五嫂石磨腸粉

Open Now

Now Closed

早一兩個月，因為個石磨引發好奇，走埋去幫襯.. 嗌咗個叉燒腸粉，唔夠一分鐘就上菜.. 叉燒係叉燒碎，冇咩叉燒味.. 個腸粉皮好脆，好似食梗薄少少嘅大菜糕咁.. 絕對唔係我想像中嘅腸粉質感.. 仲有個䇜汁，難食之最！冇味，個杰度同個腸粉完全唔夾！仲有，真係非常唔環保！見到啲發泡膠碟真係好心痛！香港政府幾時先會立法唔再俾發泡膠出現？又或者至少立例堂食唔可以用即棄餐具呢？宜家深水埗越開越多哩啲石磨低質腸粉，冇眼睇！

看到介紹去試一下 衛生環境... 但見有唔少街坊同路人幫襯 咁既環境都肯企住食？試一試先 食左個蜜汁叉燒腸 係即製既 皮係薄既 但我比較喜歡滑既口感 同埋叉燒粒好細好碎 基本上一路食一路跌出黎 最後一堆叉燒係盒內 同埋重點個蜜汁係無出現過 淡味到呢 食左一半都係要落醬先食得埋佢 加埋佢既衛生環境 在我個人黎講唔會再幫襯

返工前特登嚟試下，點知人數已不少。見到前面有十零個人，諗住十零分鐘都應該等到啦！點知原來可以電話落單,前面原來仲有十幾廿份，足足等咗半個鐘頭先攞到我要嘅雞蛋瘦肉腸。舖頭隔離有石磨，磨完即刻倒過去整，雖然粉皮是有米香，但用料嘅雞蛋同瘦肉失色，瘦肉太碎根本冇咬口，雞蛋求其打落去撈唔得均勻又沒蛋香。另外值得讚嘅係嗰個汁唔會太鹹又夠香。雖然有米香但係配料配合得一般，口感同一般腸粉有dd唔同， 但未算很特別 ，當然價錢也算公道。 絕對唔值用半個鐘頭時間去等，如果經過唔使排太耐隊，我覺得都可以試試！

網路上有很多關於五嫂石磨腸粉的介紹，今日路過深水涉一於回憶一下童年返學早餐必吃之一嘅腸粉！五嫂石磨腸粉屬小店經營模式，一個制腸粉師傅，一個收銀兼打雜，店面小到係無坐位要立食果種。品種單一只賣腸粉，分別只是配撘不同配料，下午五時左右到達時已經有十多人係門口等待，一於排隊落單試一試最基本嘅先；～ 齋腸粉～ 蔥花腸呢兩個組合相信係食腸粉最高境界，百份百純米槳，分別只係一個有蔥花一個沒有。熱切期盼地等咗約20分鐘終於起菜。新鮮出爐熱辣辣嘅腸粉原來係近年大熱的皺皮腸粉（從網絡上據說是來自潮州或台山的家鄉小吃，所以又名潮式腸粉或台山腸粉），不過一眼望落嘅出品就打個突，伴碟嘅靈魂豉油望落似一大”劈”加咗色嘅”豆漿水”，另外話明堂食原來都係俾個發泡膠盒裝住啲腸粉，同外賣分別只係無咗個膠袋。。。我明白請個洗碗嘅姐姐對小店經營上在今時今日係一個非常奢侈同埋難負擔，不過真心希望老闆可以想吓用相對比較環保一些嘅處理方法，試想想一日開門由早上6點做到8 點會有幾多個單？。。。入正題先嚟一口原味齋腸粉加豉油，皺皮腸粉入口平平無奇，傳說中嘅米香同煙韌欠奉，再試另一口蔥花腸粉都係一樣，一啲蔥味都無。。。最不得了嘅”豉

過年前到深水埗行街，一向知道深水埗有好多平同正既野食，行行下見到呢間新開的腸粉店，食石磨腸粉。平時比較少接觸，又見佢新開，就試下啦！我叫左個雞蛋瘦肉碎腸，食落去完全失望，腸粉好乾身同埋醬汁同腸粉唔太match , 食唔到腸粉皮個種好滑的感覺

