Sabor Spanish Touch Private Kitchen

Open Now

Now Closed

Sabor 杏花雞匣選用肇慶市封開縣杏花雞,廣東三大名雞之首。食上嚟有清、鮮、甜、爽、骨香之感。高濃度雞肝醬濃郁雞肝味道，配上爽脆自家焗製水晶包，齒甲留香。烤杏花雞肉用松果木煙燻製成，去皮拆骨，每啖都係滑雞原味，配以青檸鹽同埋喜馬拉雅山礦物鹽，提升雞原味層次。雞皮油香飯全亞洲獨有，先將杏花雞淋上秘方嘅威士忌酒再點火，另酒滲入每吋雞皮裡，之後撕皮再焗至金脆，再以瓦煲將雞油嘅精華炊成泰香米飯。開蓋嘅時候，再灑上自家調製醬汁，食嘅時候充滿幸福感!

朋友最近介紹咗一間樓上西班牙菜，總廚師大有來頭，師𠄘西班牙米芝蓮 Jose Vicente Mascaros，餐廳個晚滿座，好彩book定位。餐廳燈光昏暗，好有氣氛。今次試左Sabor 杏花雞匣，將全隻雞每一部分味道提升層次。高濃度雞肝醬雞肝醬味道濃郁，入口香滑綿密，加左甜甜地嘅洋蔥解膩，配搭香脆既自家焗製水晶包。烤杏花雞肉用左肇慶市封開縣杏花雞，係廣東三大名雞之首，雞肉拆咗骨，超方便，用松果木煙燻，雞肉滑嫩，食落去鮮甜爽之餘有煙燻香氣。雞皮油香飯淋左蘇格蘭威士忌酒係杏花雞再點火，好吸晴，威士忌酒滲入雞皮，香脆雞皮加上雞油精華炊絲苗米飯，再灑上甜甜地自家調製醬汁，香氣四溢，仲有少少飯焦。Catalonia Cream with homemade ice creamCatalonia Cream 檸檬肉桂味，酸酸甜甜好清新，自家製雲呢拿雪糕幼滑。