三多 (Closed)

今日食評有✍🏻 三多@yoho mall food deli試食指數⭐️⭐⭐⭐店舖衛生⭐️⭐️⭐侍應態度⭐️⭐((每項5⭐️為滿分)) ·Food deli絕對係快餐首選👌🏻多選擇環境衛生都可以接受👌🏻雖然係自助交回餐盤但仍然有好多staff執盤、抹枱、泊櫈讚👍🏻·今日試三多的小食餐滷水雞髀配炸薯條🍟+咸檸七🥤係唔健康嘅🤭不過間中食下😈👌🏻出品超慢，從落單到取餐要20分鐘🥱唔多配合快餐的準則👎🏻後生的職員都欠禮貌不過年紀大的職員就比較積極和友善·講番食物質素滷水雞髀⭐️⭐⭐/5以為等20分鐘會有好嘢外面的滷水係入味雞肉係👌🏻點知入面未熟透的☹️有啲失望·炸薯條🍟 ⭐️⭐⭐⭐/5小店有驚喜的出品中粗夠熱、薯皮夠脆·咸檸七🥤⭐️⭐⭐/5冇特別咸味，似飲7起·55蚊的茶餐算係咁👌🏻😊·599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

假日午餐放縱一下先，來到美食廣場有很多選擇，我們搵到邪惡嘅美食～這間店出名食炸雞髀🍗，而店舖主餐有很多選擇，經過一輪我哋叫咗秘製咖喱配炸髀飯，而且主餐配有汽水🥤非常正！秘製咖喱個汁好有驚喜，估佢唔到幾辣喎，如果唔食辣應該食唔到，而炸雞髀我覺得唔算大隻，味道還可以接受未到驚喜，而最正配汽水🥤爽曬！不過這間在food court 內，等餐位置比較迫，而且座位未必可以睇到叫號，所以我們都出咗去幾次而且要問先有餐出，因為顯示牌趕唔切更新，所以問下先有得食😙

-三多炸脾配薯條+汽水($49)以前中學嗰陣成日都好想試吓三多炸脾👩‍🎓，但係嗰陣仲未有堂食🥲，拎返屋企又驚會淋晒😕，所以一直都冇試到😩。難得見到有又咁邪惡梗係要同屋企人一齊分享啦🤣。三多炸脾果然名不虛傳👍🏻，雞髀成隻手掌咁大😮，食落去啖啖肉🍗，外皮鬆脆而且唔太肥膩😙。但係如果有辣就會更加惹味啦🤪。而薯條就係波浪紋嘅薯條🍟，食落都好脆口😙，但如果可以冇咁硬就Perfect啦😌。-秘製咖喱炸厚切豬扒飯+汽水(63)🍛個炸豬扒好有驚喜🤩，個人覺得出色過個炸髀添🤪。炸豬扒除咗大大塊之外🐖，仲炸得超級香脆😋，而且炸粉唔會太厚👍🏻。另外好欣賞佢係放完咖喱上面先再放炸豬扒👏🏻，唔會搞到淋晒😎。屋企人就表示好鍾意個咖喱🥘，味道非常香濃帶有少少辣味🌶。我第一次見人打包飯返屋企🤣🤣。-凍可樂(跟餐)🥤食炸野又點少得快樂肥仔水🥤-忌廉鮮奶紅豆冰(跟餐+$10）🍹我細佬問ummm where is my cream?不過飲落去唔錯的。🤣

上次來food court，便看到了三多炸脾，人很多，故這次選擇了下午茶時段來品嚐。菜單一目了然，點餐後就等著吃。三多雞脾配薯條大大的炸脾真的不會讓人失望，炸至金黃而不過火，咬時脆卜卜的外層實在令人難以忍口，雞肉味道不俗亦嫩滑，不會炸至乾硬，大口大口的咬著，每一口也非常滿足，碟上更配有薯條，還額外購買忌廉鮮奶紅豆冰作配搭，多奶的我很喜歡，為整份餐劃上完美句號。秘製咖喱厚切豬扒飯看到嚇了一跳，因為份量很大，豬扒非常厚身，而且都幾乎蓋了整個大飯碗，所以餐廳都貼心的附上一隻碟用來放豬扒的。秘製的咖啡配上珍珠米，口感與味道都一流，咖哩有點辣辣的，個人來說非常喜歡，飯的份量也大，非常滿足。當然少不了紅荳冰作點綴。

真係好鍾意yoho mall 嘅美食廣場，環境相當優雅潔淨，又有戶外座位，舒適優雅。而且喺商場都可以食到街頭名牌，價錢貼地之餘亦相當高質👍🏻😋。當日同朋友食埋三多，食佢哋最經典嘅炸髀配薯條同汽水，係非常有港式味道嘅下午茶餐❤️🍗🥤‼️📌三多炸髀🍗配薯條🍟+汽水🥤 $49三多炸髀真係名不虛傳，外皮極度酥脆，肉質嫩滑，鮮嫩多汁😋，係我食過最好食的炸雞髀🍗‼️📌秘製咖喱炸厚切豬排飯+ 汽水🥤$63抵食高質之選‼️ 秘製咖喱🍛極度香濃，絕對係其他地方做唔到的口味，相當濃郁惹味好吃！味道偏辣，適合喜歡食辣野的朋友👍🏻😋！另外，厚切豬排🥩同樣高質，睇嚟三多真係好拿手炸物👍🏻，全部做到相當酥脆，咬落去卡滋卡滋❤️❤️😋😋👍🏻👍🏻

