一鳴丼食堂

Open Now

Now Closed

一間變兩間🔥隱蔽日本嘢🇯🇵飯,麵,炸物,串燒,玉子燒🤤全部應有盡有🫶🏻💎 四重火焰盛 $88值得一試💯 （😋：7.5/10）👍🏻：三角形嘅賣相好靚，好似多到滿瀉咁🤩🤩有帶子，左口魚，三文魚，蟹棒🍣帶子超大粒，清甜🥰左口魚裙邊，照舊入口即溶啦🤤👎🏿：。💎咖喱薯餅配唐揚雞便當 $88值得一試💯 （😋：7.5/10）👍🏻：幾鐘意便當🍱因為咩都有啲：主食，小食，飯，沙律🥗 炸雞有個特色醬汁🍗令味道升華咗😍而且都有4大件，夠脆夠juicy😙👎🏿：薯餅咖喱味可以重啲，沙律🥗入面嘅粟米🌽入面黑黑地㊙️每張枱都有一樽飯素比客人自由加😍😍好正！餸飯必備🤤真係好好食！必試💯💎 明太子芝士玉子燒 $52 必食💯💯 （😋：8.2/10）👍🏻：熱辣辣上枱🔥入面啲芝士每個位都可以做到拉絲🧀味道好豐富，有咸咸哋嘅明太子醬加有甜甜哋嘅玉子燒🍳每啖都好滿足😍👎🏿：。環境：7.5/10服務：7/10 (冇加一服務價)價錢：人均約$100性價比：7.5/10 📍 一鳴丼食堂 (大埔)大埔運頭街20-26號廣安大廈地下F舖

同朋友放工嚟食，哩到嘅門面就好似普通日式小店，雖然就咁睇店舖地方唔大，但係都坐得舒服，起碼枱面夠大放我哋嘅嘢食。野食唔單止好食，餐牌都係精心設計，單看畫風都看到餐廳的心思先黎嘅係刺身、壽司。海膽食少少唔係好夠喉，味道甘甜，口感綿密細滑。芥末八爪魚壽司新鮮爽口，我鍾意就個芥末刺激得黎又唔會食得好辛苦，芥末份量岩岩好！煎雞軟骨餃子係人氣之選！皮薄天氣上嚟有少少脆口，入面嘅肉餡多汁，再加上肉餡有雞軟骨，豐富左個口感層次。好鬆脆嘅咖喱薯餅好適合叫比小朋友食！香濃嘅日式咖喱味，甜而不漏。燒河豚乾係一流嘅送酒小食，雖然冇叫酒飲，但係依然食唔停口。串燒嘅代表有雞肉京蔥燒，京蔥鮮甜多汁，雞肉份量充足，啖啖肉！翠玉瓜燒到又甜又多汁，連翠玉瓜面都有柴魚，真係相當有誠意！跟住重頭戲要介紹就係芝士明太子玉子燒，柴魚舖滿係玉子燒上面，明太子醬為玉子燒帶出鹹香味，而且雞蛋非常之嫩滑，最重要係有拉絲嘅芝士。一定會返嚟再食呢個！

大埔墟好多隱世小店，真係橫街窄巷隨時都有一間高質小店。呢排成日OT,有日又係八、九點先收工，就決定去大埔墟搵食，慰勞下自己。呢間一鳴丼食堂其實留意到佢好耐，門面超級有日本氛圍，木門、門簾都好還原日本風情！入到去見到咁夜都仲有一檯客，我就拿拿臨揀嘢食唔好阻人收工個menu真係好有心思，全部都係手繪風嘅食物，以為自己去咗台灣文青cafe!因為好鐘意食左口魚，所以我都即刻決定咗叫一個四重火焰盛，再加一份三文魚腩刺生，話咗要慰勞自己丫嘛！嘢食上檯真係哇一聲！圖片與實物冇十成都有九成相符，就係咁浮誇！刺生真係好肥美，口感細膩魚生丼俾料一啲都唔孤寒阿！有三文魚、帶子、左口魚同埋芝士蟹柳，每種魚起碼都有3片以上！睇佢細細碗，但其實真係好足夠。食到飽飽咁滿足地離開。

