三才魚蛋粉麵

Open Now

Now Closed

過咗銅鑼灣逛逛，還未吃午餐，已經是下午茶時間，有點餓，搵地方坐低歇一歇。於渣甸坊裏面搵到間港式地道粉麵店《三才魚蛋》，經過聞到牛腩香噴噴，很吸引呢。店外見到有食客等外賣，為了加快速度，店員會向排隊食客落好單，入內坐低即刻有得食，好有效率。魚蛋魚片拼牛腩河(双併)貪心一點，又想食牛腩又想食魚蛋，香港地双拼好平常。食牛腩一定叫河粉啦，河粉掛滿腩汁，非常滋味，牛腩入味，炆得好淋。魚蛋彈牙有驚喜，魚片炸香也是值得一試。下午茶優惠，送油菜或魚皮或熱飲，任揀一款，選擇了腐乳通菜，份量都唔細，剛剛好。之後有點後悔應該叫魚皮，有好多食客都鍾意吃魚皮，好快賣曬。另外加$7叫杯凍飲，凍檸茶。好多街坊都幫襯，常常見到熟客入內點外賣，大家有傾有講，氣氛融洽。

一直在銅鑼灣也能難找到平靚正之選，意外發現這裏有一間魚蛋粉麵檔價錢合理而且發現是黃店便決定支持一下。因為很久沒有吃撈麵，所以來了一個牛筋腩撈粗。牛筋牛腩也很冧身，喜歡清淡一點的朋友可以跟店家說少蠔油或走蠔油店家很細心，撈麵也會附上清湯分量十足沒有想過撈麵也能吃得那麼豐富作為健康新人類當然也要吃一點蔬菜啦，這裏的郊外油菜，並不會在外面的魚蛋粉麵檔一樣，只得三四棵這裏的份量十足好像吃一盒菜也能吃得很飽一樣而且亦點了一個泰式鳳爪因為沒有骨所以吃得很滋味泰式鳳爪很惹味，簡直停不了口下次一定要再試他們其他小吃和手打魚蛋

週末放假特登冒名💛而來，揀咗冇乜人嘅下午茶3點左右黎到。雖然唔使等位，但都已經坐無虛席。我遲多步黎都要等位啊～我哋叫了一碗魚蛋魚片頭河，另一碗牛腩粗。魚蛋入口有質感彈牙，非常重魚味，正～好似未食過有魚蛋咁重魚味🥰魚片頭不過不失，牛腩就比較實身，粗麵冇皂水味而且軟硬適中。另外每碗粉麵都會有蔥同熟蒜，會令成碗非常香口！不過如果唔食蒜就記得要落單講聲！最後，我絕對會為魚蛋再返黎～註：下午茶時段送油菜或熱飲，抵～

地點超方便，地鐵F出口渣甸坊內銅鑼灣鬧市中的人情味麵店😍❤️第一次光顧，發現老闆溫柔得來帶點熱情，很有人情味的感覺，熟悉顧客口味，現今香港罕見下午茶時段買任何粉面都會送油菜一份/魚皮一份/熱飲一杯！好抵食！📍牛肚粗麵$33+金錢肚$10+轉撈麵$10轉撈麵份量再多啲，粗麵爽滑彈牙，腩汁超級香濃，配上鮮味蠔油，撈麵有100分！金錢肚質素很好，惹味無比，濃郁入味，煙銀爽滑！完全冇渣！呢個組合有101分📍淨雲吞$28雲吞麵或者淨雲吞都係一樣價錢，今日想食多啲餸，叫左淨雲吞。一客6大粒，雲吞質素幾好，粒粒都有鮮蝦，蝦膠和豬肉香，混入蝦子的濃郁香味！📍腐乳通菜（$0）鹹香腐乳，爽脆通菜，最緊要是免費的！

前幾日收工想食清淡少少 經過見到呢間粉麵店 見佢價錢都幾實惠 望入去舖頭乾淨企理 就決定入去醫肚喇！（之後同係銅鑼灣做野既朋友講開 原來三才粉麵好出名嫁！我真係有眼不識泰山！）叫咗個紫菜四寶米、蠔油生菜同埋杯凍檸樂蠔油生菜：生菜好新鮮好爽口 食落「索索」聲！紫菜四寶米：四寶即係魚皮餃、魚蛋、豬肉丸同埋貢丸魚皮餃唔錯 聽講佢地自設工場 品質好有保證個餃皮煙煙韌韌咁 又有陣陣魚既鮮味 正！豬肉丸夠爽口彈牙 而且豬有豬味聽講呢度既魚蛋好出名 好多人會專登買返屋企打邊爐 食得出魚蛋好新鮮 而且既可口又彈牙 真心正！鍾意食辣嘅朋友一定要試吓佢地既秘製辣椒油 好香好惹味 用黎配粉麵黎食簡直一流！佢地仲榮獲2018年度OpenRice 最優秀開飯粥粉麵店添呀！ 有OpenRice加持 信心既保證！呢度既食物新鮮高質 而且價錢相宜 下次去開附近做野一定會再食多次呀！

