三多 (Closed)

三多炸肶始於大埔，之後元朗分店亦由街舖變成進駐大商場嘅foodcourt🍽最經典嘅炸髀配薯條🍟同汽水🥤係非常🈶️港式味道嘅下午茶餐。想試吓新口味就🉑️以加$8轉做「三重芝士🧀」、「蜂蜜牛油🍯」、「韓式甜辣🌶」或「避風塘🧄」。不過我都係終於原味😆雞髀🍗睇落真係好大隻，即點即炸🔥外皮炸得酥脆而肉亦唔會乾爭爭，係🈶️汁嘅👍🏼粗薯條亦夠香脆～🍟下次🉑️以再食😋試埋其他新口味～

聽佢哋嘅名就聽得多，咁多年來一直好想食不過都冇機會今次終於有機會試到啦 同男朋友入咗黎yoho mall個food court專誠黎食 三多炸髀一人嗌咗一個雞髀我食炸雞髀，男朋友食油髀果然唔係浪得虛名，真係好有驚喜佢啲雞髀勁大件，就嚟大過我塊面啦！炸髀好香脆，超級脆卜卜食得出唔係炸粉嗰種，而且唔會炸得好燶切開一塊塊，每食一嚿，口入面都有好juicy嘅感覺，有肉汁得嚟，一邊又食住炸到金黃剔透嘅脆皮，正到爆！啲肉真係好香滑，入面好腍好夠味絕對唔會話係醃得好咸嘅果種雞髀～因為有啲炸雞髀咸到入唔到口邊食邊飲啖可樂，真係心曠神怡爽到升天！雞髀就好好食喇，反而佢啲薯條就令人失望炸得唔脆之餘，軟淋淋好似放咗好耐咁而且啲薯條唔新鮮咁，食落去口感好奇怪味道又有啲好似唔知咩怪味啲薯條難食到我食咗一半就已經食唔落男朋友個 油髀 都好有驚喜 非常之好味呀！我個人認為仲好味過個炸髀佢啲油雞髀鮮嫩多汁，連雞皮都醃得好好味啲肉更加唔洗講，仲更加好食n倍真係好好奇想知佢用啲咩嚟醃啲油髀d汁真係好好味呀～正！依餐下午茶食得好滋味好難忘三多啲雞髀真係名不虛傳，有料到！

三多出名炸髀即炸，熱辣辣，大隻，香口，抵食。 識食嘅一定要現場食，即買即食，唔可以攞走，返到屋企隻炸雞髀已經變咗另一個層次 ，會變得唔脆唔熱袋內有水蒸氣，難食好多。經過元朗YoHo見到有三多，又好耐無食過炸髀，於是幫襯咗一份炸髀薯條過下口癮😂炸髀果然無令人失望👍即場炸即場食，香脆可口，炸粉少，但皮好脆，啖啖肉😋😋但係份薯條就扣曬分，令人好失望👎唔係普通用油炸，係用氣炸鍋炸出嚟嘅，啲薯條雖然表面係脆，但係入面已經係乾曬，一啲都唔好食😑浪費咗咁靚薯條😂下次都係食返炸髀好過🤣🤣🤣

三多 懷舊小食 ［炸雞脾拼粗薯條］除咗快餐店 傳統嘅懷舊小食已經買少見少，三多舊舖我以前都成日去幫襯每次都一定會點辣雞髀食。今次係我第一次嚟到新店舖，當然一定要嗌返個炸雞髀餐，落單之後店員會即刻新鮮炸雞髀同薯條。等咗大概5分鐘就有新鮮出爐嘅炸雞髀你食。炸雞髀嘅愛與外皮依然薄脆咬落多汁。而雞髀本身亦都已經調咗未所以就算唔落茄汁食都一樣得。另外炸薯條都非常鬆軟外脆內脆充滿薯味，咁樣一餐亦都非常果腹。配上汽水簡直令人讚不絕口！😛

三多炸雞髀出名平靚正 👍👍👍雞髀大隻，炸得香脆啖啖肉😋經過元朗Yoho見佢喺美食市集開咗分店，於是忍唔住即刻幫襯叫咗一份炸雞髀薯條🍗炸雞髀貫徹一貫嘅作風，大大隻，炸粉夠薄啖啖肉，即叫即炸香脆可口😋😋至於份薯條就令人好失望👎薯條望落去都算粗身，份量都夠多，但一擺入口就出事🙈 佢哋啲薯條係完全無經過油炸，應該就係用氣炸鍋整嘅，雖然整到表面好乾身，但係薯條入面已經係好乾，完全唔好食👎👎👎下次都係剩叫炸髀穩陣😂