招牌三多炸脾配薯條餐 ($49)勁大隻 即叫即炸 (但感覺有少少外皮炸至金黃色 好香脆 粉漿唔會太厚 雞肉都幾嫩滑 但邊邊位都有D乾身而薯條就用上了波浪薯條整體都係邪惡之選  好好味秘製咖哩厚切豬排飯餐 ($63)非常大塊 手掌咁大隻 我覺得好食過招牌炸脾都係炸得好脆 油脂香好正肉質都係嫩滑 最正係個秘製咖哩 勁多汁 可以瘋狂撈飯！咖喱有少少日式 x 港式feel 味道會再香濃D 食落都幾辣下整體份量超大 女仔應該食唔晒忌廉鮮奶紅豆冰（跟餐轉+$10）牛奶+紅豆 上面仲有超級多忌廉勁香椰汁味 奶香好濃厚邪惡 但飲完好爽!

之前經過三多的元朗舊址還以為倒閉了，怎知道今天在YＯＨＯ找食的時候又被我遇上了，所以借機會就趕緊試試這個很有名的炸脾，以免之後沒機會！但意想不到的是，雖然是已經下午茶時候，但店一直都超級忙的狀態，真的是人氣滿滿！三多炸脾配薯條（４９元）三多炸脾果然是招牌，挺大的一隻，而且這裡是比較特別的是用上吉列的炸法，包裹上麵包糠，再整隻油炸的，而且是即叫即炸，不是翻炸的，所以吃起來會比平常的更加香脆，而且非常多汁，雞肉也挺嫩滑的！而薯條就用上了波浪薯條，吃起來特別香脆，也挺不錯！秘製咖哩厚切豬排飯（６３元）這個厚切豬排也是非常大的一塊，差不多看不到下面藏著什麼了！而且也是用上了吉列的炸法，吃起來特別香脆，特別是有油脂的部分，吃起來特別好吃，肉的部份也挺多汁，不會老！配上秘製咖哩，非常好下飯！秘製咖哩會有點像日式咖哩的感覺，但味道會更加香濃，而且又會帶點辣，是甜辣鹹的感覺，味道挺好！爆檸（套餐＋６元）爆檸我還是為是爆多檸檬的意思，怎知道是檸檬茶加上了爆珠，也是挺有台式飲品的感覺！檸檬茶味道挺不錯，茶味挺濃，加上酸甜的爆珠，挺意外的配搭。忌廉鮮奶紅豆冰（套餐＋１０元）這個也挺有港式風味，香港下午茶必點

Yoho foodeli 入邊嘅三多炸肶不嬲都出名，之前已經食過一次，今次嚟到水準依然無變一樣都係咁高！我哋喺度揀咗三多炸肶配薯條加汽水餐同秘製咖喱厚切豬扒飯加汽水餐。炸髀同薯條炸得香脆可口，肉汁不停緊流出😋而粗薯條亦唔乾，雖然好熱氣，但都忍唔住係咁食😂而咖喱汁味道偏日式且有少少辣，同塊豬扒好夾！豬扒亦都炸得好脆，不過略嫌較乾身，食落肉質較實。不過份量超大，女仔應該食唔晒😍同茶餐廳比，佢嘅炸肶真係做得出色！大力推介！仲有杯紅豆冰，真係好多紅豆同cream,正！😋

三多無人唔識，識食一定食佢炸髀其實我一直都麻麻哋炸雞髀，但以前啲同事好鍾意食佢哋叫三多炸髀，我就叫咖喱豬扒飯🤣三多炸肶配薯條+汽水 $49炸髀配薯條，絕對係完美組合，都係熱氣組合，邪惡完之後一定要飲涼茶秘製咖喱炸厚切豬扒飯+汽水 $63呢個咖喱豬扒飯絕對拍得上百幾蚊嗰啲，夠脆之餘佢個豬扒好林唔會話好似平時嗰啲咁硬梆梆。而且咖喱味都幾香椰汁紅豆冰上面超級多忌廉，又係邪惡自選但係好好飲。鹹檸七絕對係解熱之選，飲完好爽

