串皇 (Closed)

元朗區不乏街頭小吃，突然想起在這附近有食店售賣惹味的串燒，它就在又新街…起初以為售賣特式沙嗲串燒的食店已經結業了，放眼一看，原來只是搬遷至旁邊＂隔幾間＂的舖位，而且是與另一間售賣＂中式飽點的小店＂共用一空間，而各自經營著，真的佩服香港食店的＂求生＂能力。為著節省時間，小店的所有串燒也是預早燒烤至七成熟左右，直至客人點選，才完成燒烤程序。而我點選了＂司華力腸丶豬頸肉串丶豬肉串丶煙肉腸串及牛肉串＂(全走辣）（店家的特式沙嗲醬，可以揀選辣度）。一直在旁邊看著店員不斷番動烤串，調整燒烤的火喉，大約等候了七至八分鐘，食物包裹好，遞到我手裡。司華力腸＄15，司華力腸只是預製肉串，味道正常，外皮略嫌烤得不夠香脆。豬頸肉串＄15，豬頸肉是橙紅色的，咬一口，爽口味美，只是旁邊的部份燒焦了一點。豬肉串＄15，豬肉比較厚身而結實，豬肉味一般，味道可以。煙肉腸串＄15，煙肉外層被烤至過份乾燥，香腸鹹味過多，結合一起來吃，口味會過於重。牛柳串＄15，吃一口牛柳，不是薄薄的一串肉，而是厚度十足的滑牛肉，味道鹹香，配上店家的秘製沙嗲汁來吃，是絕佳的配搭，這款最惹味可口。

串皇呢個名我呢個港島人就成日聽，今次終於有機會入元朗試下呢間串燒。串皇門面好細，正係得個姐姐圍住幾個爐係到燒，落單就係門口到落。叫左雞柳、雞腎、雞軟骨、牛舌、豬頸肉。串燒配既係甜甜辣辣既沙爹汁。雞柳係咁多串入面最好食既，份量多，雞肉夠大舊，唔乾身，口感滑，夠juicy。雞腎細細粒，燒到好硬，好乾身，好難咬。雞軟骨味道正常，不過不失，因為雞軟骨好難會難食。牛舌好薄切，好細舊，而且燒到紅紅地色，就咁睇睇唔出係牛舌，咬落好硬，乾身，好難咬。豬頸肉顏色望落係橙色，份量都係偏細份、薄切，而且食落都係燒得太耐，所以好乾身，冇左爽口既口感。總括黎講，五串入面得一串我係覺得好好食，令我覺得串皇咁出名有d名大於實。

由細食到大細細個開始入開元朗都會整返串串皇食，印象中佢好正，而家食返果然冇失望。串皇依然咁多人排隊，一個姐姐負責晒2個爐。而我就叫左雞、牛、腎各一串。等就都幾耐架，大約10分鐘啦，可以去附近鋪頭買個野飲再返黎。等左陣，終於燒好啦，我就當然要姐姐加佢最出名既辣醬啦。一食落口，三串都好juicy唔會過乾，而家佢甜甜地又有炭香，超正！而個靈魂，辣醬，世界級正，辣得好過癮，完全帶出炭燒既香味，點綴晒各款肉類。超正！我最愛係腎，出面燒好難會仲juicy又唔乾，仲要係爽既！燒得真係好出色！整體黎講，雖然3串都要賣40幾蚊，唔算平，但食完一定唔會後悔，好正！

同友人食完飯吹完水，又是搵宵夜時間，想起好耐未係元朗食過串燒，見已經凌晨1點，可選的選擇已不多，就想起又新街串皇。去到排左2個就到我地落柯打，落完柯打，去埋隔離食完燒賣魚蛋，再去賣OK買野飲，番到黎都仲見到我地柯打既野未燒，已經大打拆扣，因為都唔係好多人。。。之後見有枱客走左，我地就坐低等等等，等到啤酒都飲完，我地個5串野先上枱，一咬條司華力腸，真係要俾個，好似未燒完甘，林到無牙都食到，個皮完全唔脆，好失望！友人的雞全翼，還ok，雞腎比較好，最出名既醬汁，如今竟然稀到。。。點都唔點到，唉！總之今晚對串皇好失望，應該短時間不會回頭。全晚只見到兩位識講中文既姐姐在舖，一個負責接柯打、燒、同收錢，一個就清潔倒垃圾。

