上海真美豆漿大王

Open Now

Now Closed

今日老婆想食上海野，平時去開新蒲崗的豆漿大王，今次試下呢間上海真美豆漿大王。我叫了熱豆漿加蛋，粢飯。先喝熱豆漿加蛋，好淡，冇咩豆味，加了蛋沒特別。粢飯方面，正常一般味道，普通。唔會覺得好味到念念不忘。

這食店已經營多年了，一直都沒甚裝修，依然是普通食店格局，地板破舊得有點簡陋，不過整體尚算整潔。餈飯 $16當年餈飯仍然賣個位價錢，時至今天已賣$16。不過，不變的是瓷飯的味道。飯軟身不硬，內裡有肉鬆、榨菜及油炸鬼，配搭比例不錯，一啖咬落去，鬆軟好味。擔擔麵 $30稍嫌“乾爭爭”沒有湯水，麵身不算煙韌，肉碎味道不錯。不過就沒有我喜歡的花生醬在內，不夠惹味。光顧多年，餈飯仍是我心水之選，叫埋熱豆漿真是絕佳拍擋。

一直以黎都好鍾意食餈飯同飲豆腐呢間將軍澳既小店已係呢區屹立多年佢既餈飯同熱豆腐真係無敵😍上次夜晚經過開就決定將早餐變成晚餐食左好多野都只係幾十蚊平靚正餈飯入面有大大條油炸鬼仲有好多肉鬆同榨菜🤤一早整定可惜即整既要加錢如果唔係油炸鬼應該會更香更好食熱豆漿超有豆香甜度又剛好佢會自動幫你落糖但都唔會話太甜想走甜既就要一早出聲啦煎豆腐又係不敗既小食豆腐上會釀左豬肉碎豆腐唔係滑身個隻煎得好香口可惜肉碎醃料味道有啲奇怪唔夠飽仲叫左個上海排骨泡飯佢呢度既泡飯係甜甜地而且有大量雪菜排骨就炸得香脆可惜略為乾身整體豆漿餈飯係必叫items其他就隨個人喜好

Went here for some food.This is a popular local joint.Tried the fried dough sticks which come in sliced.They were quite hard and stale but the frying oil was still quite fresh.The savoury tofu soup was a bit disappointing because it was quite salty

放假約了好友行山！在寶琳出發，在附近搵咗呢間上海小店食早餐（實在食厭了港式早餐）搵咗呢間，去到商場外圍地舖，門面簡單白底紅字，入內光猛，桌椅簡單茶餐廳格局！店內無乜客人，我等埋朋友先落單！食物都以硬膠碟裝！好平實！熱豆漿（$8）豆漿夠熱，味道微甜，而且好濃香豆味！正！鹹豆漿（$14）朋友飲，佢話豆漿濃，但配料蝦米嗰啲唔夠多！一般栥飯（$16）我喜歡栥飯，可惜呢個係失望嘅，糯米已經濕咗，唔夠乾身，油炸鬼炸唔透，入面啲粉未熟，好實唔鬆化，榨菜碎太甜，肉鬆又太甜，無咗鹹香嘅感覺！失望！鹵水蛋豆腐（$28）熟蛋切半，但太熟所以太實，鹵水味又唔入味！蛋白硬蛋黃粉，炸豆腐大塊，入面仲嫩，索晒啲微鹹鹵水汁，好味！鹵水汁夠濃微鹹，好味！酸辣湯雲吞（$32）酸辣湯夠味，微辣酸，配料夠但湯太浠，較水汪汪，雲吞皮滑，但餡料嘅肉碎質地好差，係啲急凍肉太趕解凍，啲肉汁已流失，加大量胡椒粉想蓋住啲雪味！差！只係食到胡椒味！店員姨姨幾親切，唔會催促，落單好快上晒菜！食物除了豆漿，其他都唔好味！

