串Grill 自助燒烤專門店 (廣華街) (Closed)

今日嚟到旺角辦年貨，行完就覺得好肚餓，同老公去到近廣華街一帶搵嘢食，見到呢間串燒又係可以唔使郁手放落爐入邊，等佢慢慢轉就可以食，就入去試一試。入到店舖，鋪面唔算好大，我哋被安排到點最後嘅一個角落，自成一國可以笑大聲啲都唔怕店員亦都有耐性地介紹枱面上嘅設備，例如放串燒差嘅筒，同埋各式各樣嘅調味料，同埋醬汁一開始，有一個頭盤有各式各樣嘅肉類，之後就任你點，選擇都有唔少，呢個價錢有M6和牛食真係好抵，而且佢嘅肉係原汁原味，你可以用枱上嘅調味料按住自己嘅口味而去調味，做到真正嘅DIY估唔到呢個日本甜薯咁好食，食完一次要再叫除咗枱上面嘅醬料，呢間舖頭亦都可以加錢食到生酮嘅醬汁，好啱生同人士去食店家亦都好細心，餐牌上亦都另設一張講解不同食物燒唔同嘅時間飲品方面，有其他舖頭好少有嘅鴻福堂涼茶，啱晒食完串燒可以解熱氣，當然仲唔少得各式各樣嘅汽水啦食完串燒，爭取時間食埋個甜品，係Häagen-Dazs嘅雪糕呀，仲有蜜瓜味，朱古力味，士多啤梨味俾你揀，我就揀咗少有嘅蜜瓜味，正呀！食完甜品就結束左，今日豐富嘅一餐

見到呢間自助串燒店價錢又唔貴，但又可以體驗下自助式燒串燒，就同朋友仔一齊去玩下。入到去見到地方都幾寬敞，張張長枱啱曬成班friend一齊燒一齊食，嗰時鋪頭未見太多人，店員安排左我哋坐最入面嘅枱，剛好喺個收銀後面，有晒私隱度，同friend子吹水又唔會嘈到其他人。店員態度友善，好詳細咁介紹自助串燒嘅玩法同埋佢哋新出嘅生酮醬汁，不過我哋都係揀返最基本嘅醬汁，估唔到佢個泰國魚露同埋韓式甜梨燒烤汁咁惹味，而且仲有提供埋孜然粉辣粉等等。款式種類都有廿種左右，飲品可以隨意攞，仲提供埋串燒需要嘅時間，好貼心。牛肉質素不過不失對得住價錢，豬腩肉多油花，最好味係雞軟骨同豆卜，燒到脆卜卜🤤🤤，菠蘿翠玉瓜車厘茄好juicy好甜佢嘅自助串燒爐只要你一擺串燒落去，就會自動旋轉，可以翹埋雙手等食，不過要注意係對準爐邊條鏈卡好個位，成個體驗都幾好玩，下次可以再encore

去旺角食自助餐從來都預左食物上餐少少打拆上做生意都有難處都明白可以接受的話都算啦又唔系日日食但完全無諗過咁誇張好幾次叫左又無上食物 上左既之後又系減 寫5串比2串 好客氣咁問佢竟然話燒唔切所以唔上真心想問費用可以咁計 ？食到人到火埋真係一肚氣絕對系最差的經驗好難想像可以咁樣對客完全無諗過縮到咁樣本來都唔想講但唔講又接受唔到加一張相大家可以自行評價從來唔會叫人唔好去某餐廳第一次可以迫到我咁真心覺得完全接受唔到

兩個鐘劣食。同同事即興食晚餐，卜左六點半，遲左少少六點九先入坐；限時兩個鐘食到八點半。未試過可以自己喺爐到自轉嘅串燒店諗住一齊近年尾玩吓食吓開心送走2022。職員八點鐘未夠就埋嚟同我哋同隔離枱話last order。明白。隔咗一陣又走過嚟問last order有冇嘢加。暫時都仲正常。又隔左一陣，職員話我哋啲肉因為就快交枱會燒唔切就收走左。（？）再隔多陣職員又再走過嚟話我哋仲有十分鐘，俾幾串綿花糖你哋。（即係咩？燒埋好走？）再隔多分零鐘未夠八點半就話我哋夠鐘，要離坐。就嚟到八點半再行埋嚟話我哋兩檯夠鐘要離坐。唔問都唔俾雪糕，仲要脅要離坐先有雪糕同要出去食。覺得唔夠我哋兩枱講就拉多個職員過嚟。（？）出到街見到有兩堆人喺街到食緊雪糕🫡嘢食唔好食都預咗，諗住收工聚聚。但咁樣催發就真係未試過。好差勁嘅經驗！三百幾蚊唔好食都算，最多冇下次，但係整體嘅感覺都唔會令客人回堂，幾黃都冇用！憑咩？臨走有兩張枱係吉嘅、好食又唔係、為咗做多檯冇位入同坐，黃店但係啲設備都係大陸爐自己諗啦🤗