難得嚟到大埔玩，一於試下呢間人氣丼食堂！📙 餐牌上選擇繁多，除人氣丼之外，仲有多款定食、壽司、串燒等等！🍣🍢🦀🦐😍✨ 炙燒左口魚裙邊壽司😋 先來一客“我的至愛”！左口魚裙邊份量十足，火炙後魚油甘香滿溢，真係齒頰留香！🔥🔥👏👏✨ 究極甲羅盛🦀 蟹蓋盛著滿滿蟹肉、蟹籽、蟹膏，仲有兩隻大蟹鉗及松葉蟹腳，今次仲唔係全蟹宴！😘😘😘蟹膏甘香味濃，用嚟撈飯最好味！🤩🤩🤩蟹肉蟹籽份量超爆！又鮮甜又有口感！🤤🤤🤤松葉蟹腳，啖啖肉，好鮮甜！🥰🥰🥰總括食物質素及份量都令人超滿足！😋😋🥰🏡 店舖室內、室外裝修都好有日本風味，可以打吓卡，當去咗旅行！😎😎🤣

火灸海鮮丼飯太生, 失敗魚生無鮮味, 失敗蟹捧,帶子裙邊太薄,無口感整個丼無味感謝祭送炸雞, 醬完全同雞唔夾,又太油。 性價比好差。 如果大埔呢個價,去返太和中心個幾間好過,搭車去食仲gur

成日都見呢間鋪出面排曬隊，今日趁早收工決定去睇下會唔會唔洗排7點前去到直入✌️入面已經有幾台客,好彩早去,7點15已經full HSE入面細細，但有居酒屋感覺餐牌有好多選擇，丼飯,壽司,串燒,拉麵都有北海五品盛嘩❤️好豐盛❤️有五款刺身+4大片紫菜三文魚，油甘魚，帶子，海膽，牡丹蝦帶子size大過5蚊硬幣,鮮甜而冇雪味牡丹蝦當然係大大隻又爽口海膽雖然得一片，但好creamy🥰🥰望落去細細碗但食完超飽

同朋友仔上次黎食過拉麵念念不忘，今日放工唔想煮決定食多次原味豬骨拉麵：麵條係太麵，相對而言比較掛汁。加多咗隻蛋，蛋既糖心效果唔錯，但個人中意原粒啪多d hehe。湯底咸度岩岩好，豬骨味都濃郁，配埋紫菜、木耳食幾爽口叉燒肥瘦都分明，唔會鞋口。北海五色丼：五色故名思義就有五款食材，赤蝦、海膽、油甘魚、帶子、三文魚。得意既係有幾塊紫菜可以包住魚生食，別具一番風味。醋飯唔會太酸，魚生新鮮唔會腥臭。荔枝熱晴果乳酸：甜度岩岩好。朋友話好清新

一鳴拉麵/丼食堂位置相鄰， 裝修格局都係日式居酒屋。 鋪面細細， 仲要係大埔一條小街窄巷，但食身CP 值高， 值得一試。 同朋友同行， 唔洗掙扎食拉麵定丼飯， 兩邊都可以點。 我地中午過左13:00入， 都滿座， 但唔洗排隊。 今次試左：赤辛拉麵 🍜 （豬骨湯底加秘製地獄醬，香辣入味，配大量櫻花蝦，其他配菜以及流心蛋，加日式叉燒， 肉質似肥瘦均勻豬腩肉，份量足料。）日式餃子🥟 （似炸至乾身既餃子，不過不 失） 豚肉生薑燒便當 🍱 （大量配菜及沙律🥗， 豚肉醬汁唔算濃， 保留到肉味， 兩塊小炸雞，炸粉薄肉嫩，枱上有飯素可自行添加。） 三文魚腩刺身 （厚切肥美，唔錯）下次要試埋爆丼飯！

