一笑爐端燒

Open Now

Now Closed

話說女朋友早兩日喺社交平台見到土瓜灣新開左一間爐端燒，今日放假就決定膽粗粗去試吓，一去到店員就好悉心去講解今日有啲咩時令海鮮，佢哋話佢嘅招牌菜係一個花甲粉同埋爆高賴尿蝦，咁我哋最後都叫咗一個花甲粉同埋一隻賴尿蝦同埋店員推介嘅牛油聖子，以往花甲粉比我感覺係好重胡椒味，佢哋嘅做法係令到我對花甲粉煥然一新，同埋隻賴尿蝦真係超級爆高，當晚因為揸咗車冇叫到任何酒精飲品，但係店員話佢哋嘅梅酒係支持本地釀製廠，下次一定唔揸車再嚟試吓，嗰晚我哋到10:30鐘，佢哋開始有卡拉OK活動，店員將大家唔認識嘅客人都打成一遍，總括嚟講值得一試

朋友介紹來呢度食飯 呢度嘅環境唔錯👍🏻食飯吹水一流😂老闆仲好好人 再試埋呢度嘅食物 真係比佢哋嘅出品驚艷到 花甲粉嘅湯底絕對喺出邊搵唔到勁濃郁又唔會蓋過花甲嘅鮮味😍牛肉蔥卷一咬開就爆汁。仲有佢哋嘅爐端燒，試咗佢哋嘅大大隻瀨尿蝦同大元貝，唔會過火，燒到啱啱好！仲有好濃郁嘅牛味值得一試 。最近知道佢哋開埋午市，再去試埋佢哋嘅午餐試咗佢哋嘅豚肉飯 份量非常足夠，而且叉燒快快勁Juicy唔會柴 諗唔到去邊度食飯嘅朋友可以過嚟試吓一定有驚喜！

去過好多地方食爐端燒，但咁有人情味同咁好味都係第一次😉真心值得推介💕佢哋將每樣食材都發揮到極致👍🏻尤其是招牌菜花甲粉同爆膏瀨尿蝦，直頭係一試難忘，仲有鍾意飲酒嘅人都可以過嚟試吓佢哋嘅手工啤，佢哋有好多款式🍺今日試咗兩隻都覺得好特別，總括嚟講，值得一試👍🏻👍🏻👍🏻聽老闆講佢哋全部拍檔都係有正職嘅，就係唔想香港咁單一，所以大家放咗工之後繼續返嚟營運呢個餐廳，我聽完之後都呆一呆，希望佢哋繼續可以堅守住呢個理念💪🏻💪🏻💪🏻

1.這道菜一上桌就讓人很有食慾。香氣濃鬱，十分誘人。口感非常酥脆、嫩滑。濃鬱的醬汁包裹著食材，咬下去醬汁滿嘴都是。而且食材非常新鮮，份量也很足，性價比非常高。下次如果有機會的話一定會再來。2.這家餐廳的環境很好，很乾淨整潔。食物不僅看起來漂亮，更重要的是味道好，無論是色還是味。此法保留了食材的原味，清新爽口。而且菜色選擇多，價格也不高，適合全家一起吃。3.味道很棒，一看就讓人覺得很有胃口，但是份量不大，屬於比較精緻的類型。最棒的是菜色也很新鮮，味道鹹淡適中，火候也恰到好處。

店舖老闆及員工都十分熱情、好客！有在用心經營！亦十分在意食客用餐體驗及舒適度。餐廳環境十分舒適，坐足三至四個鐘都唔趕人走係一個十分好嘅地方同朋友聚腳，傾吓偈，舒適愉快自在地食餐飯。場內仲有ktv、喇叭…(more to come)剛剛搬舖重新開張有好多食物暫時都係限定，最好預先查詢book位就可以訂定啲靚海鮮。不過今日我哋Walk in都食到啲好食菜式！先係前菜三碟已經好好食😝燒牛舌心，好嫩、入口爆汁、充滿油花，卻沒有油膩感！會想追加😋。日式花甲粉，全碟鋪滿嫩肉鮮甜嘅蜆肉！啖啖粉絲都掛上微辣蒜香湯汁，好食！兩個人share食我覺得呢個燒菠蘿真係必叫！大大份，嚿嚿都又甜又多汁！另外仲叫咗個大蔥雞串及翠玉瓜。大蔥雞算啲雞好嫩滑，雞皮燒到少少脆，口感好好食。大蔥仲要吸收晒雞肉啲汁好甜，一咬就爆曬啲汁。翠玉瓜，亦都燒到好軟熟，保留多汁水份。哈哈 仲幫我哋慶祝生日多謝！