近排呢一種皺皮腸粉非常有人氣☺️賣呢種腸粉既店舖亦都越開越多，當然亦都要試下la🤗五嫂石磨腸粉主打用自家磨製米漿蒸腸粉😋店主會將大米🍚預先浸泡約6小時，再用電動石磨機磨足兩個鐘先磨出一桶米漿😳雞蛋瘦肉碎腸：師傅蒸腸粉既時候會打蛋🥚然後拌勻，再鋪上瘦🐖肉同灑上蔥花，最後再淋上五嫂秘製既蒜蓉蘑菇醬汁🍄，製成呢一款早餐必叫之選😋腸粉入口蛋香味重😚所以同樣地腸粉本身個米味會比較淡😅不過整體既味道都同瘦肉非常之夾。腸粉裏面有蛋又有瘦肉，所以整體既口感都算係比較豐富🤔而且本身腸粉既質感都帶有少少煙韌😎配上秘製既蒜香蘑菇醬汁，入口有淡淡的蒜香味，而且醬汁既味道本身亦都唔算太鹹，配腸粉一齊食個味道都幾夾😉價格：HKD $20蜜汁叉燒腸：今次師傅蒸腸粉既時候就會加入蜜汁叉燒🐖，同灑上蔥花，之後同樣係淋上秘製既蒜蓉蘑菇醬汁🍄，製成呢一款常見既腸粉☺️石磨腸粉本身做得非常透薄，不過同樣係欠缺米香味😅而且蜜汁叉燒既份量亦都比較少👉👈叉燒本身都已經切得非常細粒，口感方面會比較差，而且又俾得少，所以出到嚟更加係少之又少🤥不過入口可以食到有好重既蜜汁味😆所以腸粉整體黎講都係非常夠味😚價格：HKD $20

幾年前，一直都有幫襯這間石磨腸粉，價錢便宜，份量多又足料，腸粉滑又好味。當時只是小店一間，只有深水埗老街坊才懂得幫襯。最近市面上興起「石磨腸粉」熱潮，這間隱世小店亦開始有名氣，每天人龍不斷，可能供應多了，質素也大不如前，這次試了瘦肉腸，份量少了，真的很懷念以前的味道😌。

呢間野每次經過都見到有人排隊，聽講係網紅店，星期六下晝去試下，基本上已有十幾人排隊等緊食腸粉，可幸嘅係店家有兩台機器，而且做腸粉嘅哥哥仔亦都算快手，等咗大概10分鐘多啲就有得食試咗肉碎雞蛋腸$20，係近期大熱嘅潮式腸粉，肉碎分量唔算多就係普通嘅免治豬肉，最重點嘅腸粉皮嘅口感都係一般亦食唔出有米香，配嘅醬汁幾多但係偏淡其實就係普通路邊腸粉檔嘅質素，就算唔使排隊都要考慮下食唔食，而且係冇得坐嘅你係要攞住個飯盒企喺度食，真係試一次就夠，寧願留番上大陸果陣先食

去年上廣州，朋友帶我去吃腸粉，嘩，好軟滑而且有米香，味道驚為天人！最近香港也興起這種腸粉，聽聞這間五嫂是專程上大陸學的，就來一試究竟。閒日早上11點多來到，人不算多，落order後，一位年輕哥哥在鋪內即蒸。等了不到10分鐘，有得吃了！我叫了蔥花腸，滿滿的一盒，盛惠$13，價錢相當親民。腸粉的厚度中等，不會一夾即斷，吃下去，怎說好呢，皮不是很軟滑的那種，米香也不算明顯，中規中矩吧！蔥花沒什麼味，豉油也沒什麼味，見有辣椒醬可以加，就加一點試試，啊！好多了！調起個味，吃得過癮好多。

來到工匠天堂 鴨寮街！ 第一件事醫肚先😆 見到呢個石磨腸粉好有啅頭咁～ 價錢都幾抵 😚 齋腸粉先至係 $13～ 即叫 🤩攞咗個牌～之後就係等... 等... 等... 好在天氣夠凍， 又好在 五點幾 唔係好多人買， 如果唔係一定會等到走咗 🤣即食～ 走到店內 發現 只有一個雙層蒸爐 咁大把～ 即使師傅不停地整 都係慢 😆葱花蝦米腸 $20～ 蝦米其實係櫻花蝦皮 😆 正常蝦米口感比較好吧～ 蝦皮有點吉口 🤣 腸粉係皮薄～ 剛蒸好 比較軟 跟淡豉油溶在一起 😆剛巧見到電動石磨開動～ 雖然要等 味道一般，但又真係 real Food ，起碼米漿呢 part 係自己磨～ 有誠意 🤩 如果唔洗等 會再食 😚飢 point : 6 / 10 #hungermarch #飢詩 #非飢詩

