三寶皇

Open Now

Now Closed

呢間係屋企附近，其實已經幫襯過唔少次，不過多數都係買佢個手工燒賣，順帶一提個燒賣真係唔錯，加上佢個豉油辣油更美味。不過今次第一次試魚肉翅同煎釀三寶，都幾有驚喜。某日凌晨，黎到呢度買煎釀三寶，由於已夜深，接近關門時間，所以每盒煎釀三寶只係$20，就有咁大盒，有成十幾舊嫁，真係好抵，魚蛋彈牙，其他釀魚肉都好香，除左平常的三色椒、茄子、豆腐、魚蛋、紅腸，仲會有類似麥樂雞個D雞塊、蟹柳、炸雲吞，款式都好多，不過當然啦，如果你係咁樣臨收工之前先買，當然要視乎賣淨D咩。另外，見到佢有賣生菜魚肉翅，突然想食，就叫碗食下。佢有生菜魚肉/生菜魚肉翅/魚肉翅，今次就淨係叫左魚肉翅。翅都幾多料，有肉絲有菇，幾好味，唔會好淡/好稀魚肉都唔錯，冇骨，彈牙，又係臨收工所以呀姨比多左我地，多到裝唔落不過其實呢個價錢，就算得圖中一半魚肉都抵

因為YouTuber嘅介紹而知道呢間燒賣...Lunch time時間嚟到人唔算多排隊既人大概有五六個堂食有幾個位坐有個姐姐喺度包緊燒賣燒賣比坊間嘅大粒差唔多有一倍口感彈牙，豉油一般山長水遠嚟到梗係叫埋佢其他嘢食啦炒麵正正常常有個人新鮮即炒嘅 熱辣辣味道都唔錯碗仔翅都係中規中矩另外個薯餅可以唔叫都得因為係凍嘅

自家手工製燒賣$15/7粒·呢個係我搵馬鞍山美食見到好多人推介 所以專登去咗買🤣我見大家都話呢一個係必食嘅燒賣 所以我對佢勁大期望 最後有少少失望🤭🤭我自己鍾意食元朗嗰個燒賣皇后多啲·呢間你係真係見到佢地係舖頭自己包燒賣既 而且佢係真係好濃魚味 不過我就覺得佢個燒賣偏乾 所以食落差少少🙊🙊·📍三寶皇 (馬鞍山恆錦街1號恆安商場地下恆安街市40號舖)·#rbyeat #rby好去處#rby港式#rby馬鞍山

明明個名叫三寶王但最出名應該係燒賣連 社交平台有個好出名嘅燒賣page都有介紹而且係各大雜誌推介燒賣十大都成日上榜即管試一試先夜晚七點幾去到買見到門口真係有個姐姐喺度即包15蚊有7粒即製燒賣其實好抵咬落有魚味又彈牙唔會好似出面啲一pat粉燒賣咁但因為買完返屋企仲要多半個鐘路程我就叫咗豉油辣油另上豉油可以 辣油就係普通野如果辣油可以再俾啲心機就冇得彈喇疫情關係 本身呢啲應該即買即食嘅嘢搞到要外賣希望疫情快啲過可以繼續掃街啦

接完老婆收工，聽講話馬鞍山有間燒賣好好食，近排好出名嗰個 社交平台網頁介紹，而且都有youtuber去食過呢間燒賣，咁我哋就去試下，一嚟到見到有五、六個人排隊，咁我哋就即刻排啦，我哋叫咗煎釀三寶同埋梗係要試下佢個燒賣， 收錢同整嘢嗰兩個姐姐有啲手忙腳亂，去到我就嗌咗燒賣同煎釀三寶， 咁燒賣呢就爭一粒咁要等唔到六分鐘，咁我哋就話食住嗰個煎釀三寶先，正常無咩特別，唔會話唔好食，到燒賣蒸好，放入口食個陣，有一種似曾相識既味道，係好食既，不過個味實在太似某間連所店，我屋企樓下就有一間我都成日食，而且連所店味道會比較好，不過就較貴，如果住附近既就可以幫下小店，香港地既租實左太貴，不過如果食過我講個間連所店既話，就會知道我講乜，不過可能咁岩得咁橋個配方差唔多所以味道咁似。

