Video
6-min walk from Exit D1, To Kwa Wan Station
continue reading
Telephone
93392909
Introduction
This robatayaki restaurant specialises in seafood items with Japanese and fusion flavours, such as clam vermicelli pots cooked with Thai elements. Besides, the signature Mantis shrimp with a lot of shrimp paste and Spanish salt-baked crab taste umami.
continue reading
Opening Hours
Today
18:00 - 00:00
Mon - Sun
18:00 - 00:00
Above information is for reference only. Please check details with the restaurant.
About Reward Scheme
Offers
呢間爐端燒一向在長沙灣人氣高企, 最近搬左黎土瓜灣, 作為fans點都要過黎試下爆膏瀨尿蝦超巨型新鮮瀨尿蝦, 而且蝦膏呈橙黃色, 真係好甘蝦~再配上自家製芝士醬, 味道更加新鮮!另外, 老闆講明如果瀨尿蝦無膏的話, 絕對可以退貨, 並且不收費泰式花甲粉 (少辣)本店招牌菜, 每隻蜆都好新鮮, 完全唔會有任何沙石粒每條粉絲都掛上辣汁, 刺激味蕾, 尤其惹味!燒雞翼雞皮燒得好香脆, 平時少食雞皮既我, 今日都忍唔住要食多D, 非常邪惡師傅調味十足, 唔洗再加額外調味料已經好滿足~~燒蘆筍豚肉豚肉油脂適中, 食返爽脆的蘆筍, 可以中和一下口腔的飽膩感燒日本粟米冰凍口感, 非常清甜, 好少可食粟米會食到咁爽甜~燒大蔥雞 雞脾肉燒得好嫩滑, 大蔥亦很爽口, 味道更入味燒櫻花蝦飯團 飯團外層呈金黃色狀態, 內裡充滿粒粒櫻花蝦, 香味十足再包上紫菜一齊食, 層次感更加豐富燒牛肉日本蔥卷牛肉肥瘦適中, 將大量的日本蔥包埋一齊食, 口感剛好, 不會太油膩燒豬腩肉提子卷今日無荔枝供應, 只有提子豬腩肉非常juicy, 配上清甜的提子, 原來都可以好match~醬燒白茄子白茄子水份充足, 前面食多左肉類可以食返D蔬菜, 中和一下口腔的飽膩感~燒翠肉瓜燒得好爽脆, 外層脆口, 內裡淋甜~芝士年糕外層呈金黃色, 內裡的芝士有拉絲效果, 基本上食1-2粒, 都已經夠飽肚了~提子梳打梳打水和提子混合一齊的風味, 更顯清新的口感在這個炎炎夏日, 喝一口尤其解渴!
continue reading
偶然見到呢間新開嘅餐廳，見到人哋話佢嘅花甲粉係「世一」，男朋友本身好鍾意食花甲粉，所以同咗佢一齊去試吓係咪真係「世一」咁勁。.職員好有心咁分享佢哋餐廳嘅背景，原來佢哋係由長沙灣海鮮舖搬過嚟大鋪，亦都可以話係成功轉型。本身係買海鮮，佢哋煮嘅海鮮或得客人嘅一字好評，所以就直頭開咗間餐廳。.聽講呢度嘅大廚仲係之前酒店廚房出嚟嘅，所以好多醬汁都係佢特登自己調製而成，相當有心機呀！.🤩爆膏瀨尿蝦我會話呢度菜係必嗌，同埋係我咁耐以為食過最好食嘅瀨尿蝦。用嘅係斑馬瀨尿蝦，而且本身佢又大隻又爆膏，成本相當高。廚師整到係九成熟，有少少creamy嘅質地，肉質鮮甜，食到有海水味，而且爆膏真係好難得。一試就知道同平時嘅瀨尿蝦係好唔同，完全係兩個Level嘅嘢。.包子貝粉絲同平時花甲粉唔同，佢用嘅係包子貝，識落比較有質感同埋海水味重啲。配嘅醬汁亦都係廚師特別調製，帶有少少泰國風味，粉絲吸埋啲汁好惹味，而且價錢十分抵，話係「世一」都絕對唔過份！.牛舌芯牛舌心整得好軟腍，即是係中間嘅芯位一啲都唔硬，而且牛舌味濃郁，食得好惹味，係出色嘅。.雞豪肉一隻雞只有兩嚿，我會話佢都算係稀有部份。平時比較少見到，但呢度都係一個signature dish，佢嘅雞味比較濃郁，肉質方面係比平時嘅有彈性。.牛油鮑魚用咗鮑魚肝特別整多咗個醬汁，相當巧心機同功夫。牛油香濃，識落鮮味、彈牙，又有多重口感，讚！秋葵 翠玉瓜.如果平時鍾意食海鮮嘅，呢間餐廳絕對十分推介，因為海鮮全部都係好新鮮，食到先甜嘅味道之餘，廚師亦都會特登調製醬汁令到個菜式更加昇華。