一直都好鍾意食三多以前喺元朗又新街又或者喺大埔嘅時候成日食。 無論佢嘅炸脾 定係滷水雞髀🍗 ，以前都係新鮮整嘅即叫即做，非常好食好juicy, 佢搬咗去元朗嘅food court 之後我第一次幫襯佢嘅滷水雞髀，好鞋好銀好似煮左10幾年咁，d肉又老又乾，簡直係絕對嘅overcook😫 不知所謂超級難食! 反而個番茄炒意大利粉仲勉強可以接受。

山長水遠來到元朗一定要食盡所有元朗名物，素聞三多炸脾非常出名。原來地舖已搬上food court，雖然氣氛大打折扣，但既然入到元朗也一試吧！.二人點了份1號餐✨三多炸脾配薯條+汽水✨雞脾一到手已經星星眼🤩炸到咁靚仔得唔得嫁？情不自禁大大啖咬了一口，撫慰了老娘的餓底的心⋯⋯就在這個瞬間，我戀愛了💞是初戀的澎湃；是十八歲的卜卜脆呀呀呀‼️世間雞脾如此之多，偏偏給我遇上三多☄️炸粉厚薄適中，香口不油膩🤤.剛才過於飢渴，未及細細欣賞。我懷著半點歉意，溫柔地扒開三多雞脾，拍下特寫留念🍑三多柔軟的內心雖不至爆汁般juicy，但十八歲的嫩滑口感還是有的。你看到嗎？你看到嗎？那微微的粉嫩，是少女專屬的🌸👅油炸的時間控制也是恰度好處。須知道在熾熱的油鍋之中，遲來一秒鐘，高ling都變夏蕙姨🧐.二人分一份剛剛好，過吓口癮又不會太heavy，食完仲想食多兩啖的心癮就更是頂癮🤓如果當作lunch /dinner，還是建議大家配飯或意粉會較好，始終不會太熱氣。順帶一提，薯條普通貨色，不過不失啦。.2020這個年頭，憾事連連，猶幸遇上三多，也算是人生一大慰藉。見其他食評都紛紛表示food court水平遠比不上地舖，

三多炸雞肶薯條🍗🍟出面落大雨又想食炸野,聽朋友講三多炸肶出名又好食,於是就外賣叫左炸肶薯仔食,送到過黎一打開香噴噴超吸引真係好邪惡的Lunch!😈三多炸脾果然名不虛傳😎夠哂大隻皮又脆以吉列方法烹調炸到外圍脆卜卜,咬落去仲聽清脆的炸物聲,食落唔太油膩確實不錯👍 但本人覺得稍為要改善的地方係雞脾的肉汁唔算多,所以食落有少少"鞋"口!薯條方面因為本人鍾意食多薯肉的薯條,所以這款薯條正合我心意😻香辣肉碎炒腸粉腸粉方面本人覺得醬汁稍為咸了一點不算太辣,肉碎份量不多但腸粉的口感都算滑,不錯之選😏

限聚令同疫情關係，多咗叫外賣！今日就試下馳名嘅三多炸雞髀🍗，坦白講，可能期望太高，但食落之後無乜太大驚喜！雞髀外皮炸到好香脆，但雞髀肉就略嫌乾身咗少少！無咬落去好滑好juicy既感覺🙈至於薯條🍟係唔錯的，就算外賣送到黎都仲係脆卜卜👍🏻另外叫左個香辣肉碎炒腸粉，味道不過不失，可能自己唔太好啦，無想再reorder既諗法🙈總括黎講，無傳聞中講到咁好食，因為開始期望太高，所以唔多唔少有點失望😞不過質素係ok的

#三多炸脾 超級惹味、即叫即炸、大大隻既炸雞脾 外皮勁酥脆，食既時候一定要連皮食 咬落去，雞肉嫩滑多汁，好好味😋 雞脾上既調味粉撒得幾均勻，小辣都已經夠曬惹味 一口多士夠曬邪惡，炸到金黃色甘 入面既花生醬好香口，點埋煉奶食，甜而不膩