去馬鞍山郊遊徑前， 特地前往這個恆安街市嚐試手工魚肉燒賣， 因為香港燒賣關注組曾經有人建議這個燒賣質感同味道很好食， 難得到附近不妨一試。一去到就發現已有女工在 不斷包燒賣，原來燒賣真的是自家製人手去包，而且他們的感覺很親切友善，要了燒賣及煎釀三寶試一下。手工魚肉燒賣 - 燒賣本身的味道是很好的，魚肉味而不腥，質感也不錯。最可惜的敗筆在於甜豉油及辣油，甜豉油味道太淡 ，而且只提供微辣的辣油，下次可能要外賣燒賣，並自備甜豉油及辣油了... 煎釀三寶記得要店員幫手翻熱，不然會冷冰冰的，味道出乎意外地不錯哦。不過不夠熱辣辣.....結論是他們的魚肉很不錯 😂😋

成功令平時唔食魚肉燒賣嘅我日日都念念不忘！係我食過最好食嘅魚肉燒賣，緊係要係有生之年出post介紹吓！-（💰15 / 7粒）✔️燒賣超重魚肉味✔️粒粒彈牙大大粒✔️表皮煙軔🌟加豉油加埋辣油會令燒賣更加香，辣油又唔辣的食完都飽飽地足哂料！姐姐即場自家整燒賣拿去蒸！-佢哋仲有👉🏻煎釀三寶、碗仔翅、炒河粉、粢飯👈🏻等等小食😋炒河炒都好鬼正又抵食-其實恆安街市真係好多好嘢食‼️遲下再同大家介紹吓

途經恆安街市，見到有一條好長嘅人龍，原來係排手工燒賣！出面有一個姨姨不斷咁用人手包燒賣，佢哋攞咗一個大蒸籠入去蒸，源源不絕有燒賣供應。$15/7粒以手工燒賣來講唔算貴，而且每一粒都有乒乓波咁大，形狀就比較隨意🤣 咬落口十分之彈牙，都有幾濃嘅魚香味，不過胡椒粉同五香粉比較重手，食完有少少口渴，買2份做午餐都幾夠飽！另外有食佢哋嘅煎釀三寶，有釀豆腐、青椒、茄子，味道都正正常常，煎得香脆，感覺燒賣比較吸引😋

恆安邨街市自從幾年前裝修咗之後呢，新加咗好多間熟食食肆。其中一間有賣點架呢，就係主打賣手包燒賣嘅三寶皇。依度賣嘅魚肉燒賣係即包即蒸即賣，都會見到有個阿姐坐喺度即包燒賣即賣嘅。因為係即蒸嘅關係，所以有陣時燒賣未出爐都要等一下。佢哋一粒燒賣係比一般嘅雪藏魚肉食係大粒好多，幾乎只係比酒樓嘅豬肉燒賣係細ＤＤ。咬落去就比較彈牙，仲又會有Ｄ鬆軟唔會得個彈字，比平常的多左魚味。價錢當然係比一般嘅貴少少，$14有7粒，但因為佢大粒嘅關係，其實一個人下午茶都未必食得晒一份，或者食完之後會好飽，當小食食嘅話食可能三個人食兩份已經好夠。其實佢地開張果陣出品係更好，但係食下食下，其實覺得佢魚肉嘅份量應該係落得少左，肥豬肉多左，係依排好返ＤＤ，但係都比一般雪藏貨嘅好。希望佢哋唔會越來越少啦，唔得嘅話成舊粉咁，就會一啲都唔好食。

