火鍋撚 (雲明行)

Open Now

Now Closed

打風有咩做？梗係打邊爐啦🤣🤣火鍋撚一直都真係好火下, 長期多人食, 今晚終於試到, 比預期好味既🍲火鍋店👍🏻一上到去就見到極有中國古風既環境, 地方寬敞舒適！我哋點左<一品酸菜白肉鍋> （$148）湯底, 酸酸味味超開胃, 酸菜和白肉的份量都好充足, 白肉半肥瘦, 咬口一流！本身呢個湯底都幾重味道, 所以都唔洗再點醬汁！<極品安格斯肥牛> (大size) （$268）賣相又靚又精緻, 睇得又食得. 加埋 <特級牛脷托>（$63）一片片牛肉牛脷都幾有口感, 而且都幾鮮嫩！<五色丸丸拼盤> （$76） 鹹蛋黃豬肉丸幾特別, 雙重芝心丸. 爽口彈牙.小心爆醬🤣<四寶餃餃拼盆>（$58）綜合丸類及餃子款式都好多選擇, 味道都唔錯！<香蒜粒炸魚皮>（$ 59）香脆可口👍🏻<竹蔗芧根紅蘿蔔馬蹄水>（渣）（$78）又夠冰凍解渴！最後仲送兩杯<腐竹糖水沙冰>😍 夠晒特別, 冰凉入心！

雖然而家天氣熱辣辣 但因為太中意打邊爐今日決定幾熱都要去火鍋撚度打邊爐！一入去個冷氣勁涼 啱曬打邊爐😀一坐低店員會比你揀醬料 勁多選擇!湯底要左蜂巢豆腐白湯鍋 蜂巢豆腐免費任添 索曬d湯 好好味湯底仲有d鴨血 人蔘 補身材料 等 感覺健康dd😁兩個人去打邊爐通常會好驚叫唔倒好多野呢度有得半份/一份咁叫啱曬兩個人但想食多d唔同料🥹叫左個大既極品安格斯肥牛賣相勁靚 打卡一流之餘 牛肉味好重 一d都唔韌!不過d肥牛吊吊下d血滴曬落張檯度 比佢嚇親🙈叫左兩樣好邪惡既嘢- 即炸三秒響鈴卷(配甜酸醬)呢間係我見過第一間講響鈴配甜酸醬既火鍋店原來咁樣食係咁好味🥹- 香蒜粒炸魚皮呢個必叫！！！ 勁多炸蒜 魚皮好大塊好厚超有口感 好好味😋仲叫左半份法式龍蝦湯爆漿牛丸同鮮蝦雲吞半份每樣有3粒 牛丸入面d龍蝦湯勁濃勁好味鮮蝦雲吞入面d料都好足 成粒漲卜卜仲要左個黑松露墨魚滑 好香松露味 口感彈牙～稻庭烏冬 好快食得 彈牙 紅薯粉 份量勁多 食極都仲有 索曬d湯 好味☺️最後當然要叫番個菜～ 都好新鮮啊感覺無咁邪惡丫嘛！最後埋完單每檯都會送每人一杯仔腐竹糖水沙冰中意既朋友其實佢嘢飲menu都有 可以叫一jar😉

去完中環大館閒逛，以打邊爐作為一天完美的Ending。這間火鍋店的裝修走客棧風，座位空間足夠，雖然是主打台式養生鍋，但店內音樂都在播耳熟能詳的媽媽年代經典廣東歌，也算是另一種享受。無論是湯底或配料都很高質，又多一間邊爐店Bookmark了！蜂巢豆腐白湯鍋 $139皇牌湯底，呈乳白色，好有老火湯的濃稠感覺。配料有不少藥材、鴨血、蜂巢豆腐，還有一大支人參，足料又養生，味道健康又不油膩，配搭不同食材都很適合。加湯也是加原湯，吃到最後也沒有變淡，有誠意！由於湯底太美味，索汁的蜂巢豆腐和滑溜溜的鴨血即時變搶手貨！極品安格斯肥牛(小) $168牛味濃郁，帶有適量肥肉，勺煮後牛油香完美滲出，好味到心心眼。特別喜歡其厚度，易熟但又不失口感，比透光薄切更有紮實的滿足感，食肉獸表示滿意。火鍋撚香滷拼盆 $119原本以為是浸滿滷水汁的現成熟食，怎料也是邊爐料類，稍勺一會兒就可食用。牛肚、牛筋、豬大腸這個內臟組合太無敵，牛筋夠Gel狀膠質，豬大腸已去肥膏。由於湯底偏濃郁，滷水味都被Cover掉，但整體也很出色。香蒜粒炸魚皮 $54大大片厚炸魚片，上桌時還是暖烘烘的。炸漿厚度適中，連同炸蒜粒，如吃薯片般卜卜脆。