今日要去銅鑼灣攞月餅，行過”銅鑼灣女人街”，見到哩間小店，就入去試吓。呢度都算幾隱蔽，入去量完體溫就坐低咗，呢度選擇都算多，我本來叫咗牛腩牛雜河粉，點知太好賣了，河粉米線都賣晒，最後叫咗牛腩牛雜米(少米)，另外加多個炸魚皮。牛膀：唔會太實太乾牛肚：軟嫩彈牙，微微爽口牛腸：乾淨，少少油脂，油香一流牛腩：好淋又入味炸魚皮：好脆，唔係超薄嗰隻，所以有口感，浸湯食剛剛好佢個湯頭同平時食嘅腩汁湯底有d唔同，但係我好喜歡，食到最後，幾乎飲晒個湯😌😌。

Dumplings Feast 🥟 專程來吃餃子餐—————Went just for the dumplings, guess I had way too high expectations 🙈 Quality was average and I probably wouldn’t go again.西洋菜餃、韭菜較、米粉。西洋菜餃、墨魚蝦條、幼麵餃子皮又滑又薄，餡料豐富，是不錯的餃子。米粉、幼麵質感也不錯。不過整體有點太鹹，墨魚蝦條特別鹹，感覺有味精味（可能只是口味較濃，我不習慣）。晚飯時間要排隊，好多熟客，價錢亦都真係非常親民，不過我未必會再專登去食。🙈

星期二，七點鐘喺銅鑼灣做完Facial，向着渣甸坊周圍行諗緊食咩嘅時候，就見到呢間三才魚蛋粉麵店，諗起好耐冇食魚蛋粉一於入去食啦。雖然舖頭細細，但係好整潔好光猛，一啲都唔似舊式嘅粉麵店咁污糟，而且門口有部探熱器，食客就可以自助探熱啦，好方便。因為太耐冇食粉麵，搞到樣樣都想食。最後揀咗水餃拼牛腩米，炸魚皮，凍奶茶少甜少冰。所有食物到齊先感覺到事態嚴重，因為每樣食物嘅份量都好多，我驚自己食唔晒，水餃大大隻，好足料，一咬落去仲食到好大粒又爽脆既蝦仁。牛腩份量又係好多，每件牛腩都炆得好軟淋淋，又夠入味，唔錯唔錯。炸魚皮仲大大塊添。又新鮮，乾身同脆卜卜，唔會油淋淋同唔會有一大陣油益味，調味又啱啱好，浸湯食或者就咁食都得！至於個奶茶方面都有茶餐廳嘅水準，即使少甜都唔會好甜啱晒我口味，又夠大杯！總括來講，如果你嚟銅鑼灣，想食魚蛋粉，呢間真係值得推介，性價比高。我相信連男士都好夠食呀。

最近疫情冇咁緊張終於的起心肝帶金仔去寵物店沖涼剪毛毛不過始終唔可以掉以輕心沖完涼都係決定買外賣返屋企食繁囂嘅銅鑼灣喺渣甸坊小巷選擇咗呢一間三才魚蛋粉麵雖然店舖內唔算好大但係環境好乾淨而且仲有個自助體溫器伸隻手埋去就可以探測非常方便而且安心由點餐到拎得十分之快點左牛筋河粉同埋墨魚蝦條河粉除咗外賣會貼心分湯返到屋企個湯仲係熱辣辣河粉軟滑有口感之外牛筋好彈牙好有嚼勁肉質好鮮嫩筋與 肉 之間又唔會痴牙墨魚蝦條亦都好爽口咬落去每一啖都充滿QQ口感加埋自家製辣油香辣之餘唔會麻都冇晒知覺辣度剛剛好加埋花生碎 更加豐富口感香口又唔會太鹹最後點咗兩杯餐飲雖然只係普通嘅凍檸茶同凍奶茶冇諗過會咁好飲奶味超香濃而且口感順滑檸茶甜度剛剛好解渴一流比起一般餐廳嘩眾取寵嘅特飲傳統飲品反而最令人回味整體來講好有質素嘅外賣無論係自取速度快餐廳整潔令人放心食物質素同溫度控制都令我覺得值得推介

天氣熱唔想食飯，就想簡單食粉面一餐。因為疫症的關係，我地就選擇了外賣返屋企慢慢嘆。外賣一d都唔馬虎，湯是分開裝，唔會浸到粉淋曬，仲配有炸蒜、蔥菜、醋同辣椒油，值得一贊。三餸魚蛋魚片河魚蛋魚片爽滑，feel到真材實料魚肉做，有魚肉質感，唔會腥。白魚蛋滑身d，炸魚蛋香口d，魚片厚度啱啱好。河粉滑溜，湯加入炸蒜、蔥菜惹味不少。雙拼撈面選了牛根拼墨魚蝦條，牛根分量足，炆得淋滑，滿滿骨膠原，綿綿的口感。墨魚蝦條有湯分開裝的，墨魚蝦條真材實料，有粒粒墨魚肉和蝦肉，用腐皮包著，好好味。面爽口，蠔油加上炸蒜令撈面香口惹味。另外我們還買了一包炸魚皮做零食， 15蚊一包，魚皮大大塊，卜卜脆，炸粉唔厚，有魚香唔腥，調味剛好唔會有太咸。