之前聽講過恆安街市有間燒賣係自家手工製作，街錢都係街坊價，於是趁星期日返完教會冇節目，就順便試下。都幾多人排隊架，不過都算快，唔洗等好耐。燒賣$14/8粒、煎釀三寶$12/4件，馬鞍山區內差不多都係呢個價錢。燒賣係魚肉燒賣，比普通魚肉燒賣大粒啲，食落彈牙，有魚肉味，8粒食晒都會飽飽地。而煎釀三寶，款式都唔少，每件上面嘅魚肉分量亦唔少。我唔係燒賣同煎釀三寶 Fans 但都覺得唔錯，尤其是手工燒賣，相約價錢，食到人手製作，真係好抵👍🏻

恆安街市開業已經有一段日子🗓令小編Encore得最多既就係呢間自家手工製燒賣🤙🏻全人手製作👐🏻經常會見到個老婆婆一粒一粒咁包🤲🏻大大粒既魚肉煙靭彈牙鬆較一啲都無粉感🤤燒賣皮係薄薄同滑溜溜的🤓仲愈𡁻愈有魚肉既甜味😋加埋甜鼓油同辣油 好好好味🤤係小編最愛燒賣既Top1️⃣👍🏻.最後不過帶返⛑先 每次幫襯質素都有少少唔同始終都係手工製作😌.人均消費：$14（7粒）推介指數：👅👅👅👅👅👅👅👅👅（9/10）Encore指數：🤙🏻🤙🏻🤙🏻🤙🏻🤙🏻🤙🏻🤙🏻🤙🏻🤙🏻（9/10）

恒安市集有間名不經傳的小食店，佢最出名的就係自家製燒賣，經常都要排隊，但真心值得排，店家每日都即包即蒸。好記得初初開時係勁多勁多人排隊，之後去親都要排個小隊，今晚係中秋佳節 所以個個都出左去勁好彩，吾洗排隊。燒賣熱辣辣，大大粒，非常彈牙，口感十足，明顯係自家手製燒賣，魚肉軟嫩，魚味都幾重，不過對比其他燒賣，味道比較淡，但說實在，魚肉本身就吾係濃味，如果燒賣好濃味都值得諗下店家加左幾多調味料入去。😋味道：8/10🙃回頭：8.5/10💰消費：$14/7粒

想食宵夜嘅話，來呢到就岩哂啦！深夜總是餓😈呢度開到零晨兩三點㗎!1️⃣魚肉燒賣$13/7 大大粒嘅魚肉燒賣，全部都脹卜卜，好飽滿。老闆仲要係日日即包即製。軟滑的鮮魚肉🐟，啖啖魚肉味，而且唔腥，加上辣油同鼓油，令魚肉的鮮味更加突出。燒賣皮一啲都唔乾身。🙆🏻‍♀️美味指數:7.85/10💡整體來講，宵夜首選，我平時成日特登來呢到食佢嘅燒賣。

馬鞍山恒安街市裝修後，一年前重開，煥然一新。除了賣乾濕貨，還有一條小食街，仲開到零晨兩點， 好適合愛宵夜的人士。其中有一檔朋友大愛，叫三寶皇。 這間店有煎釀三寶，炒麵，腸粉， 是他推介的是這裏的自家製燒賣。燒賣七粒$14燒賣是自家製的，見店員在店外製作燒賣， 不是急凍的那種， 感覺新鮮。這個燒賣煙韌彈牙，不重粉味有魚味。 甜豉油加少許辣椒油， 味道香口。味道不錯，價錢合理。 有機會可以到這裏可以試試。

話說入到恆安街市都幾surprise，已經變身好新潮街市。見到好多唔同嘅小食店，其中一條人龍走唔甩係呢間嘅手工製燒賣，側邊有兩個姐姐係度包緊！見到都感覺出色！黃色皮，一大盤魚肉，勁快手已經包好一粒放落大蒸籠！排隊大概都排左15分鐘到，keep住佢會話燒賣要等蒸幾耐！手包真係幾特別，係出面食唔到嘅感覺！都抵食嘅，$12 7粒！ 如果佢辣椒油出色啲會仲正🤤同行朋友仲叫左煎釀三寶同生炸雞脾！佢話都好味嘅！