尚素 (Closed)

暑假期間實在食得太多、太豐富，所以今天決定食清啲，走咗去食素， 實行Green Monday， 清清腸胃。餐廳位於觀塘，環境舒適，有大圓枱適合大夥兒，亦有方枱適合少D人數的食客。二人商務套餐抵食，有三個點心、兩個開胃前菜、一碟健康小炒，兩個甜品及兩杯飲品，價錢只係$228。點心扇貝其實是菇扮的，食起來的質感真的有啲似帶子，用黑松露一齊蒸非常惹味，再和索晒啲汁的粉絲一齊食好滋味。腐皮卷包着很多蔬菜、紅蘿蔔...等，口感非常豐富，若腐皮再脆D就更好。原來淮山可以造成酥炸波波球，幾新穎、食落好鬆脆，有啲似食芋頭咁，但冇芋頭咁舔口，而且味道比較清，雖然係炸，但係覺得好健康。開胃前菜义燒由麵筋做成，外型神似，有蜜味，有嚼囗感，好食。海蜇當然也是素，比較淋身。刺生則是用大型百靈菇煮熟再雪凍切片而成，幾可亂真是飽片刺生，要和鼓油washabi 一齊食可帶出菇味，微辣。健康小炒用料有核桃，松子、菇粒、翠肉瓜粒、金荀粒...等，雖然簡單，勝在夠健康，而且配以黑松露一起炒，加添陣陣菇香，而且飯粒分明。甜品從未食過桃膠，原來都好爽甜，好似大菜糕，加埋雪耳凍凍地一齊食，冰涼、清新、可口，感覺仲好滋潤添！自己屋

今晚同老公去了觀塘尚素食晚餐，老公最喜歡這裏的梅菜扣肉，所以是必叫之一，另外還有二人及四人餐，大既$200位，款式很多，可以試多幾款。野竹笙雞油燉湯這個是叫套餐免費升級的，燉湯有很多野菌及竹笙，十分豐富，不過味道不夠濃郁。海鹽金針菇這個小食雖然是炸物，但一點也不油膩，炸漿包著金針菇炸成脆條，外層脆漿既薄且脆。黑松露燒賣燒賣比較腍，裏面的餡料有點似粉果，並帶有淡淡黑松露香味。杞子甘瓜清炒苦瓜，苦瓜切得很薄，苦中帶甘，非常清新。黑松露粉絲蒸扇貝扇貝其實就是雞比菇，表面舖上黑松露醬，下面是粉絲，粉絲吸收了黑松露香，非常爽口。蜜餞叉燒叉燒是麵根做成，外型幾可亂真，質感煙韌香甜且有咬口。柚子醋貓耳雲耳爽脆有淡淡醋香，很開胃。乾炒猴頭菇炒河炒河不會太油膩且爽口，猴頭菇切成一片片，有點似肉片。車厘子醬甜酸魔芋其實同咕嚕肉相似，不過比較腍，似海綿，甜甜酸酸很開胃。客家梅菜扣肉老公足足食了大半碟，魔芋吸收了梅菜的甜味，非常入味。紅豆麻沙滋普通煎堆仔，有些紅豆蓉，不會太甜。豆漿標榜減糖，比較健康。總括而言，素菜款式很多而且有特色，水準保持依舊高質，值得支持。

好快就到農曆新年， 通常呢啲日子都會食團年，飯團年飯梗係離不開大魚大肉。 所以今次約朋友出來聚聚舊就決定食齋菜。 想到食齋菜就不其然諗起“尚素”這間齋菜館。 因為我喜歡他們的環境寬敞舒適， 同埋食材新鮮上乘， 店員服務殷勤， 朋友又在觀塘返工所以非常方便。 今次發覺佢哋嘅菜牌都有轉到新嘅賀年套餐， 我哋今次都選擇咗二人套餐， 好豐富有兩個湯，六小碟前菜， 兩個任選主菜，甜品和飲品， 特價左價錢388蚊都幾吸引， 味道都是我預期的好。

認識了一班信佛吃素的朋友，經她們多次推介，我也來試試素食的魅力。為免我吃不慣，朋友今次選了素食午市自助餐，此餐廳逢星期六、日及公眾假期11：30am開始至下午4pm,  以入座起計2小時，頗合理。位置在官塘商廈內，唔識路只有地址是要花些時間才能找到。餐廳內燈光柔和，地方寬敞，星期六中午人不太多，是朋友相聚，談天說地的好地方。看看點菜紙，有多達50多款的食物、飲品、甜品等，而且現在做緊以黑松露為主題。 我們4人同行，可以試多些款式首先，點咗黑松露為主有黑松露燒賣配得很夾，唔似吃素。黑松露磨菇包外型已很吸引，味道清新。焗黑松露百頁豆腐很QQ彈牙。黑松露粉絲蒸扇貝外型很似呢！ 跟住點了脆口的咖喱角和芋絲脆春卷，以咖喱角較佳。其他如涼拌杞子苦瓜、涼拌杞子雪耳、成都麻辣素魷魚、陳醋貓耳都有水準。熱菜方面，如干煸鮮菌四季豆較鑊氣，但咕嚕雪魔芋就很乾，少些牙力都咬唔到的。黃耳野竹笙翡翠上素，黃耳是貴價貨又補膠質，吃得落不防吃多些，補一補也好。 甜品有紅豆麻沙滋、桂花雪耳桃膠露都唔太甜，尤以香芒純素雪葩最清新，好味！值得推介。 飲品方面：試了黑糖薑茶不部分甜，淡淡的，飲了覺得很潤。而潤喉話梅咸柑桔微酸

突然心血來潮想清清地食齋，🔍到官塘工廠區附近呢間素菜店評價不錯又近我放工過去，所以我同條佬一致決定食呢間！大概六點半已經到左，可能時間尚早，店內未算太多人，環境優雅寧靜，感覺份外舒服～我地選擇晚市二人套餐$388，菜式新派又可以自由配搭，相當豐富頭盤 - 黑松露粉絲蒸扇貝，唐揚炸雞 養生·湯 - 黃耳松茸燉湯 ，紅燒竹笙燴素翅主菜 - 蘆筍苗山藥炒竹笙，健康核桃香椿炒飯甜品 - 紅豆沙飲品 - 新鮮微糖豆漿 ，話梅咸柑桔餐牌上寫住所有套餐都可以自動升級做黃耳松茸燉湯，我地當然不會錯過！材料十足之餘，味道香濃又滋補～而黑松露粉絲蒸扇貝驟眼睇真係幾可亂真，再用上貝殼型小碟特別合襯～ 原來係雞脾菇！ 果然有心思！紅燒竹笙燴素翅同樣足料，素翅晶瑩通透，爽口彈牙，連同竹笙，腐皮絲等配料一齊食口感十足，我無加醋都覺得夠味！另一個頭盤唐揚炸雞份量挺多，炸得香脆但較乾身，若有醬汁配搭就更好～一開始睇餐牌已經講定要叫蘆筍苗山藥炒竹笙炒過的蘆筍苗依然爽脆，間中會咬到薑粒，配上營養豐富的准山竹笙，清淡又健康！健康核桃香椿炒飯直接用煎Pan盛載上碟，十分新潮，飯粒炒得乾身又不油膩，口感出奇地煙韌，超級飽肚！飲