牛大人台灣火鍋吃到飽 (荷李活商業中心)

Open Now

Now Closed

同友人兩個去食午餐，選擇左最便宜嘅自助餐set。一個人$138另+10%服務費，入座起90分鐘，夠鐘前30分鐘就會截單+同你收錢先。我地叫左番茄湯底，好味亦好夠味。每一枱嘅湯都超級大鍋😂😂牛肉豬肉都唔錯，雞件中規中矩。友人鐘意食的鴨血味道唔錯，一份有三塊仔都厚身嘅。我鐘意嘅豆腐皮蛋好好吃！小香腸同鹽酥雞都好吃，我地叫左好幾份😆😆蛋餃唔推薦比較一般花枝滑好食嘅，但海鮮滑好臭🤧好似臭海鮮嘅味（唔知係咪得我地果份係）不過啲滑都係好霉，食落覺得一般自助區配菜選擇算合格種類，菜有幾種、另外有各種丸 每種都好食，唔係出面買嘅批發丸都有辛拉麵、烏冬等飲品都有多款，汽水最基本，另外有各種膠樽裝黑茶綠茶白茶，盒裝有台灣小麥紅茶（第一次見）等調味區選擇多，各種唔同嘅醬非常多選擇一定滿足到每個人嘅口味。總括黎講價錢同質素合理，90分鐘食自助午餐黎講尚算夠嘅，但如果時間長多少少就可以食得無咁急。加上提前30分鐘截單，所以食得慢嘅朋友就一定唔夠。Staff好勤力收空盤，亦有主動問要唔要加湯（好大煲湯我地完全唔需要加）環境乾淨 地板唔會濕/滑。另外有公筷+2隻勺，仲有紙巾都幾貼心。