串噹噹

Open Now

Now Closed

睇電視見到好似好好食所以黎淺嚐 總括係小失望首先讚下個服務好好 驚我地等得耐 有請我地食野 服務員都好有心好食： 叫左個$40臭豆腐 （3小舊）- 小貴但都好食雞中翼 $12 （2） - 有味 好食菠蘿 - 燒得香甜麻麻：$38肉碎燒矮瓜 - 有小小蒸熟嘅感覺 有d濕 調味料太輕手 食緊矮瓜原味燒尖椒 - 切開入面水浸 淋但無味道牛肉 - 似沙嗲牛肉麵入面啲牛 唔係對得住個價錢其他蔬菜燒 - 都係無咩燒烤感覺 +味道清淡

早前上網睇片介紹過，見到喺哥哥屋企附近就去左買碗鑽石蜆上去俾佢食，由於前幾次去都冇留意開舖時間。今日提前經WhatsApp 查詢左餐牌上鑽石蜆/刀貝嘅意思。原來係會視乎當日有邊款貨靚。咁今晚就有鑽石蜆。老闆娘仲主動話俾我知一碟有成兩斤咁多，足夠我地一家三口嘗鮮。至於湯底呢，清甜有黑椒香味但唔辣，因為我唔食得辣。蜆肉飽滿又冇沙。就連家中長輩都話唔咸，又唔會有碎殼。服務方面，其實由溝通到店時都係老闆娘請自招待，當然係一流冇得彈啦。天時暑熱我俾完外錢錢想轉身行出舖外等，仲叫我坐喺店內等外賣，唔駛咁熱，好窩心！下次同朋友黎試下堂食先。

真心覺得啲串燒冇得輸! 新鮮整，熱辣辣，調味又正，種類仲好多！就算唔係食肉獸，鍾意菜嘅朋友都好多選擇。尤其係非常好食嘅雞全翼， HK$20就有三隻❤️CP極高!!我自己成日都掛住食搞到影唔晒啲野食相😅切得超薄嘅墨魚頭好有驚喜，點埋解辣一齊食好過癮油鹽水大蜆都好鮮甜，洗得好乾淨同冇沙，值得讚好推介d鍾意食串燒或者黃金南瓜/蝦嘅朋友嚟!另外佢嘅小炒(例如炒四季豆)同避風塘軟殼蟹都做得好出色! 飲品選擇繁多，其中花果元香港製造嘅果汁真係飲到我心心眼老闆娘超友善如果有時間唔趕可以慢慢坐低食嘅，真係建議可以一大班friend嚟開心大快朵頤

由大學開始已經食緊串噹噹，當時佢仲係巷仔，老闆娘超好人，成日請我地飲野/食雞翼。去到後來畢左業都少左返去食，佢地連舖位都搬埋，直到最近被傳媒報道，就更加一位難求，不過都開心既，佢地值得更好生意！食左咁多年，最鐘意食既都係佢地既麻辣燙，食串噹噹一定要食辣，就算唔食得辣，都唔好叫清湯，叫BB辣！佢既辣係好獨特好香，不過有時食太辣第二日會屁股開花😭特別推薦雞肉（大推），溏心蛋，豬心，腩肉！講真呢個價錢真係抵到爛！（隱藏menu: 可以辣麵走湯，變撈麵，好好食但好辣😂）

好耐無嚟食過，就同同事嚟食下，記得有生啤，可以坐下傾吓計~叫了水煮牛，好食好大碟，仲有個京蔥豚肉必食，同事喜出望外！再有叫串燒，實在太飽~要打包！最後廚師仲要問我哋做咩食唔晒，有咩可改進，其實得兩個女仔，咁大碟好難食得晒~好滿意的一餐！

所有嘢都係普通味道甚至乎屋企都整到仲要所有份量少價錢貴1000個伏完全未試過餐飯都未食完就開始打食評首先招牌辣魷魚個魷魚係80再加一Pat唔辣嘅辣椒醬就算數然後所謂嘅馳名臭豆腐就係普通叫貨豆腐唔臭唔香唔好食得三舊細細舊就完咗😁韭菜花得嗰幾條 京蔥豚肉卷都係冇味得個茄子叫做正常少少 雞軟骨都係好少好細粒

串噹噹本身以串燒做招徠，主打晚市堂食無奈政府再次停晚市堂食，對餐廳打擊都幾大停晚市堂食後依家有午餐食，有五款揀韓式炆牛肋條飯送熱飲 $50幾靚仔喎，牛肋條份量都算ok，每一舊都好完整size都差唔多，炆得夠淋同入味，甜甜辣辣好惹味，食下食下會唔小心食咗好多飯最驚喜同值得讚係有好多配菜，給紅蘿蔔粟米仔草菇脆肉瓜，好健康店員話午餐時段無串燒，但其他炒野炸嘢都有得嗌隔離枱嗌左避風塘茄子真係好香好吸引翻兜指數:3.5/5

考驗耐性嘅串燒好日唔去紅磡食飯，揀左呢間串燒，落單時服務員事先聲明因為外賣單多堂食串燒需等等30-45分鐘，OK，即燒串燒都明嘅。時光飛逝，45分鐘過去，獲得雞全翼4隻（買3送1），Size正常，肉質都仲嫩。又15分鐘後獲得原隻燒茄子，調味還好，但缺䓤花。由落單至今已70分鐘，再獲得四季豆及翠肉瓜。嘩！翠玉瓜有兩片咁多，真係多謝。本人耐性已到極限，要求取消餘下訂單，服務員都配合取消，最終消費$86獲得一肚氣，飽晒。一間有堂食嘅餐廳俾堂食嘅人無限等待，先招呼外賣單，真係大開眼界。