成個feel好似去左日本咁，佢嘅餐廳佈置，音樂都好有日本風味，之後佢嘅餐牌分左唔同種類嘅日本食物，好似拉麵類、丼飯類、魚生類、日式料理類、壽司類等等，重有唔同嘅野飲，好似生啤、燒灼梳打、清酒、仲有汽水同一啲特飲，我哋就叫左兩個丼飯同幾件壽司同埋一個炸雞軟骨餃子，首先講下個炸雞軟骨餃子，好好食，餃子入面包住雞軟骨，好爽脆，個口感好得意，之前都未試過食過用雞軟骨做餡嘅餃子，之後都主菜丼飯，係我最鍾意食嘅海膽丼飯，佢係用加拿大海膽海膽，非常鮮甜，海水味又夠撈埋飯一齊食，簡單就係人間美食，況且睇佢個飯細細地，但又足料，飯原來都唔小，絕對好食得黎夠哂飽，至於，另外一個丼飯，究竟甲羅盛，係一個蟹啲丼飯，入邊有蟹蓋、松葉蟹腳、蟹肉、蟹鉗、蟹子同埋蟹膏，非常加分嘅就係，佢嘅蟹腳同蟹鉗全部都係拆晒肉，啱晒啲懶人啖啖肉食落口，佢嘅甲羅燒入面滿滿蟹膏，拎嚟撈飯非常一流，壽司方面，我就鍾意佢嘅免治吞拿魚軍艦壽司，因為佢嘅吞拿魚肉非常新鮮，而且本身我好鍾意食呢一款壽司，整體而言，呢間餐廳嘅嘢食用料認真，廚師嘅廚藝亦好唔錯，每一樣嘢都好好食，真心可以去試吓。

一打開熟食餐牌，即刻比佢個煎雞軟骨餃子吸引左，因為好少見，雞軟骨餡料令到口感更爽口，廚師煮得外皮香脆，沾埋酸甜餃子汁好好食👍主菜我地一人叫左一個丼飯，我揀左究極甲羅盛，鵪鶉蛋、蟹子、新鮮松葉蟹腳同蟹鉗、海量蟹膏，超幸福呀！全部拌埋一齊，鮮甜蟹肉，加濃郁鹹香蟹膏，超級好味，完全無後悔特登入黎食佢既丼飯哈哈！另外我哋再叫左免治香葱吞拿魚軍艦同炙燒左口魚裙邊壽司🍣個人非常喜歡食佢既軍艦因為好豐滿，吞拿魚蓉入口即溶，紫菜脆口，炙燒左口魚邊更加唔洗講，個種魚油口感真係好正，大大既滿足，加埋少少煙燻嘅味道，大推呀，見到隔離枱既拉麵都好惹味咁，下次一定再黎食😁

一睇到幾張menu已經心花怒放，最鍾意戈啲手繪食物插畫😍帆立貝、雞軟骨同鹽燒鯖魚都好正路👍🏻免治雞肉捧嘅肉質非常軟熟，加上混咗啲雞軟骨小粒粒，令個口感昇華，但略嫌唔夠多雞軟骨岩鹽燒羊架有一千零一條架，一開始都認唔出，因為變咗粒上，仲要埋咗條骨有兩舊激大嘅肥膏，聞一聞，即刻哇一聲。係好勁嘅羊羶味啊！！舊膏側邊有少少肉，一咬落去，啲肥膏同騷味如泉湧般衝出泥，好！正！原粒肉擺入口，同樣興奮，好食到揼大脾，好羊好騷！好耐冇食過啲咁有騷味嘅羊😭玉子燒都幾大舊，入面滑嘟嘟，講明係用日本卵，又甜甜哋咁，木魚味好出好幫到手，咸甜交錯好鍾意呢度啲嘢食全部即整，好新鮮，熱辣辣咁放入口食晒以上嘅嘢食之後就嗌個四重火焰盛左口魚群邊唔夠肥美！其他正路個珍珠飯好！很！好！食！！！粒粒分明，好飽滿，每粒飯都好肥美，煙韌口感十足粒蛋黃超香，夾埋啲飯一齊食，係痴線㗎！食晒啲蛋黃就分別用飯素，唔辣唔攻鼻嘅wasabi同酸薑泥送啲珍珠飯。食到好想添飯..😂有第二間分店喺上水，如果港島都有就好啦！一鳴丼食堂汁燒帆立貝$24燒雞軟骨 $32免治雞肉捧 (明太子) $36鹽燒鯖魚 $46岩鹽燒羊架 $56玉子燒 $78四重火焰盛