食完車仔麵，仲想近近地同兩老去食蠔餅，點知要兩點先開，雨粉開始停落嚟，趁時間尚早一於去食串燒先，由教育路行去又新街只係十分鐘腳程，行下睇下最啱幫助消化。串皇之前食過覺得唔算吸引，不過老爸網上睇到為食妹妹介紹雞皮就流晒口水，就算超標都等平日先食得清淡啲喇到達時前面只有一對情侶，揀好食物工作人員會放落隻碟計數，俾完錢就可以等等!食物都係預先燒好，整齊放係鐵架上，直至客人落單再加熱等候期間望清楚，環境都幾污糟，佈滿爐邊既油漬沾上隨風擺柳既灰塵雞皮（$15）上面既脂肪被大火分解，搽上蜜糖再燒，脆得嚟有啲煙韌雞軟骨（$16/2串）冇騷味又唔會乾爭爭都幾好咬牛肉串（$15）大大塊，肉質稔滑串燒唔會燒到鞋颯颯，醬汁甜甜地冇乜沙嗲味，雞皮就食過番尋味，唔會專誠行過但有機會經過都會再幫襯呀！

經過又新街成日會俾美食吸引，因為太多嘢食，今日想食串燒，呀姐話有燒雞皮，當然要食番串啦，因為數量有限成日好快賣哂燒雞皮$15，醬汁可揀辣或者唔辣，雞皮燒到剛好有少少脆太多人介紹過，搞到好多時都要排隊，不過好食 ge 嘢有等下都值得 ge有雞類、牛類、豬類、羊類、海鮮、丸類、蔬菜類......，好多選擇店員又帶髮網、口罩、手套，好以幾注重衛生

一直心心念念的元朗，最期待的就是这家！可惜真的很一般。。肉串中规中矩，可能唯一的亮点就是酱汁！自制的不知道是什么的酱汁真的很有特色，但是不值得大老远特意过来。。串皇左右的烧卖店和豆花店都是这条街的特色，既然来了，就顺着吃一遍吧

所謂「擼串」，如果以內地而言，就是把吃烤串這個動作形象化了，表示大快朵頤地食，毫不在乎形象地食。而「串皇」的串燒，每次經過都忍不住擼上幾串，實在好味。大名鼎鼎的「串皇」在元朗屹立了多年，受到多方雜誌大力推薦。美味的串燒就是在這些炭爐上誕生的！而「串皇」烤串種類繁多，約10-20元一串不等，其中較受歡迎的是其燒雞皮，聽說香而不油，脆而不膩。但我今天沒點燒雞皮，作為食肉獸的我，不大片大片牙撕厚肉，怎麼對得起自己的胃？第一串是烤雞腎，雞腎帶有黑椒味，雞腎很爽口有口感，咬落口索索聲，脆而不硬。第二串是烤雞肉，入口有濃濃咖哩味，雞肉好軟滑，但係冇乜雞味，但不太大問題，都唔預計十蚊一串會係新鮮雞，食串燒最主要都係食香料味！我最鍾意係呢個蜜汁烤豬頸肉，我喜歡豬頸肉的口感，爽口彈牙，而呢個豬頸肉醃得非常入味，入口帶有如叉燒般的蜜香味，但又帶有炭爐火燒出來的焦香，非常好食！如果單純食串皇，不能算很正統地擼串，擼串的精髓在於串燒多而一定要配大口大口啤酒，可惜串皇不能搭個小桌子坐著吃，不然肯定更滋味。但以串燒來說，味道做到了，就是少了點氣氛。

串皇係元朗好出名，今日係元朗掃街梗係唔少得食番兩串。店面唔大，但都算乾淨整齊串燒種類好多，睇到都覺吸引點左三串：豬頸肉、雞腎、雞肉。豬頸肉好爽口，而且腌料好香，有埋炭烤嘅香味，正！雞腎一樣好爽口，而且份量都幾足雞肉好嫩滑，腌得好入味，不過都預左冇咩雞味三串都叫左小辣，夠惹味但又唔會過辣。火候控制得好好，有炭烤香味但唔會乾，而且腌得好入味，送啤酒一定更加正！但食得多就有少少重口味，同埋有少少油膩，所以大家都係適可而止好

雞軟骨$ 8一串 $15 兩串 明明本小姐叫嘅係雞軟骨  啲軟骨得個兩三粒...-_- 又細條 似係食緊啲薄嘅雞肉片包住條竹籖 同埋啲肉好硬好難咬，用黎練牙力就真無得頂 無醬點嘅話真係無謂食... 我食左啖就緊係醒目地交俾個fd試 等佢中下伏 一齊分甘同味～HAHA豬頸肉 $15 唔講唔知原來佢係豬頸肉 平時食開嘅豬頸肉咪燒到啡啡地色又有少少油 令令地好吸引嘅 串皇呢到嘅豬頸肉就醃到橙紅色 好食色素人士必選! 一睇就知道佢落左幾多調味料啦  食落甜甜地 但係好乾 啲肉嚡霎霎咁 烤嘅時間唔夠 所以唔夠火侯 應該有嘅BBQ炭烤味 佢又無 -_- (咁我洗乜幫襯你食串燒??)牛柳 $ 15 相比起雞軟骨同豬頸肉  牛柳賣相已算唔錯 似乎終於係right choice嘞 因為無乜牛味 所以食落係唔會有驚喜嘅  肉質淋身 唔洗大力"齒"開都食到 牛柳算係普普通通放得入口又唔係太難食啦...魷魚鬚 $20 一嗌完諗住個賣相ok 應該唔伏嘞掛 魷魚鬚本身有啲咸味 好煙韌但唔係爽 慢慢食都食到嘅 不過就略嫌貴 廿蚊買幾條鬚....平心而論.... 沙嗲醬夠香辣惹味  食到有花生碎粒 小辣都幾到喉 !!