難得去開寶琳，梗係要嚟食一食傳統嘅鹹豆漿啦，香港真係所剩無己，真正嘅咸豆漿唔係間間識做。今日嚟下午茶，下午茶餐入邊冇得揀鹹豆漿，所以唯有分開叫咗一碗，同埋一件粢飯。鹹豆漿＄14，粢飯＄16等左3分鐘到，兩樣一齊來晒。鹹豆漿依舊好味，材料充足，放左一陣，夾左少少，更加好食。粢飯好似細粒咗啲，但係難得油炸鬼仲係脆嘅，掛住玩電話冇睇佢係咪即包添。間唔時食一次，其實都OK。不過價錢可以接受啦。 有機會就要食多啲。

每次嚟上海真美豆漿大王, 無論朝早定夜晚我必定會嗌粢飯 ($16) share.粢飯來來去去都係油炸鬼、榨菜、肉鬆呢啲配料, 唔知點解係呢間覺得特別好食, 同埋好抵食!  對我嚟講, 肉鬆係粢飯嘅精粹, 所以每次必定加錢多肉鬆. 肉鬆係多到跌出嚟㗎!另一個會點嘅食物就係酸辣雲吞麵 ($34), 酸辣湯材料有豆腐、豬紅、豬皮... 啲麵吸哂酸酸辣辣嘅湯底好開胃, 仲配埋3粒大雲吞.  想casual食一餐就會揀呢度!

自從兩個月前，在新蒲崗工廠區試食過「豆漿X王」的凍豆漿跟美味粢飯後，一直對豆漿和粢飯念念不忘。後來我在將軍澳的新都城發現「上海真美豆漿大王」，後面四個字跟新蒲崗的「豆漿X王」一模一樣，不知道兩者豆漿的味道是否一樣？上次在「豆漿X王」的經驗本來教曉我，飲豆漿當然是配粢飯，我還以為我今次會學懂，結果今次還是有點事與願違。我在店外看他們的「下午茶餐」，但是怎樣也找不到粢飯在哪裡，到最還是被迫放棄吃粢飯。不知道是什麼原因，在神推鬼㧬下驅使我這樣做。沒有了粢飯，今次竟然選擇了「牛肉麵」當配搭菜式。後來在店內，看着落單紙，我發現他們的粢飯還是只能單點，沒有套餐可以配粢飯，我又上了寶貴的一堂課。此外，礙於當時我喉嚨氣管仍然多痰敏感，還未能喝冰冷飲品，所以一時衝動之下竟然選了配熱豆漿，而沒有點凍豆漿。結果點菜後不久，牛肉麵跟熱豆漿約十分鐘後便上檯，牛肉麵的碗屬於中至大的膠碗，面頭鋪着大約五塊牛。至於熱豆漿也是用中至大膠碗裝載着，牛肉麵跟熱豆漿分別平排放在我的面前。跟平常會吃的台灣牛肉麵有點不同，上海風格的牛肉麵麵條比較粗，吸水能力甚強，口感亦比較韌，比較耐嚼。牛算是煮得很軟腍，跟大角咀「士X棧」的

早餐去左食酸辣湯淨水餃，加杯凍豆漿，一共40元正酸辣湯幾多料，有豆腐，木耳，豬皮，腐皮碎，同埋好似辣椒醬味嘅湯底，比較浠，辣度正常唔會好辣水餃幾大隻，有4隻，餡有韮菜，胡椒粉味重食完好飽老鋪風味，不時會有人叫佢好出名嘅痴飯食過就ok la, 因為我唔係好鐘意食飯，佢算多餡同新鮮

黎開寶琳剪頭髮，時間尚早，搵個地方食早餐見呢間幾多人，一於試下早餐款色都唔少，叫左個上海雲吞面，仲有一餐午餐肉一剪蛋，同豆漿熱豆漿好有豆味，唔會好稀，暖暖地，好大碗，仲唔洗加錢上海雲吞有三大粒，上海面煮得啱啱好，唔會浸到糊晒，仲有自家做既雪菜，好味餐肉都煎得好香，係熱既，唔會凍晒重點，呢個餐只係$30，抵食又好食，好過食茶餐廳

