麵山口商店

Open Now

Now Closed

睇左某某媒體嘅報導，知道係山口家兩公婆辛苦😓經營的，點都要去 support 吓! 不過以下食評都係誠誠實實嘅 😀.1. 香味 (2/5) - 唔知係咪因為我坐正响個風口位，點聞都聞唔到香味，所以保守 d 比個2/5分。2. 湯頭 (3/5) - 雖然呢碗拉麵叫"鯖節豬骨白湯拉麵"，不過魚介味道比豬骨味更濃更凸出。味道方面，同一般巿面上食到的魚介豬骨湯大同小異。3. 麵 (3/5) - 中幼麵，顏色比較黃，直身，同偏透明，似係高加水麵，完全唔吸湯。麵香係有嘅，有d似食中華冷麵會選用嘅麵條。4. 配料 (3/5) - 重中之重，當然係嗰條鯖魚，食起來味道似希靈魚，用醋醃過，而且有強烈煙燻味，魚油亦好香，係心機之作。配料種類算多，除左叉燒，蛋，蔥，筍，海苔(乾+濕)，驚喜嘅係仲有白蔥同洋蔥。配料而言，份量係夠，而且好食，但未去到喜豔。整體 - 中規中矩，如經過可一試。

最近友人向我推介呢間拉麵店，又見網上有媒體介紹過 ，就搵咗個平日晏晝諗住去試吓。入到店內，店員話午市湯底已賣晒，結果是白行一趟。 只好下次早點過來，這次中午12:00點左右到, 取籌後很快就有位。拉麵有3款選擇， 各有各特式，我要咗最貴嘅鯖節豬骨白湯拉麵。 等咗一陣 ，碗拉麵就已送到枱上, 算幾快。 飲一啖湯， 唔會太濃，有鮮味， 味道適中唔會太鹹，舒服。拉麵正常， 叉燒煮得入味，軟滑但有𡁻口，非常好食。更令我驚喜是那一小件鯖節，味道突出嗆口，這一小件魚，令整碗拉麵味道上增添更多變化。