來到元朗，怎可不到美食雲集的阜財街呢？人氣串燒店當然是必食啦！這串燒店最特別的就是雞皮串燒。雞皮脂肪多，不健康？那你就錯了。這裡的雞皮經老闆特別處理，未加調味料醃雞皮前，老闆會洗乾淨雞皮，用篩子把雞皮上的肪肪擦走，然後才醃。之後大火把雞皮燒到乾身，令肥油溶走！就如圖所見，雞皮薄得如薯片，吃起來卜卜脆，一點也不覺油膩。加入秘製醬汁，香口又惹味！

叫串皇~~是不是很「串」？HA！由靚女好姐妹帶隊，進攻元朗，吃這一檔串燒串皇！ 初去以為未開，原來食好嘢都是要主動！走上前下單，好姐妹叫了差不多每樣一串！ 選擇真多，我們今次人多，每樣吃少少可以吃很多哦~~ 到了！賣相不錯！燒烤，已經預了乾身，最重要是有沒有味，還有香口與否，如果肉類還可以保留鮮味和肉汁，就更一流。有時，本身的調料和用料已經可以決勝負。這一間串燒，除了個牛肉我個人覺得比較乾外(係太乾)，其他都可以啊！而司華力腸有點一般。雞肉我吃到有肉汁，這個有少少意外，最欣賞是多春魚，真是太好味了！推介！ 街頭小吃是香港一大特色，當然在吃之餘，還要保持環境衛生，垃圾記得掉在垃圾桶內哦~~~

太耐無食b仔翼尖，重陽夜晚專程揸車黎元朗，本身串燒只會食隔離檔“薪意”，可惜疑似結業，唯有幫襯隔離檔串皇。排隊第二個，我order 有串魷魚so 一串司華力腸外賣 (前面一個order好多串，包括菠蘿攞走)，老闆收足錢，無記錯係34蚊，我地就企開少少等，離遠咁望，靜靜咁望住等。等咗20分鐘唔對路，連我前面一個order已經完成咗，望住有串燒好既魷魚so 同司華力腸出現，不過係比咗我後面order果位肥仔(即第三個排隊)，我咪等多一陣先催單囉，可能老闆有自己出單既先後次序呢! DLS，點知原來漏單! 老闆問我有無比錢，問我比咗邊個! 真係吹Q脹! 連老闆自己都唔知燒到邊，d 客order 咗幾多串。最好笑既係我睇住個肥仔同條女坐係外面食，明知多咗串司華力腸同魷魚so 唔出聲，陰陰咀笑，仲要食埋囉!!!我係嬲有d 香港人咁唔老實，結果老闆拿拿聲補返單，我就全程企咗40分鐘先有得走囉! 老闆臨尾有話唔好意思，我就算啦，生意多就顧，我order兩串就係咁二敷衍。Ps. 附圖個肥仔，我唔係有心影你，係你自己食食下添汁果陣入咗鏡。老闆，今次你得失咗我呢個客，有負評，仲蝕咗兩串比個肥仔。如果薪意有開

自稱為皇真係無錯，食咗尤魚鬚、牛柳、牛舌各一。尤魚唔會硬掘掘，熟得啱啱好。牛柳肉質比較林，比出面街嗰啲滑。牛舌第一次食，爽口，望落似叉燒，食落有點牛味但唔算太重。至於精髓係佢個汁，真係正。本想再來多round 但因為想掃多一點。結果停口😆

九龍人入元朗真係轉車轉到暈！！主要目的係去下白泥 同埋黎食好野。第一站黎左呢間食串燒， 見到lunchtime好多上班一族都黎幫襯，我地都試下佢咩料先！即叫即燒，雖然冇得坐又熱，但員工都燒得好快。燒雞肉好滑，個醬好香好惹味魷魚好推介！！！好香口！！反而幾受歡迎嘅豬頸肉 我就唔太欣賞，咁重色素但冇味嘅。燒牛柳同燒雞翼就唔錯，可以一試！食得辣嘅朋友不妨試下佢嘅辣汁，食到流汗都抵👍🏼