牛大人台灣火鍋吃到飽 (荷李活商業中心)

Open Now

Now Closed

呢間台式火鍋店一向超受歡迎！澳洲M9 和牛牛丸、台灣鳳梨雞鍋、澳洲和牛M5牛肩卷都有，任飲任食，食飽仲有Häagen-Dazs雪糕食，趁住天氣轉涼，一家大細打邊爐正合時！先來2 杯強波酸啤，滿滿果香，層次感十足！120分鐘極上和牛吃到飽 ＄288每位贈送彈牙鮮味澳洲M9 和牛牛丸2粒湯底有10 款選擇，紅燒排骨，酸菜鍋，蕃茄鍋，麻辣鍋都唔錯，今次選嘅台灣鳳梨雞鍋，入面有半隻雞、苦瓜、大蜆，湯底清甜下火！肉類方面，都有好多款選擇！必食澳洲和牛M5牛肩卷，油香最重！🐮SRF美國黑牛後腿肉，牛味濃，有咬口！安格斯牛小排，肉質香滑軟腍！仲有美國Prime極級肩里肌，紐西蘭羊卷肉，西班牙豬五花等！海鮮有海蝦，大蜆，香滑鯛魚片，蟹籽墨汁漿、干貝鮮魚漿、章魚珍珠漿等！漿丸彈牙鮮味，當中章魚珍珠漿最有口感！火鍋配料仲有雞件、牛筋、水蓮、蜂巢豆腐、枝竹、鴨血、蛋餃等，豬大腸愈滾愈軟腍，吸滿湯汁，入味又有口感！香口嘅台式小食，款式都好多，當中小妹最愛熱辣辣，鹹鹹香香嘅真豬小香腸，醬汁香濃嘅魚香皮蛋豆腐都係我的心水之選！整體食物質素唔錯，價錢大眾化甜品又有Häagen-Dazs 雪糕，好滿足！📍牛大人台灣火

同友人兩個去食午餐，選擇左最便宜嘅自助餐set。一個人$138另+10%服務費，入座起90分鐘，夠鐘前30分鐘就會截單+同你收錢先。我地叫左番茄湯底，好味亦好夠味。每一枱嘅湯都超級大鍋😂😂牛肉豬肉都唔錯，雞件中規中矩。友人鐘意食的鴨血味道唔錯，一份有三塊仔都厚身嘅。我鐘意嘅豆腐皮蛋好好吃！小香腸同鹽酥雞都好吃，我地叫左好幾份😆😆蛋餃唔推薦比較一般花枝滑好食嘅，但海鮮滑好臭🤧好似臭海鮮嘅味（唔知係咪得我地果份係）不過啲滑都係好霉，食落覺得一般自助區配菜選擇算合格種類，菜有幾種、另外有各種丸 每種都好食，唔係出面買嘅批發丸都有辛拉麵、烏冬等飲品都有多款，汽水最基本，另外有各種膠樽裝黑茶綠茶白茶，盒裝有台灣小麥紅茶（第一次見）等調味區選擇多，各種唔同嘅醬非常多選擇一定滿足到每個人嘅口味。總括黎講價錢同質素合理，90分鐘食自助午餐黎講尚算夠嘅，但如果時間長多少少就可以食得無咁急。加上提前30分鐘截單，所以食得慢嘅朋友就一定唔夠。Staff好勤力收空盤，亦有主動問要唔要加湯（好大煲湯我地完全唔需要加）環境乾淨 地板唔會濕/滑。另外有公筷+2隻勺，仲有紙巾都幾貼心。

尋日系大年初七🧧，人日快樂。老公為左補償番情人節餐飯就帶左我去lunch打邊爐仲要係我一路都好想食既＃牛大人～ 而家暫時放寬左除左量體溫仲要嘟埋安心出行先安排入座。店員帶位後, 會介紹下個流程。先揀湯底, 再用QR CODE落單,另外出面有醬料區同自助食品/飲品區。 我地點左個【極上和牛吃到飽】套餐限時90分鐘（1.5小時）。上菜時間都好快。湯底都個個都好吸引, 我地就揀左【牛大人紅燒牛骨鍋】。非常入味,醬油都慳返,而且鍋入面真係有幾舊牛骨架! 由於食物方面款式比較多, 以下係我地重點推介比較好食既:⭐安格斯特選牛板腱、澳洲和牛M5牛肩卷油花分佈好平均，牛肉味濃。入口即化⭐章魚珍珠漿同蟹籽墨汁漿，彈牙爽口，咬落去有粒粒章魚架～系極上和牛吃到飽套餐先有⭐滷肉飯同出面食既好唔同，轉用左牛肉做，味道非常濃⭐魚香皮蛋豆腐上面佈滿木魚絲，皮蛋連豆腐配埋佢個醬一齊好有層次⭐鬼馬老油條向鍋到浸一，兩下咬落脆卜卜...😋⭐凍豆腐，萵荀索晒火鍋底既汁好好味⭐牛大人 自家豆腐味雪糕豆味香濃，口感幼滑。 （建議早少少去拎比啲時間攤軟）飲品方面都好特別，有一樽樽入好左既冷泡茶，味道都有幾款（菊花普洱、白桃烏龍