Nara Thai Cuisine (新城市廣場一期)

Open Now

Now Closed

大蝦冬蔭公得幾隻蝦同少少菇。我唔食得辣所以冇食到，朋友話一般般。泰式蝦醬炒河粉較為油膩，但肉碎好入味惹味，整體味道都算唔錯。但賣相則很一般。泰式炒金邊粉略為酸，個人覺得唔太好食鮮椰汁沙冰好味，鮮椰汁加上少許珍多做沙冰，外觀亦討好。配泰菜一流，大推。菠蘿薑汁沙冰朋友話味道一般，唔係難飲不過唔係咁夾味

餐廳好有格調，環境舒適，座位闊落，好啱拍拖/朋友聚餐🍽️炸蝦片 $15一坐低，職員會上前遞上一碟炸蝦片。大大片蝦片炸到脆卜卜，好有蝦味！無油膩感👍🏻黃咖喱軟殼蟹 $198黃咖喱超級惹味！適合怕辣人士，因為佢唔辣，仲有陣陣既椰香味！😋 軟殼蟹大大隻，炸到脆卜卜，肉質好juicy！印度薄餅 $35配咖喱食必點！薄餅好酥脆，建議趁熱食！😍鹹蛋黃咖喱炸大蝦 $1883隻大大隻虎蝦，廚師將大蝦炸完再沾上黃咖喱，炸到殼好香脆，蝦肉質爽彈！加埋充滿鹹蛋黃香味既咖哩食，好好食！🦐鮮椰子沙冰 $55椰汁味濃，甜度適中🥥。入面有打碎咗既三色冰，增加口感。🌟可以係openrice訂座📍 Nara Thai Cuisine (新城市廣場) (沙田)沙田沙田正街18號新城市廣場一期5樓507號舖

夏日炎炎的天氣除了水上活動 還是室內活動避暑較住 是日在附近商場購物 便試了這間曼谷過江龍🇹🇭 餐廳裝修低調優雅 適合和三五知己或一家人聚會 入席時枱上已先預備一客黑椒蝦片 鹹香濃烈 上小菜前可以先過口癮前菜之中芒果軟殼蟹米紙卷 ($118) 算是清新醒胃的選擇🥭🌯 卷物內外的軟殼蟹香酥鮮味出 芒果香甜多汁 蔬菜新鮮 與泰式青檸辣汁搭配 辣而有後勁🌶 若辣度稍降低更對港人口味黃咖喱軟殼蟹 ($198) 對得起招牌菜式之稱 偌大的軟殼蟹躺在濃稠的黃咖喱🥘🦀 小食和主菜份量都很慷慨 咖哩非常香甜濃厚 貌似加了蛋黃模仿蟹膏的質感 非常掛汁👍🏻 不像坊間咖喱汁稀身且油感重 就算佐飯和蘸印度薄餅吃多了也不易吃不消🍚🫓 薄餅 ($35) 剛上菜時蠻頗酥軟 可惜是未上咖喱前很早便和白飯 ($18) 一同送上 吃到中段時已經變韌 後來再點多份熱飯配咖喱蟹又變得更好吃了🤣 鮮椰子沙冰($55)不乏椰青肉和珍多冰 消暑解渴適合佳品🥥這裡的黃咖喱軟殼蟹的確令人再三回味 本來也想試它的金邊粉但一早售罊 下次再來這裡附近時也會考慮試試

Nara的意思為「泰國女子」，餐廳由數名女企業家於曼谷創立，已連續10多年獲選為泰國最佳食府🥇疫情前於泰國食過回味無窮，當然也要試試香港分店😋 餐廳主打中高檔泰國菜，用餐環境時尚舒適。▪香脆蝦片 一坐底就有一籃蝦片作前菜😍蝦片炸得香脆可口，食落微辣有少少胡椒味，味道濃郁惹味，好食到停唔到口🦐▫花膠海鮮冬蔭功 湯入面的材料豐富，有兩隻開半邊大蝦、魚、青口、花膠、蘑菇🍄 大蝦肉質結實彈牙，與蝦膏一齊食，鮮味十足🤤湯底酸味辣味同椰汁味都平衡得好好👍🏻加上香茅味令整個湯底的層次有所提升😌 仲有個爐一路熱住 慢慢食都唔會凍哂🔥▪泰式炒金邊粉 煎得金黃的蛋把金邊粉包好，不但賣相吸引，亦有保溫的作用🥚金邊粉炒得乾濕度恰到好處，食落煙韌😆 大蝦肉結實爽口🦐芽菜同蔥都食得出非常新鮮🥬青檸、泰式辣椒、糖及花生碎 亦可隨意自己添加，食落酸酸甜甜好開胃😚▫斑斕香葉包雞 外層用斑斕葉包裹裡，雞肉外皮炸得香脆，內裡肉質嫩滑，肉汁豐盈🐓點埋旁邊甜甜地嘅照燒醬，味道好夾😝▪鮮椰子沙冰 既fresh又鮮甜嘅椰子肉打成smoothie，飲落清爽解膩，十分消暑🥥

