴，價錢都叫做負擔得起㗎。餐前麵包點完菜後，店員先送上自家製麵包，麵包熱辣辣，好香呀！外脆內軟嘅麵包加上黑醋同橄欖油，好好味呀！如果唔夠，仲可以免費添加㗎！是日餐湯（蘑菇湯）一大碗嘅蘑菇湯夠晒2個人飲，店員話用上多種蘑菇打製而成，所以湯底充滿濃郁嘅蘑菇香味，細軟幼滑。傳統意大利肉丸伴薯仔及黑水欖用豬肉同牛肉，再加上芝士打製而成！肉汁豐富，好Juicy㗎！炭燒澳洲M7和牛西冷扒（9安士）配薯菜細心地先將碟同餐具預熱，以維持同牛扒嘅溫度。五成熟嘅牛扒厚身，好有質感，半生熟嘅牛扒好幼嫩，夠Juicy！炭燒澳洲羊架（13安士）配薯菜三件大大塊嘅羊架，五成熟，用炭燒到焦香，充滿肉汁，羊羶味微。至於，驚喜在於配菜，清爽鮮甜，唔錯！

上個月跟母親大人吃完一頓滋補養顏的母親節晚飯, 話咁快又到6月, 同樣有一個大日子, 大家記得嗎? 有感謝母親的日子, 當然不少得有感謝父親的日子, 今星期日便是父親節啦! 我絕不會偏心, 同樣準備了小禮物給他, 當然也要陪他吃一頓晚飯。媽媽貼心, 爸爸就窩心。跟媽媽一樣，雖說跟他吃父親節飯, 他也是主動話要先來我家一趟, 他不是來打點, 而是來修理, 家中有什麼破爛東西, 他都能維修好, 真厲害! 為了感謝他, 知他是羊迷, 當然要揀一間有羊吃的西餐廳來慶祝父親節。餐廳分兩個用膳區, 一區光猛開揚, 另一區則頗有情調, 老爸是我半個情人, 當然揀有情調的那邊跟他慶祝, 哈!開放式的門口, 近門口設有一個吧枱。甫進店內, 地方不少, 設有一排四人卡座, 座位寬敞闊落; 中間設有多張二至四人枱, 枱與枱之間有一定距離, 感覺舒適; 而最後端則設有一個開放式的廚房, 可看到大廚們忙過不停, 旁邊亦有一排長沙發座配二人枱; 另外, 還有兩大張馬蹄型的座卡, 寬敞舒適。 餐簿分兩本, 木面是食品, 而皮面是飲品。晚巿沒有設套餐, 全是a la carte, 分門別類, 很清晰, 有冷盤、熱盤、