台蔡滷肉飯

Open Now

Now Closed

呢間向荃灣已經屹立左幾年嘅台式餐廳，每次食飯時間都會見到長長嘅人龍，所以呢日同男朋友慕名嚟到試試。藥燉排骨套餐 - 湯嘅味道藥膳味唔算太重，飲落好順口，排骨都燉得好入味，滷肉飯嘅油味好香，而且豬肉肥瘦適中，每啖都好滿足。花雕麻油雞麵 - 冬天去台灣一定會食嘅麵，因為食完成個人會暖哂好舒服，台蔡嘅麻油雞麵唔算太重花雕味，所以飲落更加順口。涼拌黃金木耳 - 大讚，向台灣最愛食嘅黃金泡菜，竟然向香港可以食到一模一樣口味嘅黃金醬汁，喜歡甜中帶微微辣口味嘅，一定要試試。肉鬆起司蛋餅 - 佢嘅餅皮係比較厚身少少但咁先更加食到脆口嘅感覺，裡面嘅芝士仲可以做到拉絲效果，讚。鹽酥雞 - 雞肉非常嫰滑，炸得剛剛好，非常酥脆。

由佢開舖起已經好想試，奈何每次經過都見到好多人排緊隊。今日竟然俾我見到得三、四個人排隊，因為係平日即係衝去排埋一份仲未開舖㗎～太多嘢想試啦心大心細唔知試邊款好，最後揀咗花雕麻油醉雞湯套餐有一大碗花雕麻油雞湯，花雕麻油嘅香味飛撲入鼻，雞肉嫩滑，冬天食一定好補，暖胃暖身飲完雞湯都有啲飽好彩肉燥飯細細碗啱啱好。肉燥肥瘦適中，撈埋珍珠米一齊食，大滿足鹽酥雞炸得酥脆可口，肉質嫩滑多汁，仲有陣陣九層塔嘅香味叫咗少甜少冰，甜度適中，解解油膩感。台灣嘅感覺返晒嚟

最近荃灣人氣台蔡滷肉飯，深受食客歡迎，每每都大排長龍，今天筆者見未夠六點，來個早飯，諗住應該唔使等，殊不知，都要等15分鐘才能進入。有見排隊之際，就在門口拍了張餐牌，一路排，一路選擇點餐項目。店內細細，又是QR code 自行落單。牆上面雞乸咁大隻字寫住”滷肉飯”, 即係代表此乃招牌項目，不能不吃。仙草冬瓜茶~膠杯印得如此精美，一次性實在太可惜，但拎走又好似冇乜用。冬瓜茶在自助點餐時可以自行調配，加仙草或寒天，又可以少甜，更能夠少冰，值得一讚。爆葱滷肉飯$58~這個飯可選擇溫泉蛋或糖心蛋，一讚。愛人今次選了糖心蛋，當端上枱時，已覺得未夠熱，再將所有撈混時，如果真的要和台灣相比，葱未夠香，飯的質感不像台灣米，但筆者反而覺得，這味道明顯地相就了香港人的口味，清淡了，沒有豬油香，感覺冇咁油膩，健康一點。藥膳排骨湯$52~由於筆者和愛人都很喜歡藥膳湯，所以一次過點了兩款。另外筆者點了”秘製花雕麻油雞湯”但由於枱太窄，忘了拍照，但兩碗湯端上枱時都只是室溫，未夠熱，大大將這兩個燉湯減分。鹽酥雞$38~ 香脆內軟，淡淡的鹽酥香，唔算太咸，筆者喜歡。整體來說:聞說是有地道台灣風味，筆者反而覺得是調配了

呢間大人氣台灣店終於有機會黎試一試!!人氣果然爆高,未到開門時間已經排左一條長龍,好彩可以第一輪入坐率先入去食 .爆蔥滷肉飯配溏心蛋完全滿足以愛蔥既我!!青蔥份量超滿足.咬落爽脆帶住青蔥甜味配上滷肉後減輕左少少油膩感,食落無咁膩.滷肉半肥半瘦肉,入口軟綿又帶肉嚼勁,入口充滿陣陣豬肉脂香,唔算過油膩.滷肉汁超入味,甘香中帶點麻辣香,好惹味.底下既珍珠米粒粒分明飽滿,索晒滷肉汁精華.雖然溏心蛋既蛋黃未算好溏心,但味道滷得入味又帶蛋香.紅燒牛肉麵牛肉麵湯底濃郁唔會過油膩,牛湯底牛香濃得黎唔會過濁.牛展軟腍入味得黎有嚼口.麵條彈牙掛湯,浸左一陣湯後都唔會變糊口.湯底再配搭酸菜減低油膩感.鹽酥雞好有驚喜!!一試愛上.第一啖咬落好酥脆,感覺唔油膩之餘內裏既雞肉好juicy!咬開一半仲流出肉汁.味道鹹香又帶九層塔獨特香味.香腸蛋餅暫時係我係香港食過最好味既蛋餅,蛋餅外層極香脆而且內裏一層層既油酥餅鬆化,層次分明.蛋餅充滿蛋香外亦帶油酥香,配上香腸台灣香整個配更有層次感.大紅袍珍珠奶茶茶底夠醇香,珍珠Q彈煙韌,冰過一陣後都唔會變硬.白桃烏龍茶白桃味清香,配上烏龍茶好解膩.

