五嫂石磨腸粉

Open Now

Now Closed

見到石磨腸粉好幾次，今次個肚仲有少少位就去買黎食下！今日無咩人排隊，10分鐘內已經可以食！選擇都超過10款，齋腸又好似太普通，加肉又似乎太多，所以揀左粟米！如果唔食葱，記得走葱，見到周圍嘅相，應該可以提醒你！終於叫我哋喇！可以揀堂食或者拎走，我哋揀左「堂飯」，因為幾個人share 一碟，好快就食晒，廢事拎走就凍左。揀即場食，可以拎去隔離鋪企喺度食！粟米腸$15見佢一層層咁，好靚，應該都有7 ,8件！件件都有好多粟米，一啖一件。「期望中嘅腸粉」係滑嘟嘟，偏薄身嘅。‼️‼️「現實中嘅腸粉」係比較厚皮同實心，放上面嘅汁無咩明顯嘅味，最後我哋都要加啲辣醬去調味！‼️‼️

多謝老公咁早起身陪我食早餐，哩種腸粉係我想念多時的腸粉，我以為要好早先有得食所以先咁早到，原來全日都可以享用。點解我會以為要好早先可以食，因為哩種腸粉係來自內地，佢地示哩種為早餐，所以過左12點唔可以食，但原來係香港係唔同，可能要配合番香港日夜生活的人，所以咩時間都可以食到想食的東西。講番腸粉點解我唔鐘意食香港用布一齊蒸嘅腸粉，因為唔應該用布，因為布會影響米粉唧味道，同埋蒸米粉唔唔可以蒸太耐，如果唔係質感會唔同或者會好鞋。最後的重點要用石磨先可幺磨得滑，唔可以買d面粉就咁加水，最後汁係秘制，唔係用豉油。

最近突然興起食石磨腸粉，見到新假期有推介近近地就黎試試佢🤨🤨同個fd各點左一份share食，同佢order完就會即整，唔太多人等所以都好快有得食🤤Overall黎講佢既份量都幾大份，佢配既醬油都幾香，唔係普通豉油，腸粉皮都幾嫰滑，舖頭本身冇地方坐但有d位比你企係到食，路邊檔就冇得要求咁多既😌講番兩隻味既腸粉，蔥花蝦米腸，主要蔥味多，蝦米增添左口感，食落其實味道較寡，想食建議可以加蛋或者肉。雞蛋瘦肉碎腸，肉碎幾有咬口，雞蛋香豐富，食落呢款好食過蝦米腸，幾值得推介👍🏻👍🏻

呢間野好似上過報導，😉行過都多人排隊，於是試試一個腸粉不平，😭最普通的都要$20😕🤫🤫講真，味道好普通，米味就冇喇，一夾就散，最敗筆係個汁，又稀又淡，🤯不如直接比我䜴油好過啦！🥵一盒腸粉得兩條仔，邊夠飽呀？☹️😫同埋環境真系都幾差，🤔🤔好多客人有站在路邊食。在小巷裡，可見衛生程度也一般。🧐平時真系唔好亂信飲食報導。👋整體而言，我覺得唔算難食嘅，只不過一定一定冇下次咁話lo😂😂

個d都唔知咩醬 水汪汪 又鹹又多又唔知咩味腸粉一d都唔煙韌夾氣身就成排咁d肉碎少之又少 d叉燒切到蔥花咁細粒 完全食唔到叉燒味同口感 完全唔知自己食緊d咩入口 全部腸粉都有放蔥 一d選擇都無 唔會再食第二次好失望

拉腸粉深水埗 石磨腸粉早前見過Facebook 賣呢間野 一直都想試下 上網搵到資料後 就即刻來試 細細個有食過 一直懷念果種滑脫脫既腸粉呢間算係不過不失腸粉皮夠薄 但是豉油味太淡 感覺吾夠香 腸粉可堂食 但就無得坐

近排皺皮腸粉好出名，深水埗都開咗好幾間，呢間喺正地鐵站附近好方便，之前食過一次肉碎雞蛋腸粉都覺得ok，個皮都幾薄。今次就叫咗一個香茜牛肉腸，等左5分鐘就有得拎，拎到返去真係哇出聲，因為細份左好多，唔知係咪因為牛肉腸會少啲料呢？食落其實冇乜特別，皮係幾薄，同埋因為叫佢醬汁分開，咁就冇咁鹹，如果唔係就好似水浸咁😂😂😂不過咁細份其實食完係唔會飽，當小食都OK嘅，可以一試，但就係冇講到咁好食囉🤫🤫

突然思鄉情懷想食腸粉，見最近開咗好多賣腸粉嘅小店，所以就落深水埗搵腸粉食。今次就食「五嫂石磨腸粉」本身食完一碟蜜汁叉燒腸加蛋就諗住夠皮啦，點知行過隔離街見到有分店，咁就係分店食多碟蒸米粉試下蜜汁叉燒腸加蛋（$20）因為加咗雞蛋，嘩！果陣蛋香+腸粉味，真係好香好令人懷念🤤🤤。個豉油汁我就覺得麻麻，因為就比較似潮汕腸粉果隻汁咁酸酸甜甜，而我比較鍾意台山式嘅咸甜嘅豉油。雖然粉皮做到滑口嘅口感，但太薄身啦，薄到好似面膜咁，食完好似食空氣咁。可能因為比較似潮汕腸粉嘅整法，所以唔係好食到台山嘅風味。蒸米粉（$25）蒸米粉都係第一次食，原來係用蛋皮包住d米粉嚟蒸。就咁食，係完全無味，勁淡，所以要好似腸粉咁加豉油食。不過我對呢隻偏向潮汕腸粉嘅豉油麻麻地，所以就算落咗豉油我都係覺得唔夠咸味，種酸味真係唔啱我食。如果鍾意食潮汕腸粉嘅朋友，可以試下呢個蒸米粉。雖然話係石磨腸粉，石磨機就成部放係道，但係今日就無機會見即場磨粉漿，所以唔知真係成磨定係用粉開水嘅😂😂