等候時間超耐，價錢又貴，份量又少，服務員態度又唔理想，環境又唔係特別好，我由八點等左兩個鐘，服務員先送曬所有食物過來，除了食物味道ok之外，真係無一個可以下次再耐的理由。我個人無可能俾正評，反正評價差。我承認當年服務質素和食物等等各方面評價都ok，但現在突然退步，簡直可以使用退步神速來形容。從來未見過這麼慢上菜的餐廳，我來這個餐廳簡直受罪，不來這個餐廳才是非常明智的選擇，來這個餐廳等於殘酷對待自己。

朋友推介嚟食呢一間串燒嘅雞屁股！自己本身唔太好呢味嘢不過見係串燒都嚟試吓等候嘅時間可以話係非常之漫長同埋好多時啲嘢食已經冇又冇同我哋講點餐紙亦都冇寫清楚每一項式物嘅份量多人叫嘅時候真係有啲難叫因為預唔到每一碟雖然好平但份量亦都唔多要再補叫嘅話又要再等好耐相反大大碟嘅嘢就都算唔錯啦封門柳同埋聖子係我個人最鍾意其他都冇乜特別串燒來講我覺得有更多好嘅選擇呢區亦都唔算太方便應該冇乜機會再嚟了至於雞pat pat以未食過嘅人嚟講我覺得都ok燒得酥脆但又唔腥但口感就唔識欣賞🤣翻啅指數：💛💛好味指數：💛💛💛服務態度：💛💛💛💛（老闆娘超級忙但都仲記得得閒問吓我哋啲嘢到未算係咁了）

有兩層的小店，串燒選擇不多等候時間頗長，第二輪點的食物等待了超過45分鐘食物質素一般，價錢梳宜◭避風塘茄子 $78 🅙🅙🅙🅙/5最欣賞這道茄子，配以炸蒜跟辣椒，非常惹味◭黑椒封門柳 🅙🅙🅙/5◭燒金菠蘿 $28 🅙🅙🅙/5◭燒雞全翼 $12 🅙🅙🅙🅙/5⚎⚎⚎Recommendation 🅙🅙🅙/5⚍⚍⚍

真係差到相都影唔落我第一次係人地open rice下面留言，仲要係負評。真係冇試過咁嬲，入到去落單等左一個鐘啲野食都未到，完全吾會有一個個服務員覺得我果張枱無野食好奇怪。後尾過左成個鐘經過先話幫我睇下張單。餓左成日又等左咁耐，野食黎到都完全無胃口，豬爽肉又燒到燶哂。我以為自己放緊舊炭落口，最後都係冇勇氣食就埋單走人。好同意樓下既留言，除非你有好多時間等，啊，唔係，有時間都唔會等。係紅磡，串燒有好多選擇。

先唔講味道，淨係等都等左成個幾鐘。當日淨係叫左啲串燒，講真你燒一燒要幾耐，我8點半落單，9點幾先話幫我地睇一睇，睇完就即刻到左，姐係根本唔係唔得閒，亦都唔洗燒咁耐啦，黎左啲野食仲要人催差邊幾件。到啲野食黎左，唔知道係等得太耐無曬癮定真係好難食，食左幾啖都唔想再食落去，最後8點幾食到10點，中間有一半時間都係等緊，本身仲諗住叫住先之後再加單，但見佢等咁耐單都唔想加，未食就想即刻走。如果要揀串燒舖，依間一定唔會係首選亦都唔會再去！

呢間紅磡串燒店，係為無休止，永遠都咁多人等住食！星期五嘅晚上8:30去到，因為店舖有樓上位，叫做坐得入！叫咗大概$400串燒，兩個人食，份量真係好多好多，最後差少少食唔晒！我最鍾意嘅雞全翼買三送一，真係太抵，$12集，$36就有四隻！但係太抵，所以全部售罄🙈！因為串燒要等九個字，所以就叫咗碗麻辣紅薯粉頂住肚先，紅薯粉好一般，同其他米線譜差唔多！主打串燒好好食！小辣應該會好好多，我地一律叫左BB辣，唔太夠喉！偏淡辣！ (平時我食開譚仔10小，就覺得啱啱好)推薦一定要食雞翼，同埋雞軟骨，好juicy！仲有燒菠蘿，好甜，好開胃！

重點1: 服務態度好如果想試就記得book咗先！不過walk in嘅話，門口嘅姐姐都會好有禮貌，又好有記性記得到邊個，冇籌都唔緊要😬 重點2: 有水準嘅串燒加食物唔止叫咗串燒，仲叫咗避風塘軟殼蟹再叫多咗個麻辣麵！ 樣樣都好正！ 最推介軟殼蟹，入味又啖啖肉！ 通常呢啲都係得啲炸粉 唔多肉質，但呢個係大大件得嚟，軟殼蟹入面好多肉， 啲肉質更加係有咬口，唔會霉！😍😍😍仲有個麵，$40 有找又有麵又有餸😍 味道岩岩好，好刺激😜😜最後仲叫咗其他串燒