鐵牛台灣牛肉麵 (希爾頓大廈)

Open Now

Now Closed

嗰日終於做完嘢，同男朋友行行吓街嘅時候突然見到呢間餐廳。就係正正因為冇得去旅行但係都又好掛住台灣，所以就拉咗男朋友入去食啦～嗰日都叫咗好多嘢食，每人食一個面再加兩個小食同埋每日一杯嘢飲。鮮蕃茄豬軟骨麵 $66本身已經好鍾意食豬扒湯底嘅面，身為無肉不歡嘅我，梗係叫返個豬軟骨配搭。一嚟到已經聞到好香嘅蕃茄味，而且嗰味唔係由茄膏而形成嘅，係好明確嘅鮮蕃茄湯底。今年底唔使多講真係好好食。招牌紅燒牛肉麵 $63男朋友想試返台灣特有嘅風味，所以就叫咗最傳統嘅紅燒牛肉麵。但係一嚟到嘅時候都好有驚喜，啲牛肉不單止好多，由個面底去到牛肉都感受到好有誠意，入口即溶。黃金梅子脆薯 $36本身叫嘅時候諗住佢會整到薯條咁嘅樣，但係點知嚟到嘅時候發現真係一嚿嚿薯仔。雖然已經食咗個麵，但係因為有梅子粉喺上面，就算幾飽都食得晒🤤而且佢整到外脆內軟，配埋梅子粉真係超級有台灣風味肉燥拌青菜 $36講到一餐台灣飯點可以少得肉燥，所以就叫咗一個青菜撈肉燥。佢哋唔會整得好鹹，而且用料都唔孤寒！唯一美中不足係個飲料麻麻地，我唔建議叫芋香奶茶🤭同埋個價錢有d貴🤣

紅燒牛肉乾拌麵呢度既拌麵係熱辣辣ge，加埋青瓜絲同酸菜，撈埋一齊好好味。麵條軟硬度煮得岩岩好。牛腩炆得夠哂林。配合起成個麵幾好食😋係成個麵既份量唔算大，要加埋小食就會岩岩好。主廚私房牛肉麵呢碗係鐵牛既招牌湯麵，除左有煮得好軟既牛肉，仲有煮到唸哂既牛筋，咬落去好軟，麵除左軟硬度適中，份量亦都足夠。果然係招牌既鐵牛湯麵。黃金梅子脆薯睇佢個名有個薯字以為係薯仔，其實係用左蕃薯炸成既一個小食，上面加埋梅子粉，酸酸甜甜開胃又好食。

記得學生時期，沒有多餘的零用錢作旅費，出外旅遊最愛選台灣，機票便宜、消費不高、語言溝通方便 (甚至在街上隨便都可以找到一個香港旅客)。可以隨時一個人輕裝上陣，亦不忘盡情開餐，找當地食店地標、掃夜市等成為指定動作。滷肉飯、紅燒牛肉面、蚵仔煎、芋圓等都是當年最愛。七、八年過去，今天這些食物已經在香港賣得成行成市，當年那些到台灣必吃的美食今天都能在香港找到「港式翻版 」，甚至進軍香港的正版店家，如鼎泰豐、程班長、度小月等。在全球化的洪潮影響下，這個曾經讓學生時期的我興奮不已的地方已經變得不再陌生，也逐漸減低了出遊台灣的意欲，出來社會工作後也只是到訪過墾丁一次。今天重拾舊味，選了打着「台灣牛肉面」旗號的鐵牛。曾經在工作地點附近光顧過一次，它的牛肉麵給我的印象還不錯，今天再來試試。當年在台北給我印象較的牛肉麵有老張、老王記、永康、林東芳等，此後在香港，只有在程班長吃過較接近的味道。聽住在元朗的同事提過那裡有一頗出色的台灣牛肉麵，有機會以後拜訪一下。一碗出色的紅燒牛肉麵，要有入口嫩腍的牛肉，半筋半肉，湯底呈深啡色，蘊含濃厚的牛骨香，帶點微辣，但個人認為最難做得好的是麵質，即使泡在湯裏一段時間都不會

約左好耐終於都約得齊一班女人去食飯。四個人去到等位，因為係煩忙時間，等左15-20 分鐘左右就有位，尖沙咀黎講都唔算太耐。入到去，剔好曬要咩就拎去櫃檯比錢。鹽酥雞肉燥乾拌麵唔太油，好食～ 最怕D拌麵落好多油落去，朋友食的牛筋腩麵聽講都唔錯… 梅子脆薯其實幾好食，但係梅子粉實在係太多，太酸，唔加可能更好食… 皮蛋豆腐一向係我最愛～ 味道OK，但唔好咁碎就更好（都可能係我用筷子太差）。整體而言對呢餐飯相當滿意，食完過左最多人的時間，傾多陣服務員都無趕我地走（當然出面都無人等），可以再黎

上星期無意中發現了”鐵牛”~發現坐無虛席，相信一定有過人之處~所以決定擇日試一試~星期日8時，店內一席難求~幸好，剛剛有客人離開~ 唔駛等位~餐牌圖文並茂~小妹點左：牛肉乾拌麵黃金梅子脆薯魚酥皮蛋豆腐台灣啤酒牛肉乾拌麵十分鐘意麵的口感，依然保持少許Q彈~而且吸了甜甜的湯汁~當然牛肉才是主角~牛肉份量之多，一個女仔絕對吃不消~能做到入口即溶的牛腩！黃金梅子脆薯即點即炸的脆薯~再配上酸酸的梅子粉~梅子粉令平實的脆薯~ 生色不少~絕對係開胃小食~魚酥皮蛋豆腐~肉鬆、木魚配上甜醬汁~有豆腐軟滑口感、皮蛋的香濃~一啖放哂入口，多種味道混和~ 屬於必試前菜~

老婆上堂，知道今晚得番一支公食飯，所以，就趁機約埋保險經紀傾嘢，又一次過搞埋其他私事，待完晒之後就搵間餐廳舒舒服服食番餐。因為完晒事時身處尖東，順便到半島中心拍卡慳兩雞，出嚟見到對面好似有間新開嘅台灣麵店「鐵牛」，望入去都幾人氣 ，喺值搏嘅指標。雖然佈局屬「大眾食堂」格，全部都喺自由席，但一入門口都會有侍應招呼及安排入座，而且，裝修倒喺幾骨子。一張點菜紙就睇晒有咩選擇，台灣湯麵、便當、特色乾拌麵、鮮蕃茄麵、台式麻辣湯麵 、小吃、小菜、台式特飲、汽水、啤酒……等等一應俱全 。雖然另備有印刷精緻嘅餐牌，不過，無太多菜式嘅相片佢參考，覺得未有好好利用嚟吸引客人嘅眼球。而依度點餐有啲特別，晌點菜紙剔好食物後，要到門口櫃位俾錢，之後，就由侍應將食物逐一送上，每送上一樣嘢都會劃一劃單，直至送好晒所有食物佢哋就會收走張單，以表示依枱客無欠未出嘅食物，個管理系統又幾好喎 。食完又唔晒嗌埋單，即閃走人！ 黃金梅子脆薯 $32 晌台中食過一次，新鮮即炸嘅蕃薯，灑上金梅粉，超正。今次再遇，即成為心水必叫嘅小食，蕃薯炸得金黃，入口粉香唔油，不過，熱度差少少，但灑上大量金梅粉，酸酸甜甜，一樣覺得好