平時好少喺香港食台式野，總覺得性價比唔高，味道亦唔及台灣好。偶然睇到餐廳一段訪問片，得知老闆係台灣人外，仲見唔少在港嘅台灣居民大讚鹽酥雞正宗、好味，而且定價唔算太貴，所以記住左小店。星期六食完正餐後，打算快閃嚟餐廳食個小食，點知門口有條人龍😢…..結果排左近9個字先入到，變左食下午茶🤣人氣-----鹽酥雞 $38粉漿好薄而且炸到好脆，雞肉多汁又滑，調味粉甜甜地又唔會過鹹，個人覺得比台灣夜市果D又硬又介口嘅鹽酥雞更好味😋。份量同質素都對得起個價錢，難怪機乎每枱都點😏。炸甜不辣 $28切到粗條拎去炸，望落好似薯條；食落煙韌，味道似魚蛋但又無魚蛋咁夠牙、比較軟糯，係一款可以止口痕嘅小食。珍珠大紅袍奶茶(少甜) $25可能我自己飲開港式奶茶，所以覺得呢杯野，奶同茶都唔夠香，飲落有奶水Feel😅 不過珍珠幾有韌度，而且有黑糖香。小店大概有26個座位，其實唔算少，出餐亦唔算慢。到我地半個鐘後離座，出面條隊依然維持一樣嘅長度😂，大家嚟嘅話，記得要有排隊嘅心理準備。

大隻仔今次覓食嘅店舖就係💥 台蔡滷肉飯 💥 荃灣呢間旺舖，上一手係長期排隊人氣西餐廳，而家一樣都係長龍店，就係人氣台灣餐廳 「台蔡滷肉飯」。餐廳老闆係台灣人，味道比較正宗。今日平日，餐廳已經坐滿人，大隻仔6:00pm 到餐廳，已經有10個人排緊隊。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️環境 ⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯🔥 鹽酥雞滷肉飯套餐 $70鹽酥雞份量好多，炸得好酥脆，而且仲有肉汁，十分好食。鹽酥雞唔係用現成來貨，係用上雞扒切件拍上木薯粉即炸，質素好高。配滷肉飯：份量大碗，而且味道不錯。配前菜：有少量海帶、荀、雲耳，味道甜甜地，少少黑胡椒味。🔥 藥膳排骨滷肉飯套餐 $82排骨好冧，骨肉分離，但藥膳湯底唔算好濃烈，而且湯飲到尾會有少少苦。一樣配滷肉飯、前菜。🔥 （跟餐）百香果芒果冰茶 +$15比較普通，有少少似藥水味道😂😂。🔥 （跟餐）珍珠茉香奶茶 +$15正常味道，冇好驚訝感覺，珍珠夠Q彈。溫馨提示：顧客多必須排隊。座位比較擠迫必須搭枱。味道好食

我果日黎食，都排咗半個鐘先有得食，坐底咗，就可以用手機點餐，好方便。嘢食都上得算快，我地一行二人嗌咗鹽酥雞、紅燒牛肉麵、麻油雞套餐（包肉燥飯同小菜）紅燒牛肉麵湯底幾特別，牛肉冧，麵夠煙靭。麻油雞個湯底係藥材味重果隻，去果日啱啱涼涼地，啱哂！不過我覺得唔係個個受得，而雞都OK，唔算話好滑，但就好味。我比較對個小菜有驚喜，類似一啲筍同麵筋嘅嘢？冇問，但好入味。至於個肉燥飯，我太飽，只係食咗兩啖，感覺雖然見到腩肉，但食落唔係好膩。最為期待嘅係鹽酥雞，我係為咗鹽酥雞黎！係香港，真係好難搵到好食嘅鹽酥雞，一係就勁咸，一係就唔脆，一係就勁乾。依間聽講好好食，果然明不虛傳！冇令我失望！佢嘅炸粉係有落過心機，唔知係咪加咗麵包糠，冇乜粉感，味道啱啱好，唔會過咸，本身上台覺得佢比較深色以為係炸濃咗，食落就唔覺，我見隔離枱都係咁，可能特色黎。整體而言，值得再試，不過唔洗排隊就更好！