三多最最最出名嘅生炸雞髀，今日終於嚟朝聖！原來foodcourt有埋飯set，幾好喎！老實講呢個foodcourt價錢唔算實惠，三多叫做價位同食物質素成正比，如果有日上到嚟唔知食咩好，推介你哋食呢間！foodcourt三多唔係淨係得生炸雞髀，有埋豬扒，手掌咁大隻，大過隻碗！大食之人都一定夠飽！下面係咖喱飯，正常發揮啦，咖喱有少少日式feel，都幾好食～送餐茶，加幾蚊有紅豆冰，幾好喎，鮮奶味濃，推介！生炸雞髀配薯條，鹹檸七，真係好炸，但又好好味，邪惡之選。不過老實講，唔知係咪人流唔多，啲食物明顯係翻炸過，見相都見到好深色下。一餐半餐ok啦，正所謂食得炸嘢抵得渴丫嘛。

成日聽人講三多炸髀，今日終於試倒喇！慕名而來一定要食炸雞髀炸薯條，下午茶最佳選擇炸雞髀用牙籤穿著，方便食用！外皮炸至金黃色，非常香脆，粉漿唔會太厚。咬開雞皮裡面仲冒緊煙，真係即叫即炸熱辣辣架雞肉嫩滑完全唔鞋口，食落啖啖肉好juicy，仲有啲雞油流出黎好！調味都岩岩好，唔會有雪藏味。除左雞髀，薯條都好好味！我既最愛粗薯條，條條都炸到脆卜卜🤤飲品叫左凍檸茶都唔錯，茶底唔澀唔會過甜👍🏻終於明點解咁多人中意食，真係好出色👏🏻

三多炸脾在元朗形點food court 有分店！啱曬我哋，唔使特登出大埔食。今次兩個人食，試下炸雞脾同炸豬扒味道如何。1號餐三多炸脾配薯條$49,有炸雞髀、薯條、汽水，炸雞髀大大隻，炸粉爽脆而不厚，咬落啖啖肉之餘，又脆又多肉汁，雞肉爽滑不乾身，炸得很好！粗薯條，份量夠多，而且剛剛炸好，堂食又不會淋，好味！一個餐，男士食都夠飽了。5號餐，秘製咖哩炸厚切豬扒飯$63,先讚咖哩汁毫不吝嗇，給你鋪滿一碗飯，咖哩味道小辣，但很香，裏面有薯仔粒、蘿蔔粒等雜菜，吃著增添口感和香味。喜歡濕濕地拌飯吃，而且飯的份量很多，最後是吃不完的。要大讚炸豬扒水準高，不比招牌菜炸雞髀差啊！吉列炸粉爽脆，裏面豬扒爽口新鮮，炸完又夠香，有咖哩一起吃，真的是快餐中的人間美味！喜歡這裏的汽水不只有可樂、雪碧之類，還有鹹檸七、紅豆冰等等，在快餐之中增添特色。沒錯，一杯飲品，可令套餐生色不少，有機會還要再來。

三多炸脾聽得多係yoho foodcourt 開左甘耐，都係第一次試先用自助機點好餐，再等no. 就可以拎餐自助形式，好方便有單人餐又有多人餐，都幾多選擇星期六lunch 都好多人食，落左單要等一陣先有得拎，最好點左餐再搵位依個係八號餐，汁可以改蘑菇汁炸脾真係超大隻，大過我個手掌😲😲食落去口感外脆內軟，但又唔會𠝹口入面仲有少少肉汁，果然名不虛傳呀意粉口感正常，份量都幾多下蘑菇汁又夠味，撈埋一齊食就唔會太乾

炸脾、炸雞翼、炸豬扒 咩配搭都有價錢都平民啦即叫即炸同朋友嗌咗兩個餐share三多炸脾配薯條 $49 龍鳳檸樂 +$6終於都一嚐三多炸脾好大隻 好厚肉即叫即炸 所以好香好脆係基本仲要肉質夠嫩 又夠juicy夾硬要搵嘢講嘅話 係個調味好似唔係好夠🧐不過 我鐘意炸雞點茄汁所以我覺得依隻炸脾已經相當唔錯薯條少少粗身 有薯味🍟依個set真係不得了秘製咖喱炸口切豬扒飯 $63又係另一巨型炸物 大過手板齋望到個size 已經好滿足炸粉唔太厚 所以啖啖都係肉咬落去脆卜卜之餘😍肉肉一啲都唔會硬/乾係出乎意料嘅好味豬至於咖哩汁係港式同日式之間😂辣味溫和 仲帶少少甜入面有啲粒粒薯仔同紅蘿蔔口感幾豐富撈飯一流好彩佢唔係開係我屋企附近咋🤫如果唔係 應該又輕鬆肥🦦

去開元朗特登去形點1期2樓Foodeli 食三多嘅名物炸雞肶，叫左個套餐跟茄汁意粉同可樂，雞肶即叫即炸，需時約10分鐘。雞肶大過隻手掌，油炸時間控制得啱啱好，唔會過火。面層炸粉都算幾薄，外皮炸到好香脆亦唔油膩，雞肉醃得幾入味，咬落juicy肉質嫩滑。茄汁意粉就係一般茶餐廳質素，不過酸酸地幾開胃，配埋炸肶食都唔錯！