紅蔥頭

Open Now

Now Closed

紅蔥頭都曾經幫襯過，不過，就喺始創中心店，同朋友嚟食晏晝，但已經都幾年前嘅事。嗰次嘅印象普普通通咁啦，勝在夠抵。今次再訪，純粹就一就親友方便，揀番嚟西九龍中心店，其實，我都方便，食完搭幾個站地鐵就返到美孚 。餐廳嘅環境其實唔錯，裝修都見花咗唔少心思，一室木系枱櫈，又有啲仿磚牆，當中有唔少熊仔嘅擺設，掛畫，明顯就喺賣溫馨，有一份家嘅感覺。再者，枱櫈安排得夠寬敞，讓人感覺舒適 。餐墊紙有一句咁嘅話：「飲食源自需要，品味源自要求」，又睇睇菜式嘅質素如何？餐廳本身對自家嘅出品喺咪咁有要求？最經濟都應該喺點套餐，而套餐有幾種類別，其中一款叫「品味晚餐」，足足有19款（$68-$135），豐儉由人，並奉送冷熱飲品一杯，而鮮橙汁 / 汽水+$3，特飲+$16。此外，另可以優惠價加配其他美食，如西湯、沙律、小食、雪糕，最筍就喺升級要西湯加牛油法包，只需+$9 ，所以，我哋都喺叫上述晚餐，再升級加湯。另一類套餐喺「70年代懷舊鐵板晚餐」，包餐湯、牛油法包、咖啡或茶，喺好傳統舊式西餐廳套餐組合，共有8款定價$88-$128，賣點喺懷舊鐵板，見隔離枱有點，咋咋聲香煙四竄，幾有舊時西餐廳嘅感覺。仲有一類

有睇開我文章既朋友都知我之前已經連載過一位朋友：泰呷醋 > 金不換 (唔記得可以睇番)。今日同老婆嚟左呢度食飯，一坐底已經見到一個好熟悉既身影。咦，原來係上次金不換小姐，仲咩一個人孤零零係度食野？一問之下原來今日佢比人放飛機，你都有今日！一向得戚又愛面子既佢，估唔到即刻請左佢呀姨嚟食，真係厲害。不過佢千算萬算都算唔到佢呀姨又帶多左個人加單食野，做朋友既唯有祈禱今餐佢唔好出血太多。掛住睇戲都唔記得望下個menu，餐牌都好多野食揀，兩個人都叫左幾樣野食。等食期間又望下餐廳既裝飾，都幾多影相位，整個佈局唔錯，有心思！黑松露深海帶子黃金意大利飯 $98意大利飯煮至略為乾身，飯粒清晰可見。中間有三粒帶子，上面仲有蟹籽同埋黑松露，當所有野夾埋一齊食既時候，味道口感都好豐富！硬身而又略帶creamy既飯質令我留下深刻印象。海鹽酸忌廉薯條 $38雖然見到海鹽呢兩個字，但係唔駛驚，因為佢真係唔咸，反而酸忌廉又調番轉，可以更酸。不過酸忌廉就好creamy，令薯條變得滑口。唐揚脆脆雞翼 $42雞翼皮面金黃，入口香脆，而且都幾大隻，啖啖肉。小鐵板一口牛 $48牛肉份量都幾多，牛肉既中間仲有薯蓉，都幾抵

朋友就是無形中伴你走過風雨，永遠支持你的力量。記得在讀書時期，因為零用錢不多，每次同學聚會不是到麥當勞就是KFC，但當遇上特別日子，例如生日要慶祝，都是在紅蔥頭渡過，那裡最吸引我們的，是價格便宜，不時有學生折扣優惠，提早結帳又有85折，沒有錢的我們可以3個人share一個2人餐，也能吃到捧腹離開。光陰似箭，已經出來工作多年，朋友間的聚會越來越疏，得知今日和友人相約在紅蔥頭相聚，頓時很多讀書時的回憶湧上心頭，明明知道今天手頭上很多工作，但為了再到這個兒時熱點相聚，我特地提早趕工完成。今天去的是深水埗分店，以前我們常常笑說店面的logo到底是牛還是羊，現在，門口的招牌紅色logo已經不見了，換來的是一隻隻Teddy bear在店內，看到大大隻軟綿綿的熊仔，真想攬著它一起用餐。紅磚牆、大木枱、古董燈飾、百年英式木椅及Teddy Bear，可見店主在餐廳的裝修上落了不少心思，與以前餐廳的風格截然不同，Designer做的小熊及店主親手製作活潑可愛的Teddy Bear令到整間店洋溢溫馨的氣氛，到處都是店主的收藏品。晚餐時間來到，除了有set dinner外還有二人套餐，價錢還是一如以往的親民，