今日去咗旺角廣華街附近的一間燒烤自助專門店，呢一間燒烤自助專門店真係好高水準食物好高質素，食過番尋味，我諗呢一間都係香港數一數二的高水準燒烤專門店，如果響旺角附近嘅朋友，一定要來試吓食呢一間燒烤店呀，首先佢嘅位置於廣華街，油麻地站一出口行3分鐘，就搵到呢間餐廳，真係好方便呀，自己食物方面，全部嘢食肉質都係好新鮮，選擇又多，有珠有牛有雞，仲有最特別係有雞蛋仔，又有菇類菜類，所以唔會怕吃得太滯，而且呢度嘅侍應服務都好高質素，有笑容有禮貌，所以服務一流，而且啲食物好快上枱，所以佢覺得好有效率，唔使等泰萊，而且佢仲有飲品任飲，好整齊企理，又多選擇，所以我覺得呢一間燒烤專門店真係值得嚟㗎，而且呢度仲有高質素嘅甜品蛋糕，真係好好食呀，下次一定會再嚟啊

食過流水蝦，DIY大阪燒，釣魚居酒屋，朋友今次想試旋轉燒烤。飯來張口既級別😆，無須任何煮食技巧就可以食BBQ。一入座把握時間點好各類食物，就可以自助拎飲品。汽水之外仲有養生系列例如燕麥豆奶，最好飲係同檀島茶餐廳聯乘的檸檬茶，果香茶味都好有港式味道。肉類選擇唔算特別多，但豬牛羊雞海鮮要有都有。最回本一定係食M6和牛牛柳，可以見到左邊兩串肉特別有光澤。食到一半發覺豬五花豬大腸這類肥美的串燒好適合燒烤，豬大腸油花爆發唔羶。旋轉燒烤原理係利用串燒棒上的齒輪，放入烤爐的坑就會自動360度轉。小心得：如果遇上比較大件的食物如雞肶菇，有時會同側邊的串燒碰撞。自己移動一下食物的排位距離，就可以正常轉動，而且會熟得更快。第一round以為烤爐唔夠力，等到食物燒到乾哂先拎起。第二round就知道表面收水的時候已經可以食，好快就食飽飽。蔬菜類本身唔會出油，就可以加燒烤醬保濕。調味方面孜然粉無得輸，雞羊串特別夾。開胃既就要試泰式魚露，唔會太鹹太辣，酸甜的幾醒神。燒賣燒過加孜然粉變成健康版淮鹽炸燒賣。菠蘿我encore左三次，新鮮菠蘿風味十足。甜食方面有棉花糖同雞蛋仔，上盤時生熟食物會分開放。棉花糖開始澎脹就要

呢間任食串燒係介乎喺旺角同油麻地之間。我第一次用呢一種咁特別嘅方法串燒，所以吸引到我過嚟。一坐低工作人員就開始服務我哋， 好快就已經擺咗頭盤畀我哋， 好用心咁示範點樣用以報機器同埋幫我哋將頭盤放上機器上。 飲品係可以自己任取， 有各種嘅鴻福堂樽裝飲品仲有可樂汽水等等。 以這價錢嚟講我覺得係超值。食完一開始的第一輪後我哋可以用一張點食物紙， 去叫店員安排食物。豬牛雞海鮮各類食物都有， 最吸引我嘅係m6和牛， 入口即溶，有咬口得嚟唔會太難吞。當然亦都好考自己嘅功夫， 去決定要燒幾耐， 仲有唔同嘅調味料自己去落。以海鮮歡迎我最鍾意食多春魚， 由於唔係明火煮食， 用熱力去把生肉變為熟肉，會比較乾，所以要留意肉質顏色變化。有好多唔同嘅種類可供選擇， 有各類型嘅菜，肉丸， 還有腸。 無限任叫非常超值。最後店員仲請我哋食甜品，有兩杯名牌雪糕， 真係抱住個肚走😚

想食串燒好耐啦，呢一間好適合我哋懶人去食，因為佢係要我哋放上燒烤爐，然後就會自動轉啦，完全唔洗我哋人手轉！串燒放題咩都有得揀，和牛，黑毛豬，其他豬/牛/雞/海鮮/蔬菜等高達40款以上！總括嚟講，懶人整串燒真方便，可以邊食邊傾計，cp值比較高。

