六本木日本料理

Open Now

Now Closed

位置係嘉頓附近都算易搵成間舖以木系為主裝修亦好似日式居酒屋🏮北海道赤蝦bb $68 🙆🏿‍♀️原隻上 炸得香脆直頭可以連殼食吱少少檸檬汁就更加可以點綴吓帶出清新感覺 亦更加開胃兵庫縣室津生蠔 $66/隻 🙆🏿‍♀️好鮮 唔算太鹹好清新 好爽脆夠肥夠飽滿吞拿魚 $70/3切 💁🏿‍♀️味道濃厚 口感較軟腍雖然有少許筋但入口甘香 又唔係太瘦整體唔錯油甘魚 $60/3切 🙆🏿‍♀️口感較為細膩嘅油甘魚食落鮮甜清爽配上淡淡甘甜嘅獨特口感禾稈草煙燻鰹魚 $98/3切 🙆🏿‍♀️餐廳會有個黑板寫每日推介同飛機魚嘅種類而呢款就係其中一款是日推介覺得幾特別就叫咗😂店員話係用禾稈草自己去燒煙燻味都幾重 有別於其他刺身而魚肉口感清爽 鰻魚玉子燒 $78 💁🏿‍♀️用鐵板上保持熱度切開係厚厚嘅蛋包住鰻魚外層嘅蛋軟綿綿而入面嘅鰻魚亦好柔軟上面淋埋鰻魚汁 好易入口六本木秘製牛肉 $198 🙆🏿‍♀️推！店員話係招牌菜 即試！即場點火 好打卡able而牛肉每件都5成至7成熟肉質軟嫩 同時亦幾有咬口最正係當你咀嚼嘅時候啲肉汁一路滲出嚟配埋沙律菜可以一減罪惡感鯛魚濃湯石頭鍋稻庭烏冬 $168 🙆🏿‍♀️幾欣賞個魚湯 魚味超濃郁而且夠

🐟唐揚池魚BB炸得鬆脆香口，無腥味，配少少檸檬汁就更鮮味，佐酒一流！🦪刺身: 🔸日本兵庫縣室津生蠔~ 肉質厚大肥美而且鮮嫩，味道甘甜爽口，淡海水味。🔹禾稈草煙燻鰹魚~ 自家製嘅煙燻魚，淡淡的煙燻，好配鰹魚鮮味。🔸赤身及油金魚兩樣都肥美厚切，油膩味豐富！🥩六本木秘製牛肉安格斯牛骨肉，熟成12小時，絕對係餐廳嘅必食推介，牛肉勁淋，點上海鹽牛肉味更出色！係餐桌上點火再燒一燒，添加香脆感，五成熟十分juicy! 🧀芝士玉子燒鐵板厚燒玉子，中間有流心芝士，食落有層次又有口感，蛋味濃郁香滑。🍜鯛魚濃湯石頭鍋稻庭烏冬熱辣辣石頭鍋配上香濃魚湯，乳白色嘅魚湯鮮甜無腥味，入口順滑。稻庭烏冬口感滑溜更有嚼勁，掛上魚湯一流！🍻三得利生啤（白）日式餐廳點少得飲生啤，冰凍三得利生啤，潔白細膩嘅泡沫，清醇透亮嘅金黃色，入口非常清爽！

之前黎試過食lunch好食，決定夜晚再試下，裝修好似去左日本居酒屋🇯🇵店員都好親切，推介當日既飛機貨✈️有咩靚刺身、靚魚食螢光魷魚漬 ⭐️⭐️⭐️⭐️先黎個小食螢光魷魚漬，有5隻，咸咸地好味北海道八點刺身盛 （16件）⭐️⭐️⭐️⭐️⭐️全場最推介之選，有8款16件，款款都好新鮮，2隻生蠔、2隻牡丹蝦、2粒帶子、2塊吞拿魚、2塊油甘魚、2塊蜜柑鯛、2塊魷魚、2塊鯛魚，最正係生蠔同牡丹蝦🦐，好甜～芝士玉子燒 ⭐️⭐️⭐️⭐️好香滑既玉子燒，包住流心芝士，甜甜鰻魚汁，用熱辣辣嘅鐵板上，值得一試鯛魚濃湯石頭鍋稻庭烏冬 ⭐️⭐️⭐️鯛魚濃湯用一日去熬煮而成，有少量魚肉、菇🍄配料，用石鍋上，熱辣辣既湯，但稻庭烏冬份量比較小，覺得有點普通牛肉他他燒 ⭐️⭐️⭐️送上黎陣好靚，但味道同期望有點出入，牛肉無咩牛味，要靠酸汁先有味，下次試下其喺味

一直知道呢間餐廳嘅存在，出名人氣極旺，超級爆場，好幾次同朋友嚟到都冇位，full booking到剩低bar枱位，今次索性天未黑就嚟朝聖。除咗木屋仔咁嘅外觀十足十日式居酒屋，內牆都貼滿各式各樣日本酒嘅標籤，別有風味。食物選擇豐富，小食、刺身、壽司、燒物、天婦羅同一品料理一應俱全。一向鍾意食玉子燒，明太子同鰻魚同樣吸引，一輪內心戰之後決定揀明太子玉子燒，完全冇令人失望，一上菜已經聞到濃濃嘅蛋香。明太子香辣惹味，蛋味香濃嘅玉子燒口感鬆軟，一拍即合，令人回味。芒果軟殼蟹卷份量頗多，而且軟殼蟹嘅比重好平均，賣相亦唔錯。軟殼蟹炸得香脆，加入生菜同紫菜包成卷狀，表面鋪上新鮮芒果同蟹籽，入口鮮味爆發，而且口感層次豐富。油甘魚鮫係全晚最有驚喜嘅一道，表面劃上十字紋再燒，色澤金黃，帶有少少焦香，賣相吸引。油甘魚燒到表皮香脆，肉質軟滑，而且一啲都唔乾，加上少少檸檬汁令鮮味更突出。最後當然要嗌返個主食，鯛魚濃湯用石頭鍋上，上枱時依然保持滾熱辣，奶白色嘅魚湯又香又濃，非常吸引。稻庭烏冬煙韌彈牙，而且份量亦唔少，唔大食嘅話兩個人分享剛剛好。今晚嘅每一道菜都令人非常滿意，熱鬧嘅氣氛加上有水準嘅食物，實在非常適合三