Dim Sum Library (Closed)

想食點心，卻又眼闊肚窄怎算好？一於去這食又美又好味的優質點心。環境闊落優雅，高樓底配上落地玻璃，沒一般茶樓的嘈吵。點心多特色又選擇多，味道也好，當然價錢比一般茶樓貴了點，但若想好好地嘆吓點心也是值得的。尤其喜歡這幾道點心：黑椒和牛酥賣相好似蘿蔔酥，入口超酥脆，毫不油膩。内裡和牛軟腍，還有濃濃黑椒味，正～海膽蟹肉春卷海膽新鮮無苦味，入口即融，春卷香脆，再配上滿口的蟹肉及沙律醬，口感豐富及多層次！I m loving it ~黑松露蝦餃餐廳招牌菜！蝦餃皮平滑有光澤，質地軟Q，內有滿滿爽口彈牙嘅蝦肉，食落仲有好香的黑松露味～

最近點心圖書館Element分店 就推岀兩小時點心熱炒任食，有多達24款喔~ 加HKD188仲有兩小時sparkling wine任飲，好啱放工同朋友黎chill chill~ 不過就只限星期一至四夜晚5半至9點供應。𝙐𝙣𝙡𝙞𝙢𝙞𝙩𝙚𝙙 𝘿𝙞𝙢 𝙎𝙪𝙢 𝘿𝙞𝙣𝙣𝙚𝙧 $338/位點心熱炒多達廿四款，整體質素中上。重點分享下必食、值得一試嘅菜式，等大家可以有策略咁食~— — — — — — — — — — — — — ⁣⁣⁣⁣⁣⁣⁣⁣⁣⁣⁣⁣⁣⁣⁣⠀⠀✨必食推介✨🥇擔擔湯包 +$28/3隻必食中嘅必食！爆汁！濃稠！惹味！完美還原擔擔麵。皮薄有咬口，肉質軟腍，唔食得辣嘅朋友仔要小心啦~🦐黑松露蝦餃 +$28/3隻餐廳招牌菜！蝦餃皮平滑有光澤，質地軟Q。滿滿爽口彈牙嘅蝦肉，超足料！食落好香黑松露味🍍鴛鴦菠蘿咕嚕肉咕嚕肉裹滿甜酸醬汁，仍然能夠保持其酥脆嘅外皮，外脆內軟啖啖肉，炸皮唔會太厚。🐮貴州煙筍和牛肋 +$298一上枱滋滋滋滋！和牛肋軟滑有彈性，肉味重，火喉控制得啱啱好。雖然要加多300蚊，但確實有其價值所在，多人一齊食不妨一試~🌺洛神花番石榴糕番石榴嘅甜品真係好少見！酸甜清新，番石榴味道

一直好喜歡太古廣場嘅dim sum library，新穎得來味道又唔會奇奇怪怪嘅新式中菜。今次第一次去圓方的Dim Sum LibraryOpenrice訂位仲可以選擇特價套餐九道菜連嘢飲每人都係三百幾蚊，都好抵食。Cocktail餐牌都成$100一杯，包左係個每位$330嘅套餐入邊，真係好抵。擔擔湯包係我其中一個最愛，少少香辣嘅味道，但又唔會過分濃烈，皮薄，而且味道真係有食上海擔擔麵嘅感覺。龍蝦菜苗餃嘅龍蝦好爽口，但味道唔係好重黑松露蝦餃味道唔錯，其實唔落黑松露已經好香。雖然我覺得多咗少少，但亦冇違和感。魚香鹹水角比一般嘅香口，黑色睇落去好特別，仲有暗暗嘅閃光，黑椒和牛酥係另一個呢度必點嘅點心，外皮有啲似出面食開嘅蘿蔔酥，但入邊係用黑椒炒香左嘅和牛做餡，分外香口。煙燻筍嘅味道好特別，牛肋條口感同味道都唔錯，香而不辣。我本身比較鍾意食硬身嘅蔬菜，羽衣甘藍平時當沙律食已經好鍾意，啫啫咗之後更加香口，熟食別有一番風味。鹹魚帶子炒飯都好足料，飯炒得夠乾身，不過鹹魚味就真係冇乜。烏龍蛋其實係烏龍茶味嘅焦糖燉蛋，呢道甜品嘅味似伯爵茶多過似烏龍茶，不過蛋身都好滑。呢度嘅服務冇太古廣場咁貼心，但食物