🌸超人氣台灣菜🌸台蔡魯肉飯🍽想吃滋味親民正宗台灣菜？今天到了一間主打正宗台灣菜的人氣小店-「台蔡魯肉飯」品嚐是日午餐❗餐廳由台灣人主理，餐廳裝修簡約精緻，店員十分親切殷勤有禮！1️⃣爆蔥滷肉飯 $58這是一款配料豐富的台式爆蔥滷肉飯，粒粒滷肉香濃惹味，鹹度適中；還配搭爆多香蔥及香滑溫泉蛋，配搭豐盛，十分惹味❗️️2️⃣藥燉排骨套餐 $82這是一款以嚴選藥膳如明目杞子等配搭香嫩新鮮排骨經長持間燉製而成，香濃藥膳味道，排骨肉質香嫩軟淋，配搭惹味小魯肉飯，配搭滋味豐盛❗3️⃣鹽酥雞 $38鹽酥雞外皮香脆，內裏雞肉香滑多汁，鹹度適中，雞肉肥厚❗4️⃣酥炸花枝丸 $34花枝丸炸得黃香脆，質感外脆內軟，鮮香彈牙可口！5️⃣脆皮地瓜薯條 $30脆皮地瓜條外皮相當香脆，外脆內軟，地瓜肉味道香甜，十分惹味！6️⃣百香果芒果冰茶 跟餐+$15百香果芒果冰茶帶新鮮清新的百香果及芒果果香，冰茶消暑膩，味道清新。7️⃣大紅袍珍珠奶茶 跟餐+$15奶茶以特選的大紅袍茶葉泡製，奶香茶醇，搭配彈牙的黑糖珍珠，味道甜而不漏。🔖整體評分美味指數：⭕⭕⭕⭕️⭕️賣相指數：⭕⭕⭕⭕️抵食指數：⭕⭕⭕⭕️⭕️5⭕️為滿分總括而言，此餐廳的食物即叫即製，提供正宗台灣風味料

呢排喺荃灣有間台式食店爆紅.聽講日日排長龍.無得電話定位.舖外係開舖前一小時已經開始有人排隊.佢哋主打賣點係鹽酥雞及鹵肉飯.台式主食套餐配一碗鹵肉飯.既然佢哋爆出.一定有佢嘅優越之處.今日同埋太太及兒子.係下午四點三十分鐘第一位排隊.呢度係開舖係下午五點三十分鐘.排隊不太耐.已經開始有人排長龍.條龍已經排到天橋轉彎位.真係好誇張.好難等到開舖.我哋係第一枱客.亦都係進舖的第一個客人.在排隊時我哋已經揀選咗今晚要食嘅食物.好快我哋已經落咗單.衹係係度等食物上枱.點餐如下： 1. 花雕麻油雞湯套餐 X1 $93元 套餐：配台式鹵肉飯 1碗 跟餐：寒天白桃烏龍茶 X1 $15元 2. 藥燉排骨套餐 $97元 X2 套餐：配台式鹵肉飯1碗 X2 跟餐：凍大紅袍珍珠奶茶 X1 $15元 跟餐：凍仙草抹香奶茶 X1 $15元 3. 鹽酥雞 X1 $38元 4. 大腸包小腸 $40元

0700到，排到9點，終於入到去食！其實，仲有好多人想試，不過，7點已經截龍，唔係男友一早排隊，都食唔到呀！店子不大，坐位適合纖瘦女生，否則，熊人如我俩，則略嫌侷促。是日晚餐叫咗：藥膳排骨湯花雕麻油雞湯鹽酥雞鹽水雞滷肉飯套餐台畜香腸兼生蒜片總評：鹽酥雞，香腸最好味。鹽酥雞咸香，雖然唔係即炸，但味道好好👍！香腸更加唔使講，一定要食😋！花雕麻油雞湯，係濃雞湯版，唔錯，不過無老闆娘噤好食。其他，普普通通。合共$270。可接受。

小店主打滷肉飯🥢菜式選擇都多元化只可惜今次兩個人去食唔到太多🥲由於舖頭位置唔多 要排隊不過大熱天時都唔使喺門口等位!!!因為餐廳有位先會call你🦦星期日lunchtime 去大約等左20分鐘闆娘同員工親切服務態度好好😚❝鹽水雞滷肉飯套餐 $74⋆滷肉肥瘦均勻 重油香🤤⋆食落唔會太Heavy 米粒煙靭⋆鹽水雞味道夠 雞肉爽滑❝九層塔鹽酥雞 $38⋆呢個價錢來講份量非常多🤩⋆外脆內軟有肉汁推薦✨✨❝肉鬆起司蛋餅 $38⋆說真的比較普通🙈⋆欣賞小店用上台灣醬油膏 ⋆但味道有點太鹹肥妹為食推薦指數：🦦🦦🦦🦦(滿分為5🦦)味道：7.5 / 10環境：7 / 10服務：9 / 10歡迎大家follow肥妹ig🥹✨@japjapeaaat