🥈銅鑼灣抵食💛💛粉麵.💛💛粉麵店真係好少見，導致老人家我都好耐冇食過魚蛋粉😂呢間野幾年前食過😝今日帶埋波波再去一試☺️.個名叫得魚蛋粉就梗係要食魚蛋啦🤣🤣魚蛋、魚片、片頭都好彈牙但老人家我腥味敏感就覺得略微有點腥🙈波波話係魚味黎😝炸魚皮就大大塊但今次又差少少未去到100%脆😂大概係95%脆啦😝波波就覺得兩樣野都唔錯❤️仲叫左佢鐘意既西洋菜餃，大大粒脹卜卜😋呢款餃出面就比較少見，唔知係唔係因為西洋菜太難洗既關係呢😆呢度仲有泰式同白雲無骨鳳爪🤤軟硬度岩晒冇牙既我呀😍.真係要講番呢度既叔叔員工好nice ，雖然個樣好惡🤫但好有人情味❤️見到我地拎住電腦袋、手袋、背囊主動比櫈我地放，好感動☺️

今日喺銅鑼灣返工，午餐同同事一齊叫外賣，嚟到呢間粉面店，我們點左一個蝦條炸旦河，牛雜麵，仲有一個牛筋撈粗，拎到返公司仲熱辣辣，湯同面分開。我點既牛筋撈粗十分好味，粗麵軟硬度剛剛好再加埋撈麵汁唔會好鹹，係大熱天時唔想食湯麵，撈麵就係最好嘅選擇。啲牛筋好多好多，軟林林，一咬啲肉汁必晒出嚟，整得好好食。同事嘅牛雜麵麵底十分多，牛雜都好入味，煮得啱啱好唔會硬。不得不提的是另一位朋友嘅炸彈墨魚蝦條河粉！充滿墨魚味，好出色，平時出邊比較少見，炸魚旦都好彈牙。後來先知道原來這是一間黃店，店主十分有心，而且他家的丸類都是自家手打製造，湯水都是特別烹調的，比起其他店入味呢。最後不得不提的是，這家店在銅鑼灣鬧市中，但價錢只在$3-40元左右，好抵食呢。

今時今日喺銅鑼灣,食餐飯閑閑哋都要$60以上。呢排疫情收入大減,去呢間黃店食就最好不過,隨時$30就走到!。。🔘 魚蛋韭菜餃麵 | $36評分: 🌕🌕🌕🌕🌑評語: 粉麵舖主打自家手打魚蛋同自包韭菜餃,我就貪心d嚟個雙拼,一次試晒兩個招牌菜。魚蛋好彈牙,食落就知唔係街巿批發貨,韭菜餃比較細隻但好足料,啖啖都係韭菜,唔係只得肥豬肉。配合埋佢哋自家嘅葱、炸蒜同冬菜會有更加豐富口感同味道層次。。。🔘 牛腩麵 | $33評分: 🌕🌕🌕🌑🌑評語: 牛腩有少少失色,食落唔硬口但都不是特別淋,但好在味道搭救。。。🔻位於後巷位置,比較隱蔽🔻黃店👍🏼🔻平靚正推介指數:⭐️⭐️⭐️

依家想$50以下食一餐有質素嘅午餐真係唔易，尤其是香港島商業區，打工仔想食得平真係一啲都唔易。今日第一次試用OpenRice 自取外賣，超級方便，推廣期內首次試用買滿$40　即減$20。三才魚蛋粉職員服務態度好，即使我1點正落單，見到佢哋門口企滿晒人，5分鐘內已經有得攞，服務員仲好細心問我要唔要餐具、蒜頭、辣椒油同醋10分細心。我嗌嘅係魚蛋粉，魚蛋同魚片非常高質素，味道一流，份量亦好夠食。最重要係碗內已經包埋生菜正！

這天剛好到達了銅鑼灣， 和朋友吃飯， 餐廳位於銅鑼灣地鐵站的附近， 路程只需要五分鐘左右， 十分方便快捷。我們的時間剛好是午市時間，所以人流十分多， 我和朋友商討過後， 我們決定 在餐廳購買外賣自取， 然後找一個 優質的環境進餐。我點選的就是牛腩撈麵， 本來這個選擇就不會有伏， 當然更期待的就是會有驚喜。 分量方面， 比一般的魚蛋粉大， 但我最欣賞的 是當中的牛腩 ，經歷過時間的煎熬，味道更佳。 附送的大地魚湯， 更是 美味的來源， 用料十足， 味道認真。