詠藜園四川菜館 (Moved) New Location

A hidden authentic Sichuan restaurant tucked away in the residential area of Wong Tai Sin, away from the crowded noisy rowdy areas.A great dish for that white meat protein.  The sichuan spice really adds a kick to the flavor.  Very tender and juicy and not too spicy for the cantonese palate. 雞絲粉皮 was just right.  That blend of shredded chicken meat and those hor-fun and sauce, making it the perfect cold appetizer to start the meal off.Who doesnt like 小籠包.  They were perfectly steamed, hot flavor

平時要大排長龍嘅詠黎園，今日下午竟然得幾台客人。雖然樓面姐姐平時態度麻麻、服務一般，但係今日想食幾個小籠包，所以照常幫襯。蝦仁炒蛋客飯$52- 如果得一個人食吃客飯，應該會食唔晒，因為炒蛋份量多，仲送一碗例湯。滑蛋炒得幾好。鮮肉小籠包$60- 小籠包即叫即蒸，雖然個皮唔係好薄，但豬肉夠滑夠肉汁，熱辣辣擺落口好正，推介！生煎包$42- 生煎包又係啱啱煎好即刻上枱，同小籠包比較，個包油膩咗啲，但舊肉都好鮮甜。醉香豬手- 豬手醃得好入味，充滿酒香，豬皮爽口！擔擔面- 我叫走辣，湯底比較鹹，而且冇乜肉碎末，麻麻哋。干扁四季豆- 四季豆超級鹹，用嚟送白飯都仲係好鹹，最後食剩左好多，於是加一蚊外賣盒帶走，要遲啲煮返淡啲先再食過。下次再嚟要叫小籠包、生煎包食！

就到中秋，所以專登提早同家人做節揀食中餐可能早到，唔洗點等位。如果唔係我地一行8人實有排等位 食親上海野，小籠包一定唔少得，內邊有好多湯汁 家人都讚好，食完一籠之後都要encore多一籠，但係就嫌個皮唔夠薄因為有小朋友關係，所以擔擔麵揀左走辣，麵夠煙靱，但唔知係咪揀左走辣，變左個湯底都無咁好食。生煎包好軟熟，個底就煎得好脆身，唔錯唔錯原湯水餃餐牌入邊有好多款餡料既水餃揀，因為其他餸已經有豬肉白菜，於是水餃就揀左韭菜豬肉餡，好香韭菜味上海粗炒普通左少少，無咩特別紅油抄手比外邊店舖無咁多辣油，而且個醬汁好好食，但我就嫌唔夠辣，但都唔影響味道酸辣湯好足料，唔會太酸同太辣，老人家都食到。回鍋肉呢個好食，菜同肉都好入味又辣，送飯一流，但肉片就少左d囉糖醋骨D肉好大件，啖啖肉，配菜都好多揚州炒飯普普通通，只係純粹老人家一定要食飯叫比佢食豆沙鍋餅即叫即整，熱辣辣個皮好脆，又唔會太甜總結成餐飯都不過不失，好抵食，但就唔好預坐得好舒服温馨提示，店舖淨係收支付寶同現金，唔收信用卡

大約八點嚟到竟然仲要等位，就知道呢間餐廳果然名不虛傳，等咗大概15分鐘，好彩餐廳外有幾張膠凳俾食客坐吓。未入座已經睇定餐牌，呢度逢星期一至五都有唔同嘅特價食品，好抵食。涼菜有手拍青瓜，醋汁多，酸酸鹹鹹，如落多啲蒜蓉應更好味冇估到特價菜式咁大碟，有成五款料，有菜類又有菇類小籠包嘅外皮都算幾薄，雖然內裡嘅肉汁唔多，但食落熱辣辣的呢個擔擔麵係改良版，感覺花生味重，辣味唔重，可能因改良版所以調味較多較鹹，口感豐富～炒麵固然多油，但個人認為呢碟可接受。麵條較多，而鱔糊嘅醬油入味，味道濃郁水餃餡多，點啲辣油食即畫龍點睛，味道好夾。呢間餐廳嘅食物款式真係好多，而且全部都有返相當水準，下次要再嚟試埋其他菜式！