見天氣開始轉涼，自己又未肯參加舞會，所以就襯晚市仍可堂食時，盡快去同舞伴打次邊爐，二人唔洗多諗即異口同聲地提議中環間「火鍋撚」，餐廳個朵包保聽過都唔會唔記得。於官方網頁上得知火鍋專門店現推廣緊早鳥全單八五折之優惠，適用於星期一至星期日，特別日子除外，晚市散座貴客只需七點半前埋單及離座即可享用。準時五點收工，即可趕及傍晚五點半開波，嘻嘻，歡樂時光最佳嘅火鍋配搭當然係藍妹啦；$19一樽仲有得折喎，抵過區內嘅酒吧多多聲！邊飲邊影，飲到咁上吓啲相好自然離哂焦，好在一早校定鬧鐘埋單，唔係真係好易會貓貓離場。火鍋乃中國傳統文化美食之一，佔用面積全層嘅「火鍋撚」選以兵馬俑哥哥黎迎賓，十分恰當。室內牆上掛出古代中國風嘅裝飾及畫品，細看下卻會現暗藏現代嘅元素，甚有意思。兩口子被安排入座店內最闊落舒適，又夠私人空間嘅二至四人屏風卡位。席上擺有自用餐具、公用廚具及乾濕紙巾。此外，每人更派發可循環再用嘅口罩套，衛生又環保。點菜紙共有兩頁之多。為求盡享早鳥歡樂，飯前早已上網揀定食物，多得服務生落單及上菜速度快，一切都進行得相當順理。打邊爐第一個步驟就係混醬（$10/位）。大大鍋湯底迅即呈現眼前。蜂巢豆腐白湯鍋（

中環火鍋撚之前吃過，覺得不錯，今日再和朋友光顧。環境好有中國格調，古色古香，座位闊絡舒適。多款調味醬食物種類都算多。我們想一次過試兩款湯底，計價高那款再加三十元就可以雙拼了。這兩款湯底都可以無限添加酸菜白肉和豆腐鴨血，但因鴨血很好味和每次添加份量都不多，所以就要求加了三次酸菜白肉夠醒胃，仲有qq麵係底，正呀麻辣夠麻夠香，鴨血爽滑，必試。牛骨髓新鮮又大條，質感軟滑。脆卜卜，淥十秒就吃得，如淥太耐便會縮小和變韌。牛肉味濃，肉質軟腍，牛脂平均，很甘香蛋黃很甘香，豬肉丸彈牙爽口。新鮮彈牙，有陣陣香菇味。新鮮翠綠，清甜爽口，吸收了湯汁，很讚很香脆，有蒜香味，挺特別。比較硬身，淥耐點亦不會過林。飯後還有腐竹糖水沙冰送，以古代器皿盛著，沙冰唔算太甜，感覺透心涼，

「啤王」老五牛一，週四晚就揀咗去老蘭一家樓上餐廳「火鍋撚」度慶祝，主要原因有二：一，係佢鍾意打邊爐；二，係因為見到XO仔最愛o既藍妹樽裝啤酒只售$18，深覺這個十八的誘惑實在不容有失咁話！～火鍋店正門先由兵馬俑哥哥代表歡迎貴客。散座分貼牆o既卡位及中央o既合併式散枱，配合埋木造o既特大枱櫈，舒適得黎感覺簡潔企理。兩口子為卜卜脆o既藍妹而來，埋位當然係第一時間點啤酒，解一解熱氣啦！兩枝兩枝咁叫，結果飲咗成十八樽，直頭當正自己仲係十八歲咁，強呀！厚厚o既餐牌首頁先道出店名o既典故及火鍋o既來源。內頁則為各款湯底及配料加以解説，並附插多幅彩圖供參考之用。點餸全交由熟客壽星仔話事，兩頁點菜紙亦由佢一人填寫。老友記點都會為小肥個荷包著想o既，湯底就揀咗個可享有無限添加鴨血豆腐o既「蜂巢豆腐白湯鍋」。鎮店推介之蜂巢豆腐白湯鍋（$128）：養生湯底用上雞湯、豬骨湯、忌廉牛乳、原條人參及多款蔬果燉煮，當真猶如餸名般呈白色。白湯醇濃帶甜，入口更覺柔滑潤喉，窩心滋補。老五雖然又大一歲，不過眼力比學弟好得多，睇到個爐邊印有店名「火鍋撚」。等待廚房準備邊爐配料時，妹妹仔先送上醬油拼盤等食客自行混醬。香蒜粒炸魚