呢間燒烤好amazing，因為係男Vivian話想試，本小姐本身都麻麻食呢d，點知係咁正😋😋Menuwaitress有推呢個醬，seems幾健康，下次試下好乾淨，枱面凳唔會痴立立，Vivian好怕食呢d係因為油煙味好重，同埋以前經驗所得係d餐廳都好似唔得閒清潔，枱凳都唔太乾淨，但呢間真係好有良心，清潔得好好全個menu既食物都已經order哂🤣🤣然後，只需要放上個爐，就會自動轉住燒🤣🤣太正，不過有個tips就係confirm串串有轉，唔係會燶想講佢仲要0油煙，佢唔洗用油，Vivian表示好愛所有串串都好好食😋😋😋😋😋And Vivian臨尾先發現佢呢隻醬好好味: 韓式梨燒烤醬，同豬大腸一齊食不得了Vivian必食有豬腸，雞腎，牛舌，和牛，燒菠蘿同棉花糖最後食返個雪糕，仲要係Haagen dazs🥹🥹Overall好唔好食？超級超級好食，仲要識自動轉，又唔會食到個身有油煙味，大愛會唔會再幫襯？一定會啦，冬天凍冰冰，食呢d最啱

串Grill 自助燒烤專門店（旺角）📍旺角廣華街2-20號翠苑大廈2二期10號舖任飲任食燒烤 120 mins x 2 返工大壓力好想食肉😢😋見呢到星期一至四happy hour (7:30pm前離座) $208一位幾抵玩，於是就同朋友仔嚟試下啦！同埋呢款串燒店都係第一次試，開心有新野玩！😝牛🤍M6 和牛牛柳🤍紐西蘭牛西冷🤍美國牛肋腩🤍牛舌本身去好鍾意食牛，可以大吃特吃好幸福啊😙最欣賞佢嘅M6 和牛牛柳同牛舌，用呢款燒烤爐去燒比鐵板更需要注意個火喉，因為唔會燒到燶左黑色咁，但都好快上到手🤭感覺幾健康！豬🤍荷蘭豬五花🤍美國豬肩胛🤍豬大腸不嬲都覺得豬五花有啲太肥膩，但發覺用呢種爐燒有一個好正嘅位🤭🤭就係佢啲油可以直接跌落去下面，少左份油膩感！啲豬燒到外脆內軟😋yummy!!雞🤍雞皮🤍雞軟骨🤍雞中翼食串燒又邊少得雞皮同雞翼！兩樣都超好食！😍雞軟骨都好爽口，唔錯唔錯！羊🤍羊肉卷海鮮🤍多春魚🤍蜆肉多春魚燒出黎好有bbq feel😙好開心🫶🏻蜆肉細細粒但每一串都有好多粒🤤正！菜🤍豆卜🤍秋葵🤍菠蘿🤍雞脾菇🤍冬菇食左咁多肉都想食d蔬菜清一清味蕾☺️菠蘿真心大推，好甜好juicy🥰有好fresh的感覺🥹另

去旺角行街經過呢間燒烤店，呢排凍冰冰想食熱野，加上見到個爐側邊有鐵架，有d 好奇望多兩望就有店員出黎介紹下，佢話2個鐘任食任飲，自動燒唔使點郁，好似幾岩我呢d 懶人，就入去試下入去店員有介紹下醬汁同調味粉，又介紹佢既新醬汁配合返食Keto 既客人，都幾細心體貼。飲品有Ooha 同烏龍茶，自己屋企買開知道其實唔平。一開始店員就俾左一盤牛豬雞乜都有既拼盤。由於太餓一次過放哂係爐度燒，排滿哂，個架會自轉我隻手好他條，第一轉有少少耐，等食覺得時間過得好慢，d 肉質都ok, 個牛舌唔錯，豬肉唔可以燒太耐，一耐左就有d 鞋，面頭好乾食，一咬落去又好juicy. 正！最後仲可以揀一人一杯雪榚，2個鐘任食其實夠哂都食到好飽。店員好後生又好禮貌，埋單4百幾。閒日7點pm已經full 哂要等位，要食就最好6點半前到

兩個人又想食BBQ….所以貪新鮮試吓食呢啲懶人串燒。燒烤機上有齒輪會自動旋轉放係上面燒烤嘅食物。但大家都要留意食物，因為個火燒旺左都幾猛。原來咁樣用機燒又幾好食！飲品方面選擇唔多唔少，我就唔飲咁多，認真燒嘢食！係任食嘅串燒，可以自己掌握火候。首先order左一大輪肉類，牛肉都幾嫩又有牛味。值得一讚係串燒串法幾好，材料唔會郁嚟郁去導致燒嘅火力唔均勻。串燒都係無醃過，可以跟自己口味調校。可以自己落大量嘅調味料。燒菠蘿好juicy!平時最鍾意就係食燒燒賣，呢度都有！棉花糖好味，但小心燶，好快會漲起。有一樣食物叫雞蛋仔，姐係迷你pancake，都幾香口！不知不覺都食左40串左右。上菜速度都好快！完結仲有一杯movenpick!!!