continue reading
位於紅磡馬頭圍道63號 啟岸1樓嘅 一笑爐端，一間非常用心經營嘅店鋪，老闆會親自招呼客人，介紹當日時令食材，非常貼心。餐廳裝修簡潔乾淨，木系餐枱桌椅，感覺好舒適；一貫日系風格，一定有張L形大吧枱；牆上面掛上黑板寫上當日最時令新鮮嘅食物，一目了然。先黎order店鋪招牌菜 花甲粉，精心設計嘅擺盤，花甲開晒口排成一圈圈，整齊擺放係金色伴碟，高炒影相📸，金光閃閃，一幅好靚嘅圖畫出現眼前。招牌菜唔止睇得，味道都非常出色，花甲肉身肥嘟嘟，味道鮮甜爽彈，底部仲有大量粉絲同湯汁，索晒花甲鮮甜味道。🥢特大魷魚🦑一夜干，份量好多，口感好軟淑，越𡁻越香，越𡁻越鮮，呢個用黎送酒一流👍🏻。🍡燒牛舌芯串，好鍾意食牛舌，鍾意佢有牛嘅本體味道，但唔會有牛嘅肥漏感，厚切嘅牛舌芯，更加增加口感，軟軟糯糯，煙煙韌韌 ，味道甘香。🍡燒葡萄䐁肉串，五花腩肉包裹住葡萄，豚肉外層燒得蕉蕉香香，入口先有䐁肉味道，咬開葡萄，甜味爆開，令豚肉更加juicy。🍡燒阿波尾雞豪，呢個係雞背部近腰位兩側的肌肉，一隻雞只得兩塊，燒至雞皮蕉香，滴些小檸檬汁更加釣出雞肉鮮味。🍡牛油燒鮑魚，鮑魚冧冧滑滑，入口牛油香先口腔爆發，跟隨木魚鮮香逐漸散發，🍡炭燒頂級牛小排，呢串油脂豐富，入口甘香。🍡炭燒雞翼，成隻雞翼攤平剪開，容易燒熟又能保持雞翼肉汁，最正係雞翼燒到微蕉，非常香脆。燒菠蘿🍍，燒過嘅菠蘿天然甜味會更加突出，燒至表面微焦，賦予了一種特殊的口感；燒烤過程亦令菠蘿的纖維稍微軟化，增加口感的豐富度。
continue reading
呢間係一間主打海鮮嘅爐端燒餐廳❤️喺土瓜灣地鐵站Exit D出口，行大約五分鐘左右就到👍🏻入到去俾人感覺好舒服，而店員仲會推介是日店舖入左咩海鮮😍前菜：牛蒡、蒜頭、醃蘿蔔牛舌心佢切得好厚😳食落口嫩中帶脆，正呀！翠玉瓜佢咬落去會噴汁，會唔會太瘋狂招牌花甲粉花甲好新鮮，完全無沙，而且佢十分惹味，食落會停唔到口，好推薦！自家製一夜干黃花魚牛油味好香濃嘅黃花魚，整體好香亦都好抵食！炭燒雞翼皮脆肉嫩，無得輸！清酒燒北寄貝清酒好正，可以帶出北寄貝鮮甜👍🏻蘇格蘭牛油蟶子王旁邊放咗Wasabi嘅脆片，再搭配牛油泡泡醬加蟶子王，成件事好match🫶🏻炭燒北海道雪場蟹啖啖肉的雪場蟹，但配三文魚子同埋紫菜碎，嗰種鮮甜多肉真係引死人！秘製魚串真係好好味，厚厚嘅魚皮搭配爽嫩的肉，好味！真係好正嘅一間爐端燒店，十分用心，食材又新鮮👍🏻下次再幫襯！
continue reading
土瓜灣嘅一笑爐端燒，主打新鮮海產爐端燒！海產類絕不過夜，保證新鮮！Morningcider Hot-X Bun Cider $128一笑有多款外國進口嘅限量手工啤，仲有唔少特別款嘅酒杯俾客人揀！配搭奉送嘅前菜同埋漬物，勁開胃！招牌花甲粉 $98採用清甜無沙嘅包子貝，大大粒勁水嫩飽滿！粉絲sold out轉咗做烏冬，同泰式做法嘅惹味湯底一樣咁夾，微辣口味好食到停唔到，不愧為招牌菜！蘇格蘭牛油蟶子皇 $128巨型嘅蟶子皇，燒得啱啱好，鮮甜味勁突出，口感軟嫩！以松露同埋日本蔥製成嘅泡沫作調味，恰到好處！北海道大元貝 $108以昆布汁燒製，帶溫和嘅酒香，食落啖啖肉！明太子脆片增添鹹香同埋口感！自家製一夜干黃花魚 $198經一夜干處理嘅黃花魚，魚嘅鮮味更濃郁，唔錯！秘製魚串 $68燒至爽口、多汁、同埋甜美，加少少檸檬汁更能激發香味同埋鮮味，正！焦糖燒菠蘿 $68以香甜多汁嘅焦糖菠蘿作為甜品！
continue reading