經過寶琳求其食啲野，見到呢間平平地入左去！酸辣湯餃子啲色紅到有啲恐怖，料多，不過豬皮清得麻麻，扣好多分，味道還可以。餃子大大粒，作為主食份量唔錯仲叫咗個煎菜肉包，啲肉少到可憐。整體來講呢間野唔推薦！

小編本身住喺將軍澳，但係都比較少特登去呢度開餐。因為對於小編黎講，由蝸居行過黎，都要行15-20分鐘先到。。。呢度唔算易搵，雖然都算近地鐵站，但由寶琳站行過去都要少少時間，何妨我住嗰度，都唔係連接住地鐵站添。。。但呢間野真係開左好多年，算係老字號。而且佢啲水準咁多年都KEEP得好。呢日一早起身，唔想又食火腿通，沙嗲牛，肉丁麵呀呢啲ABC餐。。。於是抆埋兩位老人家行多兩步過黎飲杯熱豆漿，食番幾舊油炸鬼~~裡面環境算係幾大，唔會太迫。但係可能都係一朝早，食客唔算多，而食嘅都以街坊居多。佢剩係早餐都好多選擇，小編每次黎到都要少少時間諗一諗。。。(利申 : 小編係有嚴重嘅選擇困難症)每次黎到，都一定會唔小心叫多左"少少"小食，結果。。。咪眼闊肚窄囉~~但因為真係好好食，次次都忍唔住嗌多左"少少"。。。研究完一輪，終於嗌到喇~~落單方法都好簡單，你叫咩，佢幫你劃咩。埋單時攞住呢張單俾錢就得架喇~~通常都唔洗等好耐，就算係繁忙時段，啲野都算黎得快。每次都必點嘅油炸鬼。次次都同一個感覺，就係又熱又脆口，永冇失手~正呀!!呢個油豆腐麵，係媽媽嘅其中一個至愛。佢最鍾意個湯夠清，唔會濃，而且食完都唔會口乾

上海真美豆漿大王位於將軍澳寶林，突然想飲豆漿，黎到呢間普普通通既街坊小店，餐牌款式很多，有多款下午茶餐，叫左一碗熱咸同一碗熱甜豆漿，咸豆漿上枱熱騰騰的，豆漿有蔥有小塊油炸鬼，淡淡香香的豆味，不是太咸，飲進胃𥚃暖暖和和的。甜豆漿味道清清甜甜，豆味濃郁。另外，跟餐點了一籠四隻小籠包子及一碟四隻煎鍋貼，小籠包較失色，未夾起來已經穿了，包子內剩有不多湯汁，但入口都是熱騰騰的，味道還可以，包子皮反而有點厚厚的感覺。而鍋貼賣相不太美觀，但味道不錯，餡料不是太多，但肉汁都濃郁可口，整體價錢合理，味道不錯！

係將軍澳新都城中心行街，行到攰了就諗住隨便搵間舖頭坐底抖抖，順便食東西。終於見到間上海真美豆漿大王，即入啦！叫得豆漿大王，我梗係醒目叫碗熱豆漿先，再加碗榨菜肉絲上海麵啦！舖頭果然無改錯名，豆漿都充滿濃郁嘅大豆香味，甜而不膩，稀稠適中，份量都好大碗tim，美道剛好！至於個榨菜肉絲麵就一般，不太喜歡麵帶甜味，較喜歡吃咸麵多點，但麵質口感不錯，相對有咬口，可以一試的！

約了朋友到將軍澳逛街，我哋行到很攰！諗住隨隨便便揾間舖頭坐下，順便食點東西。舖頭叫豆醬大王，我諗一定要試下佢哋 d 豆醬先得！一飲落去，豆醬充滿濃郁既大豆味道，甜而不膩！稀稠適中！我仲叫咗一碗榨菜肉絲麵，可惜有點失望！麵既味扁甜！但麵條質感幼滑！肉絲尚可！