好耐冇食辣野，今日就黎左黃大仙呢間川菜館食辣野過下口癮🤘🏻🤘🏻果然無失望！食完之後超飽超滿足！首先就係咖哩魷魚😂魷魚好有口感，咖哩味好入味，但又唔會話太辣，不過魷魚份量太少，洋蔥相對好多好大塊，有啲唔夠喉🤦🏼‍♀️豆沙鍋餅就超正！特別係中間果幾塊，好多豆沙，仲要熱辣辣！川辣麵真心值得推介！唔洗連湯食都feel到佢既辣味🤤仲要一啲都唔貴！紅油抄手個皮好薄，但夾上黎又唔會散到到我最期待既小龍包！上到黎仲冒緊煙架，入面既肉仲好有鮮味添！最後仲未飽哂，就食多個上海粗炒！

早兩年前，曾經在詠黎園攪過飯局，可是由於店內位子不多，只能找幾個好友去食飯。午間有點事跑過來，一個人只點了鮮肉小籠包及招牌擔擔麵。鮮肉小籠包是即叫即蒸，誠意十足，包內肉汁比預期少，而豬肉偏結實，而包皮在滬式包點中可說是薄的了，只是一般水準。招牌擔擔麵夠香口，白麵條掛湯能力不錯，吃起來滿咀芝麻醬香味，好吃；詠黎園還是麵好。

詠藜園大名不知聽過多少遍，友人經常在我面前吹噓，說在這裡撞見過發哥云云，已令我心癢癢，但一直也沒有來過，因為這一間，我不想一個人獨自來吃一碗擔擔麵，要吃，就多些人來吃個痛快吧！今天和一班食友來到，真是正中下懷，也可以多試幾款。其實這裡的菜式已經發展到不只有四川菜了，但久聞這裡質素跟之前相比已經走下坡，是真是假，由自己的舌頭來判斷最好了。吃之前不得不提這裡的豆漿，一榨豆漿實在很抵飲，比起杯裝，幾個人還是要一榨吧，而且味道還不錯。冷盤先來幾碟小吃，素烤夫、涼拌海蜇、鎮江餚肉、美味燻魚都味道尚可，我本身小時候家中都會常吃這幾味，吃這幾味我比較喜歡不濃味的，這個理念其實有別於吃川菜，所以同桌有朋友也再一次說了一句感覺沒以前好吃，可能就是味道沒以前夠味吧。棒棒雞絲不過不失，喜歡那個醬汁，再配青瓜絲，是稱職的清新冷盤。鮮肉小籠包有別於現在坊間流行的皮薄多汁，這裡的皮會厚了點，但也因此不會易穿，不過感覺肉汁少了點，吃慣新派鮮肉小籠包，應該會對這個未必滿意。但我還是覺得不錯，我平常去吃三六九，也是可以一人三四隻的，傳統也有傳統的好味道。今天叫了兩款雞，麻油雞麻香不錯，也易入口；口水雞辣度不小，開始有點

星期天的早上，竟然被女友的電話聲嘈醒，只睡了兩小時的我就這樣被拉了去德福看早場《分手說愛你》。電影中有句對白「如果你想吃十隻小籠包，你就可以食到十隻。」，實在夠晒精景，散場後，我立即提議去黃大仙詠藜園食番十隻小籠包！二人冒著滂沱大雨，從地鐵站 A 出口走至鳳德街只需十分鐘腳程，位置挺方便的。或許來到的時間尚早，人客沒有想像的多，很容易就找到座位，也不用搭檯，店子的裝修比較簡樸古舊，相信都是以街坊生意為主。本以為客源多數是上年紀的，卻發現周圍都是年青人，更有不少情侶在撐檯腳，睇黎佢地除了來吃擔擔麵，還想見多身邊人幾面呢，哈哈！我們要了一客八隻的鮮肉小籠包 ($38)，我獨佔了六隻，先澄清不是我霸道，而是女友實在不好此物，當中原因很簡單，就是小籠包的卡路里極高，容易致肥。這裡的小籠包賣相普通，皮也厚了一點，特別是頂端的摺口位，老實說是有點硬，內裡則是粉嫩的豬肉餡，雖然肉汁不多，但入口感覺還算不錯，可以一試。女友想吃點菜，就要了小辣的乾煸四季豆 ($42)。這裡的四季豆扁而長身，外皮皺皺的，咬入口卻爽嫩非常，而豬肉碎則是帶筋的，味道帶少許鹹香，只略嫌辣度不足，但仍是出色的作品。來詠藜園不得不