年輕一輩同老一輩飲食文化總有分歧嘅。。為咗平衡呢點，總係要成日上網睇吓有咩新發現，之前已經見到呢間新派點心，響新年期間真係可以平衡到兩代人因為新年，較早已經網上訂位，限聚令兩人一枱，我地六個人都係一齊坐只係搵透明膠格住，無所謂啦！坐低見到茶具已經好靚，再慢慢睇餐牌，雖然點心款式唔算多，但都好特別，終於揀咗d一樣嘅中國茶，但點心同裝潢都較新派特別。。。比我地新年一個新嘗試！

之前經過，見到好靚既bar枱，點知原來係食點心～所以聖誕節就試下依家點心館😛如果大家唔想諗就可以揀二人套餐，不過就有飯。我哋就想試多啲點心所以就單叫～Menu好酒吧feel🤣食點心就係要先飲番杯茶先～杯碟好靚😍黑椒和牛數係最快上～不過係好熱辣辣聞落去好香～食落黑椒味幾重～有少少辣我最鍾意食就係蝦餃燒賣😍呢款蝦餃有淡淡黑松露味，蝦餃皮紮實但又唔會過厚，冇咁易穿，蝦肉飽滿彈牙。唔錯唔錯！燒賣外型上同平時睇落差唔多～但係入邊係有黑蒜㗎，酸酸甜甜咁幾開胃～我想講呢個黑毛豬腸粉真係比足料，啖啖肉！其實食咗一條已經好飽。😬口水雞汁幾出色😝！我覺得都算辣又香，雞肉係好嫩滑。食口水雞另一個重點就係雞皮，雞皮薄，所以唔會覺得油膩。下面仲有啲青瓜絲～不過就唔係好覺有薄荷味。但係以口水雞來講係幾好，不過份量就唔算大～第一啖食到好新鮮嘅海膽，之後就係咬落好香脆嘅春卷，然後先會食到滿滿嘅蟹肉。幾特別嘅組合～我中意🥰最後叫咗一杯cocktail結尾～呢杯係有vodka...raspberry...soda，仲有其他唔記得咗啦～我覺得普通不過係幾靚～兩個人最後食咗658～都真係幾飽下！服務態度都算唔錯，不過我覺得上

因為懶，所以而家先補寫食評.....光顧嘅時候係父親節，打去N咁多間餐廳酒樓都fully booked... 唯獨是dim sum library 話十一點仲有位。我哋準時十一點到，食到十一點半都仲見到好多吉枱。由於限時九十分鐘，所以我哋不敢怠慢，一坐低就嗌嘢食。其實睇番餐廳格局、進取嘅定價，居然仲要限時九十分鐘，真係好令人O咀....好彩點心都唔算太耐，大約十五分鐘就上枱。不過味道十分普通無驚喜。燒賣蝦餃叉燒包都係正常貨色，灌湯餃定價$88一客但用料唔算上盛豐富，新派點心如擔擔湯包同麻辣鱈魚生煎包太濃味，直頭可以講係咸，完全蓋過哂其他食材嘅味道。最好食係個星洲炒米，炒得乾身香口，可惜分量好細只夠二人用。至於服務方面我認為係不過不失。個別員工殷勤有禮，但有位制服唔同顏色嘅員工就完全配合唔到餐廳格調，首先佢動作係屬於心急派，喺呢間相對叫優雅路線嘅餐廳當中頗為突兀，最搞笑係我哋食完點心，拎起個餐牌想嗌甜品嘅時候，佢即刻九秒九走埋嚟用相當無禮貌嘅語氣同我哋講:”限時個半鐘喎，你而家仲想嗌嘢？嚟到你都食唔切啦！” 當堂我哋所有人都打咗個突...無諗過呢間餐廳嘅員工可以咁唔友善，再者當時係十二點