今日同朋友黎到大埔一嗚丼食堂食丼飯舖頭空間唔大座位唔多，尚算整潔企理我叫左四重火焰盛丼飯，有三文魚，帶子，左口魚邊同蟹棒。賣相唔錯，，面頭有一隻温泉蛋，但温泉蛋蛋黃過熟，無左流質嘅蛋醬。三文魚同蟹棒都有炙燒嘅焦香味，左口魚邊亦都油份充足而且有彈牙嘅感覺，但個人略嫌左口魚邊份量少左啲，而其他魚生份量就相對充足，所以我地食嘅時候都要問侍應拎多隻碟。朋友就叫左北海五品盛，同樣賣相吸引，魚生份適充足，丼飯有三文魚，油甘魚，帶子，海膽，同牡丹蝦。帶子同牡丹蝦大隻又鮮甜，而海膽亦都無任何腥味，非常新鮮。另外，我地仲叫左一客三文魚腩刺身，三文魚厚切之餘，面頭仲𠝹埋花，非常有誠意。而味道方面更加係好鮮甜，雖然油份唔係非常充足，但口感一流，非常滿足。除左丼飯魚生類，佢仲有其他熟食例如便當可以叫，但當日我地淨係試左丼飯同一款刺身，下次有緣嘅話可以試埋便當。

大埔一向都有好多好嘢食 今次嚟咗一鳴丼食堂食魚生飯 除咗魚生 晚飯仲有其他熟食選擇先食咗個三文魚腩刺身做前菜 $48一上碟就知不妙 每件刺身個樣都好肥美好靚 三文魚腩切到好厚身 食落肥美 油脂適中 非常吸引四重火焰盛 $138呢度嘅丼飯擺盤好吸引 要縱觀成個丼飯要三百六十度咁望先睇到哂所有魚生 每份魚生都有三件 非常豐富呢份火焰盛包咗灸燒左口魚 三文魚 帶子 蟹棒加埋沙律醬嘅灸燒魚生好好食 三文魚都係厚切 整體魚生新鮮 北海五品盛 $178入面嘅刺身包括有三文魚 油甘魚 帶子 海膽同埋牡丹蝦值得一提因為真係太大碗好難食到啲飯 所以影完相後用碟分別裝住啲魚生嚟食佢嘅海膽好食 一啲都唔腥 帶點creamy感 牡丹蝦 帶子 三文魚同油甘魚都好新鮮鮮甜 係高質嘅魚生飯

放工同朋友吹吓水，當然要搵個好地方啦😆一路食下壽司一路吹水 快樂嘅時光過得特別快🥰🥰北海五品盛 ($178)厚切大大片嘅魚生，好足料嘅丼飯🤩🤩油甘魚同帆立貝都勁新鮮，仲要有咁多片添🥰🥰赤蝦刺身(兩隻) ($48)個赤蝦真係超級鮮甜😛連個蝦頭入邊都勁多膏，真係忍唔住要食埋個頭🤣🤣蟹膏甜蝦軍艦 ($42)佢個蟹膏超級濃味、份量都唔少🙈🙈配埋甜蝦又鮮有濃真係好正😛😛炙燒左口魚裙邊壽司 ($38)左口魚邊嘅油脂超級足，炙燒燒過之後仲要好香，個炙燒味昇華咗件壽司😚😚📍 一鳴丼食堂 (大埔)大埔運頭街20-26號廣安大廈地下F舖

一鳴丼食堂👻好耐冇去大埔啦嗰陣喺大學夜晚出去食宵夜嘅回憶返哂黎估唔到大埔多咗咁多好嘢食依家日本嘢之前冇試過真係走寶😆.🔅北海五品盛 HKD 178好豐富既丼飯佢有油甘魚三文魚勁大片帆立貝大大隻玻璃蝦仲有海膽添份量都幾足刺身又夠新鮮食哂就緊係超級滿足啦🤩🔅赤蝦刺身(兩隻) HKD 48見佢赤蝦刺身都唔貴鍾意食蝦嘅我緊係唔放過個蝦都幾鮮甜🔅免治吞拿魚軍艦 HKD 38好鍾意食吞拿魚蓉佢同個軍艦真係絕配一啖放入口真係好creamy😛🔅北寄貝壽司 HKD 24幾新鮮既北寄貝仲要咁平真係好抵食😆.整體黎講:靚靚丼飯 大件抵食😚.🎈 一鳴丼食堂 (大埔)大埔運頭街20-26號廣安大廈地下F舖