以前係大陸食過呢d皺皮腸粉，雖然好多油但好好味，一直好懷念呢種味道。日前經過深水埗，見到原來呢度都有得賣喎，即刻買返盒試下。店鋪環境一般，鋪面很細，大多是讓食客外帶的，我買了一盒在店旁吃。買左一盒豬肉蛋腸粉，腸粉口感一般，不夠滑，而且很容易斷開，相信是整腸粉的糊溝得太水了。 醬汁味道較淡，只是油份比較多，聞落較香，即使腸粉沾滿了汁也不夠入味，可能我太重口味了吧。不過肉陷夠林也有口感，夾著少少菜在中間加上蛋還是不錯的。很少地方有這種腸粉賣了，$20較香港的其他皺皮腸粉店便宜，希望店家可以繼續進步。

今天路過此店, 看見佢標榜石磨腸粉, 所以被吸引入去一試!此店門口有一電動石磨, 腸粉的米水就是用此機磨成的!!小店的腸粉是即叫即蒸的，小弟比較幸運, 入去時剛有人離開, 落order的人亦不算多!但離開時就開始人多, 也有數人在門外等候外賣!!小弟叫了牛肉腸, 等了5分鐘就有得食!這種腸粉比港式腸粉香滑, 但就不及港式腸粉彈牙有口感!!另外, 個人覺得牛肉的份量偏少, 若肉的份量多一點, 再加多一隻雞蛋, 我估會更好食!!!

呢間五嫂之前有傳媒報導，講到好誇張，又話咩日賣500份又剩，特登走黎試，點知就中伏。個腸粉又冇味，又少料，啲所謂秘制醬汁都係淡嘅，又有陣怪味🤧 可能係我要求高，但真係一啲都唔好食。睇得出間舖頭係幾個大陸人開，絕對唔係歧視佢地，但我真係頂唔順佢間野嘅衛生，好似大陸鄉下啲街邊舖咁，真係好污糟，好似喺條街度整野食咁，隨時有人會扔垃圾入去啲食材度🤢 真心懷疑佢根本唔符合食環處啲準則.... 好心啲fb page, content farm唔好成日吹奏埋啲難食野，誤導哂啲讀者!

要數呢期深水埗火紅食店就係呢間，經媒體報導，出現人龍等食！落單比錢後等叫食，多款石磨米腸粉，即叫即製，今次等了大約十分鐘度，見著哥仔摩打手咁不停整！呢客係叉燒腸，淋上豉油，味道唔太咸亦唔係甜，普通味道，米皮比想像中唔太滑，叉燒切成粒狀，冇咩叉燒味！可自行九加芝麻或甜/辣醬，整體感覺比預期中有落差！

叫佐雞蛋腸.$10幾既腸粉.腸粉薄滑唔會成舊咁.醬汁ok.唔會要求太高.已經基本滿足到我食腸粉既要求已經好好.會再食翻.可以考慮下點樣環保會更好.但單純食物方面黎講已經ok.

今期大熱的食物，其中一樣應該就是這石磨腸粉了。石磨腸粉-重點在於磨！坊間一般的腸粉米漿是溝出來的，而石磨腸粉的米漿則是磨出來的，花多很多功夫和時間，但出來的口感會比一般腸粉更細滑，米香亦更濃。這天決定會一會五嫂。在心大心細的情況下最終選擇了蜜汁叉燒腸，盛惠二十個大洋。新鮮即制，由於是早上，等了數分鐘便到手了。滿心歡喜，怎料極失望！皮厚兼硬，入口一點也不軟滑，叉燒極碎且無味，完全與蜜汁兩字不相乎。另上的醬汁，吃得出是經過特別烹調，可惜，只有其香沒有其味！腸粉要加上醬汁，口感和味道才較易接受一點，可惜，仍然不合格！吃畢，只有失望二字！罷了罷了！

最近經常在網上看到人推介石磨腸粉，感覺很傳統，也想試一試，但一直也找不到一間石磨腸粉的店舖，今天，我看到很多人推薦這家在深水埗的小店，便前來一試。首先，你可以跟門口的哥哥下單，然後腸粉都是即叫即蒸的，確保新鮮製造。師傅是個比較年青的後生仔，但功架卻是十足，手法純熟，客人們看到整個製作過程。不消幾分鐘，我點的已經蒸好，重點就是淋上腸粉的醬油是暖的，因為一直在鍋裏熱著，我感覺這個很貼心，這樣不怕醬油令腸粉變涼。腸粉的材料分佈平均，我喜歡味道不會很鹹，較為淡口，是健康之選，我看見旁邊一家大小吃完再添，可想而知是非常好吃的。