📍串Grill - 旺角上星期細妹食完間串燒店返黎話好特別😆串燒自己轉唔使特別反面燒！放上去燒之後可以盡情傾計🤪見到串燒燒熟就拎起食得！見佢發現新大陸咁雀躍🤣唔駛睇火就有得食嘅串燒當然要同男朋友🐹🦭出動去搵食啦🥰我哋坐低就俾個爐吸引左🧐同一般嘅串燒店唔同🤔爐嘅兩邊有一段鐵鏈一直咁慢慢轉🔩而另一邊有一個齒輪⚙️卡住條會郁嘅鐵鏈⛓️當條鐵鏈轉動嘅時候🍡串燒會跟著一齊轉🤯完全唔需要自己動手反黎反去🤭一路傾計傾到串燒熟左就食得👍🏻真係好方便！唔駛怕掛住傾計太忘我唔記得反面燒黑左😂舖頭有燒烤醬之外🥣仲有串燒不可少嘅孜然粉同辣粉🌶仲有海鹽同椒鹽粉🧂“調味君”任君選擇🤗如果係生酮緊嘅朋友仔都唔駛怕冇得“混醬”🤣因為餐廳仲有生酮醬汁系列自己配搭 (另加$20)😋有花生醬🥜甜辣汁🌶乳香芥末🥒生酮緊嘅朋友仔一樣食得精彩👯🏻‍♂️串燒除左有肉味濃嘅M6和牛牛柳之外🐃、有有油香重嘅西冷🐄、肥騰騰嘅豬五花🐖等等十多種肉類！一串串肉放係面前燒🔥睇住佢由生轉到熟感覺好治癒😍特別係羊肉卷燒好之後灑上重重嘅孜然粉🤤真係冇得輸！除左肉類之外仲有蔬果類同海鮮類🍡竟然仲有秋葵同雞皮串燒🐔秋葵燒完之後成條乾晒🥒男朋友好鐘意佢愈愈香

呢幾日開始轉涼，個朋友話想去燒烤！但因為燒烤要自備材料又要買炭，大家都覺得有啲麻煩！點知前排行街見到呢間分店，覺得佢價錢又合理時間又適中，就入咗去食呢間串grill自助燒烤專門店。呢一個係店舖門外已經可以睇到佢嘅餐牌價錢同每段時間。清楚又易明，唔使專登入店內問職員攞呢一個係佢哋嘅餐牌，款式都有好多！唔單止有肉類亦都有海鮮菜類甚至乎甜品見到有雞蛋仔覺得非常之特別最估唔到嘅佢竟然有一個燒烤時間建議，寫清楚每一款食物需要燒幾耐！呢個位覺得非常之貼心另外佢哋而家都有一個叫做生酮醬料，呢一個只需要加$20就已經可以試到！飲品款式都好特別，除咗有一般嘅汽水之餘亦都有豆漿！而我今次同朋友就試咗燕麥豆乳同普通豆漿！覺得都唔會好甜！每叫完都會有托盤放係個架上面，又唔會佔好多空間呢一個係叫做魚肉年糕，咬落去個質感都好煙韌！今次真係燒到條腸黑咗同佢本身比嘅濕紙巾既形容一樣同朋友都即刻要攞住影返張而爐上面可以擺已經燒好嘅！下邊就可以繼續慢慢燒！本身肉並沒有醃製，所以燒到一半嘅時候亦都可以喺肉上邊塗上燒汁！到最後亦都會有甜品附送，每個人只可以選一種味道！哈密瓜呢一款味入邊會有果肉！

我朋友知我好鬼鍾意食串燒 千叮萬囑叫我一定要嚟串Grill試試 襯今日放假 對自己好啲食個自助串燒放題😂喪食串燒📍串Grill 自助燒烤專門店 (廣華街)120分鐘任飲任食燒烤爐通過不鏽鋼齒輪帶動鏈條 帶動鐵籤上嘅食物360度自動旋轉職員細心講解 每枝鐵籤尾部均有齒輪將齒輪擺到適當位置便可餐牌離不開豬牛 大致上一般肉類都有海鮮 蔬菜 腸類 丸類 食物種類多只要喺點餐紙填上想要嘅數量 食物好快送上枱旁邊 有調味粉醬料每張枱都有一個鐵架 食物可擺放四層望住個自轉緊嘅爐我諗起傅珮嘉首歌…「轉」仍落力地仍敬業地繼續轉😂😂😂😂爐嘅夠熱力 最多擺到13串👍🏾食物味道都好平均我瘋狂咁燒串燒菠蘿🍍翠玉瓜 棉花糖 豆卜食完嘅鐵籤放入大鐵桶 不得了呀 戰績彪炳😂😂😂🌟總結🌟食物款式多 味道平均環境舒適職員服務態度非常好👍🏾下次再encore