大滾友火鍋 (紅棉大廈)

Open Now

Now Closed

每次經過荃灣都比依間中國風裝修嘅港式火鍋店吸引，上網睇吓先知原來開到凌晨一點，晏放工都可以同朋友去試吓🤣🤣-✨醬介 $24/位💕 玲瓏浮凸 花膠雞湯鍋(半隻) $318👅好味指數：8/10濃濃嘅雞湯底用咗大量三黃雞新鮮烹調，上菜時會附上半隻三黃雞同花膠，店員會即時剪厚身花膠落湯底，份量都唔少，真材實料，雞肉皮肉都好嫩滑，雞味超濃郁，忍唔住飲左幾碗先打邊爐😛。-💕 頂級雪花肥牛 $338👅好味指數：8/10附帶乾冰效果既雪花肥牛🐮，氣勢十足！牛肉份量又多又大塊，油脂分布均勻，唔算好肥☺️，牛肉味濃郁，肉質亦都好軟嫩！-💕 店長推介 伊比利亞橡果豬 $168👅好味指數：7.5/10豬肉片脂肪比例比較多，肉質軟腍唔嚡☺️帶有微微果實香。-💕 黑松露蟹肉餃(四粒)$78👅好味指數：6.9/10皮薄餡滿☺️內餡有蟹肉絲同甘筍。-💕 龍蝦餃(四粒) $78👅好味指數：7/10龍蝦餃用左燒賣皮，同樣都係皮薄餡滿☺️，蝦肉味香濃。-💕 大滾友雜菜拼盤$98👅好味指數：8/10好大盤😂拼盤有金菇、黑木耳、萵筍、娃娃菜、生菜、油麥菜、蓮藕、紫淮山、蕃茄、粟米，全部色澤都好靚都好新鮮👍🏻-💕 蜂蜜菊花茶 $78👅好

近排天氣涼涼地，一班朋友打邊爐最開心，朋友推介大滾友火鍋，係元朗好出名，荃灣都有分店。一入去已經見到天花板高掛着紅色燈籠🏮，配合埋灰色磚頭帶出古典中國風。玲瓏浮凸.花膠湯雞鍋（半隻）湯底揀咗養生湯底，每日用6小時新鮮烹調，原材料用左質量上乘既三黃雞，雞味非常濃郁，另外仲有超大塊花膠，可以補充骨膠原。南非鮮鮑魚 2隻鮑魚用冰鎮住，打完卡仲保持新鮮，肉質非常厚有咬口，鮮味濃。龍蝦餃(4粒) 將龍蝦肉混入豚肉做餡料，外皮用上燒賣黃皮，龍蝦肉食落去非常爽口，豚肉亦好新鮮。頂級雪花牛肉 賣相特別，牛肉底放左乾冰，飄逸嘅霧氣襯托住新鮮嘅牛肉，牛肉雪花紋路均勻，牛味濃。伊比利亞橡果豬 油脂與肉分佈完美，肉質細緻，軟嫩多汁，非常美味，媲美和牛級數。大滾友雜菜拼盤 $98每種蔬菜都有少許，其中最鍾意嘅係紫淮山，味道微甜，口感黏稠，益處多多，可以對抗炎、保護心血管和穩定血糖等。自家製足料竹蔗茅根用上古代圖案嘅瓶裝住，飲落去非常滋潤，每次打邊爐都會叫。

呢一晚係我同大滾友嘅火鍋之約一入到門口已經wow一聲個裝修好特別 好似宮殿咁 咁我係皇帝皇后定公主😂打邊爐最緊要嘅係鍋底 ♨️呢個鍋底真係不得鳥 一嚟已經要飲返碗先叫左椰子雞番薯蜆濃湯鍋🐔啖啖都咁鮮甜咁香濃 勁滋補飲左d都放心 佢之後加嘅都係雞湯🤤跟住就係最令人期待嘅火鍋配料啦呢一晚叫左頂級雪花牛肉同伊比利亞橡果豬🐮🐷兩款肉質鮮嫩 啲油脂真係好雪花 口感極好🤤仲有大滾友雜菜拼盤 🥬有生菜、油麥菜、蕃茄、粟米、金菇、黑木耳、娃娃菜、芋頭、蓮藕咁多款每樣都有啲之餘 全部都好新鮮如果你鍾意海鮮 龍蝦餃一定係你嘅首選🦞餃子入面嘅龍蝦肉混入豚肉 夠鮮美仲用左燒賣黃皮做餃皮 好味又養眼驚喜嘅又點止呢啲仲有極品棉花魚肚🐟索晒啲雞湯 再加埋軟綿綿嘅質感真係好難抵抗🤤打邊爐當然要飲下啲消暑嘅飲品啦🫖佢地自家製足料竹蔗茅根飲係一個清涼又健康嘅好選擇唔會太甜，真係好飲！(個壺都好正😂)總括而言大滾友火鍋店嘅食物質素不得鳥環境同服務態度都好好如果大家鍾意打邊爐亦追求新鮮嘅食材👍🏻👍🏻👍🏻咁一定要嚟到呢度試下啦！🤩

呢幾日天氣都係10度左右，咁凍緊係要去打邊邊啦，今日去咗荃灣做大滾友。近年有唔少嘅火鍋店都走中國宮廷風，呢間大滾友都唔例外，門口已經見到有道聖旨擺咗係度，仲有埋久陽神功係度😂 入座之後，店員會係客人面前用滾水洗餐具確保衛生，呢點抵讚有加分。打邊爐除咗個爐，湯底都係好重要。我同朋友選湯底都用咗10分鐘，本身想食揀咗卜卜蜆鍋，可惜蜆未返貨，最後揀咗個冬瓜鍋。▪️消暑冬瓜瑤柱鍋 $218一嚟到已經充滿仙氣，店員介紹湯底滾起之後要飲個湯先，味道清甜濃郁，實在太正喇，未開始火鍋之前，我同朋友都已經忍唔住每人先飲兩碗。湯底非常足料，除咗主角冬瓜之外，仲有冬瓜嘅好朋友乾瑤柱，另外仲有雞肉、素翅、蝦肉、蟹柳等，食到尾都食唔完食極都有。✨飽暖思牛肉▪️大滾友牛肉拼盤 (細)$4181️⃣頂級安排斯牛小排 - 油花比較均勻，肉味最濃郁，打邊爐首選。2️⃣本地手切牛頸脊 - 肉質嫩滑，牛味香濃Juicy。3️⃣牛展 - 比較有咬口4️⃣美國頂級雪花肥牛 - 雪花牛質素都唔差，同樣食得到牛味之餘，大大塊得嚟又嫩滑。5️⃣牛黃喉 - 碌幾秒就食得，食落好爽口。6️⃣牛肉粒 - 不得不點名讚，平時食嘅牛肉粒通常會比較韌好難咬，冇肉味。但呢度