最近在尖沙咀某商場吃過一間水準不錯的泰國菜餐廳，雖然好味，但總是吃同一間難免會悶，欠缺新鮮感，所以今晚又再尋找新餐廳。無意中發現沙田新開了一間泰國菜餐廳，看來頗具人氣，於是過來試試。紅咖喱大蝦紅咖喱汁帶點微辣，還有淡淡的檸香味，惹味又不失清新；蝦預先切開兩半，所以進食時不會狼狽，非常方便，雖然蝦沒想像中大隻，有點失望，但還好蝦肉鮮甜爽口，加上蝦殼輕炸過，帶點酥香，整體味道不錯。印度薄餅外層微脆，不會過於乾硬，內層酥軟，跟咖喱汁配搭起來味道不錯。鮮椰子沙冰沙冰夠冰凍且打得幼細，椰香味道天然且濃，甜度剛好，非常解渴呢！雖然價格稍貴，但值得一試。泰式牛肉船麵麵質不會過腍，不過湯底味道太淡；麵的配料有牛丸、牛栢葉和牛肉片等。除了調味不錯且口感爽彈的牛丸帶點驚喜外，其他配料都較遜色，牛肉片沒牛味、牛栢葉不入味、牛𦟌炆得太腍，一夾即爛沒嚼口，又沒牛味，有點難食。整體來說，這碗船麵質素麻麻。今晚除了船麵較遜色外，其他食物水準都不錯，雖然價格稍貴，但跟質素大致成正比吧！環境方面，座位頗舒適，檯與檯之間的距離不會太近太擠，而且冷氣夠，環境亦不會太嘈吵，不錯。服務方面，除了上菜速度比較慢外，整體不錯，至少

來自泰國既nara , 餐廳環境舒適，而且有sofa 坐，價錢又唔算好貴，下午茶去最正，人小小，兩三個friends 食下野吹下水係個唔錯既選擇依碗牛肉船唔簡單，裝住牛丸，肥牛，牛展同牛肉，有多種牛牛既口感，餸仲多個麵，不過我食過好幾次，牛肉有時會好林，但有時又會好靭，睇下你去好唔好采勒，不過湯底都好正既，一兩次失手都算拉金邊粉既旁邊有D配料俾你調味，糖…我唸就唔多需要，因為原本個金邊粉都已經帶有少許甜味雖然係沙冰，但仍然保持超濃郁既椰汁，讚

喜歡去泰國的朋友，相信對這間餐廳一定不會陌生，連續多年被「Thailand Tatler」 讀者票選為泰國最好的餐廳之一，食物質素當然有番咁上下，聽說用餐時間經常一桌難求！她最近「落戶」香港，而且更位於交通異常方便的新城市廣場內，當然要先賭/吃為快了。沙田火車站一出已是三樓，經過一條直上五樓的扶手電梯，步至507號舖也不用數分鐘。裝修用上大量木材，中間一排窗及吊扇的設計，令人有置身露臺的錯覺；帶點點泰式風情，空間闊落舒適。為求令店子的風格與泰國接軌，特意請來泰國的Nara 大廚親自監督，以這份嚴謹及細心，一定可以令一衆食客大飽口福。大暑天，先叫杯冰飲解解渴，這個鮮椰子沙冰，椰子味香卻不過甜，好喝。朋友們就揀了凍碟豆花茶及泰式凍奶茶，加入了檸檸汁的碟豆花茶，產生的化學反應很是有趣，兼且微酸開胃，健康有益，也是不錯的選擇。採用獨有沖調方法的泰式凍奶茶，奶味濃厚，茶味清爽，甜度比較高。一輪擾攘後點選了以下的食物前菜：生菜包東北豬肉丸（$88）～是生菜肉碎包的變奏版，圓潤的豬肉丸肉味香濃，以生菜把肉丸、豆角、青瓜及薄荷葉裹著同吃，清甜爽脆的生菜降低了油膩感，豆角、青瓜及薄荷葉增