三多除咗觀塘之外，原來元朗都有分店。今日就心血來潮，想食佢哋嘅炸雞脾，估唔到炸雞髀都一樣咁好食。外層炸得卜卜脆，裏面就非常有肉汁。跟住我仲叫咗一份豬扒包食。 食之前梗係要咬下佢哋啲薯條啦。薯條都好香口，有啲厚度。 跟住佢哋嘅豬扒包，外層脆皮，豬扒包舊豬扒厚度啱啱好，成個豬扒包其實都幾有澳門嘅風味。因為佢嘅豬扒其實唔乾身，配埋啲蔬菜一齊食真係好有口感。佢哋都算好，豬扒包加薯條原來都可以連埋汽水一齊買。 食完炸嘢又食埋個豬扒包梗係要飲返杯汽水冰涼下啦。

有咩開心過一個人食三多？自己一個人食晒全部雞髀雞翼同埋碟腸粉，真係正。三多嘅豉油雞髀出名，我諗大家都知道㗎啦。我今次仲嗌左兩隻雞翼，一次過食晒兩份開心。一如既往嘅，雞都好入味，好容易咬，最緊要係啖啖肉。佢嘅XO醬炒腸粉影真一流，好香口， XO醬嘅味同腸粉融為一體，真係食極都唔會厭。最重要嘅係佢真係新鮮製作，上碟嘅時候仲係熱嘅，所以食落去特別好味。同埋有樣嘢好，佢落油嘅份量唔會太多，唔會食到成咀油，食完內疚感都冇咁多。

成日都聽人哋講食三多，但自己其實有啲怕煎炸野，所以一路冇去食過。但係今次全部friend都話想食，唯有將就下啦。我哋嗌左個桶餐，其實同KFC嗰個有啲似。但係好似份量就多啲，相信一定要好似我咁幾個人食先至食得晒。裏面有雞嘅唔同部位，譬如雞翼，雞胸等等。其他部位都唔記得晒啦。但係真係好唔錯，而呢個價錢，可以食到咁多份量，真係幾滿足。其實間唔中食下呢啲conform food，都真係幾開心。成個咀都係好香嘅雞味同埋油香味，外皮酥脆裏面軟。真係幾香口，同埋佢個屁唔會話硬到刮親口，真心唔錯。最好笑係，我哋以為個店員比留咗啲薯條我哋，點知原來寶物沉歸底，喺晒啲雞嘅下面。食食吓先至發覺。不過都算幾好，啲薯條都係脆嘅同埋熱辣辣，好滿足。感覺唔似係萬年油整嘅嗰種薯條，因為嗰陣又唔係好濃好耐嘅味道，感覺食落都安心啲。呢個平民食物真係可以令到人好開心，不過真係唔可以食太多，驚喉嚨痛啊。

因趕時間關係，所以去了food court入邊的三多，叫了一份炸雞髀套餐和炸魚柳套餐，汽水轉為紅豆冰，可能即叫即炸嘅關係，雞髀套餐等了30分鐘，魚柳套餐等了35分鐘！所以下次趕時間就揀第二間啦！雞髀食入口聽到脆卜卜嘅聲音，雞肉嫩滑又多汁，不愧是signature👍🏻，炸魚柳就略為遜色👎🏻，有雪藏魚嘅味道😟！紅豆冰啲紅豆軟硬適中，不是太甜，但奶略為多，似奶水紅豆冰！

第一次食炸雞脾，所以比較唔到唔同餐廳既水準。但食完三多既炸雞脾，回味無窮。炸雞脾餐可以配薯條/沙律，跟汽水($49)。今次揀左沙律，冇咁熱氣。炸雞脾size大過手掌，外皮炸到好脆，咬到chopchop聲。雞肉炸完都冇變到乾身，仲好juicy好嫩滑。感覺上好似冇落炸粉(?)，所以塊皮薄，唔會食完好濟。真心覺得，炸完既雞脾，仲keep到肉汁肉滑，厲害。沙律有蟹籽，賣相味道都唔錯，食完炸野食番d蔬菜，冇咁heavy。不過個人覺得太多沙律醬，如果唔鍾意就叫少醬。整體，要食既話就要等，因為多人叫，而且炸都要時間，值等都值得。