近日在Facebook講訓育處一間以石磨即製的腸粉鋪頭，咁岩行過深水埗，就梗係諗住去試一試啦！星期六下午大約四點至五點鐘左右，店舖門外已經大排長龍！由買飛落單都可以取得食物，店員表示需要大約30分鐘....可見傳媒的力量多麼大！我哋叫了一個豬潤腸粉，價錢大約係$20！我哋滿心期待進食第一口的時候，卻發現這個失望很大！根本談不上好食，味道很淡，亦都不是很滑...........亦都係我食個豬潤腸粉當中比較唔好食一間.....所以要寫呢一篇評論俾大家知道，千祈唔好中伏

唔係睇到雜誌網上介紹，我諗好多人都唔會去食或者試，一去到，排隊無所謂，如果好食，一個鐘都排，今次排咗20分鐘左右。2個人叫左雞蛋腸粉加肉２個人一碟都食淨....可以讚亦係唯一一點：腸粉夠薄同滑但彈既實在太多：１。漿汁極淡，微微菇味，仲要唔好食，因為淡，佢落大量湯汁落去，內地潮汕係用肉汁，我唔知佢搞咩用菇汁。２。肉係新鮮但無調味，係街市攪碎直接用。３。無米香無米味，完全係雜誌吹水。４。極不環保，堂食照俾發泡膠。有無用心做食物，其實真係食得出，最少我個碟無。最少內地好多人用心做食物，而且只係賣5-10蚊。傳媒要負責任寫稿或食評，而唔係人云亦云，胡亂推介變得越來越嚴重，真係值得反思。

小時候在廣東住，腸粉是早餐仲必備的。而這雞蛋腸粉，加這種特製醬油，就是這味兒了！這味兒，終於在香港出現了！簡單的轉角小店，付廿幾蚊，就有得食。Weekday 下午去, 等了大約10分鐘。做了大半天生意，工場內部衛生尚算整潔，也很透明。終於有得食！在對面的一間士多站，可自行找個立食空間腸粉夠滑，而且食得到米香～真心不錯！

事源係之前食過一間好好食嘅腸粉之後就一直試其他腸粉，可惜每一次都好失望，今次呢間五嫂都唔例外。見到某飲食周刊介紹先知深水埗呢個位開咗間腸粉，仲要係主打腸粉。。。事前好大期望，因為通常一間鋪主打一樣食物，一定有D料到。未行到去門口，已經見到前面有好幾pair人同我地一樣，都係搵緊檔腸粉。跟住人行，竟然未到門口已經見到長長嘅人龍同埋一堆堆買咗等拎嘅客人。叫左一個最簡單嘅瘦肉腸加蛋，落完單佢話等20分鐘，我二話不說即刻去第二度行住等，返轉頭都仲未到我，所以建議肚餓嘅就唔好食呢間先喇。另外佢號碼牌係唔順number，好難知仲有幾耐先到自己。等嘅過程就係睇住佢製作，係幾快手嘅。追咗一次單之後就終於等到！首先佢係落左超級多豉油，多到要浸死腸粉。。。豉油我相信佢係有煮過嘅，不過都係唔好食，陣味好奇怪。腸粉係滑，但係太薄，一夾就散，隔離有D位係俾你企係度食既，都有辣可以自己落，但係個辣係冇層次嘅辣...只係刺激左一下味蕾。$20又唔算貴嘅，係失望咗少少。

豬肉蛋腸粉份量: 3 條味道: 普通口感: 看似又薄又滑, 食落硬身, 似食緊隔夜的腸粉豬肉條又硬又韌... 最奇怪的是, 是油很多, 多到快要浸過腸粉了!!!真切地感受到, 人多排隊的不一定就是好食的....